بعد ماهدمت حياتي ,,,تطلب السماح

[umbarook]

رد : بعد ماهدمت حياتي ,,,تطلب السماح

السلام عليكم ورحمة الله وبركااااته
اولا الله يكون في عونج يا رب ويفرج عنج الهم والحزن ويعينج في مصيبتج يا رب
ثانيا مع احترااامي لكل اللي ردوا عليج
انا عن نفسي شفت حالات السحر وعشت لحظة بلحظة مع اقرب الناس من اهلي وشفت العذاب اللي عاشووووه من ورااا السحر
اللي فرق بين اختي وزوجها وحرم خالتي الحمل وحتى هالسحر خل البيت يتسجل باسم الساحره اللي عذبت اهلي عسى ربي حبيبي يا كريم اشوف عذابها بالدنيا قبل الاخرة يا رب
لاتقولين لازم سببب السبب هو الحسد والغيرة




لكن فرج الله قريب


والحمدلله الحمدلله الحمدلله فكينا السحر





والله يجزى الشيخ اللي تعب معانا اشهر ولا تخلى عنا


الله يجزااااه الجنه بهالشهر الفضيل


ولاتنسين ان اللي يروح للسحره فقد كفر


ولااااااا تفقدين املج بااااالله
الله اكبر الله اكبر

 

[غلا 2000]

لاحول ولاقوة إلا باالله
بصراحه صدمه أخت تسحر أختها بصراحه لوأنا بمكانج
ماراح أسامحها ولا أطيق شوفتها إلا السحر قويه حيل
الأخت أنين من عمان لاتزعلين ترا مومقصوده أهل
عمان أهلنا بس إهي مصدومه الله يكون بعونها​

 

[قمة^الانوووثة]

رد : بعد ماهدمت حياتي ,,,تطلب السماح

حبيبتي الله يعينج على ما بلاج
بقولج شي
اذا الله يسامح عبيده فهو رب العباد يعني خالقهم وعارف نواياهم وبإيده يزلزلهم لو عادو الكرة
بس الانسان مايعلم بالنوايا حبيبتي في حديث للرسوووول:
لاااااااااااا يلدغ المؤمن من جحر مرتين
والعفو عند المقدرة
بس في زلات تعدي وتنغفر بس الشرك بالله الله سبحانه مايغفره الا لمن يشاء
شلوون بتأمنين لها؟؟؟؟؟؟؟؟؟؟جاوبيني؟؟
حبيبتي انتي بطرج واهي من طريج تحصني بالقران وبس سلاااااااام وانتهى الموضوع
اعوذ بالله خانت دينها وباعت اخرتها !!!! انتي تأذيتي واذا هنتي عندها لاتهونين عند نفسج
ترى السالفة مو لعبة لو كل واحد بيسامح جان صارت زيطة عيل انا اول وحدة باجر بدمر حياة الناس !!



انا من رايي في اموووور الواحد المفروض ما يسامح فيها بعد العمر بنعيشه مرة لو اللي يغلط بحقنا ويظلمنا بنعيش معاه عمر ثاني ويعوضنا !!
جان العمر الاول سوينا البلاوي بالناس و العمر الثاني صرنا عسل معاهم

هذا سحر يا ماما مو طراق!!

 

[نونةo0o]

انا اقولج لو كنت بمكانج :

من داخلي مستحــــــــــــــــــــــــــــــــــــــــــــــــيييل اسامحها كللششش !!
لكن
اروح لها واعتذر لها واقولها انا مسامحتج وانتي اختي ،،،،
عشآن افتك من شرهــــــــااا وحقدهـــااااا وكرهــــا لا يزيــدوون علي ويخربون حياتي مرة ثاني
وطول العمر .......


وشكرا

 

[عقــد منثور]

رد : بعد ماهدمت حياتي ,,,تطلب السماح

حبيبتى .. انا اذكر سالفتج مع اختج اللى كتبتيها وكنت اتابعها ..

لو انا مكانج ما اسامحها ولا احللها لليوم الدين اللى سوتة فيج مو شوووية .. وهالاشكال ينخاف منها .. لاتأمنين لها كلش

اللى سحرت اختها وبهذلتها سنين .. مالها قلب ..

بعدى عن الشر .. والله يكون بعوونج ..

 

[شـقـاًويـه]

رد : بعد ماهدمت حياتي ,,,تطلب السماح

الله يكون بعونج ..
سوي اللي يملي عليج ضميرج
ولا تصيرين ضعيفه قداااامها
خليج قوويه وخلي لج شخصيه قدامها
اذا انتي حاسه ان انتي قادره تصيرين قويه
لا تحسسينها انج ذليله لها ولـ سحرها ...
وحسبي الله عليهااااااا يارب
والله قلبي معورني عليج حيللل ..
الله لا يسامحها الله لا يسامحها ..
لا تأمنين لها ..
والله يكون بعوونج وينصرج والله يحفظج ويسعدج يااااااارب ..

 

[Tantoshah]

سامحيها فترة مؤقتة خليها تفك السحر اللي سوتة وداومي على قراءة الأذكار والمعوذات وسورة البقرة عليج وعلى العيال وقومي الليل خليها تردج انتي وولدج لزوجج حسبي الله ونعم الوكيل فعلا الضرر والنفع بيد الله الطاهرة لكن لا حول ولاقوة الا بالله اذا تقولين ماينفع مع هالسحر الا اهي الغدارة وبعدين قاطعيها واذا شفتيها تابت توبة نصوح سامحيها بس حاولي تكوني بعيدة عنها قدر الامكان لانك لا تعلمين ماذا في نفوس البشر سامحيني اختي وتقبلي مروري هذا افضل حل برأي

 

[حصووونه]

الكره بملعبج
قولي لها فكي السحر والضرر عني مثل ماحطيتيه وبسامحج وعقب ماتفكه عنج سوي الي تبينه

 

[لوازم العائلة]

رد : بعد ماهدمت حياتي ,,,تطلب السماح

لوغريبه جان قلت لج لا بس سامحيها والي بالقلب يتم بالقلب لكن اخدي حدرج منها
وانتي سامحيها لوجهه الله سبحانه وعلشان صلة الرحم
وبعدها راح تشوفين بعينج شلون ربج راح ياخد حقج منها وبلمح البصر
بس وقتها لا تتشمتين

 

[CUTE ENGINEER]

ماكو سحر ما ينفك

اقري البقرة يوميا بالبيت وايام الدورة
شغليها وشغلي الرقية الشرعية بالبيت على طووووووول

والله يرفع عنج حبيبتي ويرد الظلم عنج وعن عيالج وقولي لها

ردي لي اللي ضاع مني ومن عيالي وانا اسامحج

أو ننطر لين الله ينزل عقابه عليج عقبها أسامحج

 

[المكسيكيه]

لا حول ولا قوة الا بالله العلي العظيم
المسامح كريم يا اختي
الله ينصرج على هل السحر حبيبتي

 

[((shoOoshoOo))]

لاتسامحينها مو كفوو هذي !!

وحسبي الله ونعم الوكيل بكـل سااااااااحر !!!!

 

[كل الطيب]

أولا حبيبتي الدنيا دين حتى لو سامحتيها كما تدين تدان الله سبحانه وتعالى يغفر كل شيء الا ايذاء الناس فبقدر مااذتك سوف ترى عقاب ذلك والدليل شوفي حياتها مع زوجها ومنو قالج ان صاحب هذي الاعمال سعيد بحياته الله يعينج ويعوضج خير ومثل مايقولون يابخت اللي ينام مظلوم ولاينام ظالم

 

[lovely jojo]

والله اللي سوته مو شوية بس بتظل اختج شتسوين بعد..

 

[اسيره السحر]

السلام عليكم
حبايبي اهل عمان والمغرب لايزعلون وهم علي راسي والله لاني كتبت شي حصل معاي ولا قلت ان كل اهل هالدول متخصصين سحر ولكن مانقدر ننكر ان فيها سحر ومنتشر وهذا الشي الكل يعرفه
وانا اختي سافرت هالدولتين كذا مرة من ملجت ولي بعد طلاقي بكم سنه كانت تروح كل سنه مرتين ثلاثه هناك وبشهاده خونا الكبير انه ماقدر يسيطر عليها ويشتكيها عند ابوي انه شاك فيها تضره وتضر مرته
يعني بالعربي السالفه عاديه عندها

 

[اسيره السحر]

المشكله اني خايفه انها بتيي بينا بمناسبه العيد وبصراحه اكثر انا احس نفسي اتعومس بس اجيب طاريها لانها والعياذ بالله قادره وواصله وعلي قولتها بتلفون واحد تقلب البيت فوق تحت
المشكله ان الوالد مريض ويضغط علي اني اصالحها بس بقلبي اكرهها ولاقدرت اغفر لها الي سوته فيني واعرف ردتها بهدف تدمر باقي خواتي الي بعد وقفت نصيبهم نهائيا والمشكله انها صارت تتستر برداء الدين وتدعي انها صاحبه خير وفضل واحسان وصدقات وتوحي للكل انها تغيرت وتابت بس الي بداخلها ماتغير لان اذاها محد سلم منه حتي اهل زوجها قاطعوها وشاكين فيها انها راعيه مشاكل

 

[غــلآ]

رد : بعد ماهدمت حياتي ,,,تطلب السماح

ياتري راح تسامحين وباي حق تطلبين السماح
هل تقدرين تردين عمري الي ضيعتيه مني
ولا زوجي الي احبه وحرمتيني منه
ولا تردين ولدي لابوة وحضنه الي مااشافه
حسبي الله عليج ونعم الوكيل
انتظر رايكم لاني فعلا في حير من امري ومادريت المنتدي الا علشان اسال

شوفــي
كل اللي كتبتيــه ماكان راح يصيــــر الا لما رب العالمين قال له كن فيــكون
وكل اللي صــآر رب العالمين ماسواه فيج الا عشان يختبر صبرج وايمانج
رب العالميــن مايختبر ولا يبتلي الا عبــده اللي يحبــه

" لو اجتمع الناس على ان يضروك بشي لن يضروك الا بشي قد كتبه الله عليك
ولو اجتمع الناس على ان ينفعوك بشي لن ينفعوك الا بشي قد كتبه الله لك "

تبين رايي

انا ماقولج انسي اللي صار .. وما اقولج طيحي معاها سوالف وميانه وجنه شي ماصار

لكن ..

تذكري هالكلمتين " والكاظمين الغيظ والعافين عن الناس "
تدرين شنو لهم من رب العالمين ؟

اخيييييييييييييييييييه بس لو تدرين
اتمنى اني اكون مكانج
عشان ربي يختبرني واحمده واشكره
مو عشان اختي اللي ضرتني لالالالا
عشان اهو يبي يكرمني حبيبي يارب
فأبتلاني ..

شوفي شنو لج اذا كظمتي الغيظ وعفيتي عن الناس
وبعد ماتقرين قولي لي

تبين الجنه ؟ والا تبين تنتقمين منها في الدنيا وتاخذين حقج وبالتالي يروح عنج هذا الجزاء العظيييييييييييييييم

قال رسول الله صلى الله عليه: رأيت قصورا مشرفة على الجنة ، فقلت يا جبريل لمن هذه قال: للكاظمين الغيظ و العافين عن الناس )

من عادة الكريم إذا قدر غفر ، و إذا رأى زلة ستر، و ليس من عادته سرعة الغضب و الانتقام.

و من انتقم فقد شفى غيظه وأخذ حقه فلم يجب شكره و لم يحمد في العالمين ذكره.

والعرب تقول: لا سؤدد مع الانتقام، و الذي يجب على العاقل إذا أمكنه الله تعالى أن لا يجعل العقوبة شيمته .

وإن كان لا بد من الانتقام فليرفق في انتقامه إلا أن يكون حدا من حدود الله تعالى.

وأن أول عوض الحليم عن حلمه أن الناس أنصار له على الجاهل، و لذة العفو يلحقها حمد العاقبة و لذة التشفي يلحقها ذم الندم

نصيحتي لج

بالمشكله بكبرها

انسي ان اختج اللي ضرتج لان لو رب العالمين ماكان يبي يبتليج صدقيني لو تيمعوا اهي وينانوتها وينانوت فريجهم ماقدروا يمسونج بشر
لكن الله يحبج يااااااااااااااااااااا حبيبتي الله يحبببببببببببببببببببببببببببببج
تقربي من رب العالمين وحمديه وشكريه على كل حال من خير وشر ودائما قولي " لا حول ولا قوة الا بالله "
ودائما على صلاه الفجر وصلاه المغرب قولي " حسبي الله لا اله الا هو عليه توكلت وهو رب العرش العظيم " وان شاء الله ماتلقين هم في يومج
احتسبي الاجر
ترى الدنيا فانيه ومحنا مستفيدين شي منها
رب العالمين قط بايدج كنز من الحسنات .. اذا صبرتي وعفيتي وصلتي له
واذا خذيتي حقج .. خلاص راح عليج الكنز لان خذيتي حقج وخلصتي​

 

[اسيره السحر]

والله اني احاول اسامحها بس ماقدر الظلم الي شفته موشويه
ومابي احللها لاني ابي جزاء وعقاب الله يحل عليها
يعني تدمر حياتي وتنهي زواجي وتشرد ولدي وبكل بساطه تبيني اسامحها
وياليت صج اهي صادقه بطلب السماح
بالعكس بس علشان زوجها شاك فيها ضاره اهله وتبي تبين له ان مابينا شي

 

[غــلآ]

رد : بعد ماهدمت حياتي ,,,تطلب السماح

ادري اللي سوته واللي قاعده تسويه يقهر

لكن رب العالمين موجود شفيج يا بنت الحلال

والله ماتقدر تسوي شي اذا اهو مو كاتبه لكم

 

[شوقني ياشوق]

رد: رد : بعد ماهدمت حياتي ,,,تطلب السماح

انزين الكل قالج نفس الكلمه ومارديتي للحين




ليش ماتسوين نفسج انج بتسامحينها بمقابل انها تفج السحر اللي فيج!!!!



والا اهي مو معترفه انها مسويتلج سحر؟



وضحي؟