بعلمكم شلون تسوون التحاميل

[* عباية راس *]

بنت الاماكن

العفو حبيبتي والملح الفارسي غير والشبه غير الشبه نفس ماقلتي تخرب الارحام والملح الفارسي يعقم الرحم وينظفه بس مايستعملونه بروحه لانه حار يبردونه بالمره

 

[* عباية راس *]

لولو


الله يعافيج شكرا عالمرور





فوفه


حياج الله ومشكوره عالمرور

 

[Pink-Ro0os]

ماقصرتي مشكوووووووووووووووووووووووووووووره



:yaaaaaarb: والله يفرج همج وهم المسلمييييييييييين

 

[* عباية راس *]

بينك روز


الله يجزاج خير عالدعوه الحلوه

 

[الغرنوق]

يامال العافيه والله يفرج همج وينولج اللي في بالج,بس عندي سؤال: انا استخدم تحاميل البوثيل اشرايج فيهم؟:eh_s(10):

 

[* عباية راس *]

الغرنوق حياج الله

البوثيل جربتهم حلوين بس قريت رد الاخت عفاف بقسم الطلبات وبنقله لج


التحاميل علاج دوائى يستخدم لمن تعانى من التهابات المهبل وتوصف من الطبيبة المخصصة فقط ولمدة محدده ولا يعاد استخدامها الا بوصفة طبية اخرى ولوجود التهابات مهبلية ...

ووضعك لها بدون داعى سيسبب اضرار والماء الذى يخرج هى افرازات المهبل الطبيعية التى تتفاعل مع التحاميل وخروجها دون حاجة وخاصة وانها طبيعية وليست افرازات مرضية سيسبب فى جفاف شديد للمهبل مما ينتج عنه التهاب !!

يا اخواتى مهم ان نعى ان لا افراط ولا تفريط الافرازات المهبلية التى خلقها الله لنا لها فائدة كبيرة واهمها انها تحمى المهبل من عدوان الجراثيم والبكتيريا الضارة واذا حرصتى على ازالة هذة الافرازات فتأكدى ان مهبلك لن يتحمل وسيصاب على فترات منتظمة بالالتهابات لان الشىء الطبيعى المناعى الذى يحارب اى ضرر انتى تقومى باخراجه اول بأول !!

لذلك الحرص الحرص الحرص من استخدام دواء او اى شىء بغية تضييق المنطقة فتمارين كيجل تكفى وزيادة والزوج بهذة التمارين سيشعر بفرق ضيق المهبل وانتى ايضا لن تشعرى بالرطوبة او المويات او الاصوات التى تحدث نتيجة لهذة الافرازات ..

منقول وانتبهي من هالادوية


والله كلام الاخت عفاف منطقي

 

[سوسو الأموره]

يعطيج الف عافيه اختي
والله يفرج همج وهم المسلمين جميعا
يارب

 

[كسرة عود]

أنا من عمري أحب عباية الراس والحييييييييين ...... حبيتها زوووووووود

مشكوووورة .... جزاج الله خير

 

[* عباية راس *]

سوسو الأموره

الله يجزاج خير ومشكوره عالمرور يالشيخه

 

[* عباية راس *]

kddd

تحبج العافيه يالغاليه جعل ربي يستر عليج دنيا وآخره

 

[brettey]

عسى ربي يفرج همج وينولج كل الي في بالج ياقلبي
مشكوووووره ونصيحه اكثري من هذا الدعاء - أمن يجيب المضطر اذا دعاه ويكشف السوء- واكثري من الاستغفار

 

[أمواج البحر]

جزااااااااااااااااااااج الله الخيييييييييييير كله حبوبه

مااا قصرتي والله ينولج اللي في بالج

 

[ii DareeN ii]

ميرسو للمره الثانيه عبايه ونثبت الموضوع عشان الفايده تعم:33_1185028183:

 

[خبيرة اعشاب]

:stars: مرحبا :stars:


اختي بالنسبة لوصفة التحاميل هاذي صراحة انا احب انبه انها مضرة جداااا و ما يجوز استعمالها

ليش لانها اولا تحتوي على ملح و الملح كما هو معروف مادة كاوية فاشلون اتحطينه في المنطقة الاكثر حساسية في جسمج ..؟؟

و بالنسبة للكمية فهي اصلا غير متناسبة شنو خمطة ملح و خمطة مرة و مدري شنو ؟؟ المرة حنا اصلا نحط 20 غرام لكل نص كيلو خلطة تحاميل لان المرة كما هو معروف اتسبب تقلصات شديدة للرحم فاشلون بالكمية هاذي ؟؟

و الملح كما ذكرت لا يصلح للاستعمال الذاخلي لانه يكوي النهايات العصبية و حتى يسبب تسلخ لجدران المهبل و الشي هذا هو الي يخلي المهبل يفرز افرازات كثيرة و يطلع منه ماي و هذا رد فعل طبيعي
و طبعا انتي رح اتشوفين ها الافرازات و اتحسبين انه قاعد يتنظف ...و العكس هو الصحيح

على المدى الطويل من استعمالها رح يكون لها اضرار جسيمة على الرحم و المهبل و ممكن تؤدي لالتصاقات و التهابات و ضعف في جدران المهبل ..الخ

لذلك خواتي انا كخبيرة اعشاب انصحكم بعدم استعمال اي خلطة تحتوي على الملح ( كتحاميل مهبلية )

و تحياتي

خبيرة اعشاب / ام خالد :33_1185028183:

 

[* عباية راس *]

خبيرة أعشاب


احترم رايج لكن عندي توضيح على اللي قلتيه

التحاميل لو مضره مابليت فيها خلق الله ربي بيحاسبني على كل شي أسويه

ولو مضره كان ضرتني وضرت الحريم اللي يقربون لي لاننا نستعملها من سنين والحمد لله نافعتنا

الملح الفارسي غيييير عن الملح العادي الملح الفارسي معروف يستخدمونه لغسول النفاس لانه يعقم ومن سنين جدتي ماضرهم الحمد لله

وبعدين ليش معترضه على كلمة خمطه هذا قياس الحريم الكبار شعرفهم بالغرام وبعدين انا ماقلت الخمطه كامله تحطينها برحمج انا قلت تسوينها تحاميل صغيره كبر طعامة التمر يعني الكميه قليله

والملح صح مايستخدم للرحم اذا كان بروحه انا قلت تحطين معاه مره ضعف الكميه

وعلى فكره التحاميل ماتطلع ماي للحرمه اللي رحمها نظيف انا مجربتها شخصيا وكل اللي يقربون لي جربوها اذا كان فيه خراب بالرحم تطلع ماي والحرمه اللي علمتني عليها قالت ان الرحم اذا فيه وصخ بينزل واللي رحمها نظيف ماينزل منها شي

شدعوه يسوي التصاقات بالرحم واضرار جسيمه عمتي يوم قلت لها عن طريقة التحاميل تقول من 35 سنه تستعملهم وماشاء الله عيالها تارسين البيت وعمرها ماشكت من ارحامها ماشاء الله

اختي اذا انتي مصدرج الكتب انا مصدري جدتي وعمتي الله يحفظهم وعندنا حريم بالعايله يعالجون ارحام الحريم ولهم صيت معروف يتعنون لهم من بعيد والحمد لله خبرتهم متوارثينها


مشكوره عالرد

 

[* عباية راس *]

دارين

جعل ربي يثبتج على دينه وييسر حسابج وييمن كتابج يوم القيامه

 

[ii DareeN ii]

تسلمييييييييييييييين عبايه على الدعوه الحلوه

عندي سؤال بنسبه حق البنت انا بصراحه اول مره اسمع عن خراب الرحم بالمنتدي شلون تعرف نفسها اذا اهي خربانه وشلون تتجنب هالموضوع والله ينور دربج عبايه:hjy5jewf: حبيتج في الله

 

[خبيرة اعشاب]

مرحبا :hearting:

حبيبتي عباية راس انا ما قلت انتي تبين اتضرين الحريم او ..او ...او ...بس ترى الي ينفعج ما ينفع غيرج و الي ما يضرج ممكن يضر غيرج ..و هذا شي معروف

بالنسبة للملح الفارسي اكيد انا اعرفه و اعرف انه مو ملح عادي ...الخ

و كلمة خمطة انا ما اعترضت عليها انما اعترضت على القياس لان مكونات الخلطة مو متناسبة فعلى قياسج اذا تبين اتحطين خمطة مرة و خمطتين ملح معناه ان كل تحميلة رح يكون ثلثين مرة
و الثلث ملح و هذا مو صحيح لان المرة المفروض ما تتجاوز حتى 10 % من التحميلة لانها قوية حيييييييل

و معلوماتي قبل لا تكون من الكتب انا عندي جدتي اتعالج الحريم و معرووفة في السعودية ...و ايضا انا حتى اخذ خبرة من الي يعالجون سواءا في الكويت او الخليج او الدول العربية هذا غير اني في المجال هذا من اكثر من 8 سنين

و الاغلبية يتفقون وياي على ان الملح مضر على الارحام
و عموما انا بس حبيت اقول وجهة نظري و الي عاجبتها الخلطة اتسويها طبعا ....

و تحياتي لج

:balo:

 

[* عباية راس *]

دارين


أنا أقولج شلون تعرف البنت أنها خربانه

اذا الدم ينزل جامد مثل قطع لحم هذا برد الارحام

السبب

شاربه شي بارد ماشيه حافيه عالسيراميك متسبحه خلال ايام الدوره شاربه لبن او ماكله روب

اذا الدم ينزل واجد وغزير بالدوره هذا التهابات بالارحام

السبب

الالتهابات اسبابها واجد لبس صروال مصنوع من النايلون يسبب التهابات

اهمال النظافه الشخصيه

او فايروس بالرحم او بكتيرايا ( الفايروس غير عن البكتيريا )

بالنسبه للمتزوجات أحيانا يكون عدوى من الزوج


اذا ينزل من ارحامها ماي وافرازات واجد والوحده كلا ملابسها الداخليه رطبه هذي يسمونها البدو تزبد يعني رحمها وصخ وهالنوع يكرهونه الرياجيل حييييييييل وهذا سببها البروده

اذا طلع هوا من الارحام احيانا الهوا يطلع معاه صوت واحيانا الهوا يطلع من غير صوت بس تحسين فيه

السبب

الحرمه بفترة الدورة والنفاس تكون مثل الجرح المفتوح مو بس الرحم لا ياقلبي كل جسمها تنفتح فيه المسامات ويدخل له الهوا من كل مكان

مثلا

لازم تلبسين دلاغات بفترة الدورة لان الهوا يدخل من أظافر الرجول والبروده تجي من الرجول

وتلبسين ملفع لان الهوا يدخل من الأذون

وملابسج تكون كم طويل علشان لاتحوشج بروده

تلبسين بنطلون قطن لازم لازم علشان يدفي فخوذج وتدفا ارحامج وعلشان لايدخل الهوا والبرد

وابتعدي عن هوا التكييف بالصيف والبرد بالشتا


والأهم من كل هذا الجووووووووووووووووووع تراه أكبر مسبب للخوا بالأرحام يسوي هوا بالارحام ويوسع الحرمه

لاتجوعين وأنا أختج أكلي تمر واشربي حلبه مفيوحه بحليب واشربي زعتر ودارسين وترا الفلفل الاسود حيييييييييل مفيد لحم وعصيده ومرقوق وقبوط لازم تثقلين ارحامج يعني تصيرين بالدورة نفاس حتى لو انج بنت ماتزوجتي

وابتعدي عن الحوامض والباميا والسلطه والعدس والثوم وكل شي بارد وطبعا البيبسي

ولاتاكلين سمك ترا يسوي ريحه بالارحام بفترة الدورة

لاتتسبحين بالدوره اخذي فوطه فيها ماي دافي وشور جيل وافركي جسمج ولا يجي الماي على شعرج ديري بالج
بخري شعرج وحطي فيه خمريه وبس لين تخلصين من الدورة تصبري

ترى ياقلبي البدويات من اول لا مكياج ولا قمصان نوم وحتى ماعندهم ماي تغسل وجهها زين عنهم ماي يطبخون فيه بس مهتمه بأرحامها وهذا اللي يهم الرجال ان طفا الليت تساووا الحريم ماينفعها مكياجها وزينها اذا هذاك خربان

ولا تقولين الرياجيل مايعرفون الخربانه من الزينه لا ياقلبي الا يعرفون ويسولفون لبعض بأدق التفاصيل واحد يفتح عيون الثاني

أحبكي الذي أحببتني من أجله وأظلنا بظله يوم لا ظل الا ظله

 

[* عباية راس *]

خبيرة أعشاب

أفاعليج رايج على عيني وكل واحد له وجهة نظر وخبره والفايده لنا كلنا

حياج الله