بعد ترجيع الاجنة كم يوم ارتاح؟؟؟ضروري ردوا

[مشتطة وبس]

مرحبا...........بنات عندي مشكلة.........انشالله بعد كم يوم عمليتي(انبوب) ولما حسبتها...ما اقدر لازم يوم 11 بعد الترجيع اروح اداوم بس اعطي درس (محاضرة) لان عندي منهج وصعبة ما في وقت..........يعني مضطرة....شلون انا سمعت ان لازم اسبوعين بالضبط نايمة على ظهرج....ريحوني تكفون؟؟؟؟؟؟؟؟؟؟؟؟؟؟

 

[new^mom]

عادي حبيبتي اهم شي الاسبوع الاول وبعدها عيشي حياتج طبيعيه بس لا تمشين وايد ولا تشيلين شي ثقيل وبين فتره وفتره قعدي ومدي ريلج او رفعيه اشويه .. والله يتمم عليج انشالله

 

[أغصان]

اتوقع عادي اهم شيء الراحه بالاسبوع الاول بس اهم شيء ماتشيلين شيء ثقيل
وماتجهدين نفسج وعسى ربي يثبت اجنتج ان شاءالله

 

[نــوي]

اهم شي راحتج !
حاولي ماتجهدين نفسج وايد بهالاسبوعين

 

[مشتطة وبس]

مشكورين............يالحبيبات...........بس اكيد...........انا سمعت غير جذي...........خوفوني....انا اعرف وحدة منسدحة ما تتحرك نهائيا بهالاسبوعين........واللي تقول لي لاتروحين الحمام ..........في ناس وسواسيين بصراحة...
وعندي سؤال عادي الدرج وسواقة السيارة؟؟؟؟؟؟؟؟؟؟؟؟؟

 

[lovemyself]

عزيزتى
اقول ريحى عمرج اهتمى بروحج اهم شى جنينج وبالطقاق (مع احترامى )باى شى ثانى
اخذى اجازة من الطبيب وقولى مسوية انابيب لازم يعذرونج شنو بعد ما يصير حرام والله
وانا انصح تاخذين كفايتج بالاسبوعين براحه جسمية ونفسية بس مو عاد ما تروحين حمام بعد
لا بس ترتاحين ما تسوين اى مجهود هذى عملية انابيب مو شى سهل تعبتى فيه
حرام ارتاحى

 

[أغصان]

والله انا مسويه 3 عمليات انابيب وكله منسدحه ما اتحرك الا للحمام الله يكرمك والحمدلله على كل حال ماحملت
والدرج امشي درجه درجه ببطيء لا تستعجلين والسواقه اتوقع عادي وانتي دايما قولي هالدعاء وايدج على بطنج
( اللهم اني استودعك اجنتي يامن لا تضيع ودائعه )
وعسى ربي يرزقج يارب

 

[كيكه^_^]

سألنا الاطبا في بلجيكا يقولون تحركي عادي والاجنه تثبت في الساعه الاولى من ارجاع الاجنه والنوم عقب ما منه فايده

بس احنا من زود الحرص انام اول الايام بس و عقب نتحرك بالبيت و لو ان قالولي حتى النوم وايد مو زين لأن المشي ضروري للدورة الدمويه علشان يوصل الدم الرحم

وانا اعرف ناس وايد ماشاء الله تحركو و حملو اعرف وحده سوت العمليه ابمكان بعيد عن منطقتهم يعني سفر بين منطقتها والمستشفى و رجعت الاجنه و ركبت السياره وسافرت لي بيتها و ماشاء الله يابت توأم و اعرف اكثر من وحده ارتاحو بس اول يومين وبعدين تحركو عادي و حملو و اعرف وحده ابلدن رجعت الاجنه و كل يوم اتروح تتسوق و حملت والاجانب في بلجيكا والدول الوربيه ما عندهم شي اسمه راحه كلهم يسوون العمليه ويداومون على طول و اعرف وحده اسنين كانت اتسوي العمليه و ما تتحرك كلش من الفراش و تفشل و بآخر محاوله يوم تحركت ابشكل طبيعي و عاشت حياتها طبيعيه حملت سبحان الله.

فأستنتج من هذا كله ان كل شيء بيد الله اذا ربج كاتبلج الحمل بتحملين واذا مو كاتب ماراح اتحملين لو شنو سويتي

 

[*ماي الورد*]

البنات كفو ووفو

 

[كويتيه مذهله 87]

مشكورين............يالحبيبات...........بس اكيد...........انا سمعت غير جذي...........خوفوني....انا اعرف وحدة منسدحة ما تتحرك نهائيا بهالاسبوعين........واللي تقول لي لاتروحين الحمام ..........في ناس وسواسيين بصراحة...
وعندي سؤال عادي الدرج وسواقة السيارة؟؟؟؟؟؟؟؟؟؟؟؟؟

حبيبتي هما اول ثلاث تيام الاجنه تثبت يقوولن ارتتااحي هالاسبووعين مو علي طول نايمه على ظهرج
لأ هذا غلط اصلا جسمج لازم تحركينه علشان لا يتجلط دمج

بس ممنوع الدري والسواااااااااااااااااااااااااااااااااااااااقه

حاولي ريلج يقطج الكليه ولا تتحركين وايد امتحني ودرسي وردي وبس

 

[warda_76]

عاد مو الي هذه الدرجة ماتروحين الحمام والله انا على ولدي ارتحت وبس اقوم عشام آكل واروح الحمام واصلي وانا قاعدة غير جذي مااسوي شئ ماكو طلعة ولا سيارة والله الحافظ

 

[مشتطة وبس]

حبيبتي هما اول ثلاث تيام الاجنه تثبت يقوولن ارتتااحي هالاسبووعين مو علي طول نايمه على ظهرج
لأ هذا غلط اصلا جسمج لازم تحركينه علشان لا يتجلط دمج

بس ممنوع الدري والسواااااااااااااااااااااااااااااااااااااااقه

حاولي ريلج يقطج الكليه ولا تتحركين وايد امتحني ودرسي وردي وبس

انا استاذة مو طالبة!!!!! هذي المشكلة............بس بصراحة مشكورين وايد............صج ما قصرتوا....انا شوي ارتحت الحين......على الطاري امس سحب البويضات ليلحين عوار وتعبت حيل بصراحة ماهقيت جذي!!!!!!!!!!!

 

[بلووو]

الله يعينج مشتطه والعمليه يبي لها فيها تعب

وعقب هالتعب لازم ترتاحين

ودام انج مضطره داومي بس ريحي روحج على الاخر واذا سالوج شفيج قولي تعبانه << مو جذب صج انتي تعبانه وخايفه على الاجنه ^_^


الله يتمم لج يارب وتحملين باحلى تؤام