بغيت منكم خدمة

[ام ياسمين]

السلام عليكم

حبايبي بسألكم عن خدمة تعليق عبي الضيوف بالاعراس اذا عندكم رقمهم

وبسألكم الحركة حلوه ولا لأ

لأنها مو منتشرة بعروسنا

 

[بشوررة]

والله الفكره روعه
بس ما ادري وين
رفع لعيونج

 

[^^ANA^^]

الحركه عجيييييييبه


بس الصراحه مادري اذا في مكاتب افراح تسويها ولا لأ


انا سامعه بالجياس اللي تتوزع ع الحضووور


اوووما هالحركه

اول مره اسمع عنها



بالتوفيق



؛

 

[أسـورهـ]

شوفي يا الغلا

تعليق العبي احس صعبه .. لان الحريم اذا ضاع لهم شي يستخفوون

وبعدين اكثر الحريم من يدشون يروحون وانتي بكرامه الحمام يتعدلون ويخلون عبيهم عليهم

فـ ما ادري أحس بهذله شويه وإلااا !!؟

فـ حركة ( الأكياس ) أحلى


.. موفقه

 

[بواسم]

انا شفت عرس بالرايه مسوينها ولك عباة رقم تعطيج بس موالكل يرضى يحط عباته

وما ادري اذا خدمه من الفندق او هم يايبينها

وانا في نظري فكرة الكياس احسن .

 

[DA3LOoOLA]

بالعكس حبيبتي الحركة حدهااااا حلوة وراقية انا قبل جم يوم كنت رايحه استقبال وحده من اهلنا وكانوا حاطين استاند تعلقين في عبايتج وااايد احسن
وهمن قبل جم سنة كنت رايحة عرس بنت جيرانه بالمريديان وهمن كانوا حاطين استاندات وااااايد ومع ارقام وبالعكس الحركة حدها حلوة

وموفقة حبيبتي

 

[اللاندكروز]

حركه حلوة ومو دارجه عندنا بالكويت ...
انا حضرت مره عرس بالسعودية .... تجي الفلبينية وتاخذالعباة وتعطيج رقم ... على ما أظن ينحطون بأرفف ... نفس نظام التليفونات عندنا .... بس حركه حدها حلوة ..

 

[aṕriliå]

رد : بغيت منكم خدمة

احسهااا حوسة نوعا ما


حركة الاجياس احلى

 

[*قمر 2005*]

حووووووسة وعبالة وتعالي حليها اذا ضاعت لهم عباية شحاديك انا عندي فكرة الاجياس وايد اذرب وخاصة لما تكون اجياس حلوة وبكون فيها حركة تضل تذكار من المعارس للمعازيم

 

[ام ياسمين]

رد : بغيت منكم خدمة

ما قصرتوا حبايبي

الظاهر بظل على الاجياس مالي بعوار الراس من الحريم