بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Melo]

السلام عليكم

بنااات مو قادرة امسك روحي ع الفطور شسوي بروحي
معني مو صايمه بس قاعده اتعامل كاني صايمه عشان ما اكل ولا شي طول اليوم
تخربطي كله عالفطور والله بطني اصفر تصفير و اطلع اصوات موو صج
الفطور اكلت تمر و شربت حليب و خربطت ب3 سبرنق رول واحد جبن و اثنين جبن و زيتون و زعتر
العقاب ما راح اتسحر اليوم الا لبن و اللي يصير يصير
و طبعا ما اكل سناك ولا شي

 

[{meme}]

بالعافيه ميلو
تسحري على الاقل روب والعبي رياضه او نزلي وصعدي من الدرج

انا اليوم مالي خاطري امشي واحس بصداع
وفطوري نفس ماقلت لكم شوربة عدس وقطعه لحم و2 سمبوسه لحم مشويه
وعقب شربت كوب حليب مع كاسترد
احس اني ماكله وااااااايد بطني منتفخ :s

 

[Melo]

الله اعافيج ميمي

وااااي امبيه بطني قاعد اطلع اصوات مو من صج حددده افشل
ما قدرت اتحمل الصداع و الجوع بصراحه جابلت القهوة العربية و قعدت اشرب باستكانة شاي مو بفنجان

لوووول اهم شي عيل انا احس روحي ثقيلة بدون الاكل و بطني مافي شي
بس قاعده اقاوم كله في سبيل الرشاقه و الضعف و الوزن المثالي
و عشان النفنوف مال العيد يصير قدي بقيسه ان شاء الله نص رمضان عشان اشوف شلونه و ربنا يستر
ناوية ادخل السبيعينات بالعشر الاواخر يااااااااااااااارب

 

[{meme}]

ان شاء الله ياميلو

انا خربتها
المفروض بس سلطه وروب
بس حطيت مع الروب قفشة عيش ابيض ماقدرت اقاومه مع جبة تمر هاي سحوري
والحين بتم اشرب ماي

وماكلت سناك لان كانو عندنا حريم تميت اشرب القهوه بالستكانه مالت الشاي هههه عشان اترس بطني وماكل شي

 

[Melo]

ههههههههههههه
ميمي الحال من بعضه
خربتها وكليت تمر معنه المفروض بس لبن و لا ما شربت لبن
بس شربت حليب لان عظامي قاعده تعورني و بصراحه ما ابي اخذ الكالسيوم و الفيتامينات لان تسمني حدددها

هههههههه و اهم شي احنا الثنتين قاعدين نشرب القهوة باستكانه الشاي ههههههه
عاد تصدقين لاحظت شي لي شربت قهوة معدتي تنملي و ما اشتهي اكل بس بعدها امبييييه حددد الجوع عشان جذي بروح انام
خصوصا مع المسعده بس ابي اكل و بس يوعانه

 

[{meme}]

ميلو اذا حسيتي انج تبين تاكلين شغلي نفسج اكلي علوج وعقب نص ساعه بتنسين الاكل

يختي لازم انزل هال 4 كيلو هالشهر

ودي ولو مره بحياتي اشوف الستين فالميزان

 

[Lulu_Perla]

قوة شلونكم
امس خربطت

اليوم بعوضها ان شالله

 

[Melo]

السلام عليكم

ميمي طفارتي شي اسمه علج ما احبه اكرهه
لدرجة اللي تسولف معاي و هي تعلج ما اشوفها اسول معاها و انا اشوف شي ثاني
ااااه باقيلي درب عال 60 لين اشوفها بس ان شاء الله بوصلها و بحيل الله بحافظ عقبها و لا بخرب
ان شاء الله اشوف ال 70 قبل لا اخلص رمضان
و اشوف ال 60 بعد رمضان بالكثير بشهرين
اي صج اليوم ان شاء الله ببدا اشرب خلطتج
يوم بسوي الدلة طبيعيه و يوم بسويها كلها ورق الشاي بس يصير احط عليها شوي عسل
و ان شاء الله توصلين ال 60 بالصحة و العافيه يارب و تشوفينها ترا ما بقا شي حديدن سهل و ان شاء الله تشوفين ال 60 قبل العشر الاواخر ياااارب

بريق لاااا شدي حيلج لا تخربطين و تصيرين نفسنا و تضيعين التعب
نصيحة بنات اذا خربطتو صعدو و نزلو الدري كذا مره
انا ساكنه بالطابق الثالث فاصعد و انزل 4 او 5 مرات كعقاب او اقعد اخم الغرفة بالبروش الصغير لين ينهد حيلي
و للاسف المشي ما اقدر اروح لان لازم احد ايي معاي و محد راضي يمشي معاي قبل الفطور
و بعد التراويح ممنوع الطلعه نهاااااائيااااا

 

[غارقة بأحزانها]

الله يعينكم بنات ويعيني معاكم
انا جد حاسة بتأنيب الضمير لاني مخربطة حد الخربطة
بس يختي اليوع كااافر

بس خلاص لازم اخذ قرار ليمتى جذي يعني وزني قاعد يزيد جدام عيوني
وانا اتفرج

خلاص خلاص خلاص

من اليوم الالتزام باللي داخل الصندوق بس
واذا يعت بشرب نسكافيه
ولا ماي ولا جاي اي شي بس اسد هالجبد

والفطور راح اخذ بس تمر ونسكافيه
واذا يعت بعدين عقب الساعة 9
راح اكل وجبتي الرئيسية
والسلطة
وبالليل اتسحر بالموجود من داخل الصندوق


خلاص عيب والله عيب

اكل اكل اكل اكل ليمتى

مابي ااااااااااكل خلااااااااص

يارب يتحقق اللي ببالي ويجيني اللي يكرهني بالاكل وريحته يااااااارب

ادعولي بناات المفروض ان باقيلي عالدورة 3 ايام
ادعولي مااشوفها واطلع حاااامل

 

[مهندسه "]

السلام عليكم
سوري تأخرت عليكم واايد و لهيت

بنات شفيكم وين ارادتكم ؟

انا بالنسبه لي
الفطور تقريباً يتكرر . .
الثوابت : (شوربة + سلطه + تمره ولبن + عصير سيزر او تروبيكانا )
الوجبة الرئيسيه : ( اما دياي فليه مشوي او خضرة مسلوقه مع دياي او لحم ستيك او همبرجر .. )
بعد الفطور ؛ ( اكل كبه وحدة بس او قطعة حلو وحدة او قفشه وحدة مهلبيه ..)
السحور ؛ ( اما ٢ توست اسمر مع جبنه *خالي الدسم او تمر وحليب لوفات ..)



و امشي نص ساعه كل يووم

 

[مهندسه "]

غارقه حبيبتي قوي ارادتج وينها !!

ميخالف ردي وعوضي ولا تخربطين
انشالله تطلعييين حاااامل ي رب

الله يبشرج بكل خير 

 

[{meme}]

ميلو ان شاء الله حبيبتي ننزل بصحه والله يحقق لنا اللي في بالنا
وشدي حيلج انا ودي اسوي الخلطه اليوم ان شاء الله عقب التراويح بسويها

وغارقه ان شاء الله تطلعين حامل وتبشرينا

اليوم مشيت 45 دقيقه مشي سريع على الجهاز
وفطوري بيكون ان شاء الله حبه تمر + ماي
وعقب باكل قفشتين ثريد وقطعه دجاج او لحم وسلطه وعقب بشرب حليب مع كاسترد او نسكافيه

والسناك تفاحه
وبلعب على الاوربتراك 5 دقايق

والسحور حبه رطب + روب قليل الدسم

 

[{meme}]

ميلو اي بقول لج ليش ماتدخلين على اليوتيوب وتشوفين التمارين وتسوينها
منها رياضه ومنها تقضين وقت قبل الفطور بس ماتكون تمارين قويه يعني اشياء خفيفه وتحركين جسمج وتحرقين

 

[Melo]

السلام عليكم

هههههههه امبيه حظي يكسر الصخر
ماعندنا من الخلطه الا الشاي الاخضر هههههه مو من صج
تفطرت تمر و لبن و كالعاده خربطت كليت سمبوسة جبن و سبرنق رول جبن و زيتون
و هم كالعاده ما راح اكل شي لين السحور بس اشرب ماي و قهوة
و السحور بخليه 5 تمرات و لبن و علطول بنام بعدها عشان ما اكل شي ولا اخربط مع اهلي

غارقة يارب تبشرينا بحمالج ياااااارب

ميمي وين اسوي ماعندنا مكان اسوي فيه رياضه
و بعدين انا اطبخ و قبل الفطور يدوب يمديني اسبح و اريح شوي
شكلي بقضيها صعده و نزلة الدري او اني احاول اضغط ع اهلي اخلوني اروح امشي بعد التراويح بس نص ساعه

و هني و عافيه للكل يارب
و تقبل الله طاعتكم

 

[غارقة بأحزانها]

حبيباتي بنات قروبي ماقصرتوا على هالدعوات الطيبة

الحمدلله الله يتمم علي يارب

اليوم تفطرت ٣ تمرات من الدايت كير وكوب كبيير نسكافيه
وبس
وعالساعة ٨ وشوي كليت حبه بيتزا حاطينها لي الدايت كير المفروض 2 بس ولدي خذا الثانية
عليه بالعافية

الحين قاعدة اتغصب ع بطل ماي
والعشر
باكل السناك اللي حاطيلي اياه
كريمة توت بالجيلي

 

[غارقة بأحزانها]

وان شاء الله السحور راح يكون الوجبه الرئيسية مرقوقه
مع سلطة وان شاء الله ابشركم اني ماخربطت

 

[Melo]

بناااااااااااااااااات
البشاره خربطت تخربط
كليت 3 كبب و كليت ربيان خدامه بيت يدي مسويته مع الخضار 5 قفشات شكله و ريحته يمي يمي
امبييييه و قاعد الاكل على جبدي الحين بيطلع من جبدي
سويتلي دلة جاي اخضر الحين و بقعد اشرب جود يخف اللي فيني و يمشي بطني
و باجر عقاب بس راح اشرب 3 حليب و ما راح اكل شي
و بروح امشي قبل الفطور ساعه
و لي يا وقت الفطور بنام و نفس الشي السحور
والله اشوف نفنوف العيد بالكبت و قلبي اعورني
بنات ايام المسعده ليش جذي الشهية تنفتح على البحري والله موقادره اتحكم فيها
انتو بعد جذي و لا بس انا

 

[{meme}]

الحمدلله ماخربطت
بس في شي غلط اني الشوربه فيها ماجي وجزر شربت شوي
وماكلت سناك ماكان عندي وقت
والسحور روب قليل الدسم والحين اشرب ماي

 

[غارقة بأحزانها]

الحمدلله ابشركم
عدا اليوم علي خير وماخربطت
الحمدلله يارب الف الحمدلله
يارب انك تثبتني
وتكرهني بالاكل ياااااارب

 

[غارقة بأحزانها]

السلام

شلونكم بنات

باجر الميزان ان شاء الله

اليوم ان شاء بتبع نفس خطة امس
اني اكل التمر مع مق كوفي عالفطور
واقسم الوجبات حق ٤ مراحل
واكثر ماي بين الوجبات عشان مااحس بالجوع
اليوم ماني طالعة من البيت


نفسيتي مو ذاك الزود
ضايق خلقي
سويت اليوم تحليل دم وطلع مافي حمل
ادعو اني اكون حامل وافرح ريلي
اليوم لي ٢٦ من الدورة يارب مااشوفها
واكون مبجرة بالتحليل

عاد الحين من النفسية حاسه بتعب والم الدورة
ماقلت حق زوجي حرام مسكين عنده امل ومستانس

انا ادري ان الحمدلله واذا مو هالشهر الشهر اللي وراه ان شاء الله
بس انا بغيت ان استغل فترة العطله للفترة الاولى من الحمل لاني مدرسه ودوامي متعب

الله يكتب اللي فيه الخير
ادعولي حبايبي تكفه

ماتبون تصيرون خالات 