بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Melo]

السلااااام عليكم
شلونكم بنات شخباركم
شمسي عاليه اليوم قمت الساعه 10 الا
العاده من الفجر قاعده
المهم شربت كوب حليب و كليت فاكهة و توست و جبن
و الحين الغدا قاعده اكل سلطة ما ابي اثقل لان خاطري اشوي بالليل
و رياضه ما اقدر اسوي حدي اصعد و انزل الدري يحليلي
ولا اذا كفخت براسي رقصت على اغنية و لا ثنتين يعني مو اككثر من 10 دقايق

عوااااااافي ع الكل
هني و عافيه ان شاءالله

الله يستر من هالميزان
شكلي بتم على حالي يحليلي و بصير تختوخه القروب

 

[قيثارةالشوق]

من شوي سويت تمارين الخمس ميل 11دقيقه بس اليوتيوب فام يقطع علي وماكملت الدقيقه الباقيه
ميلو سوي هالتمارين الخمس ميل حلووه تحسين بذلتي طاقه وااجد يمدحونها

 

[Melo]

قيثارة
شنو هذول خل اروح اشوفهم بالنت اذا ما اتعبون بسويهم اذا اتعبون لا
مالي خلق بصراحة و جسمي متكسر
هم المسعده مو مخليتني من الالام

 

[قيثارةالشوق]

العشاء
سفن دايت وهمبرجرلحم 3وخياره

 

[روعة حلمـ]

ماشاء الله .....عليكن ...احلى انجاز ...موفقات ..ان شاء الله ..

وعقبالي انزل .....رميت 3 باقي ...29 كيلو...

 

[غارقة بأحزانها]

هاااي بنات الحمدلله اليوم انا ماسكة نفسي عن النشويات

الصبح تريقت رقي
وشربت جاي ابيض
والغدا كان عند اهلي كالعادة يطلبون لي دايت كير ستيك
وكليت ٢ فراوله مغمسة بكاكاو

والعشا محتارة اسويلي بيض مسلوق ولا اكل كيوي واناناس
حدي يوعانة
بس بقوم العب رياضة عالقاري
بسويلي جاي ابيض مرة ثانية

باجر دوام استغفر الله

 

[غارقة بأحزانها]

اي بنات انا عندي خيمة السونا
وسويت فيها حمام بخاار وتفركت بالمغربي
تعتقدون القعدة بالبخار مفيدة للريجيم يعني تضعف؟؟
لان يوم شريتها كاتبين انها تساعد علي التنحيف والتبييض لوووول
بس انا نيتي اني ابيها للحمام المغربي لان ماعندي وقت اروح الصالون مدة طويلة
اروح بسرعة بس حق الاساسيات مرة بالشهر وادبر عمري باجي الشهر
تدرون بعد حكم قراقوشً

 

[Lulu_Perla]

قوووووووووووة بنات
وينكم شخباركم..؟؟؟

غطيت عنكم و بدعت شوي ><

الخميس تعشيت خفايف
و الجمعه ريوقي ريجيم و الغدا بيتزا الفورنوووووو >< بس طبعا ما كليتها كلها تقاسمتها مع ريلي و عقبها مشينا شوي نهضم ههههههههههههههههههههه


و اليوم الريوق بوفيه البلد
و الغدا اشوى كان صحي < ستيك فاهيتا من ابل بيز
بس احس جني مكثرة ><


اليوم شريت جهاز اوربت تراك وصلولي اياه ليلبيت
من باجر ببدي فيه 10 دقايق الصبح و 10 دقايق بالليل

و ببدي ريجيم صح و بنظم اهدافي لاهداف صغيرة
و بحطلي تاريخ اوصل فيه لكل هدف

و ربي كريم

 

[meee]

سلام بنات ادري من زمان ماكتبت

وانا بغير الريجيم حقي من بكرا

وببدا بالتخفيفي والايجازه قربت

ابي اتعود ع التخفيف علشان ماازيد

الميزان اي يوم بالضبط علشان اتجهز لوووول

 

[غارقة بأحزانها]

بالعافية بريق
ومبروك عليج الجهاز
يلا شدي حيلج


انا تمرنت بس ربع ساعة
وماتعشيت ولا شربت جاي ابيض
مالي خلق تكورت تحت الكمبل وجابلت الايفون
واتساب ويوتيوب وتويتر
والحييييين حدي حدي يوعانه لدرجة اني قاعدة اشم ريحة برياني

هههههههههه

بس خلاص فيني النوم وباجر دوام

ودي اخذ معاي ريوق من البيت عشان مااخبص هناك
بس مادري شنو اخذ

اي اليوم خذيت بدلة عرسي من امي واااااي شحلاتها
بس ماقستها خفت ههههههه
باجر اقيسها عشان اشوف شبغبر بعمري لي ١-٦
الله يستر

 

[غارقة بأحزانها]

هلا meee


الميزان ٤-٦ ان شاء الله

 

[قيثارةالشوق]

من شوي طلعت اتمشى وجيت جايعه من بعد العشا
سويت لي نقانق 2 وكباب بقري وحده وشربت فيمتو لايت

 

[قيثارةالشوق]

غارقه عطيني تاريخ الميزان بالهجري اذا ماعليك أمر

 

[dnyay_mll]

اهلين بنات
نومتي معفوسه حيل وموقادره اعدلها كلش ابي حللللل حتى الرياضه مالي خلق اسويها
امس عشاي كان شوربه وبعدها شاي ابيض والساعه 10 الصبح يعت وكليت لوح شوفان ونمت بعدها بساعتين او اكثر
اليوم غداي متاخر عالساعه 9 ونص بالليل
كليت قطعة ستيك مشوي وشوية شوربه
وكليت قطعه صغيره مارشملو
وعالساعه 2 كليت شوية شوربه وهوت دوق مشوي
وشربت كوبين شاي ابيض وكوب شاي اخضر

بحاول اجبر نفسي عالرياضه

 

[غارقة بأحزانها]

١٤-٧-١٤٣٣ اتوقع

 

[Lulu_Perla]

اليوم بديت يومي مبجررررررررر ><

قاعدة من الـ 8
سويتلي ماي مغلي فيه شريحتين ليمون و قفشة كمون
و عقب ربع ساعه كليت ريوقي
توستة سمرة و عصير جوافة

و الحين بطلع اودي لابي ينزلون لي الافيس اليديد.. و لما ارجع ببلش بالاوربت تراك 5 دقايق او 10 دقايق يعتمد على اللياقة

ههههههههههههههههههههههههه


الغدا يابولي البوكس و حطوه بالثلاجة.. بس مالي خلق ابطل و اشوف شنو الغدا
بخليه مفاجأة لوووووووووووووول

 

[dnyay_mll]

صباحكم ورد
بنات خربتها
ريحة المطعم اللي تحتنا طاقه بخشمييي ماقدرت اتحمل جد حاولت اقاوم لكن ماقدر كليت حبة ايزي لاكس قبل الاكل بس لي الحين ماخذت مفعولها

كليت مقلقل وفول ابيض واحمر وخبز تنور
كليت شوي من كل شي وقمت بس حسيت اني شبعانه يعني ماكثرت وايد الحمدلله
بس ان شاءالله الحبه تاخذ مفعولها عشان نفسيتي ترتاح

وسويت معده 100 مره
والحين بنام ونشوفكم مع الغدا ان شاءالله

 

[رواسي شامخة]

السلااام عليكم.....
دنياااي ملل حاااولي يووم وااحد ماتناامين الصبح يعني واااصلي مثلا قمتي المغرب اضغطي على نفسج الين بالليل اليووم الثااني وناامي وبإذن الله بتعدل نوومتج...تدرين لما تاخذين كفايتج من النوم بالليل يسااعد الجسم على عملية الايض يعني يساااعد جسمج على انه يحرق السعرات الحرارية والدهوون...

بالنسبة ليوومي قمت وشربت ماااي معاه توست داخلها بيضة مفيوحة وشريحة جبن شيدر مع قلاص شاااي حليب...
وان شاااء الله اكمل بااقي يومي على نظااام والله يقويني بعد التخبيييص اليوومين اللي فاااتوااا...(؛

 

[قيثارةالشوق]

هلااااااااا بيكم بالعافيه حبيباتي
جلست وسويت لي الخلطه المكونه من شرايح ليمون والزنجبيل الخ
وبعدها بضتين مسلوقه وجبن كيري وحده
وبس

 

[مهندسه "]

السلام عليكم

اسمحوا لي ادش معاكم
انا قبل عبالي اني ب 80
ووزنت اليوم وانصدمت اني 93 ..
احباااااط
بس بنفس الوقت شجعني اسوي رجيم
بنات انا مسويه رجيم بي اخربط شوي



انشالله من اليوم ببدي