بغيت منو احسن دكتورة جلديه .

["كــــرز"]

السلام عليكم
بعد التحيه والسلام
بنات ابي منكم مساعده والله تكسبون اجر فيني وجهي كل ماله وتزيد الحبوب فيه والله تعذبت فابي منو احسن دكتورة ومجربينها وشلون اسعارها وكل التفاصيل عنها
يارب توفق كل وحدة ترد ع الموضوع وتيسر لها امرها وتجزيها خير ااااااااامين

 

[عزااااايز]

والله حبيبتي دكتورة ما اعرف
بس اسمع عن دكتور مصري اسمه د.احمد الرشيد
في بوشهري كلينك

 

[ام الفهد712]

حبيبتي انا ماا ارتااح الا عند دلال التركيت انا وعبااالي واهلي على طوول عندهاااا معن في بنات يذموونهااا بس انا لاا والله واايد زينه معاااي وعلااجهااا الحمدالله اوكي ماشي معااي ومع اهلي وعياالي

واذا على الحبوب نصيحه نقعي مره بمااي او بمااي ورد ومسحي على ويهج مكااان الحبوب وشوفي النتيجه بنت اختي داايم تسويهاا ويهاا تعدل وكل مااله الحبووب تخف

ادري قرقت عليج واايد وان شاءالله البناات يفيدوونج اكثررررر

 

[ظلال القرآن]

انا جربت كل دكاتره الجلديه حق الحبوب وما نفعوني حتى رشيد الي ما تلاقين موعد الا عقب سنه رحت وعالجت ونهبني كل زياره اقط 300 على الادويه وماكو فايده بعدين انا عالجت نفسي
شوفي موضوعي وان شاء الله تستفيدين

 

[العجيبة]

السلام عليكم
بعد التحيه والسلام
بنات ابي منكم مساعده والله تكسبون اجر فيني وجهي كل ماله وتزيد الحبوب فيه والله تعذبت فابي منو احسن دكتورة ومجربينها وشلون اسعارها وكل التفاصيل عنها
يارب توفق كل وحدة ترد ع الموضوع وتيسر لها امرها وتجزيها خير ااااااااامين

بسم الله الرحمن الرحيم

بنت فارس نصيحة مني لاني عانيت ويا حب الشباب لا تعبين روحج وتروحين حق الخاص أنا رحت عند احسن دكتور بدار الشفا كلا فلوس على الفاضي والنتيجة والله صفر ، وهم رحت عند بو حمرة وغيرهم وماكو نتيجة ، مرة كنت رايحة صالون وشافتني بنت قالت لي ليش تروحين الخاص نصابين يبون فلوس روحي عند الحكومة انا اعرف بنات راحوا الحكومة الجلدية وتحسنت حالتهم وايد وفلا بنات وايد انصحوني في الحكومة بس للأسف متأخر ، وفعلا رحت الحكومة والحمد الله تحسنت حالتي صج قاعد يرد النفر بس على الأقل في علاج عندي يخففه ، توكلي على الله وروحي الحكومة الجلدية ، ومو لازم تدخلين عند مرة بصراحة أنا ما أثق بالحريم يعني الحريم أروح لهم حق الأمور الحساسة بالجسم بس أما غيرة مستحيل اروح عند مرة ، ومثل ما قالت لج وحدة من الخوات نقعي مرة بماي وبعدين اخذها وفركي فيها ويهج خلي مثل الماسك أنا جربته صارلي جم يوم ومرتاحة ويا الحمد الله .

في وحدة أعرفها عطتني رقم وحدة دكتورة تقول انها تراجع عندها ومرتاحة وياها ، بس أنا صراحة لا دقيت عليها ولا رحت لها اذا تحبين اعطيج رقمها راح أطرشة لج خاص .

من جم يوم رحت الصالون ولما شافتني الفلبينية عطتني صابونة واسكينول ، الصابونة تقول من الفلبين ومافي منها بالسوق والاسكينول قتلها مابي ينباع بالجمعية قالت لا هذا في دوا وفلا ابين انه في دوا ، امدحتهم وايد تقول بوخر الحب وراح ابيض الويه ، عاد أنا بصراحة استخدمتهم مرة وحدة ، لأنه ويهي صاير حساس بشكل مو طبيعي حتى لما احط ماي ورد احرني وصير كله احمر ، فناطرة شوي لين يتحسن وضعي واستخدمهم ويارب يكون في نتيجة طيبة .

سلام .​

 

[ام--صالح]

اختي العزيزه انا عانيت كثيرا من حب الشباب و درت الخاص و رحت حق عيسى بشور و طلال العلى و مركز الشعب التخصصي و وصفو لي هالمضادات الحيويه و هالكريمات كلهم كانو متشابهبن بالعلاج و كانت تروح الحبوب و ترد لما اخير شي قالولي خذي علاج الاكيوتين فرحت الحكومه و اخذت و كملت العلاج معاهم صراحه نفس الادويه و الكريمات الى كانو بالخاص يعطوني حصلتهم بالحكومه و بلاش و العلاج نفسه فانصحتش بالحكومه و اذا انتي تابعه حق محافظة حولى روحى اخذى تحويل من المستوصف و روحي السالميه التخصصى عند دكتوره سكينه المصريه حبوبه و فاهمه على حب الشباب. نصائح لمكتفحة الحبوب اذا متحجبه لبسي الشيل القطنيه أو الحرير ميه بالميه و اذا مو متحجبه لاتخلين شعرتش ايي على الوجه و لا تلعبين بالحبوب. و انصحتش ضرورى بعدى عن الليزر و الكريستال و هم تنظيف البشره خصوصا بفصل الصيف . لما تروح الحبوب سوي تنظيف بشره و اكي خضار و فواكهه وايد و اهتمي بتغذيه سليمه بعيده عن الدهون المشبعه و السكريات المصنعه. و الاهم من هذا كله وخري عن الهم و السترس. والله يفكتش من الحبوب للابد انشاءالله.

 

[دنيا جديده]

كلام البنات عدل
بس عن تجربه الدكتور الاستشاري يوسف مال الله علاجه رخيص وزين لما كان فيني حبوب من الحف عطااني كريمين خلط تقشير الكريم الواحد على دينار ونص بس ماشاءلله زييين

 

[اميرة الغيد]

السلام عليكم
انصحج بالدكتورة ماجده حليم بعيادة الشعب مقابل عيادة دكتورسامي امان ماشاء الله عليها طبيبة ممتازة وادويتها زينه ، اختي كان فيها حبوب من سنين تروح وترد فجأه ما ادري من شنو ، قالت لها حساسية من البيض ، اول شي استغربنا لأن ماتوقعنا هالسنين الطويله من العلاج بكل مكان ولا نفع يطلع السبب بسيط لهالدرجة وقلت حق اختي جربي تقطعين البيض وشوفي ، طلع كلام الدكتورة صحيح ، يعني مرات تصير الحبوب حساسية من نوع معين من الاكل حسب الجسم .
د ماجدة حليم مجربينها اهلي من زمان وانا جربتها تما ماشاء الله عليها .

 

["كــــرز"]

يابعد عمري والله كل الي ردو علي""عزايز-ام الفهد-ظلال القران-العجيبه-ام صالح-دنيا جديده-سالميه-""ماقصرتوا
عاد انا حدي متحطمه من وجهي كلاكم شجعني عن الحكومه بس متخوفه ودي بخاص احس افضل -
بنات الي عندها رد ع الموضوع بليز لاتبخل علي والله يوفق الي ردو علي بالدنيا والاخرة .

 

[المحيلبية]

والله ماعندي فكرة بس انا احب الي بمستشفى طيبه الدكاتره كلهم زينين و سعرهم وايد حلو و نصيحة دكاترة مستشفى المواساة كلش مو زينين...الله يسهل امورج يارب و يوفقج