بعد الدكتور جمال الحربي الدكتور عبدالمحسن جعفر

[دنيا جديده]

المااس الكون لاتضااااااااااايقين وتفائلي خير وماعليج من اللي يقول دكتور وسى لفلانه غلط ولفلانه مدري شنو
ترى كل وحده وحظها انتي الحمدلله انشاءلله الله كاتب لج الحظ الحلووو اللي يسعدج
اهم شي طمنينا على خشمج وشلون وجهج صاير؟؟

 

[w8000]

هااي بنااااااااااات بسأل اذا في احد جرب عندي دكتور نيشو اهو بأنترناشونال كلينك يمدحووونه عاد مااادري ورفيجة اختي راحت ذاك اليوم حق بوتكس عاد تقول دكتور شكله خبره حيل ويابت ورقه من عندهم شارحين فيه عمليه الخشم فماادري يا ريت اذا احد يعرف يفيدنا

 

[الماس الكون]

انا سمعت ان وايد زين بالشفط والشد بس باشياء ثانية والله ما ادري بس زييين

 

[بشتخته]

هااي بنااااااااااات بسأل اذا في احد جرب عندي دكتور نيشو اهو بأنترناشونال كلينك يمدحووونه عاد مااادري ورفيجة اختي راحت ذاك اليوم حق بوتكس عاد تقول دكتور شكله خبره حيل ويابت ورقه من عندهم شارحين فيه عمليه الخشم فماادري يا ريت اذا احد يعرف يفيدنا

انا سمهت يمدحونه بتجميل الجسم

بس الويهي ما سمعت ولا شفت احد سوا عنده

 

[كويتيه وبس]

pineapple​

اسال عن علاج الجيوب الأنفيه خشمي كله متسكر X اسال منوالأحسن فيهم روحوله​

كلامج فيه تناقض تسالين حق منو بالضبط لنا ولا لج؟!!!!!!!​

وبعدين ساعات ادخل اتطمش واشوفكم محتاسين مو عارفين شتسون بعمركم الي خايفة والي مترددة
وصج الله يعينكم بدش مرة ثانية لتطمش اشوف شنو سويتو العملية ولا لآ موفقين​

اولا اشلون بنعرف الدكتور الزين من غيره اذا ما سالنا ؟ واكييييد بنخاف ونتردد الف مره
هاذي عمليه مو شي بسيط والماس الكون
وبشتخته والبنات
ماقصروا الله يعطيهم الصحه والعافيه
قاعدين يشاركونا ويفيدونا بتجربتهم ​

ثانيا اكتفي برد اختي الماس الكون احنا ترا مو طماشة او اضحوكة
والي يبي يضحك ويتطمش ترا في قسم بالمنتدي اسمة سوالف وفرفشة ياريت تدخل وتضحك هناك احسن
اعتقد كفت ووفت ​

 

[كويتيه وبس]

المــــاس الكــــون
اشلونج طمنينا عليج اشلون الاحتقان اللي بعيونج
والزراق راح ؟
واشلونج بعد العمليه شلتي اللزقه ولا لاء ؟
واشلون العمليه بينت نتايجها ولا بعد ؟​

 

[pineapple]

ما الومكم اعصابكم طايشة هذا كله بسبب الحالة النفسية الي انتو فيها

ويه الله يعينكم بعد العملية اذا لا قدر الله واخشومكم اختربت شلون بتكلمون الناس بعدها صج ترا قلبي وياكم بس انتو معصبين من الوضع الي انتو فيه وعلبالكم الناس قاعده تتطنز عليكم .

بالعكس شنو مصلحتي اتطنز عليكم --- الحمدلله على الصحة والعافيه

 

[نووووونا]

الرجاء عدم الخروج عن صلب الموضوع@@

 

[كويتيه وبس]

ما الومكم اعصابكم طايشة هذا كله بسبب الحالة النفسية الي انتو فيها

ويه الله يعينكم بعد العملية اذا لا قدر الله واخشومكم اختربت شلون بتكلمون الناس بعدها صج ترا قلبي وياكم بس انتو معصبين من الوضع الي انتو فيه وعلبالكم الناس قاعده تتطنز عليكم .

بالعكس شنو مصلحتي اتطنز عليكم --- الحمدلله على الصحة والعافيه

قل لن يصيبنا إلا ما كتب الله لنا اللهم لك الحمد والشكر عالصحة والعافية
( لا تشمت بمن حل به بلاء فيعافيه الله ويبتليك فإنه إن عوفي كان مثلك وأنت إن إبتليت كنت مثله أو أشــــــــد )

 

[بشتخته]

وييييييييي اشفيكم
قلبتوا الموضوع

الماس شخبارج حبوبه

وكويتية وبس اشلونج إخيتي؟؟

دنيا اشلونج
ولهانه عليكم بس الاب توب خربان عندي .. وما اقدر اشبك الا بالدوام

 

[نووووونا]

الموضوع اخذ حقه من النقاش وخرج عن صلب الموضوع !!!