بعد الفطام؟؟

[المزاد]

السلام عليكم
خواتي بنتي بعد كم اسبوع بتكمل سنتين ان شاءالله وانا ارضعها رضاعة طبيعية بس رضعة وحدة قبل النوم لانه خلاص لازم افطمها
المشكله
ماتحب تشرب الحليب جربت وايد انواع ماعجبها شي حتئ حليب كاكاو وفراوله وموز ماتحب?اذا فطمتها شلون ماتشرب حليب عادي ؟ واهي وزنها 9 ضعيفة
شنو الحل؟
وجزاكم الله خيرا

 

[المزاد]

��اب اب

 

[Perfume]

لا حبيبتي لازم تشرب حليب
المفروض من كملت سنة تبدين تعطينها حليب بالموز او الكاكاو عشان تتعود او حتى لو رضعة من حليب صناعي مثل سيميلاك او بيبيلاك
وزنها نازل انا ولدي عمره سنة ووزنه ٩ ونص يرضع طبيعي واعطيه صناعي بعد
انتي حاولي معاها شوي شوي بالاضافة الى الاكل المفيد والصحي
بس الحليب ضروري لا تقطعينها عنه

 

[المزاد]

مشكورة حبيبتي
ان شاءالله بحاول معاها

 

[المزاد]

الحين صارلي ٤ ايام فاطمتها ماتشرب حليب كلش مومتقبلة ولا نوع����

شنو الحل؟

 

[توتا حمرا]

اعطيها روب لبن لبنة عشان لا يصير فيها نقص كالسيوم
والحليب حاولي اتخلينه في الوجبات يعني مهلبية عيش وكريم كراميل عشان يصير مفيد

 

[شادن33]

مردها بتشرب انتي حاولي لاتياسين

والزبادي زين نفس الحليب

والخضار لازم تكثرين منه فيه كالسيوم بعد

الجبن المثلثات الكيري عوديها تاكله

التمر او الدبس حطيلها بالحليب لو نتفه وايد زين

 

[المزاد]

مشكورين خواتي ماقصرتو