بعـد 9 سنين خدمـه بكالريـوس ..!

[عـــــروب]

السـلام عليكم والرحمه بنوتات وحريمات

عسـاكم كلكم بخيـر :eh_s(22): الله يسلمكم خدمت البكالريوس 9 سنين :eh_s(16):

كنت بـ جامعه الكويت علوم اجتماعيه اللي صار اني وقفت قيدي كورس والكورس اللي بعده نسيت اوقف قيدي هم ،، كنت مرافق علاج بالخارج ....

يوم رديت انصدمت انهم افصلوني :eh_s(2): السبب اني مارحت وقفت قيدي بالكورس الثاني !!!!!

عطيتهم وراويتهم الاوراق اني ماكنت بالديره قالولي مو عذر جان احد من اهلج طلب توقيف قيد بالكورس الثاني ،،

قتلهم مادري مادريت انه يرد اوتوماتيك حسبالي يظل موقف لين ارده انا قالولي القانون لا يحمل مغفلين :eh_s(11):

كنت بالسنه الرابعه ماباقيلي شي يبتلي واسطه وتدخل واحد من النواب القوايا اللي لهم صيتهم بس سبحان الله قدر الله وماشاء فعل

بعدها دشيت معهد بو 9 اشهر اخذتلي دبلوم محاسبه ،، لين خلصت قدمت على احد الجامعات الخاصه والحمدالله عدت 4 سنين بغمضت عين وتوني متخرجه اداره اعمال ..

اللهم لا اعتراض على كثر ضيقتي يوم افصلوني على كثر ايماني بربي انها خيره وربي عوضني بشهاده احسن من الاجتماعيه :rerrerek:

بعد كل هالقرقه .. اللي ابيه منكم يا طويلات العمـر تنصحوني بـ شركات خاصه لان مابي قطاع حكومي ابي قطاع خاص وماعرف صراحه شيني الشركات السنـعه ..!

ماغير البترول والشركات القابضه والاتصالات ،، شنو شركات قويه ورواتبهم عاليه؟؟

9 سنين خدمـه بكالريـوس علي وباجي المشـوار من اقتراحاتكم :gr4uu: اتمنى انكم تساعدوني :eh_s(2)::eh_s(8):


..

 

[قـہۈه فـرنسيـہ™]

الله يعينج ...>>>تمسح دمووعها

اممممم والله مادري حبيبتي .... انطري إعلان البتروول ليما ينزل وترا تخصصج مطلوب عندهم ....

 

[عـــــروب]

وين في غير البترول ؟؟

 

[منار البربرية]

استغفرالله ياربي بس اللي اقدر اقوله بارك الله فيج وماشاءالله عليج طموحه ​

والله ما يضيع تعب انسان ​

قطاع خاص : متعب جدا لكن ممم ​

تحبين شغل البنوك مادري وين اقولج كونج بنت



في اماكن حلوة بس مو قطاع خاص :


ديوان المحاسبه


التأمينات الاجتماعية


​

 

[منار البربرية]

احسج نفس قصتي ببجي وااي تعب أكره الدراسه انا بس

للحين في ربيع الدراسه هههههه​

 

[عـــــروب]

استغفرالله ياربي بس اللي اقدر اقوله بارك الله فيج وماشاءالله عليج طموحه ​

والله ما يضيع تعب انسان ​

قطاع خاص : متعب جدا لكن ممم ​

تحبين شغل البنوك مادري وين اقولج كونج بنت​

في اماكن حلوة بس مو قطاع خاص : ​

ديوان المحاسبه ​

التأمينات الاجتماعية ​

بعد عمري الله يسلمج ،، والله ماهو طموح كثر ماهو صدمتي بـ اهلي

استغفرالله استانسو اني انفصلت صج الاقارب كـ العقارب مايبون الخير لناا كون ان كل بناتهم تطبيقي .!

كان تحدي بـ معنى اصح ،، بس كملت وماقتلهم محد يدري :eh_s(15): غير امي وابوي واخواني :eh_s(22):

،،

بنوك يعني بالاداره ؟؟

 

[عـــــروب]

احسج نفس قصتي ببجي وااي تعب أكره الدراسه انا بس ​

للحين في ربيع الدراسه هههههه​

السنين تركض صدقيني اهم شي تنجزين شي كون ان الحين البكالريوس صار شي عادي وبـ متناول الجميع :eh_s(4):

الناس الحين تتكلم عن الماستر والدكتوراه

 

[منار البربرية]

ممم على حسب انتي قدمي اكثر من مكان

واهما راح يقولون اذا اجتزتي المقابله الشخصيه

تدرين قطاع خاص غير ههه

مو نفس حكومه ووزارات

​

 

[أحلى البشر]

شوفي شركة ناقلات النفط

 

[Q8Buying]

الله يوفقج ويعطيج على قد نيتج
ماقدر افيدج بس .. اتمنالج الخير

وحمدلله

 

[frawlah_83]

اذا تبين قطاع خاص خلج بالنوك واضعها المالي احسن وفيها شوي استقرار وظيفي خلج بالاداره احسن بس اذا حابه شغل عملاء وحسابات وفلوس روحي افرع بس بكون شغل اكثر اذا تبين شركات خاصه عندج شركات الاتصالات اهم شي اختاري الشركات الكبيره الي لها سمعه مو بس اي مكان

عندج قطااع النفط زيين وهم الموؤسسات والهيئات الحكوميه هم زيييين التامينات اللحين فاتحين روحي قدمي تحصلين الاعلان بالقسم هم معهد الابحاث انا منزله اعلانهم بالقسم فاتحين توظيف وتابعي انتي الجرايد وهم اهني القسم كل مانزل اعلان توظيف البنات مايقصرون انزلون اول باول

وموفقه ان شاءالله

 

[عـــــروب]

ممم على حسب انتي قدمي اكثر من مكان ​

واهما راح يقولون اذا اجتزتي المقابله الشخصيه ​

تدرين قطاع خاص غير ههه​

مو نفس حكومه ووزارات ​

اي ادري مو هاذي مشكله هم سالفه المقابله :bbbiu:

وحاطه ابالي اقدم اكثر من مكان بس ماني عارفه وين .!

 

[عـــــروب]

شوفي شركة ناقلات النفط

شتفرق عن النفط والبترول ؟؟

يعني احسن كـ اداره ولا اعلى راتب او مميزات احسن ؟؟

 

[عـــــروب]

الله يوفقج ويعطيج على قد نيتج
ماقدر افيدج بس .. اتمنالج الخير

وحمدلله

بعد عمري تسلمين عالدعوه اجمعين يارب

الف حمد على كل حال ..

 

[منار البربرية]

وينج يا قمر ارسلت لج على الخاص

وتوا سألت لج :

قالوا تروحين دعم العماله اللي بالضجيج يقولون لج الشركات

المحتاجه موظفين اذا تبين بالقطاع الخاص

واذا حكومه الصالحية الدور الرابع حق ديوان الموظفين

نسألكم الدعاء ،،،،،​

 

[عـــــروب]

اذا تبين قطاع خاص خلج بالنوك واضعها المالي احسن وفيها شوي استقرار وظيفي خلج بالاداره احسن بس اذا حابه شغل عملاء وحسابات وفلوس روحي افرع بس بكون شغل اكثر

لا ماحب عملاء ماحب التواصل فيس تو فيس مع النااس ،،

احب اشتغل بس باحتكاك بسيط .!!

اذا تبين شركات خاصه عندج شركات الاتصالات اهم شي اختاري الشركات الكبيره الي لها سمعه مو بس اي مكان

اذا عالشركه الكبيره زين مشهوره وبنت سمعتها من سنين ،، بس حاليا مشاكلهاا وايده وادارتها فاشله ..

فيفا احسن بس مادرين عن رواتبهم :bbbiu:

عندج قطااع النفط زيين وهم الموؤسسات والهيئات الحكوميه هم زيييين التامينات اللحين فاتحين روحي قدمي تحصلين الاعلان بالقسم هم معهد الابحاث انا منزله اعلانهم بالقسم فاتحين توظيف وتابعي انتي الجرايد وهم اهني القسم كل مانزل اعلان توظيف البنات مايقصرون انزلون اول باول

وموفقه ان شاءالله

ماقدر اقدم الحين شهادتي ماخلصت على شهر 8 او 9 استلمهاا ان شاءالله ،، قلت احط ابالي اكثر من مكان واسوي السي في مالي على ماتخلص شهادتي واقدم اذا الله احياناا ..

تسلمين فراوله ماتقصرين بميزان حسناتج يااااارب ؛**

 

[عـــــروب]

وينج يا قمر ارسلت لج على الخاص ​

وتوا سألت لج :​

قالوا تروحين دعم العماله اللي بالضجيج يقولون لج الشركات ​

المحتاجه موظفين اذا تبين بالقطاع الخاص​

واذا حكومه الصالحية الدور الرابع حق ديوان الموظفين ​

نسألكم الدعاء ،،،،،​

رديت عليج فديت روحج الطيبه ;**

يبوووووووووووي شيوديني الضجيج مادل :eh_s(2):

لا مابي حكومه :eh_s(4):

بس تدرين ساعات يكون في اكتفاء ومايطلبون ،، بس يمكن بقدرة قادر تقدمين ويوافقون عليج :ggdw:

جذي توافيج من الله .. :rerrerek:

في شركات خاصه وايده احنا مانعرفهاا ،، اللي بشرق ناطحات سحاب هاذي شيني !؟ :eh_s(10):

ودي اللي تكون موظفه هناك تفيدناا شلون الشغل بمثل هالشركات ؟؟ شلون ادارتهاا ؟؟ شلون تعاملهاا جذي يعني طبعا غير وقت الدوام والراتب :eh_s(17):

،،

الله يوفقج ياااااااااااااااارب وتخلصين وتفتكين وتكتبين موضوع تستفسرين عن وظيفه وانا ارد عليج :krkrkr:

 

[ام _خلودي]

روحي البنك المركزي او ديوان المحاسبه هذيل مو قطاع خاص بس اقوي اماكن بالديره

 

[عـــــروب]

up up

 

[فانيلا]

كل سنة في خريجيين يدد من العلوم الادارية ويا كثر اعدادهم انتي سوي السي في وجهزيها وابتدي من الحين تطرشين لهم

مايطلبون صور الشهادات الحين
بعدين لي تعينتي يطلبونها

انتي روحي دعم العمالة وقدمي اول شي عندهم وشوفي شنو طلبات الشركات
وبعدين روحي للبنوك وعطييهم نسخ من السي في

الشركات للاسف تدور على غير الكويتي عشان راتبه اقل

فعشان جذي الكويتي لما تاخذه تبي معاه خبره او واسطة

فانتي ارضي بالاول تكونين بافرع البنوك سنتين وراح تتعلمين شغلات وايد وتكونين علاقات اجتماعية وعمل حلوة

بس ترى كرف اول سنين يعني تحملي اذاهذا طموحج

وتالي تقدرين تروحين وكل من يطلبج من الشركات

والله ييسر امرج ويحقق اللي في بالج

ا