بعد الملجه ........... شسوي ؟

[pink-flower]

السلام عليكم

أسئلة وايد تدور في بالي اللي ملجت وعادي تطلع مع ريلها

شنو تلبسين اذا بزورج البيت ؟

شعرج شنو تسوين فيه ؟ مكياجج ؟

واذا تبين تروحين بيت عمج بزوارتهم تودين معاج طبق والا مايصير لانج عروس ؟
ما اعرف شسوي فيدوني اللي يعرفون الله يجزاكم خير ​

 

[Daleela]

هلا حبيبتي الله يتمم عليج :balo:

شوفي اول الايام لبسي لبس ذرب مو لبس طلعه لا يعني نفنوف حلو وقصير او تي شيرت ولققنز لووول ترى اغراء والله

او التي شيرت اللي يطلع الجتف مع الحركه لووول تي شيرت دلع انا اسميه يعني

وشعرج سشوار عادي ومره كيرلي ومع الوقت سأليه شنو يحب وطبقي والمكياج بعد نوعي خفيف وثقيل وعادي وانتي من

نظرته بتعرفين شنو يجب :rerrerek:

ولمن تزورين اي اخذي وياج طبق حلو احسن وهم على يوم سوي حلو سهل وبسيط يعني خل يقولون مرته سنعه

وبس

 

[أبله كويتيه]

رد : بعد الملجه ........... شسوي ؟

ووااي انا كل بدلي خلصوا بالملجه

وتووهقت ماخليت شي مالبسته

بس ديري بالج تلبسين شي مرتين بوقت الملجه ترا الرياييل يلاحظووون

عادي البس تنانير قصيره وبديات ونفانيف قصيره وطويله

وجينزات وبنطرونات مع بديات ضيجه كل شي لبسي

وبديات مع لقينز

وشعرج مرات ستريت مرات كيرلي مرات فير مرات باف مرات سويه باف بعدين ربطيه عنقووصه من فووق

مرات ربطي نص شعرج ونص خليه مبطل

مرات خليه مفتووح وعادي

مكياجج ناعم حيل حيل لاتكثرين بس بدعي بالكحل وخطة الكحل وغيري بالشدو الخفيف على حسب بدلتج

...

والله انا ماخذيت شي الا برمضان كان عندهم غبقه وخذيت صحن حلوو بارد

وينوا عليه خصوصا شبابهم قاموا يتقاسمونه حتى المتزوجين قصوا منه وخذوه معاهم عالبيت هههههههه

لاتاخذين شي حياتي عقب العرس اخذي

الحين مادري لاتاخذين انتي عرووس

اتمنى اكوون افدتج

وعسى الله يتمم على خير حبيبتي

 

[كعبية]

اول شي الف مبروك والفال لباجي البنات
وبعدين الحين صار زوجج تقدرين تطلعين وياه ويشوفج وتتعرفين على اطباعه وطلعي باحلى طله ترى هذي احله فتره والله يهنيج انشاله

 

[pink-flower]

رد : بعد الملجه ........... شسوي ؟

مشكوووووورين ماقصرتوا
الله يجزاكم خييير ويوفقكم في حيااااااتكم ياااارب ويسعدكم اللهم آمين​

 

[بـــروي]

رد : بعد الملجه ........... شسوي ؟

أول شي ألف مبروك والله يتمم عليج ويسخره لج يااااارب
والله البنات ما قصروا كل كلامهم عين العقل .. لبسي كل شي لا تخلين شي بخاطرج .. الضيج القصير الطويل المخصر جنزات وبديات وربطات حق شعرج وشباصات ناعمه , تراجي كبار , حمره حمررره و فوشيه , هالله هالله بالعطور اللي تبط بط هههههاااي .. كل شي في إغراء سويه خليه يتولع فيج وينطر العرس نطرررره , ونصيحه لا تعطينا كل شي الحين يعني حضن بوسه صغيره لا تكثرين , خلي كلامج كله حلو وصوتج واطي وهادي وذرررربه
وما انصحج تاخذين طبق بيت اهله انتي عروس لازم يدلعونج هالفتره , اذا ياج بيتكم سويله شغلات خفايف راح يستانس بس مو تطبخين و تودين بيت اهله .. واي شي تبينا حاضرين حبيبتي :tek:​

 

[*سحآبة*]

رد : بعد الملجه ........... شسوي ؟

حنا ماعندنا جذي ههههههههه

عندنا تكشخين .. بحدود الأدب ..لا بنطلونات ولا ليقنزآت ولا بودي


واصلاً نادراً ماتقعد معاه ..

 

[اميرة-الاحجار]

نصيحه اول جم يوم اذا بيزورج البيت خلج طبيعيه لبسي عادي يعني بدي وبرمودا او نفنوف ناعم ولاتحطين مكياج خيشوفج على طبيعتج .. وخلي شعرج مفلول .. عالاقل مرتين ثلاث خليه يشوفج طبيعيه ..
عقبها عاد اتفنني بالمكياج وسوالف الشعر ..
مره عنقوص مره ستريت مره بف مره كيرلي مره مرفوع مره مفلول .. مره باند مره تاج مره شريطه ..
واللبس طبعا لاتفكرين تلبسين قمصان نوم ..
خلج على الشورتات والبرمودا والنفانيف القصيره .. يعني لبسي قصير بس مو فاصخ .. لي الركبه وجبانيز ..
وصدميه جذي على يوم لبسيله قميص صدره مبطل .. خل يطيح غشيان لوول ويموت قهر يطالعج ومايقدر يسوي شي ...
او لبسي من فوق لي تحت طويل بس لازق بالجسم يعني لابسه وساتره بس جنج مولابسه هاللبس يخليه يقعد على اعصابه ..
وانتي بريئه يعني لابسه طويل مو قصدج شي :weight_lift:
ويحبون الشورت بعد بس لاتلبسين شورت قصير وايد ومو من اول اسبوع لا الشورت خليه يعد شهر جذي على حسب ملجتكم شكثر ..
وهالله هالله بحركات الدلع ..
والابتسامه الخجوله ونظرات الاغراء ..
ونصيحه حتى لما تتعمدين تغرينه سوي روحج بريئه مو قصدج شي ..
خليه يتشفح عليج وانتي يعني مو على البال ..

==

اذا بتزورين اهله مانصحج تسوين ولاشي ولا طبق ولا غيره .. اذا حبيتي ودي معاج صحن حلو جاهز من اي محل خل ريلج يطلب ويقول هذا من فلانه ..
غيره لاتسوين اصلا اول 3 شهور لاتدشين المطبخ حتى سلطه لاتسوين ..
انتي عروس تدلعي وخليهم يقومون فيج ويشيلونج ..

 

[اميرة-الاحجار]

اي صج مثل ماقالت وحده من الخوات مو تلبسين بدل التجهيز بالملجه ترى تتوهقين انا بعد لبست كل البدل اللي شريتهم قبل الزواج لان وهقه كنا كليوم نطلع وانا قطيت بدلي القديمه ماكنت حاطه فبالي بطلع هالكثر قزري عاللي عندج وخشي اليديد ..

 

[[[ عيون جابر ]]]

الله يتمم عليج
وألف مبروووووووووك