بعثات التطبيقي

[لبنة حرم زعتر]

ترف لا جامعة الخليج gust جامعة امريكية معترف فيها من مجلس الجامعات الخاصة

ترف شلون تهقين استحق البعثة -ابي اعرف شنو شروط البعثااات اهم شي المعدل جم يبون -ودي اكمل بجامعة الكويت بعثة لانه مستحيل اسافر بره 

 

[ترف بابا]

انثي
هذا الموضوع ما يفيدج - هذا للابتعاث بعد البكالوريوس احنا دراسات عليا ..

لبنه
حسافه كان عندي رقم جست - بس مسحته - بس اللي كانوا معاي بدورة التوفل يبون
يدرسون فيها علي حسابهم لانهم موظفين والدوله ما تبتعث احد حق جست

بس استحقاقج للبعثة في عن 3 طرق
- دوامج ع حساب وزارتج
- او بعثات التطبيقي
-او بعثات جامعة الكويت

وغير جذي ع حساااابج الخاص - وشوفي الشروط حسب كل جهه اما في الجريده او تراجعين المكان الي تبين بقسم البعثات*

 

[ترف بابا]

واذا علي جامعة الكويت الدراسات العليا للماستر كل سنه ينزل اعلانهم وفي كل شي يبونه

اذا فيج كل الشروط يقبلونج عادي

 

[لبنة حرم زعتر]

ترررف اشكرج على الرد


بس انا متخرجة توني من قست ابي بعثة من جامعة الكويت عشان اكمل ماستر عندهم عرفتي

 

[انثى الكويت]

الله يوفقكم

انا اصلا موظفه بالتطبيقي على كلام البعثات لي الاولويه صج عاد؟

يالله ان شاء الله اكمل بكالريوس وانظم لكم بعد جم سنه وتفيدوني ببعثة الماجستير


والله يوفقكم وكلكم تنقبلون يارب

احب الي عندها طموح

وادعولي يارب يوافقون علي عشان الهندسه بالكويت

 

[ترف بابا]

اللهم امين يارب

تسلمين ياعسل

 

[ترف بابا]

العفو لبنة

نطري اعلانهم عيل شهر ١٠ الي شهر ٢

 

[zqertya]

انشالله لما ارد من السفر بشوف اذا في دوره ايلز اقدم عليها والله ليش اخذ دورة انجليزي اضمن هالشهاده احسن بالنهايه لي رديت راح يكون التدريس عربي وبره اعرف ناس مايعرفون شي وقزروها والحمدالله انجحوا

 

[ترف بابا]

الدوره تعلمج طريقة الاختبار - معتمدين انج عارفه انجليزي وخالصه

وامتحان الكفاية اللغوية اللي هو ايلتز او توفل شرط مطلوب داخل وبرا

وترا اللي يوهق موعد الاختبار لان بتنطرين النتيجه اذا ما طلعت قبل فترة التسجيل ماراح ياخذون اوراقج
*

 

[ترف بابا]

شوفي الجامعه الامريكية auk بالسالمية علي طول كل اسبوع يبدون فرع من فروع الاختبار يدربون ع الايلز
اذا ماتبين التوفل
او كتب مكتبه جرير لازم زقرتيه يكون عندج خلفية عن التكنيك مال الاختبار

 

[zqertya]

ثنكيوووووووو وانشالله بجرب كل شي

 

[zainab.91]

بنات لو سمحتو
الي ماخذه بعثة من التطبيقي عشان تكمل باكلريوس بعد ماخلصت الدبلوم بالتطبيقي تقولي عندي استفسارات و محد يجاوبني والموظفات هناك يدودهون

 

[حزن المشاعر]

انا اعرف شروطهم وكل شي عن البعثات اللي بعد الدبلوم ........... شنو بغيتي تعرفين
وعلشان تعرفين كل شي ترى بعثات التطبيقي مثل بعثات التعليم العالي من ناحية المزايا المالية وغيره

 

[zainab.91]

اختي حزن المشاعر يزاج الله خير طمنتيني
الحين انا معدلي 3.81 رحت لهم وخذيت الواراق قالولي انه شهر 9 يتصلون على اول 3
الي بعرفه شلون يمديهم ايبون لي القبول شهر 9 واصلا اخر يوم للتقديم 26-9
واهما يتكفلون بمصاريف الدراسة كاملة ؟ مع سنه اللغة او لاء؟
وهل تكون لي إعانه ؟
ويعطيج االعافية

 

[حزن المشاعر]

بعثات التطبيقي حق البكالوريوس يعطونها حق المتفوقين اللي اعرفه أول اثنين يعني الأول والثاني على الدفعة وإذا تنازل احد فيهم يعطونه الثالث واهم شي إن مايقل معدل إي احد فيهم عن 3.60 اعتقد .. يتصلون عليج شهر 9 لان لازم ينطرون الدفعة كلها تتخرج يعني خريجين الأول والثاني والصيفي وبعدين اشوفون أعلى معدلين في 3 كورسات يعني بس 2 بالسنة كلها مو اثنين من كل كورس ... وااذا تنازلو مايبون البعثة يعطونها حق غيرهم بشرط مثل ماقتلج مايقل أي احد فيهم عن المعدل المطلوب
البعثة من ناحية المزايا الماليه والمخصصات مثل بعثات التعليم العالي يعني على حسب الدولة اللي أنتي رايحتلها يعطونج معاش كل شهر يختلف من دولة لي ثانيه ويعطونج كل سنة بدل كتب وبدل ملابس وتذكرة سفر بالسنة بشرط انج تنجحين بالسنة كلها ويتكفلون بمصاريف الجامعة كلها اما إذا سقطتي بمادة لاسمح الله تعيدينها بحسابج وإذا تبين تعرفين أكثر راجعي لائحة البعثات تلاقينها بموقع التعليم العالي .... واعتقد على كورس اللغة أنهم يعطونج كورس أو سنة علشان تاخذين التوفل أو الايلز ... وطبعا شهر 9 راح يتصلون عليج إذا حصلتي على ألبعثه لكن ماراح تدرسين بنفس الكورس لان في إجراءات إذا كان نظام الدراسة سنوي تنطرين السنة الي بعدها إما اذا كان نظام كورس تدرسين الكورس الثاني
​

 

[zainab.91]

الله يعطيج العافية ماقصرتي :*

 

[MISS ENGLAND]

بنات انا تخرجت من جامعة الكويت

وابي اقدم ع الماجستير
الحين هل في تسجيل والا لأ ؟

جامعة الكويت التسجيل متاخر بشهر 11 وبعيد ابي اقرب
وهل اقدر اخذ بعثة عن طريق التطبيقي؟

 

[ام فهد 85]

السلام عليكم اشلونكم بنات
بشرو ماطلع شي عن البعثات اشوف مالهم حس بالمره ولا من تحت لتحت
تكفوون بلغونا اول بأول
وشكراااا

 

[ام فهد 85]

السلام عليكم ابشركم نزلت البعثات ادخلو على الموقع لو اعرف انزل جان حطيت الموقع وادعولي الله يوفقني ويقبلوني

 

[بنت شاهة]

بنات أنا كلية التربية الاساسية تخصص اسلامية
ابي اكمل ماستر بدون خبرة أشلون؟
يعني بعثات الهيئه جم يبون المعدل ؟
بلللللللللليز بنات ردوا ساعدوني