بعرف ليش حلال علي غيري وحرام علي عفيا فهموني

[غـرامـي أنـت]

حبيبتي اخته قلتي ملكت يعني الحيين زوجج ماله كلمه عليها

زوجها هو اللي يمنعها بس ،، واما معاشج ماله حق يتدخل وغلط تخلينه يتمادئ

 

[بخـــارى]

اخذيه على قد عقله قوليله ان شاءالله
وعطي امج من غير مايدري
واتقوليله اشمعنا اختك عندها حساب بالتويتر خلي سالفة التويتر مو هامتج
مرده بيطخ وبنفسه يسويلج الحساب

 

[سكوتي بذوقي]

المعاش خاص فيكِ انتي بس

هو مسئول عنك

ماله حق يسأل ويحقق ولاتعطين أحد

إذا عطيتي امك حرام يعني ليش يتدخل امك اللي سوته لك مو قليل

لو تعطينها مال الدنيا كله مايوفيها جزاها

الله يهديه يارب

 

[منال $]

بالنسبة للمعاش عادي لو تساعدتو مع بعض بالنهاية هدا زوجك وهدا بيتك
وبالنسبة لتويتر واختة انتي مرتة غير عن اختة والرجال بيغار بيغار عامرتو اكتر من اختة وانت بنفسك بتقولي اختو مخطوبة يعني في مين يحاسبها غير زوجك؟؟؟

يابنتي لاتخربي بيتك عشان تويتر الموضوع مو مستاهل مدامو بتعامل معاكي كويس خلالالالالالالالالاص بلا تويتر بلا فيس بوك

 

[ماني من الناس]

شكو متسلط على معاشج ؟! ليكون تشتغلين عنده بس وحتا لو تستغلين عنده معاشج لج شي خاص فيج حقج

 

[انين الفجر]

اهم شئ اختي لاتعانديه علشان مايعند معاك

حطي حد لكل تصرفاته بس بااسلوب

اهم شئ لاتعاندي معاه حبوبه

والله يسخره لك يارب

 

[سفييره الكويت]

انا اشوف زوجج يغار عليج ويخاف عليج مايبي احد يقص عليج وهذا من حقه عموما لازم تخلين زوجج يشوف تلفونج وللي تكتبينه عشان يطمن طبعا بشكل غير مباشر

اوفهميه انه تويتر مكان لتقضيه الوقت مو اكثر

اما المعاش فالحياه مشاركه الحين تتشاركون بكل شي وعند الفلوس تقولون ستوب قطوا مع بعض وان شاء الله بركه وماقطيتي الا على بيتج

اما يتطنز عليج لا تسكتين كلميه عادي قولي يافلان انا اتضايق لو سمحت لا تتطنز لانك تحطمني جذي وانت زوجي المفروض تكون سند

لي ..

والله يخليكم لبعض

 

[خالتي قموش]

بلنسبه للمعاش انتي حره بس ساحليه واخذيه لمسايس والكلمه الحلوه
اما التويتر من حقه يمنعج لانه ريلج
مو لازم تدشينه
ما يسوى انج تنكدين على عمرج بسبته
كنا عايشه من قبله
لا يزيد و لا ينقص من حياتنا
واخته هو مو ملزوم فيها
صارت على ذمة ريال
ونصيحة لا تقارنين نفسج فيها
انا ما ارضى اخوي يدخل فيني
عنده مرته هو حر فيها
عيشي حياتج واستانسي
ولا تحنين وايد على الريال
لا يمل

 

[ELFAD3Ah]

الله يسخره لج ويهديه

 

[نـعـومـه]

توتير يمكن من حقه يمنعج واخته ماله شغل فيها لانها بذمه ريال ريلها مسؤول مواخوها

بس سالفه المعاش كلش ماله حق قوليله ترا الشرع مايرضى ان زوج ياخذ من زوجته وتحط معاه بأساسيات البيت

واذا يطنز عاللبس قوليه انت متزوجني عشان تطنز ولاعشان اكون شريكه حياتك وام لعيالك ؟!!

 

[فاقده ابوهاااا]

سالفه التويتر المفروض ما تكتبينها لانها مو مشكله لان بالاصل هالشي تافه وما راح تموتين بعيد الشر اذا ما دشيتيه وريلج بكيفه يسمحلج ولا لا يعني انا لو ريلي يقولي لا تدشين المنتدى بقوله سمعا وطاعه
اما بالنسبه للمعاش مافيها شي اذا سأل او اذا ساعدتيه
اشوف الكل يقول ان الحياه الزوجيه مشاركه بس لي يات صوب المعاش طقيتوا بريك وتحججتوا بالف عذر وعذر

 

[amami al-kuwai]

التويتر اوك ممكن يغار عليج ويخاف احد من الشباب يتقرب نتج

لكن انه يدري انا من رايي مايحق له بس سوي الطريقة اللي قالتها انثى عاشقة

لكن معاشج مو من حقه لا بالشرع ولا بالقانون ووصلي له هالمعلومة ووقفيه عند حده وصرف عالبيت انتي مو ملزومه لكن حلو التعاون ولازم اتقسمون بينكم علشان مايخلي كل شي عليج

والله يسخره لج

 

[kwait doll]

ما توصل لدرجة هدام بيوت تفاهمي معاه

 

[Dodo80]

حبيبتي مافيها شي اتساعدين زوجج بالمعاش طبعا اذا كان معاشه ضعيف ومو ملحق علي مصاريف البيت بس انه يدخل منو اعطي ومنو ما اعطي لا اسمحيلي مومن حقه ومومنحقه حتي يسال جم صار معاشي

اما بالنسبه لتويتر انا ما اشوف انه شي ضروري او مهم اني اضايق عشانه او هالشغله تاثر بحياتي الزوجيه خل اقولج شغله

بالنسبه لي ريلي مايخليني اشترك بالتويتر مومعني انه مايثق فيني ابدا , بس يقول ما احب زوجتي تدخل بهالمجال وستين شاب يدخل عليها وغير تعليقاتهم وبعضهم يردون عليج بتعليقات مسيئه وفيها قلة ادب وعلي فكره بنات خالته وخواله كل وحده عندها تويتر فانا اعتبر شي مومهم اذا اهو شايف انه هالشغله اضايقه

 

[مناير ...!]

معاشج حقج ماله خص
اما التويتر شدخل اخته بالموضوع؟؟
يعني عشان اخته عندها لازم يصير عندج؟؟
مالج دخل بااخته

 

[Soso_Bronzy]

ماله حق يمنعك تعطين امك اللي تستاهل عيونك وماتكفيها ..
الشي الثاني والله غريبين الرجال اذكر وحده مثلك بنت اخته عايشه معاهم وكل شي حلال و واهي لا ممنوع
واهو اللي يرفض ويوافق ..

 

[زوجة عزيز]

اذا على التويتر مو سالفه مايوثق فيج يمكن انه يخاف عليج واذا على لبسج سمعيه وشوفي اللي يحبه ولبسيه مو مشكله واذا على اتساعدينه من راتبج مافيها شي بس مايعتمد اعتماد كلي عليج بس يحاسبج او يمنعج انه تعطين امج من راتبج ماله اي حق