بعض التاجرات طماااااشة

[om-3azo-83z]

انا تاجره بس بتليقف معاكم خخخخخ لاني مثل ما انا تاجره انا زبونه عند التاجرات بعد
صج انا ملاحظه المنتدى رافعين الاسعااااار و على تجهيزي خذيت جم قميص نوم من المنتدى نفس الموديل بالضبط عند 2
وحده تبيعه ب8 و الثانيه شي و 20 المشكله شكله عاديييييي
الحمدالله عمري ما فكرت انصب بسعر كل ربحي يا 2 يا 3 عمره ما ارتفع لا و اسوي تنزيلات بعد

 

[G!RLooNa]

ايه والله وعلى فكره مو بس التاجرات حتى المحلاات
نفس بيرشكااا وطقته اسعاره بالنسبه للبضاعه اووفر
اصلااا البضاعه شيييييب والخامه شيييييييب والستايل قديم
ويبيع بسعر الماركات المرتبه الي برا

على طاري بيرشكا مرتين او 3 مرات عالاقل نشتري منهم اقطع و بخامات مختلفه والله بدون مبالغه من اول نص ساعه لبس الا تشقق :eh_s(1):

يعني عندنا قطعتين اللي اذكرهم هذول وحده خام قمصان والثانيه خام البدي لبسه وحده و بالزباله :ch12:

 

[فاقده حنان ابوه]

انا شريت ملوت البف 8 ولقيتهم بره بدينار بس من فتره

وتبط جبدي وحده من التاجرات شريت منها قميص نوم وكاتبه عليه فري سايز لما وصلني انصدمت ان نتفه حتي وزن 50 مايلبس انا وزني بالستينات مالبسني ولما اقولها تقول ما ارجعه اشكره بوق

وقتلها اشكره مو محلله

 

[غلا-زوجي]

عااادي خل اصدمكم ..
تاجرة ام فاطمة اعتقد اسمها تبيع الصمونه الطويله اللي داخل قاعده خشب طلبت منها سعرها 5 وتامين الخشب 10 يعني 15 الحساب برمضان ووصيتها تدق قبلها عشان استلمها .. تأخرت واااايد وبروح اتفطر عند اهلي اتفاقنا عال3 كان صارت 5
دقيت ماترد دزيت مسج اختي كنسلي الطلب
شوي ولا السايق ياي يقولي دفعت انا ع اساس بعدين اعطيه ان شفته دش ينادي الخدامه تاخذه تصعده لي ولا بيت اللي يمنا بطلعتهم المندوب عطاه اياه
اوكي انت اثول لي هالدرجه يعني؟؟؟؟
دزيت لها مسج خل المندوب يرد يطق الجرس يقولهم ان مولهم الطلب مارضت قتلها وفلوسها جان تقولي لاتتضايقين اختي ... وووبس
هم قتلها مااااراااح احللج خذيتي فلوس مو لج
من هالنتدا خذيت رقمها وان شاء الله تكون قاعده تقرا الموضوع يارب وتتذكر ان في ناس كلت حقهم وماحللوها

 

[مدام سلطة]

والله الصراحه الاغلبيه مو الكل عاااااااااميهم الطمع

 

[سالم الروح]

مشكـوره...
انا احب اشتري الشي المومتوفر بالسوق لأن اغلب الاشياء تكون موجوده بالسوق
وبسعر مبالغ فيه

 

[@ DLOO3TAH@]

ـأب

 

[رهـوم]

في تاجره شكلها مستخفه فيني بصبر جم يوم عليها وان طلع الي فبالي صج بقول اسمها انا ما اخاف ولا استحي من احد

 

[PuPa^^SWeeT]

اذكر تاجرة من زمااااااااااااااااااااااااان

مو من المنتدى


اتبييع انطات على ماركات اطرافهم ديور و غوتشي و جذي


الوحدة على 15 واتقول اصلية

انا استغربت بس شريت منها ثنتين


بنفس اليووم رحت سوق السالمية

بشتري انطات عادية


ولا اشووفهم ينباعون على 1.5 ؟؟؟؟؟؟؟؟؟؟؟؟؟


يعني الاخت ربحانة عشر مرااات


مو مرة ولا مرتين ولا ثلاث



من ذييج المرة ماقمت اشتري شييييييييييييييي من التاجرات


خصوصا لما اتقولي من بررررة و جاهز ما اثق

 

[ام كوثر2007]

يقولوون التجاره شطاره ...

وانا اقول القليل الدائم ولا الكثير المنقطع ..


يعطيج العافيه .

 

[جوجوو نايس]

اي والله صاجين

انا مانشووف عند التاجرات شئ جديد اوغريب
كل شئ متوفر عندنا بسوووق

 

[$حبيبة عبودي$]

بقولج شي وثقي بالله اي وحده تستغل احد بتجارتها صدقيني ربي ماراح يبارك لها ولو كان عندها
مبالغ طائله بس بركه منزوعه يصير نفس عدمه ..
اللي عليج قبل اي شي تشترينه استخيري جد بنات لاتضحكون
والله اختي حتى لو بتروح السوق تستخير ولما بتشتري شي تستخير واذا ربي موكاتبه
تروح وتنساه ماتشتريه ربي اذا شايف انه فيه خير لج بتاخذينه واذا فيه شر لج بيصرفه عنج ..
وجزاج الله خير على الموضووع

 

[اخت واختها]

اعتقد بضاعتهم وكيفهم

وحريه الاختيار للزبون

 

[بنت الدوام]

شوفي مره انا سمعت ببرنامج ديني كانوا يتكلمون عن التجاره

وان شلون التاجر وعلى اي اساس يحدد سعره

فالشيخ قال 3 اضعاف السعر

قالوله ليش؟ قال ضعف تعبه وضعف وقته وضعف ربحه او ماله

شي جذي

.......

انا اللي تحرني مو جذي!!

على الاقل هذي حاطه السعر حق الكل واللي يبي يشتري!!

بس اللي تقولج المناطق القريبه دينارين والبعيده 3 دنانير؟؟

ولما تكونين انتي من المناطق القريبه داخل الديره .. ويقولج المندوب 3 دنانير!!

صراحه انا مو عيزانه ادفع دينار زياده بس ليش هالنصب؟؟

يعني انا وحده عامله حسابي اني عطيت الخدامه سعر البضاعه + 2 دينار سعر التوصيل

انصدم بان الخدامه تدق تقولي السايق يبي 3 دنانير قلت لها خير ياطير عطيني انا اكلمه واكلمه ويزف بعد مع ويها ويقولي ماني ماشي لين اخذ فلوسي!!

والمشكله البيت مافيه احد يعني ارد من زوارة اهلي عشان اعطيك دينار؟!

وانتي يالتاجره ياللي ماتستحين اكلمج واقولج احنا مناطق داخليه شنو تقولينلي والله هذي اسعارنا؟!

انا مافاصلتج بسعر البضاعه!! ليش تقولين لي التوصيل دينارين ولما يوصل سايقكم يسويلي فضيحه جدام البيت عشان دينار!!

والله ما اقول الشرها عليج الشرها على المدمغه اللي مثلي تطلب منج

اهوا صج دينار وماتفرق معاي بس اسلوبج وطريقتج غلط !!

يعلها زقوم ابطنج ان شالله لأنج مالج حق فيه ولا لج حق اتبلين على الناس وتسوينلهم سوالف جدام ابيوتهم!!

توبه اطلب من تاجره تووووووووووووووووووووووووووووووووووووووووووووووبه

 

[غلا-زوجي]

واااااي مووو صج قله ادب

 

[DALALEY]

امبيييي عيل سمعي شصار معاي قبل جم يوم

انا كنت ماخذه من قبل حبوب تضعيف مصريه معروفين سعرهم من دينارين ونص لي 5 دنانير بسسسس حدهم (مع ان سعرهم الاصلي بمصر تقريبا دينار )المهم خلصو الحبوب وقلت ابي اشتري بعد واشوف تاجرة واطلب منها ولا تقولي اوكي حسابج 53 دينار مع التوصيل :eh_s(1):

انا استغربت قلت يمكن اهيا غلطانه جان ارد عليها بمسج قلت لها اختي ابي سيبوتريم الحبوب المصريه قصدي جان تقووولي اي ادري انا كنت ابيعهم اب 5 دنانير بس الحين تغير سعرهم لان انقطعو من السوووق !!!!

امبي حدي انصدمت يعني على ابو ان انقطعو من السوق تستغلين تبيعين الحبوب اللي سعرهم الاصلي بمصر دينار ولا دينارين وتبيعينهم اب 50 ديننار ؟؟ قلبي متروسه :eh_s(2):

 

[divaness Q8]

والله صح كلامج في تاجرات واااااااايد يبالغون في الأسعار و المشكلة تكون صينية