بعض الموظفات ودج اول ماتشوفينها قبل لاتكلمينها تصكينها راشدي

[حسنة المندسمة]

احلى ما في الموضوع عنوانه

 

[dnyay_mll]

رد : بعض الموظفات ودج اول ماتشوفينها قبل لاتكلمينها تصكينها راشدي

موضوع مهم

هالاشكال كثـرت بالديـره

واحنا السبب!

لان لو وقفناهم عند حدهم وبلغنا مسؤولينهم عليهم جان تادبو واتقو الله فينا

اكـره اراجع بأي مكان والسبب اهم كأني اطـر منهم طراره بالذات الحريييم

 

[عاشقه رويشد]

عاد آكثر شي ينرفزني بالدنيا هالنوعيات من البشر
وهالتصرفات اللي تدل على قلة الذوق والذرابة :eh_s(13):
ودي أصرخ فيهم تحضروا يا ناس " الدين المعاملة " خلوا عندكم ذوق وأدب وأخلاق
بس ماكو فايدة عاهات وربي تلقين حياتهم وشخصياتهم كلها عقد
ويطلعون عقدهم بتعاملهم مع الناس !!
مرة كنت بالجامعة بخلص سحب أوراقي
دخلت وسلمت والاخت تقرق بالتلفون ولا حتى ردت السلام
ظليت واقفة قلت لها لو سمحتي مرة مرتين والاخت ماكو مطنشتني :eh_s(4):
ولا كأنه فيه آدمية جدامها مستمرة قرقة !!
من باب الذوق لما يدخل مراجع والا شخص بيخلص شغله تتركين اللي بايدج
وتقولين للي تقرقين معاها قرقة مالها أي فايدة ولا هدف صبر شوي عندي شغل
وصلت حددددي مسكت الأوراق جدام ويهها وقلت لها
لو سمحتي كلها ختم خلصيني مو فاضية وراي مشاوير ثانية
بحلقت عيونها فيني وتخزني من فوق لتحت واي كان ودي أدخل أصابعي بعينها :eh_s(3):
خذت الأوراق ختمتهم وطلعت
هالدنيا وهالبشر علموني شلون أصير وقحة !! لأنه هذول ما ينفع معاهم التعامل بأدب وخجل
تعاملي معاهم بحدة ووقاحة يتسنعون ويمشون شغلج ! ناس عـجـب

صاجه بكل كلمه وياج زين تسوين يبيلهم جذي

 

[مميزة خلقة]

بنات لاتحطون اللوم كللله على الموظفات ترا هم بعد في مراجعين علل
اللي تخزج خززززززز جنها اول مره تشوف اوادم
واللي منفسه وتحذف البطاقه بالوجه
يعني يخلووون الموظفه غصب تفصل عليهم لو يجون باحترام غصبن علي الموظفه بتحترمهم

 

[!الجادل الصعب!]

رد : بعض الموظفات ودج اول ماتشوفينها قبل لاتكلمينها تصكينها راشدي

من آمن العقوبه آساء الادب .. لو وراهم مسؤول يخاف ربه بالمراجعين ومبطل بآبه للشكآوي ما وصلنا للموآصيل هذي ..
وسآلفة الريوق الي بآي حزه بوزآره وقبال المراجعين غلط المفروض بحطون بريك نص ساعه للريوق وانتهى الموضوع .. امآ اكلم موظفه والفلافل بفمها وترد علي والله لوعة..!
منظر غبي من قلب ..!

 

[aṕriliå]

رد : بعض الموظفات ودج اول ماتشوفينها قبل لاتكلمينها تصكينها راشدي

اي والله بعضهم شايفات اعمارهم على شنو ماادري

 

[لبيه لكن!]

رد : بعض الموظفات ودج اول ماتشوفينها قبل لاتكلمينها تصكينها راشدي

هههههههههههههههههههههههههههههههههههههه

الله لا يحطني بهالمواقف ما اتحمل والله اتنرفز بسرعــهـ

كل اللي قابلتهم حبااااااايب ولسانهم يقوطر عسسل :$

 

[ملح و سكر]

ميخالف حبيبتى ترى هم فيه مراجعين قليلين الادب ...يعنى انا مثلا يينى مراجع على نهايه الدوام ب5 دقايق ويقولى الحين ابيج تخلصيلى المعامله ....هوب هوب وين قاعدين انت ياي متاخر ومااعتقد ان المدير موجود وبالاساس المسؤؤل طالع ...يقول لى مالى شغل الحين تخلصين معاملتى ...بله هذا اشلون اتعامل معاه ....خذيته على قدر عقله وقلتله لازم المراسل اهو اللى يودى المعامله ...رد عليى واهو مكشر هذا وين احصله ...قلتله دوره مااعتقد بتلاقيه ...عصب ليش قلتله روح دوره ....وقالى راح اشتكيج عند المدير ....لا وقالى باجر قبل لاتتريقين ابى معاملتى تخلص ...انزين هذا اشلون تتعاملين معاه .....يعنى فيه ناس تنبط جبدج منهم وماتعرفين اشلون تتعاملين معاهم ....

انا مااقول كلهم بس هم بعضهم ينرفزونج غصب ....الدنيا تعامل ...والواحد لازم يوسع صدره للكل علشان تمشى الامور صح ....