بعد عمري حبيبي كسر خااااااااااااطري :(

[دنيتى زوجي M]

صج بنات في مرات تمر مواقف تحسين ان الريال ياهل ومرات ودج اتخنقينه وترتاحين لوووووووووول

بس والله مافي نفس قلبنا يالحريم بسرعه ينقص علينا وينكسر خاطرنا

نوتو بنات نبي بعد مواقف

 

[Adorable]

رد : بعد عمري حبيبي كسر خااااااااااااطري

انا لما يكون يوعان
لما يكون زعلان مني
لما يكون نايم احسه بريييييييييييييئ
ممممم و بس مافي موقف معين اذكره

 

[شوكة رنانه]

هههههههههههه ..الله يخليكم لبعض..

لما اتذكر ارجع اكتب..

 

[حبيبي مالكني]

رد : بعد عمري حبيبي كسر خااااااااااااطري

مرة ريلي كان شايل بنتي الكبيرة وكان عمرها سنة وشي
ومادري شنو صار بس نزلها على الارض مرة وحدة الياهل تصرخ بطريقة مو طبيعية
ركضنا فيها الدختر الى يقول الدكتةر شلخ في العظم وا يقدر يجبسها ومنعها من المشي والوقفة لمدة شهر عشان يطيب الشلخ وعطاها ادوية مسكنة للالم
والله انه نزله بالعدال انا كنت اشوفه بس سبحان الله الي كاتبه الله صار
عاد يومها باليل ريلي كلش ما رقد قاعد يطالع بنته وهيه راقده وانا صحيت من النوم وهو لما حس فيني مسح دموعه
في هاي اللحظة صج صج كسر خاطري

 

[dreams76]

رد : بعد عمري حبيبي كسر خااااااااااااطري

يكسر خاطري لما يجيله ألم الديسك اللي مره قعده بكرسي متحرك من كثر العوار

 

[om reem 86]

لما يتنازل عن شي قوي وكبير بالنسبه له عشاني

 

[دنيتى زوجي M]

حياكم الله بنات نورتو الموضوع

 

[tmtmt]

لما يسوي رجيم !
ولما يلقى هدوم تعجبه وماكو قياسه

 

[ام شووووق]

رد : بعد عمري حبيبي كسر خااااااااااااطري

وايد تصير مواقف

خاصه لي صار عنده مشكله يضحك معاي ويضحكني علشان لا يضايقني

 

[**فيونكا**]

رد : بعد عمري حبيبي كسر خااااااااااااطري

كسر خاااااااطري حيل بموت جده الله يرحمه

لان كان متعلق فيه حيل وكل اسبوع انزوره

فجاه سمعنا خبر وفاته الله يرحمه

ماكان يبي يقوولي بس من شفت عيوونه غورقت

قلت في شئ وبعدها سمعت الخبر

صج كسررررررر خااااطري فديته

 

[Daleela]

اممم يكسر خاطري لمن يكون مريض ولمن اشوفه شايل هموم اهله والله يطحن عمري

 

[ام^تبوله]

لما يمرض يكسر الخاطر يصير جنه ياهل

 

[اللهم الجنة]

الله يخليكم لبعض

 

[cheese cake 84]

والله احنا يالحريم قلوبنا رهيفه كله كاسر خاطرنا الريل انا عن نفسي ما اتذكر ان كسر خاطري لوووووووول لا لا مو لهدرجه يكسر خاطري اذا كان تعبان وطلعنا بس دنيتي زوجي انا لو من ريلج جان مريت ماكدونالدز وطلب اكس لااااارح بيج ماك وخلاص ليش انام يوعان لوووووول:

 

[فـراوله]

رد : بعد عمري حبيبي كسر خااااااااااااطري

أنا كسر خاطري يوم كنت بالولاده كان وياي داخل الغرفه وشفته قاعد

يبجي بس يبي يداري بس امبين على عينه

وكسر خاطري يوم ابوه سوا حادث وتنوم بالمستشفى ولا يتكلم ولا يتحرك

كان كل ما يرد من عنده يقعد يبجي ويقوول ابوي وابوي ويتذكر كل شيء بينهم


وفي مواقف انذكرت صارت معاي


مثل يكسر خاطري اذا كان جوعااان وأنا تعبانه ما أقدر أتحرك وأساله جوعان

يقولي لا مو جوعان ومبين على عينه إنه يبي يأكل وأقوم أتغصب على نفسي

عشانه وأكسر خاطره ويقعد يدعيلي ويقول الله يخليج لي يارب


واهو دوامه لازم لبس رسمي ما يروح بأي شيء ودوامه شفتات اذا كنت نايمه

يروح يلبس أي شيء ويبي يطلع وأنا قعدت اهو ما قعدني ولا شيء

شفته لابس قميصه معفس قلت له شلون تبي تطلع جذي ليش ما قعدتني أكويه لك

قالي والله شفتج تعبانه ونايمه ما حبيت أزعجج أيام الحمل هذا قلت له وأنا ما أرضى

تطلع جذي قدام الناس


واااااااااااااايد مواقف مرت علي يكسر خاطري فيها بس حاليا ما أتذكر الا هالمواقف

فديته الله يحفظه لي يارب





​

 

[زوجة عزيز]

لين يغسل الثياب او يطبخ بس شاسوي مو بيدي اهو جذي مايحب اسوي شي

 

[al-musk]

رد : بعد عمري حبيبي كسر خااااااااااااطري

والله اذا كان الزوج يستاهل ويقدر من اي شي يأذيه ينكسر خاطرنا عليه بس لو كان لئيم طبعا لايحوشك

 

[دنيتى زوجي M]

cheese cake 84


مابي الوع جبدج بسالفه هالمطعم

واااي لاتذكريني

وبنفس الوقت كان مشتهي اكل بيت يعنى بطاط وجذي سوالف


وحيااااااكم بنات منورين

 

[Esraa.a]

رد : بعد عمري حبيبي كسر خااااااااااااطري

الله يخليكم لبعض يااااااااااارب



استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[حب الرّمان]

يكــــسر خــــــــاطري يبي شي مني ولايطلب ..... مني علشان مايتعبني .........