بعد عملية التكميم لساني ابيض

[هالة الصباح]

السلام عليكم شلونكم خواتي

بقولكم شي مهم

سويت العملية وثالث يوم لاحظت لساني ولثتي مصبوغ باللون الابيض ما اهتميت علبالي طبيعي وسكت على روحي مايقارب الاسبوعين الاسبوع الرابع بدأ طعم حلقي يتغير سألت الدكتور عند تغير الطعم ولم اخبره ببياض اللثة لانه ماهمني قلت عادي وكان يصاحبني من بعد العملية الى اليوم سخونه وماني حاسة انه (فطريات) قال الدكتور شربي سوائل كثير
سكت وقلت راح يصير طعم فمي جذي الى الابد ؟؟؟؟!!!!!!!!!!

سألت امي وقالت لي هذي أراض فطريات ولازم تراجعين المستوصف ورحت المستوصف وعطوني دوا rianest و daktarin
والامتناع عن شرب منتجات الالبان واللهم أسألك شفاءا عاجلا يا الله
وبعدها نصحوني بعلاج ممتاز فيه ريشه وهو pyralvex


وناطرة النتيجة خواتي المتكممات ديري بالكم خواتي بعد العملية من اللثة واللسان
الله يوفق الجميع
والحمدلله رب العالمين

 

[هالة الصباح]

تعبت من طعم حلجي إن شاء الله باجر الطعم يتغير

 

[ii DareeN ii]

طعم الحلج بعد فتره يتغير ويرجع طبيعي اول الايام يصير مر وحتى الماي طعمه بايخ يصير ماعليج شر

 

[اميره بكلمتي]

يمكن من قللة الماي كثرري منه

 

[** رش رش **]

سلامتج يا هالة

 

[" ام حمود "]

ماتشوفين شر حبيبتيء

 

[هالة الصباح]

شكرا حبيباتي
ماقصرتوا على الردود وما تشوفون شر
الحين صارلي شهر وليلحين لساني لثتي لونه ابيض وطعم حلجي كريييه ومقمت احس بالطعم بعد وفي مرورة آخر اللسان متى يروح الله اعلم؟؟؟؟؟؟
ياربي ياشافي يامعافي شافني وجميع المسلمين ياالله
والحمدلله رب العالمين

 

[ام الدرر]

عسى الله يشافيج ويرفع عنج
ماتشوفين شر حبوبة ​

 

[رحله عمر]

الحمدلله على سلامتج
وماتشوفين شر ان شاءالله
حبيبيتي يمكن من المضادالحيوي
بعض المضادات ماتناسب وتسبب فطريات والتهاب
اختي بغت تموت من الفطريات طلع عندها حساسيه من المضاد وبدلته والحمدلله تعافت

 

[انوثتي غير وياك]

سلامتج

 

[Bent extra 3asal]

الله يشافيج حبيبتي

يعني الفطريات من العلملية او من شي ثاني لانج بصراحة خوفتيني انا ابي اسوي العلمية بس موضوعج خوفني

 

[zezo1]

ربي يشافيج ويعافيج يارب اهتمي بصحتج وراجعي اول باول لا تسكتين على روحج