بعد العشره الاولى

[ملكه الحطب]

السلام عليكم

دايم اسمعهم يقولون بعد العشر تيام من النفاس غدى شرج من شنو مثلا هههههه مااعرف صج انتوا اشرايكم والعشره الثانيه شتسوين فيها وبعدين انا مت من الحر من الغطا والدلاغات ومتى الوحده تقدر تلبس نص جم ومتى تقدر تسوق او تطلع بره عندي ولدي بالحضانه ولازم انا اوديه الاسبوع الجاي

 

[ملكه الحطب]

سشالفه المشاهدات ١٠٠ ومافي ردود ����

 

[Aloe Vera]

مادري حبيبتي انا مو حيل مقتنعة بالعادات و التقاليد المتعلقة بالنفاس
و اصلاً اهلي مو من النوع التقليديين
فا ماعندنا سوالف تعقيد

بعد عشر ايام المفروض ارتحتي من تعب الولادة و الخياط تقريباً التام
مو لازم تموتين من الحر بس خليج متدفية بشكل معقول
و شربي اعشاب دافية مثل زنجبيل و دارسين و زعتر
و اعتقد عادي تطلعين توصلين ولدج ما اشوف فيها شي و انتي شوفي نفسج

 

[نور دنياه]

الحمدلله على سلامتج اولا
وثاني شي احنا مثل الاخت الي ذكرت قبلي مو متقيدين بهالسوالف وايد ، انا كنت البس بجايم عاديه كم طويل وسليبر مو دايما دلاغات ، اذا وايد حرانه خففي لبس شوي
وعادي اذا طاح خياطج طلعي ووصلي ولدج واذا لا خلي ريلج يوصله

 

[M!SS.LOBY]

الحمدالله على السلامة

 

[احساس نادر]

نفس الحاله دايما يقولولي اذا عديتي العشر ايام غدا شرج ههههههه وانا الحين صايرلي ثامن يوم نفاس وقاعده انطر اليومين واشوف صح كلامهم ولا لا
وترى حنا بالصيف مو لازق دلاغات انا لبستهم مت مت من الحر وخصيصا جو الكويت مايساعد بالصيف فقطيتهم وقعدت على ملابسي وبنطرون قطن كافي

 

[ملكه الحطب]

مشكورين خواتي على ردودكم وتواصلكم والله يوفقكم دوم يارب
يعني انطر الخياط يطيح والا الجرح يلتألم عشان اقدر اطلع؟ واللي عرفته انه الجرح بعد شهر يالله يطيب والخياط ساعات مايطيح شسوي اهني والله يعين عالعشره الثانيه لانه بعدها يقولون خلاص طبتي اجل العشرين الباقيه شنو ههههههه

 

[ملكه الحطب]

وسؤال الاربعين كلها تلبسون طويل ؟ والا لما يخف الدم ؟ لانه اذا جتني الدوره بالحاله العاديه كنت البس برمودا ونص جم عادي

 

[حمامة صالح]

للرفع

 

[امـ خــزامـى]

شدعواا عاد كم طوويل

هونيها يابنت الحلال انا جالسه بمكيف وميته حرررررررر

انا عني اطلع وادخل من ثاني يوم وامشي والحمدالله ماشفت الا العافيه
اهم شي الاكل الصحي اللي كله فيتامينات وبروتين وابتعدي عن الملح والسكر والحمضيات والبارد والغازييات

وومسألة اللبس اهم شي بنطلوون وماتمشين حافيه

 

[Behtar2]

يمكن قصدهم الخياط ويخف الدم
عاد انا ماعترف بخرافتهم الي تجيب الكآبه
اما جم طويل وصيف وحر هههه

 

[ملكه الحطب]

يعني ماتلبسون جم طويل ولا تلفون راسكم بملفع اوشي بنات اكرهه الاربعين مت من الحر والعرق وريحه الحليب اخاف لوعت جبدكم اسفه بس حالتي حاليا اعد الايام عد اوووووف وبعد العشره الثانيه يقولون الوحده ترتفع يعني شنو؟؟ اتسبح والبس نص جم؟؟ اشرب شي بارد ولاعت جبدي من الاعشاب وريحه الحلبه

 

[احساس نادر]

حبيبتي ماقولج عادي البسي الي تبينه اهم شي بنطرون قطن عشان مايدخلح هوا من تحت وماتمشين حافيه اما ملفع ودلاغات انا لبستهم من اول يومين وقطيتهم حرررر المويت مو طبيعي مع المكيف بعد والحمدلله مافيني شي وتسبحت من تاسع يوم ارتاحت نفسيتي هو بروحه النفاس لوعه مايصير تزيدين نفسج بعد وخلاص من عاشر يوم على قولتهم غدا شرج تقدرين تمشين وتسبحين وتقعدين والغرز متى ماطاحت طاحت اما عن الايام الباقيه الي تقولين حق شنو عشان يرتاح رحمج لانه تعب من الحمل ٩ شهور والولاده فيكون فتره راحه له قبل لا تروحين لزوجج

 

[M!SS.LOBY]

استمري عالبرنامج لغاية ما تخلصين فترة الاربعين

 

[ملكه الحطب]

ياعمري الله يحقق اللي في بالكم ان شاء الله

وحاليا قطيت الدلاغات خلاص لانه رجولي تعورني من تفخ الولاده والحين تفش وربطه الراس ساعات البسها وساعات لا والغرز للحين ماطاحت مع انه بولادتي الاولى بسرعه طاحت والحمد الله الحين الخياط مايعورني لاني مهتمه فيه بس خايفه من الكره متى تصكر هذي شايله همها

 

[beauty rose]

حبيبتي خلي جسمج دافي علطول لا تتعرضين لبرد و هوا و تفجين المكيف
انا ما البس شيله قطن الا اذا حسيت ببرد
اما الدلاغات اخليهم احسن ماحب اقطهم ، البسي النوعيه الخفيفة اللي ما تصك عالريل حيل
و الله يقومج بالسلامة ان شاء الله

 

[عسل حدي]

رب لا تذرني فردا وانت خير الوارثين