قضاياج ما تحتاج محامي حبيبتي خصوصا اذا تبين ترفعين دعوى نفقة
المحامي ياخذ اقل شي 1000 على القضية يعني بتاخذين المبلغ من ريلج و بيروح للمحامي
المنطقة الي تابع لها بيت ريلج تبع اي محافظة؟
اذا العاصمة تروحين قصر العدل
اذا الفروانية تروحين مجمع المحاكم بالقعي
اذا بحولي محمة حولي الجزئية
اذا بالاحمدي محكمة الاحمدي
و اذا بالجهرا محكمة الجهرا
تروحين قسم ضباط دعاوي اهو يرفعون لج دعوى تمشين انتي فيها
طبعا يحق لج ترفعين دعوى طلاق للضرر او الهجر و لازم تثبتين هذا الضرر جدام القاضي و الي يبط الجبد بالهذي القضايا انها تطول
و ريلج مسكين
ممكن تقدرين تتنازلين عن حقوقج كزوجة
بس حق ولدج من سابع المستحيلات تتنازلين عنها لانه مو حقج عشان تتنازلين عنه
طبعا قضية النفقة راح تتضمن اثبات حضانة+نفقة زوجية بنوعيها (المأكل و الملبس)+نفقة ابن بنوعيها+مصروفات استقدام خادمة مع دفع اجرتها الشهرية+اجرة مسكن زوجية و اي نفقات تخطر على بالج طالبي فيها
ممكن انج تطالبين بنفقتج الزوجية بأثر رجعي لمدة سنتين من تاريخ رفع الدعوى بس فيها طوالة و لازم يكون معاج شهود يثبتون انه ما ينفق و امج و ابوج ما تؤخذ شهادتهم جدام القضاء
اما من دون الاثر الرجعي السالفة يبيلها بالكثير شهرين على ما يصدر فيها حكم
و حطي فبالج ان الاثر الرجعي ينطبق على النفقة الزوجة فقط مو على اي نفقة ثانية
لا تسكتين على عمرج حبيبتي الحق معاج
