بعد مانزل اسمج بالديوان شنو الاجراءات اللي سويتيها ...تعالي قوليلنا

[ذهب ابيض]

الـــــــــــــــــــــــسلام عليكم

شلونكم حبايبي

مبرووووك لكل من نزل اسمها والله يوفق اللي مانزلت اساميهم ويعوضهم خير
وماراح انساكم بالدعاء


الحين البنات اللي نزلت اساميهم

قوليلنا شنو سويتي بعد مانزل اسمج

راجعتي الوزارة ؟؟

شنو الاوراق اللي طلبوها منج؟؟

شنو الاجراءات اللي صارت معاج؟؟

سويتي الفحص الطبي او بعد ؟؟

جم مره ترددتي عالوزارة ؟؟

تعالي قوليلنا شصار معاج ..!!

خلونا نسولف على بعض لما نباشر عمل ..

يلا منو تبدي اول وحده وتقولنا ؟؟


بانتظاركم

 

[C'est La Vie]

انا رشحوني على الصحة ورفضت
وبعدها ترشحت على الداخلية
رحت اليوم بشوف شنو المطلوب جان يقولون لازم تروحين الشئون الادارية بالفروانية
بروح باجر انشالله واقولكم شصار

 

[ذهب ابيض]

احلى تفاعل من احلى C'est La Vie

بالتوفيق ان شالله

وناطرين الباقي

***************
وبالنسبه لي انا انقبلت بوزارة الشؤن بس للحين ماراجعت
ولا وديت اوراقي
على قولت زوجي ينطر تخف الزحمة

 

[ذهب ابيض]

بنااااااااااااااااااااااااااااااااااااااااااات

وينكم

يلا قولولي شصار معاكم

 

[عيـ خلي ــوون]

بالنسبه لي لاعت جبدي كل يوم رايحه وراده يقولون لي الحين ما فرزو الاسماء وباجر موعدي اما ارفيجتي هم بالشؤؤن لا خلاص باجر

بتداوم اول يوم صلاحيه لي خلصت ثلاث ايام جنه بعدها الفحص تقول وبنات الشؤؤؤؤن كلنااااااااا بالجابريه اذا انتي نفس حالتي بعيد عنكم

الله يعيييييييين

 

[.. مـــلاكـ ..]

upp

 

[عيـ خلي ــوون]

اي سوري قمت اتشكى ونسيت لا اقولج الطلبات امممم اربع صور شخصيه والبطاقه وصوره عنها والجنسيه وصوره وعنها والميلاديه وصوره

عنها واخر شهاده وصوره عنها اممممممممممممم وبس اعتقد اتمنى اكون فدتج وموفقه يارب

 

[ذهب ابيض]

يب

يب

يب

يب

 

[C'est La Vie]

اليوم رحت الداخلية عطوني ورقة فيها طلبات
صورة شخصية وصورة الشهادة والبطاقة المدنية وغيرها ما اذكرهم كلهم
المهم قلتلهم انزين انا قبل ما اقبل الوظيفة قولولي شنو اهي ؟
ما يصير اقبل وظيفة انا ما اعرف شنو اهي
قالو لا الحين انتي مرشحة لازم تقدمين المقابلة وتيبين الطلبات بعدييييين نقولج شنو وظيفتج
يا سلام
قلتلهم انزين اذا برفض الوزارة من عندكم هني ولا من الديوان؟
جان تقولي روحي تحت يعطونج كتاب ان احنا رفضناج
شنو؟ ليش انشالله؟
لا انا ابي انا ارفضكم مو حلوة بحقي انكم ترفوضوني اكيد بيقولون فيني شي
جان تقول لا صدقيني والله من مصلحتج ان احنا نرفضج بسرعة تترشحين عقبها!!!!! طاع المنطق بس
رحت الديوان وقلتلهم الكلام اللي قالتلي اياه
جان تقول ليش تقص عليج هذي؟
وليش يعطونج كتاب رفض؟ راح يضرج هالشي
وبس رفضت الداخلية والله يستر من الياي
بس ديرو بالكم بنات لحد يقص عليكم يقولكم نعطيكم كتاب رفض
انتي ترفضينهم مو اهما اللي يرفضونج
روحو ديوان الخدمة ورفضو عندهم مالكم شغل بالوزارة

 

[ذهب ابيض]

اليوم رحت الداخلية عطوني ورقة فيها طلبات
صورة شخصية وصورة الشهادة والبطاقة المدنية وغيرها ما اذكرهم كلهم
المهم قلتلهم انزين انا قبل ما اقبل الوظيفة قولولي شنو اهي ؟
ما يصير اقبل وظيفة انا ما اعرف شنو اهي
قالو لا الحين انتي مرشحة لازم تقدمين المقابلة وتيبين الطلبات بعدييييين نقولج شنو وظيفتج
يا سلام
قلتلهم انزين اذا برفض الوزارة من عندكم هني ولا من الديوان؟
جان تقولي روحي تحت يعطونج كتاب ان احنا رفضناج
شنو؟ ليش انشالله؟
لا انا ابي انا ارفضكم مو حلوة بحقي انكم ترفوضوني اكيد بيقولون فيني شي
جان تقول لا صدقيني والله من مصلحتج ان احنا نرفضج بسرعة تترشحين عقبها!!!!! طاع المنطق بس
رحت الديوان وقلتلهم الكلام اللي قالتلي اياه
جان تقول ليش تقص عليج هذي؟
وليش يعطونج كتاب رفض؟ راح يضرج هالشي
وبس رفضت الداخلية والله يستر من الياي
بس ديرو بالكم بنات لحد يقص عليكم يقولكم نعطيكم كتاب رفض
انتي ترفضينهم مو اهما اللي يرفضونج
روحو ديوان الخدمة ورفضو عندهم مالكم شغل بالوزارة

زين سويتي لما رحتي الديوان

ولا جان قطوج على صخر

الله يكتب لج اللي فيه الخير _

طيب الحين يعني رفضتي الداخليه ؟؟؟؟؟؟
بتردين تنطرين الديوان مره ثانيه ؟؟

 

[.. مـــلاكـ ..]

بنات صج اذا رفضنا نتأخر على ما يطلع الاسم؟
بنات قالولي تنطرين سنه
شدعوه !!!!!!

 

[May3a]

ماادري نفس كلامج انا وايد قالولي تنطرين سنه !!

 

[C'est La Vie]

بنات انا ما اقدر اقولكم متى كل وحده راح يطلع اسمها
انا نفسي ما ادري
بس اللي اقدر اقولكم ان لا تقارنون نفسكم بناس ثانين
لأن كل وحده لها تخصص غير عن الثانية
معدلها غير عن الثانية
رغباتها غير عن الثانية
يمكن وحده مسوية ربط ووحده لا
فكل وحده فينا حالتها تختلف عن غيرها
وبالتوفيق انشالله

 

[Marlene Favela]

طلع اسمي بالداخلية
ورحت الفروانية و سويت مقابلة مع الشيخ محمد الصباح اهو اللي يسألج وين بتروحين بس عيبهم انه لما سألني يقولي لازم يكون عندج خلفية عن ادارات الداخلية و آنا شدراني بالله بالإدارات اللي يسمع مشتغلة من قبل
عاد قالي المرور أحسن شي

وقع كتابي و قالولي روحي مرور العاصمة رحت اليوم لأنه أمس ما كان يمدي و قالولي باجر استلم الكتاب و اروح الوزارة نفسها عشان أعطيهم الكتاب و يعطوني أوراق الفحص

الأوراق المطلوبة :
- صورة الشهادة
- صورة البطاقة المدنية
- صورة الجواز
-صورة الجنسية
- صورة شهادة الميلاد
- 4 صور شخصية
- تحويل راتب من البنك
و من كل شي 5 نسخ أو أكثر و الصور الشخصية أكثر من 4 صور لأنه اجراءاتهم طويلة

بس تعب تعب تعب ......

أكثر شي تعبت منه عمارات العربيد لوية و لوعة جبد اهم عمارتين نروح لهم 2 و واحد مادري 3 و كل عمارة ما تقل روحتج لها عن 3 مرات

 

[.. مـــلاكـ ..]

Marlene Favela

مبروك والله يوفقج بس حبووبة شنو تخصصج ؟

 

[شقردية ذهبية]

صح بناات مو كل وحد ه اللي ترفض راح تنطر سنه كل وحده وتخصصها
كل وحده و رغباتها يمكن رغباتج سهله بسرعه تنقبليين
كل وحده و معدلها..
كل وحده وسنة تخرجها
وعلى الأماكن هاي هاي الكشخه كل وحده على حسب واسطتها ناس تمشي ناس مو بسرعه تمشي ناس ماتفيدها الواسطه..

على حسب مثال آنا وبنت خالي تخرجنا هي اقبلوها وآنا أقبلوني قبها هي توها وآنا قبل سنه والأثنيين أرفضوا وآنا ليلحيين ناطره وهي أقبلوها مره ثانيه على طول وهم رفضت وأقبلوها مره ثالثه وكاهي اقبلت وقاعده تكمل الأجراءات وآنا قاعده صارلي قريب السنتيين من عقب أول ترشيح يعني على حسبببببب بنات لا تقولون آخاف أنطر سنه وسنتيين مثل الفلانه ولا فلانه يعني كل حده ونصيبها بيصيبها وكل تأخيره فيها خيره..

ماتدريين شنو ربج كاتبلج يمكن أحسن من غيرج اللي بسرعه توظفواا.. <رفع معنويه للمتحبطه..

 

[ذهب ابيض]

طلع اسمي بالداخلية
ورحت الفروانية و سويت مقابلة مع الشيخ محمد الصباح اهو اللي يسألج وين بتروحين بس عيبهم انه لما سألني يقولي لازم يكون عندج خلفية عن ادارات الداخلية و آنا شدراني بالله بالإدارات اللي يسمع مشتغلة من قبل
عاد قالي المرور أحسن شي

وقع كتابي و قالولي روحي مرور العاصمة رحت اليوم لأنه أمس ما كان يمدي و قالولي باجر استلم الكتاب و اروح الوزارة نفسها عشان أعطيهم الكتاب و يعطوني أوراق الفحص

الأوراق المطلوبة :
- صورة الشهادة
- صورة البطاقة المدنية
- صورة الجواز
-صورة الجنسية
- صورة شهادة الميلاد
- 4 صور شخصية
- تحويل راتب من البنك
و من كل شي 5 نسخ أو أكثر و الصور الشخصية أكثر من 4 صور لأنه اجراءاتهم طويلة

بس تعب تعب تعب ......

أكثر شي تعبت منه عمارات العربيد لوية و لوعة جبد اهم عمارتين نروح لهم 2 و واحد مادري 3 و كل عمارة ما تقل روحتج لها عن 3 مرات

بالتوفيق يارب

وتسلمين عالمعلومات

 

[.. مـــلاكـ ..]

رفع

 

[ذهب ابيض]

اليوم رحت لمجمع الوزاراة على اساس اقدم اوراقي لشئون قالت لي الموظفه قبل لا تقدمين الاوراق شوفي واختاري هالاماكن اللي بتوظفين فيها
طبعا عطتني ورقه كلها ادارات واقسام بمجمع الوزاراة نفسه اختار الادارة اللي ابي

قلت لها انا ابي اللي يم بيتنا <<<راهيه طراره واتشرط

قالت نفس منطقج ماكو ...اللي عندنا بالمجمع نفسه تتوظفين ولا بحولي بس
المناطق ماكو
طبعا صكت فيني الدنيا وزوجي العزيز واقف معاي .
قالتلي انا وريتج الاماكن قبل لاتقدمين اوراقج اذا عجبوج هاتي الاوراق اكمل اجراءات توظيفج واذا ماعجبتج شوفي نفسج ودوريلج مكان ثاني ولا سوي رفض

مدري شقصتهم مع هالرفض كل مارحنا مكان يقولون سوي رفض المهم قلت لا شنو رفض
خليني عالاسبوع الجاي افكر وارجع
طبعا زوجي قال انا اعرف واحد بالشئون وان شالله يساعدنا ويوظفج بمنطقتنا
واخذت اوراقي ورديت ماقدمتهم لان على كلام الموظفه اذا قدمتيهم مالج الا هالاماكن هذي بمجمع الوزاراة

وبعدها رديت بيتنا وطقيتها نوووووووووووووووووووووووووووم

 

[عيـ خلي ــوون]

طيب شي حلووو انهم خيرووج كل اللي قبلوهم الدفعه هذي بالشؤؤن حولهم ميكنه بالجابريه


شنو تخصصج انتي والله مقهوره من هالميكنه منو عنده خلفيه عن هالمكان يفيدنا