مشاركة: بعد تعارف سنة على الماسنجر طلبها للزواج فهل توافق؟؟
ويييييييييه شكلكم اندمجتم
بس والله السالفة صج
بالنسبة لي كان كل شي واضح
يعني الشكل وشفته ( صج مو مزيون لكن فيه جاذبية وملح)
والشخصية حلوة وخفة دم واسلوب راقي في الكلام
كل هذا عرفته من خلال الماسنجر ومن خلال مواضيعه وردودة في الموقع
اما الاخلاق صج صعبة نحكم عليها من خلال كم كلمة على الماسنجر
لان الانسان مهما كان يحاول يظهر بصورة حلوة لكن فترة سنة كاملة فترة طويلة وعطتني فكرة كافيه عن اخلاقه
اضافة انه طوال هالفترة لم يتعدى حدود الادب بل كان راقي في معاملته لي
وبعدين اهلي راح يسألون اكثر عنه وعن اخلاقه حاله حال أي خاطب يتقدم عن طريق الاهل
أكثر شي حبيته فيه طيبته وخوفه الشديد علي
وتفكيره الراقي وتحليله للامور
المهم انا قررت فعلا اني اعطيه اسمي الكامل ورقم تلفون البيت علشان يجي ويخطب
وللعلم اهو قال انه حب عقلي وشخصيتي قبل شكلي
لكن الشكل يهمه واذا اهله شافوني وما طلعت حلوة نظل اصدقاء واخوان فقط
كما اشترط انه اذا السالفة الله كتب لها التوفيق لازم يشوف شكلي قبل الملجة لانه ما يعتمد على رأي اهله
رأي اهله فقط مبدئي وقال راح اطلب الرؤية الشرعية عند اهلج
واذا ما وافقوا راح ادبرها مع اختي في أي مكان تحددينه
اكمل بعدين لاني تعبت من الكتابة
