بعير(جمل) فوقي!!!!!!

[أنـــفال]

السلام عليكم
شلونكم بنات
انا صارلي يومين ورا بعض التحلم بعير(جمل) يركب فوقي
بالحلم الاول كنت امشي بالبر وجا البعير وركب فوقي وبعدين قعدت ابچي واصرخ وجا ابوي وضرب البعير وقام البعير وراح بعيد
بالحلم الثاني هم كنت امشي بالبر وبعدين جا البعير وركب فوقي وقعدت اصيح وانادي ابوي بس ابوي كان يطالعني وبعدين راح وخلاني ولا ساعدني:eh_s(2):
الله يجزها خير اللي تفسر حلمي:eh_s(22):
بنتظاركم يا حلوات:eh_s(9)::eh_s(15):
اختكم انفال:eh_s(17):*

 

[موج الحزن]

شوفي اختى انا سمعت يفسر بام بي سي يوم الخميس ان البعير رجل قوى من اصل بدوى والله اعلم انه خطيب لج واعجب ابوج فيه وترا البجي بالحلم فرح وبالتوفيق*

 

[أنـــفال]

الله يجزاج خير يا قلبي ويوفقج
الله يفرحج والله يوم قريت التفسير ارتحت لاني كنت خايفه من الحلم

 

[أنـــفال]

الله يفرحج دنيا وآخره
الله يرزقج ويوفقج
والله يحقق لج اللي في بالج

 

[موج الحزن]

الله يجزاج كل خير علي الدعوه الحلوه

 

[اشلون يعني &]

خطا تفسير الاخت
البعير اذا انتي راكبه فوقه يصير زوج ورجل بدويه قاسي
اما مدامه راكبج فهذا حلم من الشيطان تحتاجين رقية
عليج بالرقية وسورة البقرة واذكار الصباح والمساء واسمعي للقران
والله اعلم

 

[M!Ss Un!VerSe]

انا سامعه مفسر يقول
ان البعير يعني حلم من الشيطان خاصة اذا قمتي خايفه من الحلم

ومره دلع العتبان قالت البعير يدل على الذنوب

 

[اشلون يعني &]

البعير يدل على الشيطان بس اذا كنتي راكبته يدل على زوج

 

[موج الحزن]

البعير يدل على الزواج من رجل قوى ويكون والله اعلم من اصل بدوى وردو لتفسير الشيخ سامي قبل لاتخوفون البنت اختي اكتبي تفسير البعير واخذى كذا تفسير وشوفي حالتج انتي الحين. لحول الله خوفتوها

 

[أنـــفال]

الله يجزاكم خير حبيباتي
بس صراحه اي والله خواتي خوفتوني
طيب اللي عندها رقم مفسر احلام تعطيني الرقم
والله يجزاها خير ولا يحرمها الاجر اللي تعطيني رقم شيخ يفسر لي حلمي

 

[M!Ss Un!VerSe]

موج البحر
ترى الاحلام لها معاني وايد تختلف حسب طريقتها بالحلم ووضع الرائي
كتبي بيوتيوب تفسير رؤية الأبل في المنام
يطلعلج الشيخ ثامر العامر يقول ان رؤية الأبل يعني الشيطان
و واايد احلام من الشيطان شنو خوفناها اهي مو ياهل
انفال حبيبتي الرسول قال عن اللي يحلم جذي ويقوم خايف يتعوذ من الشيطان
ويتفل عن يساره ٣ مرات ويغير الجنب اللي ينام عليه
وبس ومايضرج شي بإذن الله
وقبل لا تنامين اقري المعوذات والكرسي ونامي على وضوء
تحصني ونامي ماتحلمين بشي يغثج بإذن الله
قوي ايمانج بالله و مايصير لج شي الا اللي كاتبه الله
........
وملاحظه صغيرة موج البحر غلط تكتبين لحول الله
الحول يعني الحيلة وتغير الحال
فأنتي جنج تقولين الله ماله قدرة وحيلة استغفرالله
الاصح لاحول ولا قوة إلا بالله
*

 

[أنـــفال]

جزاج الله خير اختي
وانا اصلا ما انام الا لما احصن نفسي
حتى الادعية مالت النوم تحت مخدتي
جزاكم خير اخواتي بس قبل شوي دشيت من النت ع تفسير الجمل في المنام وكان مكتوب ان الجمل في المنام رجل صالح
لو تكرمتم اخواتي افيدوني اكثر لاني احترت والله

 

[اشلون يعني &]

رجل صالح اذا ركبتي علية فقط

حبيبتي يكون حلم من الشيطان مو شرط حسد. ممكن يبي يخرعج او يشغلج عن حياتج ودينج
بالتفكير بالحلم


حتى أنا حلمت بالبعير

 

[قصيمية زائرة]

اخواتي لمن ارادت التفسير الحقيقي عليك متابعة برنامج الشيخ الرويس السبت والاحد والاثنين والثلاثاء على قناة المرقاب الساعة 8:30 مساء

 

[أنـــفال]

جزاكم الله خير اخواتي
ووفقكم لما فيه الخير

 

[قفشـه]

الحلم واضح ومفسر نفسه

راح يخطبج واحد وابوج راح يرفضه

بعدها راح يخطبج شخص ثاني وابوج ماراح يرفضه .لان بالحلم طالع فيه وخلاج يعني موافق على الزواج

الاحلام اللي تكون من الشيطان وتحتاج رقيه اللي تصير فيها جماع

اما الجمل معروف رمز للزوج

 

[أنـــفال]

جزاج الله خير اختي
الله يرزقج بلي تتمنينه يا رب