بعد ما جهزت كل شيء وباجر عمليتي بسوي خشمي اللي معقدني .. تعالو شوفو شنو عرضلي وكنسلت

[الذبانه الحايره]

هاي بنات ..

رايحه لدكتور معاي التحاليل و فلوس العمليه و كل شيء .. علساس باجر .. الصبح عمليتي ..


وإحنا رايحين . أنا الدنيا مو سايعتني من الوناسه ..


وإلا أروح ...العياده و قبل لا أدفع و إلا أقولها .. يصير ألبس نقاب بعد العمليه .؟؟؟؟ <<< ما أدري شلون جا السؤال جذي فبالي. ..؟؟؟

وإلا تقولي .. نو وي .. <<< مستحيل .

قلت دقي عالدكتور تأكدي .. << ماكان بالعياده ..

وإلا يقولها لا .. ما يصير عالأقل 6 شهور ..؟؟

طبعا مستحيل. . أفصخ النقاب .. لو شيصير ..

ويا فرحه ما تمت .. كنسلت موعد العمليه لباجر ..

ورجعنا البيت .. أبجي .. بجي .. لا صار و إلا إستوى ..


بنات شرايكم باللي صارلي ...

تعرفون أحد لبس النقاب ... أو النضاره .. عالأقل. . لأنهم كلهم نفس الشيء ..

وأنا لبسي للنقاب ما يتعدى .. ساعه باليوم ..

من البيت للمدرستي ... وطول النهار أدرس فاصخته ... و ألبسه بالرجعه .. للبيت ..

ولما أزور .. مسافة الطريج بس ... يعني مو حيل ..؟؟؟ تقولون نفس النضاره طول النهار لابستها .. لأ ...



عاد .. برجع لدكتور .. أقوله .. يصير ألبسه بس دقايق .. ما يتجاوز الربع ساعه .. بكل درب ..

وبحرم نفسي من السوق .. و المجمعات .. والأماكن اللي ألبس فيها النقاب على طول. . بس عشان هالعمليه ..


شرايكم بنات ..؟؟


حدي بموت من القهر .. بسوي هالعمليه لو على جثتي ..


بس فشله ..من و انا جاهل بالثنويه .. و ألحين .. يوم كبرت .. وعيالي حولي .. أفصخه ..؟؟؟ مو عدله كلش ..

ي

 

[النوالنو]

والله ياختي استخيري سبحان الله خيره



زين قولي لهم ع الاقل بوشيه مو نقاب غطا

 

[shaikhat elbnat]

يمكن النقاب او النظاره تضغط على الخشم و تأثر عليه
لبسي بوشيه خفيفه

 

[الذبانه الحايره]

وين ألقى بواشي .. ؟؟ ما عمري لبستهم أنا كله نقاب ..

ولازم مع عباة راس صح ؟؟؟ لأني مرات عباة راس ومرات عباة جتف ؟؟

بس عادي عندهم ألتزوم بالراس علطول ..عادي

 

[Desert-Girl]

اتوقع ما راح يمنع البوشيه
سأليه عنها

 

[الذبانه الحايره]

إيه أهو قال .. ما يصير الخشم يكون لين ..

ما يصير شيء يضغط عليه .. بس للحين ما قلتله .. جان يصير ألبسه بس فترات بسيطه بس ..

شلون شكل البوشيه .. ؟؟

 

[shaikhat elbnat]

البوشيه اهي الي اتغطي الوجه كله تنزل مثل الستاره من الراس لي الوجه

اعتقد البوشيه اتلاقينها بالاماكن الي يتباع فيها النقاب
و الاكيد انج بتلاقينا في سوق الديره المباركيه

 

[الذبانه الحايره]

بروح أشوفها ..عسا شكلها يكون مرتب يوحي إني كويتيه ..

. مو شكلي جايه من صالون خدمة منازل .. .. هههههههههههههه

 

[ام اللقافه]

تعرفين النقاب اللي يلبسونه السعوديات ؟
اللي ينربط من ورا !!!

هذا ما ينفع ؟؟
النقاب مثبت على يبهتج مو خشمج اللي ماسكه

 

[الذبانه الحايره]

إيه عرفته ؟؟ يووووووووه ما أحب شكله ..؟؟ كلش مو ذرب ..؟؟

أبي شيء ذرب وبنفس الوقت .. ما يلمس خشمي الصغيرونو الحلو ويخربه لي هههههههههههه



شسوي بحالي ؟؟

موعدي مع الدكتور .. السبت و إذا الله كتب .. الأحد ماي سيرجري ..

 

[الذبانه الحايره]

زين ما تدرون وين ألقاه ؟؟

أختي الكبيره تلبس بوشيه ويوم رحت أشوف بوشيتها .. طلع فيها سير .. بعد

تصير طبقتين .. مو طبقه وحده .. طبقه بسير و الثاني فوقه شفاف شوي ... تحطه فوق النقاب السير عشان لا تبين عيونها عدل

 

[أي معزه!!]

حبيبتي لبسي بوشية عادي
بديرة تحصلين لي قبل واعتقد احسن مع عباءة الراس ما يصير مع الجتف

وبتوفيق

 

[العين الكحيله]

مثل ماقالوا البنات البسي بوشيه
وبالتوووفيق

 

[taybaa]

حبيبتي في نقاب كامل اللي ياي قطعتين ومن داخل مثل البرقع هذا احسن حل خيتوا وانشاءالله فتدج

 

[منانا]

استخيري احسن حبيبتي والخيره فيما يختاره الله طبعا

واذا الله كتبلج وسويتييها على قولتج ربع ساعه حاولي احد يوصلج لحد ما توصلين وبالطريج تكونين ماسكته مثلا

او استغني عنه بالبوشيه اظن اخف وما تركز على منطقة الخشم والله اعلم

الله يكتبلج الي فيه الخير

 

[Turquoiseya]

حدي بموت من القهر .. بسوي هالعمليه لو على جثتي ..


بس فشله ..من و انا جاهل بالثنويه .. و ألحين .. يوم كبرت .. وعيالي حولي .. أفصخه ..؟؟؟ مو عدله كلش ..

حبوبة راح تنحرمين من الطلعات والروحات
انا ماتعديت باب شقتي الا لما داومنا بالمدارس
وبعدها لبست النقاب السعودي اللي ينربط من فوق
وشطله مأساة علي بس شسوي اهم شيء خشمي
ان شالله على نهاية السنة اكمل سنة وارد لنقابي الاولي

على العموم تقومين بالسلامة ان شالله

 

[خفوق المشاعر]

تغشي بالشيله شالمشكله انا مشاويري اتغشى بالشيله
يعني تغطي بالشيله واذا وصلتي المدرسه شليها ونفس الشي بالنسبه لطلعاتج ؟؟ يعني عادي مافيها شي

 

[وردة اليابان]

نصيحه أختي لو حبيتي تسوين تجميل للأنف ابتعدي عن لبس النقاب و النظاره على الأقل ست شهور و دبري حالج بأي شي تغطي به، أعرف ثنتين مسوين تجميل للأنف وبعدها باسبوع وحده ردت تلبس النظاره والثانيه النقاب، والله لا يوريج شغل الدكتور كان واايد فنان بس لأنه العظم كان لين صارت كسره في النص فوق مكان النظاره والنقاب يعني كأنه متكسر، و هزأهن الدكتور على إهمالهن ، فنصيحتي الأنف يباله اهتمام لحد مايرجع لشكله الطبيعي و لا بيتشوه و بتضطرين تسوين عمليه ثانيه

 

[عمشه جآكسون~]

لبسي بوووشيه وتوكلي على الله ...

 

[قفشه شكر]

خييييييييييييييييييييييييييييييييييييره