بعد العيد باذن الله بزور الكويت الحبيبة بغييت مساعدتكم ياحلى واكش كويتيات

[البركية22]

السلام عليكم ورحمة الله وبركاته


معاكم اختكم من الامارات وبعد العيد حابة انا وريلي نغير جو ونزور الكويت الشقيقة

ف عندي طلب هالكبيرة

ابيكم تدلوني على اسواقكم معارضكم
يعني انا خاطري بالدراعات الكويتية القصيرة والخفيفة للبيت والمناسبات ابي اسواق احصل فيها كل شي لاتقولون لي مولات لان المولات تقريبا الاشياء اللي فيها عالمية
انا ابي الاسواق اللي فيها الاشياء الكويتية
مدري لو فهمتو قصدي والا لا المهم انا ابي اغير ابي اخذ جلابيات وملابس اللي تتميزون انتو فيها
اكيد احنا خليجنا واحد وتقريبا الجلابيات متشابهه
لكن الا مايكون في شي تتميزون فيه اوتشكيله من الجلابيات انتو هابين فيها
للمناسبات العادية
او مناسبات كبيرة
او حق البيت

انا ركزت ع الجلابيات ودراعات البيت
لكن لو تدلوني على معارضكم واسواقكم الحلوة عامة ياريت
وبالنسبة للسعر ياريت اماكن اسعارها في متناول الجميع

ومشكورييييييييييييييييييييين

 

[PuPa^^SWeeT]

عندج ارض المعارض اللي فيه منطقة غرب مشرف


وعندج الفروانية فيه مجمعات العربيد


بالاولمبي فيه محل اريج الخرافي فوق بالدور الاخير


وعندج بيت ديفا

وعندج بالافنيوز فيه محل دير اند دير


وعندج التاجرات بالمنتدى لهم بيوتهم و اماكنهم بس اتدقين عليهم ويعطونج مكانهم اتروحين اتشوفين تصميماتهم

 

[البركية22]

يا بعد قلبي تسلمين والله ماقصرتي
يزاج الله الف خير

 

[وطـن الاحـرآر]

يا هلا فيييييييييج باهل الامارااااات كلهم وحياج الله بديرتج الثانيه

تبين الصراحه المعارض والحريم غالييييين حييل واسعارهم دبلات
روحي البلوكات فوق عندج خياطين راح تحصلين دراريع اللي يبيعونهم الحريم بس ارخص حيييييل
وتقدرين تكاسرينهم
وعندج العربيد بالفروانيه بس راح تلقين الدراريع شوي خبة يعني مكثرين الشغل شوي انتي شيلي اللي ما يعجبج واختاري اللي اللون اللي يعجبج بس كلهم حلوييين حق الدراريع

 

[البركية22]

حبيتي اختي وطن الاحرار الله يحييج ويبقيج

بس سوال الغالية
البلوكات والعربيد هاي اسماء مجمعات والا شوارع ياريت التوضيح اكثر يعني لان احنا ماندلالكويت شي اكيد التكاسي راح يساعدونا يعني ياريت اسماء عدل لو كان مجمع او سوق عادي او شارع عشان نقدر نوضح للتاكسي ويدلنا على طول

مشكوووورة ياعمري ماقصرتي

 

[دانات**]

عندج ارض المعارض اللي فيه منطقة غرب مشرف


يعني لو بسئال بالشارع اقولهم وين غرب مشرف اي واحد يوصف لي

لو اقول لهم ارض المعارض .. ياليت توصفو لنا ههههههههه ماندل بالكويت


وعندج الفروانية فيه مجمعات العربيد




بالاولمبي فيه محل اريج الخرافي فوق بالدور الاخير

الاولمبي هذا مول ولا وشوو وين يكون لاتضحكون بس وصفو لنا بالتفصيل

ههههههههه


وعندج بيت ديفا هذا يجي بنفس الشارع الي فيه بيت كاريزما الي قريب من البحر

وعندج بالافنيوز فيه محل دير اند دير اي بوابه تكون قريبه من هالمحل ..


ساعدونا ابي بوابه ادخل منها القى محلات بالملابس المقاسات الكبيرة مثل ايفانز
ولو تعطوني كم محل




والسموحه من صاحبه الموضوع

 

[..’’ياقلبـك الخوّاف’’..]

روحي مجمع العربيد في الفروانيه محلات الدراريع نووووون ومايعلموووون واسعارهم اغلي شي 30

وفي بعد البلوكات في منطقة الكويت العاصمه(تعرفين احنا عاصمتنا نفس اسم ديرتنا  يافديييييييت ديرتنا *

 

[وَردة مجروحـة]

مجمع الأوقاف
الدراريع فيه أشكال ألوان وفي رخيصة وغالية

 

[البركية22]

انزين بنات سوال
الحين منطقة الكويت والفروانية والسالمية
هالمناطق بعيدة عن بعض يعني اكيد هي مو قريبة بس القصد هل تبعد ساعات والا دقايق
يعني احنا في الامارات عندنا دبي وبوظبي بينهم ساعه
انتو بالكويت هالمناطق بعيده عن بعض وايد والا انا خبري بالكويت صغيرة بس حبيت اتاكد


وياريت تقولون لنا شو احلى الاشياء اللي يبيعونها في ارض المعارض اللي مو لازم نطوفه

 

[krkooora]

لااااااااااا حبييييييبتي وااااااااايد قراب من بعض

من عاصمة الكويت لي السالميه حوالي 25 دقيقه
ومن العاصمه لي الفروانيه حوالي نص ساعه مو اكثر

بس الجهراء و الفحيحيل اهما البعاد يعني ساعه طريج ويمكن 40 دقيقه مو اكثر

ارض المعارض على حسب المعارض اللي عارضه شغلها هناك في جلابيات المصريه و بعض
البوثات لبنات كويتيات عندهم ملابس ولا عبي ولا مكياج كل شي ينباع بارض المعارض



وحيااااااج الله

 

[البركية22]

للرفع حبيباتي
اسماء اسواق مع اسماء مناطقهم لو تتكرمون