بعض الموظفات ودج اول ماتشوفينها قبل لاتكلمينها تصكينها راشدي

[3w!Shni]

هيلو

قوة بنيات

الصراحه انا ياية و في جعبتي موضوع ملووووووع جبدي ..

الحين ياربي

الواحد ولا الوحده تطلع من بيتهم من فير الله .. وماسكه ملف فيه اوراقها ..

بعد ماكلت توستيت و جبن قلاص التعاون و عصير اناناس كي دي دي <- قبل لا تطلع من البيت لوووول

وطااااااااااااااااقة درب لي الوزارة الفلانية .. اخر الدنيا ..

وتاخذيلج رقم و تنطريج دورج .. و لما توصلييييييين عند الكاونتر الي طلع رقمج فيه

تطلعلج وححححده نفسها بخشمها تتضحك مع الي يمها و تشرب هالقهوة ياعل زحيييييييير و لما تعطينها مفلج ترده لج و تقولج


طلعي اوراقج :bbbiu:

وانتي ليش تاخذيت راتب يمه؟؟؟

طالعتها جان ابطل الملف و اسحب الاوراق كلها و اعطيها مرة وحده

جان تقولي... انتي كويتية؟؟؟؟؟؟؟

قلتلها اي ..

جان تبتسم ..

ياعل شقوووووول

يعني يوم اني كويتية بتطلعيلي اوراقي وتبتسميلي؟؟

امبيه بنات ليش مافي تعامل بانسانية وبأدب شوي؟؟؟؟

هذي وحده

الثانية ..

كنت رايحه جامعه الكويت ابي اسجل بشغله

فدخلت القسم وماكو لا ارقام ولا لوحات ولا هم يحزنون .. وقفت عند مكتب لقيت فيه وحده

قلتلها السلام عليكم

ولا ردت علي .. رديت قلتلها لو سمحتي؟؟؟

قامت من مكتبها و مشت لييييي عند الباب و عطتني جنبها و تطالع بالارفف تبي تحط ملف

قلتلها لو سمحتي ؟؟!!!! :080402ask_prv::080402ask_prv:

جان تلتفت علي و تخزني و تقولي @@ لحظاااااااااااااااا

ولا الاخت حاطه التلفون على اذونها و تسمع مادري منو تهذر وياها ..

انزين يا ربي

ليش الموظفات الي بالوزارات ولا هالامكان جي؟؟؟

ليش النفسية ؟؟؟ وليش ماكو ذوق ولا ادب بالتعامل .. طبعا مو كلهم .. انا شفت منهم شحلاتهم مؤدبة و شغلها مرتب و هادية

اما الثانية بنص المعاملة تقول حق رفيجتها نطرااااااااااااي لاتتريقين بدوني ..

وقامت و خلتني .. قطتني عالي واقفة الصوب الثاني ..

امبيه والله شي يقهر ويبط الجبد الصراحه ...

على قولة الوالده

الوحده لازم تروح هناك و بيدها عصايه .. ان شافت وحده جي منفسه .. تصكها بوحده عشان تتعدل ..

واااااااااااي مقهورة ..

وهذي غير

الي رحتلها تقولي كمبيوتري خرباااان روحي حق الي يمي .. و تنادي ال يمها بصوت عالي


فلاناااااااا؟؟؟؟؟ عندج احد؟؟؟؟

تقولها لا ماعندي مراجع .. تقولها زين زين

اخذي هذي شوفي اوراقها


خددددددددددددددامه ابوج تقوليلي هذي؟؟؟؟؟ اشوف حق الشاب قلتي مراجع
انا صرت هذي؟؟؟؟

واي لي متى احنا بهالمستوى بالتعامل في هالاماكن جي؟؟؟؟؟

والي عندها موقف تقول .. منبطة جبدي حدي

وقبل لا احد ينطلي .. انا اقصد البعضضضضضضضضضض البعضضضضضضضض

 

[Tom ♥ Jerry]

رد : بعض الموظفات ودج اول ماتشوفينها قبل لاتكلمينها تصكينها راشدي

.



اي و الله بعضهمـ من كثر مآ ينفسون عليج يحسسونج يايه تطرين منهم !
انا مآ صآدفتني وحده جذي .. كل الي اصادفهمـ زينين و يبتسمون و شغل عدل
بس ادرس آنه هالشريحه الي تكلمتي عنهآ موجوده
صج يبطون الجبد !

برايي مو بس نفسيه هاذا شي يعود على التربيه بعد !
لو وحده متربيه و اهلها مربينهآ عدل جآن كلمت الناس عدل
مو تقول هاذي و ذيج ! :/

الله الهآدي .!

 

[Flower20]

رد : بعض الموظفات ودج اول ماتشوفينها قبل لاتكلمينها تصكينها راشدي

وعع الله لا يعوزنا لهم

 

[miss mama]

هههههههههههههههههههههههههههههههههههه والله مادري شقووولج
مو هذا اهووو الاخلاق تغلب على طريقة التعامل مع الشخص
فما بالج عاد موظفه كحيانه تداوم الصبح للريووق والحش وماتبي تشتغل واشمعنا فلانه وعلانه ومشاكل وحاله واخرتها كل بلاويها على المراجعين !!


الله يعين بس

 

[ناتشوو]

رد : بعض الموظفات ودج اول ماتشوفينها قبل لاتكلمينها تصكينها راشدي

مرة كنت بمستشفى الولادة
خالصة مراجعتي وابي ختم
اسأل عن الموظفة المسؤولةعن الختم
يقولون لي تتريق
نطرت 5 دقايق وسألت قالو تتريق
نطرت بعد دقايق مازالت تتريق
والمصيبة مسؤولتهم اللي تقول جذي
والخوات حاطين لهم بوفيه
ومادين السفرة والمراجعات ينطرون
فوق ثلث ساعة ماقدرت انطرعلشان بلعة
رغم اني مو جريئة بس سألت عن اسم الموظفة
ودشيت عليهم يتريقون وقلت وين منال؟
ابي ختم؟
وفعلا طلعت وختمت
المصيبة يبون بوفيه عليهم بالعافية بس يسوونه بوقت مبكر او يؤخرونه
مو ذروة الشغل وكثرة المراجعات ع العشر وعشر ونص

 

[Tulips]

رد : بعض الموظفات ودج اول ماتشوفينها قبل لاتكلمينها تصكينها راشدي


قلتيها لو هو مراجع جان احترمته وحطته فوق راسها..

بس اهم شي اللي تقولج انتي كويتيه .. امبيه شهالاسلوووووب فشلونا الله يفشلهم

 

[العبيدان tenuta]

رد : بعض الموظفات ودج اول ماتشوفينها قبل لاتكلمينها تصكينها راشدي

عيل ماوصلتي مواصيلي انا وحده جبت لها ضابط وجرجرتها لي المخفر قووووويه ها
وحده كاتبه كروووت في مستوصف قلت ادبها رحت المخفر مع زززوجي وسرد زووجي قله ادب الموظفه طرش لها شرطي لحد مكانها وقالها عندج احضار للمخفر مايسووووي فشلتها جدام ربعها والموظفين ومسئولها وجت اهي مع زوجها الضابط ووووايد تعاطف معانا والله مانسي وقفتها منذله وانا قاعده اطالع كسرها يوم انج منتي قدها اشماله تتفلسفين تقول حق الضابط اهي رافعه خشمها ومتكبره والله يحليله رد عليها خوش رد قالها اغلطت عليج قالت لا جان يقول لها انت في مستوصف واللي يجون مرضي حررريم ورياييل يهال ملزومه تتحملين وتكونين قدوه ملاك رحمه وذا ماتقدرين قعدي في بيتكم واكو غيرج محتاج الوظيفه قالها انا مظر احولها قضيه لانه الاخت رافعه شكوي عليج اهنيه زوجها مسك زوجي وقاله عاد هذولا حررريم واحنا نحط حالنا حال حريم يبه اللي تبيه انا حاضر والله لاخليها تتاسف حق زوجتك ومالها الاطيبه الخاطر وفعلا تاسفت وعطيتها خوووووش درس في الاخلاق
عيل رايحه المستوصف لا لي ولا علي تحقرني وتزبلني وتمشي اللي بعدي واسالها دوري تقولي انا بالعماله احقرج ليش ماعطيتيني البطاقه بيدي وانت وحده متكبره رررافعه خشمج
تفضلي شوفي تري هذا الموقف من زماااااااااااان يمك​

ن بالتسعينات

 

[3w!Shni]

وي على طاري المستوصف

هذاك اليوم مالتالارقام معطيه امي ظهرها

تنادي ماترد تناديها ماترد

فقامت و طقت عالزجاج مثل طقت الباب عادي يعني

جان تلتفت على امي و تقولها

ليش تقين عالزجااااااااج @@

امي قالتلها اناديج ماتلتفتين

تقول تمت تخزني وماعجبها

وااااااااااااااااااي

زين تسوين يوم انج سحبتيها ليالمخفر

المفروض جي عشان الكل يحترم نفسه

 

[monmon12]

سبقتيني بهذا الموضوع

في موظفات فعلا فعلا يعني مادري شنو قلة الأدب الي فيهم

يعني الواحد على يوم بقول حق وحده فيهم جم رقم حسابج ؟؟ تقوله ليش يقولها عشان أحولج ال 500 دينار مالت اهانة موظف من الحين

يعني مادري أسلوب وصخ والله العظيم خاصة الي في المستوصفات والجامعة والتعليم العالي

يطلعونج من طورج يا كافي ليش جذي مو زين

 

[طير البحرين]

ههههههههههههه ضحكتيني من قلب بصراحة شكلج حددددددج معصبة ما عليه حبيبتي واااااااايد تحصل وفي ارقى الدول

انا افكر بس عندنا في البحرين ناافخين روحهم على شغلة الوزارة وما قدهم قده الي يشوفهم الحين الوزيرات

ذكرتيني اول ما اتخرجت من الثانوية رحت وزارة التربية والتعليم طبعا في البحرين مو الكويت خخخخخ جان اودي اوراقي الي تقولي طلعي هالأوراق لو سمحتني جان افل الأوراق كلهااا على طاولتها :cxxxp: عصبت تقول هلووووون عاد لو سمحتي لين خلصتين شيلي المخلفات عنبووووووه شايفتني قاطة زبالة :jumpon:

المهم عطيتها اوراقي وكل شيء وقالت لي بعد اسبوع راجعينا عشان نوثق الشهادات رجعت لها بعد اسبوع ورحت من الفجر عشان ما يكون زحمة جان تقلب ويهها علي
اول شيء قامت تتأفف وبعدين قامت تخوزر وهي تطالع الي يمها شدعووووة وزين عقب كل هالحركات اسألها ابي شهادة التوثيق جان تقول نطري وقامت تدور وتدور فيها عجزت وهي تدور ما حصلتها شصاير انا اقول في خاطري ليكون ضيعت شهاداتي واوراقي الأفندية وعقب جهد جهيييييييد حصلتهم على طاوتها وكوبة الشاي عليهم قهرررررررر من جد بغيت ادخل وازنطها بس مسكت عمري عشان تخلص اموري واريح بالي من همهم

وبس وشكرا على موضوعج ​

 

[كوكي العسل]

رد : بعض الموظفات ودج اول ماتشوفينها قبل لاتكلمينها تصكينها راشدي

هههههههههههههههههههههههه

الصراحة ما عندي حل بس لفت نظري العنوان و اسلوبك يموت من الضحك

 

[ام فهووودي]

واي صج بعض الموظفات حركاتهم اتنرفز انا مره رايحه وزارة الصحه عندي كتاب ابي اوقعه والا ادخل غرفة السكرتاريه مالقيت احد جان اقول حق الهندي اللي بره وين الموظفات اللي اهني والا يقولي قاعدين ياكلون نطري شوي وراح غرفة الاكل وقالهم ان في مراجعه ولاهامهم يكملون الاكل والسوالف والله واقعد بالمكتب يمكن نص ساعه على مايسولفون بعد الريوق

 

[خُزام]

عاد آكثر شي ينرفزني بالدنيا هالنوعيات من البشر
وهالتصرفات اللي تدل على قلة الذوق والذرابة :eh_s(13):
ودي أصرخ فيهم تحضروا يا ناس " الدين المعاملة " خلوا عندكم ذوق وأدب وأخلاق
بس ماكو فايدة عاهات وربي تلقين حياتهم وشخصياتهم كلها عقد
ويطلعون عقدهم بتعاملهم مع الناس !!
مرة كنت بالجامعة بخلص سحب أوراقي
دخلت وسلمت والاخت تقرق بالتلفون ولا حتى ردت السلام
ظليت واقفة قلت لها لو سمحتي مرة مرتين والاخت ماكو مطنشتني :eh_s(4):
ولا كأنه فيه آدمية جدامها مستمرة قرقة !!
من باب الذوق لما يدخل مراجع والا شخص بيخلص شغله تتركين اللي بايدج
وتقولين للي تقرقين معاها قرقة مالها أي فايدة ولا هدف صبر شوي عندي شغل
وصلت حددددي مسكت الأوراق جدام ويهها وقلت لها
لو سمحتي كلها ختم خلصيني مو فاضية وراي مشاوير ثانية
بحلقت عيونها فيني وتخزني من فوق لتحت واي كان ودي أدخل أصابعي بعينها :eh_s(3):
خذت الأوراق ختمتهم وطلعت
هالدنيا وهالبشر علموني شلون أصير وقحة !! لأنه هذول ما ينفع معاهم التعامل بأدب وخجل
تعاملي معاهم بحدة ووقاحة يتسنعون ويمشون شغلج ! ناس عـجـب

 

[pinks]

انا مره صارت فيني بس مع موظف مو موظفه

اختي كانت تعبانه وموديتها المستوصف اول مادخلت شافني الكاتب يوم وصلت جدامه وعطيته البطاقه المدنيه

جان يعطيني ظهره وقعد يسولف مع الي وياه !!!


وانا ساكته جان يدش نائب ولايقعد يسولف معاه عاد انا اعصابي بارده ساكته واطالعه لأني مطوله بالي عليه

جان اخزه بنظره واهوا يسولف بعدين حس على دمه واخذ البطاقه وعطاني الرقم وقالي ماتشوف شر ان شاء الله وانا اقول بقلبي عقب شنو :/

 

[أم حمودي**MALL**]

لوووووول
مواقف ما تخلص
بس الواحد لازم يكبر راسه ولا ما يبقى احد ما نتناجر وياه

 

[بنوتة كول]

وييييييييييييييع ليش جذي مافي ادب ورقي في التعامل مع الناس انا اقول يا حلو اللباقة والذرابة
اما في بعض الوزارات هيلللللللللللق بمعنى الكلمة

 

[عالمي المجنون]

وااااااااااااااااااي يا موظفات الحكووووووووووووومة

انا اراجع حق الوظيفة ومطلعين لي قرون

والله شكلي بولد وانا بالثاني منهم

قلة ادب+ ماكو اسلوب+ ماكو احترام+ مايقدرون الوحده

حامل تعبانة مريضة عندها ظروف والله ماكو تقدير

مع ان مو من طبعي اتهاوش بس مرة وحدة نرفزتني والمصيبة انها وافدة والنعم بالكل بس تحجي معاي عدل مااطر منج

والعن غيرها حييل فيها بس بادب لان ابوي معاي ووقفت مراجعاتي عشان العرس بعد مارجعت شافتني ورب الكعبة ان صارت محترمة معاي

وصارت تضيفني عصير كوكتيل طبيعي لووووووووووووول الله يالدنيا

ما يمشون الا بالتشخط وغيرها وااايد يالله يارب اخلص مراجعاتي واتوظف ارتاح

 

[M!sS MOnatOO]

رد : بعض الموظفات ودج اول ماتشوفينها قبل لاتكلمينها تصكينها راشدي

؛


في بعض الموظفات يبيلهم دورات في فن التعامل مع
الناس

بس هم في بعضهم نفهمهم غلط يعني من ضغط الشغل
واحيانا مسئولج يكون علة وحاط عليج

او المراجع
مايتعامل بحترام مع الموظف وفيه مراجعين عبالهم
الموظف حاط عليهم ومايبي يمشي المعامله مع انه القانون
اهو اللي مانع ان المعامله تمشي بهالطريقه








.

 

[PO PO22]

ههههااااي الله يعينكم الله لا يعوزناا عليهم هع

 

[الحــــياة]

لوووووووووووووووووووووول والله انج صآآجه مادوهآآ تحرك ولا تزحزح من مكانهااا!!!

مدري شلون تحلل راتبهآآ..!!