بعد الدوام ؟؟؟

[PuPa^^SWeeT]

السلام عليكم


شلونكم بنات



طبعا كل المواضيع تحجينا فيها

الا هذا


اول ماتردين البيت من الدوام شتسوين
انا اول مارد البيت ابدل هدومياتكون خادمتي مطلعة دياي و فايحته ايي انا انا احطه بالفرن على طول

واسوي العيش بعدين اروح اسبح على ما اهي اتشوفه يستوي



وارد انتغدى العايلة الكريمة كلنا

بعديين اجابل بناتي لين الساعة 6 اعشيهم و انومهم علاما ينامون 8


وبعدييين اشوف شغلي شسوي يا مكتبة ولا خياط ولا مصبغة او اقعد تلفزيون ولا منتداكم العزيز

ارد البيت انام عال 11



انتو شتسووووون

 

[ترف بابا]

تقريبا نفس وضعج

بس انا اخليهم ينامون معاي الظهر ونقوم اخاف اخليهم يحوسون وانا نايمة !

 

[PuPa^^SWeeT]

انا لأني ما انام الظهر فا لازم اقعد اجابلهم و اشوفهم و جذي بس ماتيي 11 الا انا بغيبوبة لوووول

 

[(كويتيه عسل)]

ساعات ارد البيت علطول وساعات اروح مطعم اشتري غدا من برا على حسب المزاج

وساعات اروح مركز سلطان احب اتمشى فيه الظهر وناسه ماكو زحمه

ارد تغدى واطالع تلفزيون وساعات انام

واقعد من النوم واذا عندي مواعيد اطلع

وبعدين احضر ويع التحضير في البيت يصير 4 ساعات

اوووف غصب اخلص قطيعه مااحب احضر في البيت

بس ويا المناهج الخايسه اليديده ماالحق اسوي شي في المدرسة

انا الحين اشتركت في نادي ناويه اغير روتيني انشالله هالاسبوع بروح

حاطه في بالي اطلع من الدوام واروح النادي علطول بعدين ارد البيت

لاني اذا رديت البيت راح اتكيسل اطلع

 

[PuPa^^SWeeT]

زيييين اتسوييين كويتية عسل



يسلمووو عالمرووور كويتية عسل و ترف بابا

 

[noni_q8]

Up

Uopppp

 

[**ليمونه**]

ما شاء الله تبارك الله
عجبني نظامج
وشكلي بطبقة ..... ان شاء الله
بس شلون اخلي الجهال ما ينامون الظهر

 

[PuPa^^SWeeT]

هذا النظام من عمرهم سنة و نص و انا اسويه انهم ماينامون الظهر ماشالله لووول الحين احسد نفسي



لاا بس تعب حزة الظهر صراحة


بس وحدة يعطيها العافية بدوامنا عندها ولدين اتقولي نوميهم الساعة 6 و لاتنومينهم الظهر جذي تفضين لنفسج شوي


وفعلا والله توا النظام بدا يعطي فايدة العام شوي

 

[fri2010]

انا للحين ما جربت التدريس

بس الخميس قالت لنا رئيسه القسم حضرو على الفلاش وورني شغلكم يوم الاحد

والله قعدت يوم اليمعه من الساعع 7 ونص لما 1 ونص خذيت لي بريك وعقب البريك خلصت باقي الشغل

اليوم سويت باقي الاشياء على الكمبيوتر من اوراق عمل وباوربوينت وخرايط وطبعتهم

فاعتقد مع الايام اليايه لما ارجع من الدوام كله بشتغل حق دروسي

 

[PuPa^^SWeeT]

بالمدرسة اللس انتقلت منها

اهيا اول مدرسة لي

المهم وكيلتتي شافتني مرة نازلة و معاي اغراض وايد

دفاتر بنات و تحضير و بطاقات

معاي فراشتين يشيلون لوول
قالتلي ابلة بوبا شنو هذا

قلتلها مامداني اسوي شغلي فا قلت اسويه بالبيت اخذ راحتي


جان اتقول اليوم باسمحلج باجر ان نزلتي معاج دفتر تحضير ياويلج انتي توج متزوجة ومادري مو زين ريلج يشوف شغلج وياج البيت



سوي شغلج كله اهني و طلعي وانسي المدرسة بالبيت


والله نصيييحتها غالية علي مثل ما اهيا غالية علي


حتى لما كانت اتوقعلي اخلاء طرف قلتلها انتي اللي راح اشتاقلج والله لصراخج علينا لووول و لبسج و نصايحج بالاكل واللبس والحياة



يعني صراحة والنعم فيها



من جذي فراي ماراح اييب شغلي البيت نهائي لوووول

 

[catt]

انا ماكو نظام معين ارد احيانا اتغدى وبعض المرات اشرب قهوة تركية وتي في , واذا فيني النوم نمت عادي ولو اقعد الساعة 10 ماكو مشكلة عندي وبعض المرات ما انام اطلع جمعيةاو سلطان او اروح امشي مجرد اغير جو

يعني عادي ماتفرق معاي اي شي المهم يمشي اليوم بسلام

 

[fri2010]

بصراحه ما اعرف اشتغل بالازعاج

خاصه بالقسم وايد هذره وسوالف

هذا غير الطالبات لما يدامون الاثنين بيصير ازعاج اكثر

وما تييني الافكار الحلوه الا بالبيت

وبعدين سمعت ان المدرسه ما تقعد وايد بالقسم

حتى لو ما عندها حصص فاشلون يمدي تسوي الشغل بالمدرسه!

يمكن انتي متزوجه غير

بس انا آنسه :eh_s(22): فما عندي شي لووول

 

[مشغوله و محتاسه]

بعد الدوام ..

و ما ادراكم ما بعد الدوام



ارد اصلي اذا مو مصلية بالدوام .. و اتغدى ..

و انااااام

نومة العصر مقدسه و علاقتي فيها وثيقه لا يمكن اني ابطل منها اول ازعلها و اقطع علاقني فيها لوول


و العصاري اقوم اشرب جاااااي ... و اشوف العيال شكو ماكو .. منو ما كتب الواجب و منو كتبه و منو متناسي ان في واجب اصلا

و على التسع العيال الصغار نايمين .. اتفرغ عاد لشغلي ... ما بين طباعه و توزيع العمل و تفكير بالجدول و غيره و غيره ..

 

[**ليمونه**]

تصدقييين عاد نومة الظهر مفيدة ......قيلولة بسيطة

***
***
صج بنات اهم شيء الصلاة ....بوقتها لانخلي نومة تلهينا عن الصلاة او دوام....فإذا أذن بالمدرسة صلي الصلاة بوقتها ....

 

[Angel_store]

نفس الشي بس من ظقط الشغل نرجع مصدعين ما نقدر ننام الظهر اشتقت حق ايام الدراسه

 

[^^ريهام^^]

السلام عليكم

بعد ما ارجع المدرسة أصلي وانام ساعة

اقعد على أذان العصر أصلي واتغدا

على الساعة 4 اطالع الاخبار وبعد الاخبار مسلسل

على الساعة خمسة اذا لي خلق اروح النادي او الممشى او العب رياضة

بعد صلاة المغرب اتغشى خفيف

ادش النت للساعة للساعة 8

بعدين اطالع الاخبار وبرنامج متابعته

بعدين اخذ شاور واطرش مسجات او اسولف بالتلفون

اكوي اهدومي وابخرهم

وعلى الساعة 11 نايمة

 

[بنات حواء2]

و الله انا هسنه ناويه اسوي شغلي كله بالمدرسه مابي اسوي شي بالبيت لانه جد جد تعب
طول العطله هذي انا اشتغل بتحاضير مايصير
ابي اعطي من نفسي حق بيتي
لذلك هسنه غير راح اخلص شغلي كله بالمدرسه و ارجع اشوف نفسي و بيتي
الله يرضا اسبوع مارحت النادي
ههههههههههههههههه
المهم انا ارجع من المدرسه سيده على قلاص القهوه مدمنت قهوه بشكل مو طبيعي بعدها ابدل و اسخن اكلي لانه جاهز من دايت كير
اكله و اقعد اشتغل في شغل المدرسه بس انشالله هذا النظام راح يتغير باذن الله
ريلي و بنتي ياكلون مع بيت خالتي و هذا الي مريحني من سالفت الطباخ و فاكني لاني انا اصلن ما اكل ههههههههههههههه
و انشالله الاسبوع الياي بيي اكتب لكم روتيني اليديد

 

[Eva-SS]

انا مدرسة روضة يعني اطلع الساعة 12 وثلث اذا ماعندي مناوبه .. مرات اكون تعبااانه مو نايمه بالليل فاول مارجع اصلي وانام ساعتين جذي بعدين اقوم اروح النادي مو يوميا مرات اتكيسل بس تقريبا يومين بالاسبوع اروح .. ارجع اتسبح واتقهوا واريح واصلي المغرب وبعدها تبد المشاوير مكتبة سوق شعبي جمعية :eh_s(4): وارجع اسوي العشا ونتعشى بعد العشا اشبك ليما يجيني نوم

كلش مافيه وقت ايام الدوامات

 

[PuPa^^SWeeT]

وناسة ايفاااا

 

[Eva-SS]

ونااااسة على شنو عشان نطلع مبجر يعني

بس والله هادين حيلنا خاصة هالوقت ماتدرين اللي يبجي واللي يصير فيه انهيار عصبي واللي يرجع والي والي واحنا نفتر نسكت كل واحد ونعلمهم سلوكيات كل واحد لازم ياخذ حقه يعني صج نطلع 12 وثلث بس والله العظيم من سبع ونص ليما اخر الدوام زين احصل لي نص ساعة اتريق فيها لانه احنا مدرستين بس بالصف