بعض التاجرات طماااااشة

[غلا-زوجي]

مرحبااااا بناااات..

في شغلة لافتة انتباهي عند هالتاجرات بقولكم وانتو حكمو

تاجرة تبيع نفنوف والسعر يختلف مع اختلاف لون النفنوف اهو الموديل نفسه لكن السعر يتغير مع الالوان مثلا نفنوف وردي ب 10 الاحمر 15 تخيلو ؟؟؟؟؟؟ عبط ولا شنو

تاجرة تبيع قميص نوم صناعه صينيه ب 5 دنانير تاخذ منها تاجرة ثانية بالجملة ف تطيح من سعرة يصير اقل من 5 دنانير التاجرة الثانيه عاد تبيعه ب 18 او 20 ؟؟؟؟؟ ذمتج وسيعة لي هالدرجه

تاجرة باعت سوار ب 2,500 خذا منها تاجر وباعهم ب 12 ؟؟؟؟؟ عسى ماشر

كوب كانون الصناعة الصينية ب دينار ونص تكلفته باعته ب 13 و اللي ب 15 ؟؟؟ ينيتي؟؟؟

منتج زوجي من نفس الموقع وحده تبيعة ب 5 والثانيه ب 30 شفته بعيني محد قالي بالمتجر؟؟؟؟ ليش؟؟؟

بلوزة صينيه ب 5 دنانير انا شريتها من تاجرة عند التاجرة الثانيه ب 17 عفيه شالسالفه؟؟؟

قلنا تبين تربحين بس عفوا هذا نصب يعني ثنتينكم طالعه عليكم نفس التكلفه ونفس عموله الشحن
لاااااا واللي ادها وأمر قلت حق التاجرة اللي تبيع برخيص ليش ماترفعين اسعارج قالتلي اختي انا ربحانه ضعف السعر ليش اطمع

البضايع كلها صينيه ماله داعي ترفعين اسعارج السما ان كانت بضاعتج امريكيه يحق لج وفعلا نقط فلوسنا على شي يسوا لكن صينيه وغيرج يبيع بربع سعرج ليش ماترضين بالقليل عشان ربج يبارك لج فبيعتج

يعني السلعه بجم تطلع عليهم بالجمله ؟؟؟؟ بلاااااش


الهدف من الموضوع : احنا يالكويتيات نمشي ونشتري والبعض يستغل هالشي لان يدرون الحمدلله مانخلي علينا قاصر ولاشي بخاطرنا ونحب الكشخه
ف قبل لا نشتري الشي نقارن الاسعار عند التاجرات وبالسوق نشوف شاللي انسب لنا ولميزانيتنا خاصتا البنات اللي مايشتغلون بعدها نشتري السلعه ونوفر ضعف المبلغ ...

جذي احنا اللي صح والتاجرة او التاجر او المحل اللي يشوف الناس هدته وقاعد يخسر راح يخلي اسعارة معقوله حاله حال الباجي

عموما الله يوسع رزق جميــــــــــع التجار .. الكويتي انفع بالاخير:eh_s(15):

وشكرا:eh_s(7):​

 

[عادت ذكرياتي]

صااااااااااااااااااااااااجة


المفروض اللي يرفعون الأسعار نهجر بضاعتهم ويضطرون بإنهم ينزلون الأسعار

 

[نونه العنونه_H]

ايه والله وعلى فكره مو بس التاجرات حتى المحلاات
نفس بيرشكااا وطقته اسعاره بالنسبه للبضاعه اووفر
اصلااا البضاعه شيييييب والخامه شيييييييب والستايل قديم
ويبيع بسعر الماركات المرتبه الي برا

 

[q8dvd2000]

لوووول
انا تاجره بس بقوول راييي صج في بعض التاجرات الله يهدااااهم
مايبون يكسبون دينار والا دينارين لا الضعف


للحين اذكر وحده من التاجرات تبيع مكينه صنع اللقيمات ب 10 دنانير وانا شاريته بنفسي بدينار @@

 

[كويتية222]

اممممم ترى الصيني درجات

خصوصا الجناط والملابس في اللي سعره بالموقع 5دولار من غير شحن وفي اللي ب 100دولار وزود

لكن الربح يكون بالمعقول

خل اخذ مثال

تكلفة الفستان +شحنه+ربح التاجرة خل تزيد 3 والا 5دنانير اوكي مو مشكلة لكن اضعاف اضعاف القيمة لاااااا قلبها ما يعورها؟!!

لي باع طويل بالنت من 1998 واغلب المواقع لي تعامل وياها

بعض المواقع الصينية بنفس جودة البضايع اللي بالكويت

وبعضها استوكااات

وبعضها جودة صج عالية لدرجة يطلون لج الجنطة بماي الذهب علشان ماتفرق لمعتها عن الاصلية

والافضل دايما قبل ما تشترون اي شي من النت دوريه بالسوق ان ما حصلتيه تالي اشتريه من النت

واولا واخيرا انتوا مخيرين بالشراء من التاجرات من عدمه

 

[دانه الشطوره]

بصراحه كوني تاجره

ماحب اخذ فلوس زياده

دايما اسعاري احطها باللي يرضي ضميري و ربي

حتى والله في اشياء يمكن ربحي عليهم نص دينار

ليش ؟!

لأن في اشياء مو انا اللي شاريتهم يعني مثلا الاغراض اللي ابيعهم مالوت ايران

مو انا اللي شاريتهم انا عطيت فلوس حق خالتي و قلت لها تشتري لي

اول مره شرت لي قالت لي سعر معين و على اساسه سعرت اغراضي حلوو

لما خلصوو قلت لها تشتري لي بعد غيرهم و عطيتها فلوس

سافرت و رجعت قالت لي ترى الشي الفلاني جذي سعره

وطبعا انا تصير فيني صدمه لأن اكون قاعده ابيعه بنفس السعر او زايده نص دينار بس @@

و ما اقدر اغير اسعاري مره ثانيه ليش ؟!

لأن في ناس راح يقولون طاع هاذي نصابه و من هالكلام على الرغم من ان في ناس يبيعون نفس منتجاتي بس السعر ما شاء الله دبلااات يعني شي انا ابيعه بــ 2د.ك اشوف وحده ثانيه تبيعه بـ 5 او 6 !!


و قبل لا اكون تاجره كنت نفسكم زبونه كنت بشتري شي من تاجره معينه قلت لها بجم و قالت لي 26 د.ك بس طبعا ما شريته منها لأني شايفته بموقع و سعره اقل من جذي

لما سافرت فرنسا شفت نفسه بالضبط و لا سعره اقل من اللي بالموقع بعد كان سعره 14 د.ك تخيلوو الفرق !!

يعني حلووه القناعه .. حلوو الواحد ياخذ ربح معقول مو دبل السعر

خخ قرقت وايد بس حبيت ابين وجهه نظري في التاجرات اللي يسوون جذي او المحلات اللي تسوي جذي

مشكوووره حبيبتي ع الموضوع
و ان شاء الله التاجرات بيقرون الموضوع هذا
و يتعضون او ياخذون حذرهم للمرات اليايه

 

[مشتطـه]

لووووووول


والله اذا انا لاقيه خبله ينقص عليها بسرعه وتشتري ليش ما ارفع بالاسعار


شوفي حبيبتي هذا يعتمد عالزبونه الشاطرة بتعرف
والغبيه بينقص عليها

انتي لما تشترين شي خل تييبه وشوفي الجوده اذا تستاهل اخذيه واذا خرطي ردي للتاجره بظاعتها وحاسبي المندوب بس



الكويتيات لان عندهم فلوس ف يبون اكثر وتصدق عمرها
وتزيييييييييييد ببالاسعار


90% نصابات

و10% يخافون ربهم بس

 

[عرش الأنوثه]

صح كلامج عموما الله يهديهم يارب

 

[غلا-زوجي]

شاكرة مرور الجميع

 

[sweet & girl]

بصراحة للحين ما اقتــنــعت بــ فكرة أنني اشتري من تاجرة بالنت مو قصور بس أنا يالله نلحق ع الي في السوق وكل الي خاطري فيه باستثناء حالة وحدة شيء حدده ذربه و سعره خررافي بالنسبة للسوق وغيره لاااا

 

[نور مغليها]

- بسراحه كلامج كلآإ صج بس الغلط مو ع التآجره .. إهيا انسانه تبي الرربح ‘ الغلط على الزبونه الي تشتري ..
حسيتي ان السعر خيآإلي لا تشترينه .. اتركيه ..
أنا احيآنـآ ً أبي شغلآ واشوفهآ بسِعر احسه خيالي اطنشه واخليه لان ماني مجبوره اشترري شي مابيه
مو بخل ولا فقر .. بس مآحب الي تستخف بعقلي وتحط سعر خيالي ..

 

[نونه العنونه_H]

وانا بعد اذا ما عجبني السعر والجوده مع بعض ما اشتري..

 

[غلا-زوجي]

انتو صح

 

[Angel-Lady]

بالنسبه لي ما اقدر اقول غلطانه و لا لا لان في النهاية هذي تجارة و كل تاجر و قناعته و اخلاقه و الفلوس بتروح و بتيي

الي يشتري اهو لازم يحسبها صح :]

انا مريت بموقف اسوء

مره شريت مجموعة اغراض بسعر الفلاني و قايله حابه تغيرين اللون تقدرين اتغيرينه و لاني مو حابه اللون غيرته و طبعا السعر نفسه

المشكله ان لما وصلتني الاغراض طلعت مو كامله و لما استفسرت عن الموضوع قالت لي ان مخلص من عندها هذا اللون!!! يا سلام ليش ما تكلمتي و انا دافعه مبلغ كامل ليش اذا ما راح تعطيني كامل اغراضي؟ عطتني شي بديل بس عقب طلعة الروح للاسف و المشكله ليلحين ما وصل لنفس السعر الاغراض الاصليه يعني ليلحين ناقص...

فقلت بالطقاق و اذا عندي حق راح اخذه منها يوم الحساب :]

يعني لو وحده ترفع السعر مو مشكله تقدرين اتقيمين على الاقل من منتجات ثانيه بس لو نصب اشكره و الذمه وسيعه شنو اتسوين؟!

الله كريم :]

 

[*الهنوف*]

التجاره لعبه وكل واحد حر يحط السعر اللي يبيه
والمستهلك يقدر يقدر اذا الشي يستاهل او لا

تذكرين مشط البف كانو يبيعونه علي ٨ والحين علي دينار..الله واكبر
بس مو الكل في بعضهم يبيعون باسعار حلوه

خل اقولج جم شغله تصدمج
بغيت مره اشتري جنطه من وحده علي٧٠ ولقيتها بره ب٣٠
اختي شرت نفانيف للعيد لبناتها من عضوه علي ٣٠ الواحد بالموقع ينباع ب ١٢ صدددددمه مووو

بس بالاخير هذي تجاره واكيد الواحد يبي يربح كثر مايقدر

 

[مشتطـه]

يربح اوكي بس هم احنا عاقلين ولنا عقل يفهم مو اغبيا يعني عيب
هالموضوع المفروض يكون عبره لهم وعشان يفهمون بعد

 

[أمانيQ8]

والله امس قالي زوجي يقولي في شي رفيجي شاريه يفيد الجسم تبين اشتري حقنا وحق لمج وامي وابوي قلت له ايييييييييييييييي شفته اليوم بالمنتدى وحده تبيعه قال صج بجم؟؟؟دخلت شفته والا ب10دنانير انا على ويهي قلت له بعشره يبيعونه قالي من صجج صاحبي يقول ب500فلس من الصيدليه@@ انصدمت قلت له من صجك قال والله ومن صيدلية العديليه(ماني قايله شنو الشي هذا اخاف اقول و اتعرفون التاجره وتصير مشاكل) مالي خلق لويه
ووايد اشياء

 

[أمانيQ8]

التجاره لعبه وكل واحد حر يحط السعر اللي يبيه
والمستهلك يقدر يقدر اذا الشي يستاهل او لا

تذكرين مشط البف كانو يبيعونه علي ٨ والحين علي دينار..الله واكبر
بس مو الكل في بعضهم يبيعون باسعار حلوه

خل اقولج جم شغله تصدمج
بغيت مره اشتري جنطه من وحده علي٧٠ ولقيتها بره ب٣٠
اختي شرت نفانيف للعيد لبناتها من عضوه علي ٣٠ الواحد بالموقع ينباع ب ١٢ صدددددمه مووو

بس بالاخير هذي تجاره واكيد الواحد يبي يربح كثر مايقدر

لااااااااااااا من ايام ماكان ب8وانا اشوفه بالاسواق الشعبيه وعند الفلبن وبسرداب الشايع ب1ونص

 

[بنوته كيكه]

شوفي اختي خبره من اخوي معلمني كل شي مشاءالله
التجار جبون البضاعه من برا ارخص سوا من الصين ولا يابان ولا ماليزيا
وغيره يشتريه جمله وجي اهني ابيعه بسرع خيالي
مثل كوت عندج اخوي شايف جاكيت عندهم 90 دينار
شنو صناعته لا صيني ولا امريكي ولا ياباني ولا مارليزي
صناعته جاكيت اندلوسي مكتوب عليه والله مات ضحك طلع برا
وسافر علاج خارج وشاف نفسه والله تنصدمين لقه 10 دينار برا دوله
اختي لا يقصون عليكم سوالف مركا وغير مراك كل واحد عنده مصنع في يابان ولا صين
وغيره من دول وحط ستكر امريكي وخلاص حتي محلات ماركه عندهم مصنع ماليزيا
نصيحه خلونا نسوي اضراب عليهم مانشتري نشتري من برا ارخص ولا الله سلم السوق الشعبي
ارخص ولا المباركيه شحلاتهم ارخص بعد

 

[بنت العقربيه]

هاذا اسمة نصب والله قمت اشتري الاغراض في التخفيضات وايام الاعياد الاجنبية تلاقين كل الماركات من عطور مكياج ملابس احذية نزلت الى ربع السعراذا مو اقل انتي اغتنمي الفرصه ولا تشترين الابعد ماتدورين المجمع او السوق كلة والمهم وقت التخفيضات لاتفوتك واذا ماتعرفين تطلبين من النت فية طريقه سهلة بس ناسية في اي قسم يمكن قسم الازياءتعلمك كيف تطلبين من المواقع بلا نصب بلا هم