بعد عمري حبيبي كسر خااااااااااااطري :(

[دنيتى زوجي M]

السلام عليكم بنات ..

امس صار لي موقف مع زوجي وطرا على بالي اكتب عنه موضوع ..

خل نفرفش شوي لاعت جبدي من المشاكل :23_asmilies-com:

اللي صار الله يسلمكم زوجي له يوم معين بالاسبوع يطلع مع ربعه ويرد متأخر

المهم بهاليوم يعني حتى مااحسب حسابه واسوي عشا لان ادري اوردي بيتعشى مع ربعه المهم

دق على الساعه 1 وقالي ان رايحه قهوه قلت اوكي سألنى تعشيتي قلت اي اوكي اوكي باي باي وسكرنا

رد البيت عالساعه 3 تقريبا وقالي دايخ بنام المهم انسدحت يمه ولا اسمع بطنه يطلع صوت اللي الواحد يوعان عرفتوووه :dddds:

جان اقوله قلبي يوعان ؟ قالي اي @@ قلت ليش ماتقول قالي انتي تعبانه وماتحبين ريحة الهمبرجر ( كان مشتهي همبرجر )

لان سبحان الله من حملت وانا مااواطن شي اسمه همبرجر وبس اسوي يصير فيني هبوط لدرجه والله تصير الدنيا سووده واذوني تتسكر مادري ليش

قلت لا عادي الحين اقوم اسوي لك ولاتنام جذي يوعان حسيت استانس وبنفس الوقت كاسره خاطره لاني على طول تعبانه

المهم الزبده من الموضوع متى حسيتي ان زوجج كسر خاطرج :eh_s(2):

ياليت تذكرون لنا مواقف يالله بنات ابي تفاعل :eh_s(9): :nbvppw:

:bye22:

 

[amna_83]

رد : بعد عمري حبيبي كسر خااااااااااااطري

والله ما يحضرني موقف حاليا
الزهايمر لاعب بحسبتي لعب
بس اتذكر اسدحه علطول هني

 

[غــلآ]

رد : بعد عمري حبيبي كسر خااااااااااااطري

امممممممممم

لما يكون تعبان وايد يكسر خاطري

 

[ShaGRa NoiSya]

لووووول والله مسكييين كسر خاااطري بس حلو ان زوجج يقدر حالتج الله يخليكم لبعض


للحين صراحة ماصار موقف حسيت فيه زوجي يكسر الخاطر بس يوووم الملجه شكله كان مسكين فقير خايف حده وبعد ماملجنا الكشره من هني لي هناااك ههههههههههههههههه

 

[شيخه_البيض]

رد : بعد عمري حبيبي كسر خااااااااااااطري

صباح الخير

ويقولون مافي رياييل يحسون بحريمهم


الله يخليه لج ولا يغيره عليج


مرة صارلي موقف امبي ماحبه ماحب اتذكره :tongue22:
المهم من كثر ما انا يوعانه ويمر اليوم ما اكون ماكلة شيء أحس بدوخه ...

مرة كنت قاعده مع ريلي واحس اني موطبيعيه ايدي ترجف وحالتي حاله ....
قالي يالله نروح انام قلتله اي بس وقفت ولا اطيح مو فقدت الوعي لا بس من الدوخه ماكو توازن .
قالي اكيد مو ماكله قلتله اي ماكليت اليوم شيء

جان يوديني المطبخ ويقعدني قالي شنو تبين تاكلين قلتله ابي جبن أبيض فرنسي قالي وبعد قلتله سخن خبز التورتيلا قالي اي قلتله وقص طماط وخيار قالي انزين قلتله وابي من النسكافيه اللي توك يايبه من الجمعيه الامريكيه قالي انزين وبعد قلتله ولا تنسى الزعتر والزيتون المهم سوالي امبي شكله مرتبك وخايف ومنصدم بعد فديته ماقصر

عقب ماصحصحت ولمن حس اني رديت طبيعيه

جان يقولي والله العظيم لو ماكنتي تعبانه جان قعدت اضحك من اليوم لي باجر
انا جذي ويهي

قلتله شفيك ؟

قالي طلبتي طلبات وربي حتى وانتي صاحيه ماطلبيتها شنو هالمزاج اللي عليج

حتى وانتي تعبانه تتشرطين

حدي استحيت :wqedqw:
بس بعد عمري حده كان خايف علي ..
ولي يومكم هذا يذكرني بالموقف .

 

[اميره1980]

الشهر اللي فات كنت تعبانة ظهري يعورني و مو كاويه حقه بلوزته بس جبرت نفسي اتحرك من الفراش و قمت رحت باخذ البلوزة بكويها و لا ما لقيتها و لا اشوفه لابسها من غير كوي
قلتله ليش ما نطرتني كنت قايمة بكويها قالي بروحج تعبانة مو لازم تكوينها انا قاعد بالبيت منو بيشوفني
صراحة كبر بعيني الله يخليه لي يا رب

 

[زبدة ككاو]

رد : بعد عمري حبيبي كسر خااااااااااااطري

كــآك
على طــآري الوحــآم واللـوووعه
شكـثر يكســر خــآطري لمـآ يكـون توهـ وآصل وآنــآ كــآشختله وأول مــآأشووف أرررررجع << من حملت ولآيعه جبدي من ريحته مع إنه مــآفيهـآ شي بسس العطر إللي يستخدمه يخنقني
وأهـوآ شــآريه ومستــآنسسس فيه << جفنشي بلي البنفسجي
المهـم تعتفـسس حــآلتي وأنــآم
خخخخخخخخخخخخخخخخخخخخخخخخخخخ
مسكين والله يكسررر خــآطري حزتهــآ

 

[JvvvC]

رد : بعد عمري حبيبي كسر خااااااااااااطري

اذكر مره كنت متهاوشه معاه و عند معاي ما يبيني اروح حفله بنت اخته و لا حتى رضى اشتري بدله لي و لبنتي قمت لبست شي قديم عندي و لما رحت الحفله لقيت الكل كاشخ اخر كشخه من لبس و مكياج و انا صرت اقل من عاديه جدامهم بس الي عور قلبي زياده بنتي واهي تلعب مع اليهال و كل اليهال كاشخين و اهي بينهم عاديه اكسرت خاطري
وحطيت الحره في ابوها لما رديت من الحفله لقيته سهران على فلم و يتبسم في ويهي
وانا شابه من القهر بعدهاماخليت و لا بقيت عليه و دعيت عليه الله يكسر بخاطرك
مثل ما كسرت بخاطري انا و بنتي و اهو كان مشتري سياره يديده طلع فيها اليوم الثاني و كسروا له جامه السياره الي اهيا زجاجه السياره الي جدام
ويا خبرني و كسر خاطري و قال هذي دعوتج تحققت و الله كسر خاطري بسيارتي

 

[آهديت لك قلبى]

رد : بعد عمري حبيبي كسر خااااااااااااطري

اذا صار مريض وتعبان بسم الله عليه حدددده يكسر خااطري فديييته

والله لما اشوفه جذي اضاايق احس ضعيف ومثل الطفل الصغير

ولما يكون مضايق من شئ وسااكت مايتكلم​

 

[لـــمـى]

رد : بعد عمري حبيبي كسر خااااااااااااطري

<<< طماشه

الله يخلي لكم ازواجكم
ويحنن قلوبهم عليكم يارب

 

[دنيتى زوجي M]

لووووووووووووووول

لا والله مرات يصير فيهم احساس

اميره 1980

هذي خو وايد تصير فيني بس اول مره يكون يوعان حيل عور قلبي

شيخه البيض

انتى نفس حالتى حتى قبل لا احمل على طول هبوط الله يعين وشاكره مرورج حبيبتي

زبدة كاكاو

لا الحمدالله ماكرهته بس كرهت لوشن يحطه واااااااااي لاتذكريني بريحته

كان يحطه من وراي عباله ماراح ادري هههههههههههه مسكين عقدته اخرتها رحت وخشيته وتم فتره يدوره

بعدين عرف اني مسويه شي لووووووووووووووول

وباقي البنات حياكم الله نورتو

 

[alhabibah]

رد : بعد عمري حبيبي كسر خااااااااااااطري

خوووش موضوع
مره كان شفت ريلي ليل، وأنا ساكنه بشقه بروحي، جان يقولي خلي المفتاح عالباب ولفيه، والساعه 6 قومي شيليه عشان أقدر أفتحه من بره.
المهم، صار الصبح وقعدت عال6 وربع مخترعه وركض عالباب، وجان أطالعه من العين السحريه، وإلا بعد عمري قاعد عالدرج. فتحت الباب وقتله جان طقيت الجرس، جان يقول مابي أقعدج إنتي واليهال.
بعدها قتله توبه إنحط المفتاح عالباب من الليل إذا عندك شفت.

 

[Ba$ko0oTa]

خووووش موضووع الصرااحه
خل اتذكر انشالله
وارد اكتبه
up
up
up

 

[dla3_princess]

لوووووووووووووووول

بنااات مووااقفكم تضححححححك لووووووووول

انا يكسرررر خاطررري اذا مررريض صج يعوور قلبي

بس بقوولكم موووقف كسررر خاطرري بس ضحكني حسيته ياااهل

لووووول


انا كنت كله اقووله احب عطرر ck ايفوريا مال الرياايل واااايد احببه المهم

اهوااا طببعا مسووي رووحه كللش يقووول لا ماااابي اشترريه اكييد كنتي شاامته على طليقج وعااجبتج الرريحه

طببعا بنات انا كنت منفصله و تزووجت زووجي الحين و اهوا بعد كان منفصل

المهم وكنت احلف له والله لااااااا انا اساسا احب هالعطرر و شامته على ابووي يحط منه و احلف وماكوو فااايده

قلت له خلااااص موووو الا تحطه كيفك بس حززز بخاطرري اني اكشخ لك و البس لك و احط العطوور اللي تحبها

و انتااا ماتحطلي اللي احبببه ... المهم قبل جم يووم تهااوشنا و انا كنت زعلانه ونااااايمه

كسررررررر خاطرررررررررررري لوووووووول

تخيلووو ياا يقعددني من النوووم جان فجأة يم المخددده احس بشي انحط يمي

شفت ولا علبه يمي حطها بدفاااشه الله يهدديه كللش موستايل

المهم بققت عيني و انا ناايمه ولا مسكين شااريلي عطررري اللي احببه ولا لا مغلفه ولا شي شااريه و حاطه جذي

جداامي لوووول

و اشم ولا تااااااارس هدووومه من العطر اللي انا احبه ايفووريااا و مسووي رووحه مووو مهتم لووول

والله حسيييييته يااااهل كسررر خاطرري حرااااااام

سااعاات الريايييل يصيروون جنهم يهااال والله لووووووووووووول

.........

و اللي صج كسررررر خاطرري حتى حسيت بشفقه بعد

مرره قالي انا اليووم بكشخ و انا لبست و نطررته المهم

شفتتتته و ليتني ما شفتتتتته !!!!!!!!!!!

لبببببسه ضيييييم امبي لابس شي غرررررررريب عمررري مااااشفت جذي

اوول ما شفته و اهوااا مستاانس يقوولي هااا اشرراايج ؟!

انا عبااالي طبببعا ان مسوووي فيني دددقه

انصدددمت حيييييييل لآن بنرووح الافنيووز يعني لاااااااء ما اسمح له يمشي جذي

جدااام الاوااادم والله فشله و بالافنيووز لازززم نشوووف احد نعررفه امبي

صج اهني كنت بمووووووووووت من الضحك بس مسكت نفسي و تووووهقت

و طببببببببببعا مستحيييييييييييل اسمح له يطلع جذيي لاااااا شي موووو عااادي

جان اسوووي رووحي تعباانه حييل فيني هبوووط و قلت له خل نقعد و نأجل الطلعه

او نرووح نطلب لنا عصيرر و عشا و نررد والحمددددددلله رررب العالمين

رضى ان نقعد ...

اما القميص عسى رررررربي لا يررررده ابد

لآن كاان تجرربه صعبه بالنسبه لي





لوووول

 

[ديانا سبنسر]

دايم يكسر خاطري احس اني امه ووهو ولدي اللي اداريه معنى احيانا يجرحني

 

[غلا رشرشها]

رد : بعد عمري حبيبي كسر خااااااااااااطري

مملجة <<<
كاااسر خاطري يبيً العرررس بس دراسته مأخرته هههههههههههآآي

 

[ريماس77]

رد : بعد عمري حبيبي كسر خااااااااااااطري

بموت ابوه حسيت بس كسر خاطري

 

[فيفي الحلوة]

رد : بعد عمري حبيبي كسر خااااااااااااطري

كسر خاطري وعور قلبي وبجيت عليه لما كان عنده مشاكل وضغوطات من كل صوب وكان نايم وانا سهرانة الا اسمعه يصرخ ويشاهق وهو نايم انا من الخوف ما عرفت شنو اسوي بس مت من داخلي وبجيت لكن ما قلت له عن اللي صار الى الان ما ابغي اضيق خلقه اكثر...الله يفكه من الهموم يا رب

 

[الأماكن]

رد : بعد عمري حبيبي كسر خااااااااااااطري

,,,~

أنا ما يكسر خاااااطــــري

,,,~

قلبي قااااااســــي

 

[الأماكن]

رد : بعد عمري حبيبي كسر خااااااااااااطري




لا لا لا لا


والله اتغشمر


انا يكسر خاطري لا صار عندنا عرس

محد يوديني الصالون الا هو

ويروح الديوانية و ينطرني لا خلصت و نرد البيت و ألبس و بعدين نروووح الصالة

ويروح لصالة الرياييل و انا عند الحريم


ولا خلصت ياخذني و نروح البيت

والله يكسر خاااطري حرااااام

خصوصا لا صار العرس من العايلة

^^^^^

ويكسر خاطري لا مرض