بغير داري شنو تنصحوني اغير فيها ؟؟

[الميمونيه،،]

بنات بشنو تنصحوني بغير داري و انا احب الالوان احمر و اسود و رمادي و ابيض بس امي تقول مو حلوه الدار اذا كان لونهاا غامج تطلع ضيجه انتو بشنو تنصحوني احط الوانها و شنو اغير فيها و اظبط ؟؟

:s141::s141::s141::s141:

 

[tattoma]

السلام عليكم اختي
حبيت أساعدج واعطيج من خبراتي

بالنسبة للون الأحمر مستحيل تستخدمينه في غرف النوم لأن يعطي نشاط وحيوية وغير مريح للعين، إذا انتي بخاطرج الأسود والأبيض أنصحج باللون الرمادي الفاتح بالنسبة للطوفة والسقف خليه أبيض..

 

[يسود الصمت]

مرحبا
حبيبتي اذاء هو بخاطرج سويه انا توني صابغته كان في نفسي من زمان وكانو كلهم ضدي ويقولون كئيب يجيب الضيقه
بس والله طلع خيال كنت بسوي الطوفه كلها بعدين تراجعت وسويت طوفتين احمر ومنقشه بذهبي وطوفتين بيج منقشه احمر والله كنت خايفه انه يطلع يلوع الجبد بس الحمدلله كل من شافه انجن عليها :s142:

 

[فتووم]

الاحمر اول ما تصبغينه تستاانسين عليه حيل
بعدين تكتشفين انه يجيب الكتمه والضيقه طيعيني اخذي الوان فواااتح
والقواااامج خليها الاكسسورارات والديباج والكنب عرفتي شلووون

انا توني صاابغتهااا ابيض بيج مو الابيض القوي والنقس اسووووود بعد طلعت رووووح

وبالتوفيق

 

[الميمونيه،،]

تسلمون حياتي بصراحه طلع عليكم ذوق مو طبيعي مشالله تبارك الرحمن ياحظ بناتكم عليكم انا كل ماقول لامي تقول مادري دارج ولا داري < ماتعطيني رايها علشان بعدين ماقول وييع و مو حلوه ذوقج يله غيريها لي هههههههه امي طابختي خبز ايديها فديتهاا هههههههههـأأأأي

 

[الميمونيه،،]

تسلمون حياتي بصراحه طلع عليكم ذوق مو طبيعي مشالله تبارك الرحمن ياحظ بناتكم عليكم انا كل ماقول لامي تقول مادري دارج ولا داري < ماتعطيني رايها علشان بعدين ماقول وييع و مو حلوه ذوقج يله غيريها لي هههههههه امي طابختي خبز ايديها فديتهاا هههههههههـأأأأي

 

[زبــــــــدة]

انا توني مسوية غرفتي كنت ابيها بنفسجي غامج..بس امي وابوي مارضو قالوو مو حلوو وتبين الدار ضيجه ..

والصباغ بعد ماقصر هم قال مو حلو غامج مادري من طلب رايه ...

المهم صبغتها بنفسجي على لحمي لونه اينن طلع موفاتح ولا غامج ..

والاثاث اسود والاكسسوارات والستارة سلفر

 

[الميمونيه،،]

تسلمين زبده حبيبتي ماقصرتي

 

[flfoo6a]

رد : بغير داري شنو تنصحوني اغير فيها ؟؟

انا افضل يكون لوون الغرفه فاتح لانه غرفتي الحين لونها green apple
ولايعه جبدي منهااا ودي اغيرهاااا

 

[الميمونيه،،]

تسلمين حبيبتي

 

[الـــــغــــلا]

أنا برايي أختاري ألوان فاتحه احسن لك
وبتوفيق ياعسل

 

[شرقاويه*]

الالوان الفاتحه اريح للنظر خاصه في غرفه النوم

 

[pinkmoon]

شوفي حبيبتي انا الابيض والاسود احسة فترة وخلاص ينمل وغرف النوم لازم الوانها تصير مريحة واحلى شي ان طوفتين نفس اللون وثنتين غير والالوان مثل الابيض مع البنفسجي الفاتح او السماوي الوردي المشمشي اخضر فاتح منعش

 

[عبير-الشرق]

انا من راي تحطين الوان هاديه لغرفه النوم احلي من هالالوان لانها احسها تشد الاعصاب

 

[dnyay_mll]

اذا بخاطرج سوي طوفه وحده اللي تكون ورى السرير
سويها احمر بس منقشه
نبرتيه او جلد او شمواه او حتى معجون بارز
والطوف الباجيه سويها ابيض
والاكسسوارات والكفر والاباجورات اسود وابيض واحمر
بتطلع حلوه ان شاءالله

 

[honey lust]

شفت غرفه ب ميداس عجبتني الوانها

وردي فاتح و اسود و الاكسسورات سلفر وايد حلوة

 

[))) ساره (((]

موفقه

 

[7elwa&3soola]

انصحج بالبينك الفاااتح بيبي بينك هذا لون عجيب

 

[om mariam]

شوفي انا اختي غرفتها بيضة بس اثاثها اسود روعه
وامي اثاثها اسود باحمر مو وايد حلو بس الطوفه ما غيروها بيضة