بطلب من زوجي نزلت هالموضوع

[مندوبة ام بندر]

ماله علالالالاقه

 

[أسم والسلام]

رد: رد : بطلب من زوجي نزلت هالموضوع

الحين الكل يبي موظفه عشان ما يصرف لا عليها
ولا على البيت ولا معاش خدامه ولا مصرف ولاشي ..
الحين الشرط الوحيد ابي موووووووووووووووووظفه ..

صاجه خصوصا هالجيل الجديد:bbbiu:

يسلمو لمروووووووورج

 

[سارة ة]

ااااااااااااب لعيوونج

 

[@البتووول@]

رد : بطلب من زوجي نزلت هالموضوع

مالقيت خيار يناسبني يعني الحين أنا ريلي من قبل لانتزوج كان يبي ربة منزل بس الحين راضي إني أتوظف لأن معاش واحد مايكفي كلش يعني جذي مايحبني ويعتبرني بنك متنقل مثلا@@

ترى كلش ماله علاقه الحب بالوظيفه وغيرها في بعضهم يبون المره دايما محتاجه لهم وتحت رحمتهم وبعضهم يقعدها حبا فيها بس يكون مقتدر على الصرف يعني ماتقدرين تحكمين على هالشي

أنا رايي بكل صراحه إنه تكون المره موظفه ولها راتبها لأن مهما دلع الريل ماراح توصل لي الدلع اللي تاخذينه من معاشج وتتصرفين فيه بكيفج إلا إذا كان الريل تاجر وغني هذا شي ثاني

 

[قلبي ابيض]

رد: رد : بطلب من زوجي نزلت هالموضوع

ماعرفنا توج تقولين ما يبي يوظفني بعدين تردين وتقولين اساسا لوبتتوظفين بتروحين الجنوب يم اليمن وخايفة لا يلف على وحدة ثانية شكلج انتي اللي خايفة من شي اسمه وظيفة

وبالنسبة للموضوع عاشقة الكفيل كفت ووفت

 

[QUEEEN]

شوفي حبيبتي
من الطبيعي ان الانسان سواء رجل او امرأه ما يحب القعده من دون شغل ولا مشغله يسلي فيها عمره
و كلنا نفضل الشغل عن القعده في البيت
بس الي ريلها يمنعها عن الشغل طبعا يحبهاااا مووت و يخاف عليها لدرجة انه ما يبيها تطلع كل يوم و شغل ويا ريايل و دنيا
هذا رايي

 

[ELFAD3Ah]

رد : بطلب من زوجي نزلت هالموضوع

لا طبعا هذا ماله شغل بهذا في ناس من زود الغيره ويكون مقتدر
بس متطلبات الحياة اليهال والاسعار الي شايه ضو والمراه الي تبي تكشخ تخلي الريال يلزم على الوظيفه
لان معاش واحد مايوفي

 

[ملكهـ علي عرشي]

رد : بطلب من زوجي نزلت هالموضوع

تم اللتصويت
اللي مايبيها تتوظف يبي راحتهاويدلعها وتكشخ على طول

 

[اميره1980]

حبيبتي الخيارات الموجودة مو مضبوطة عدل المفروض فيه اكثر من شغلتين
مثلا في رياييل يبون موظفات مو طمع بالمعاش بس لان الحين الدنيا تبي مشاركة و الاسعار الحين مثل ما انتي عارفة نار
اغراض الجمعية بروحهم معاش كامل غير الاجار و باجي المصاريف
اذا الريال ما يقدر على هذا كله مجبور ان يتزوج موظفة تساعده بس مو استغلال

 

[حبيبي مالكني]

رد : بطلب من زوجي نزلت هالموضوع

انا الصراحة ريلي مو مقصر علي
بس متوظفة عشان اكون مستقلة بذاتي وماديا بعد
اعتقد ماله علاقة بالحب بس له علاقة بالغيرة شوي

 

[^_^ Coco Chanel]

رد : بطلب من زوجي نزلت هالموضوع

امبيييه حده ماله علاقه
وما راح اصوت لانه احسه سؤال يهال مو كبار ههههههههههه
ومشكورره حبوبه على موضوعج

 

[شبعآنه دلـع]

رد : بطلب من زوجي نزلت هالموضوع

ما له علاقه كل واحد وحسب ظروفه

 

[ديانا سبنسر]

تم التصويت

 

[سيلينا]

رد : بطلب من زوجي نزلت هالموضوع

بالبدايه ما صوتت لان الاخيارين مو رايي

السالفه مالها علاقه اذا الزوج يحب زوجته ولا لا

لو الرجل مقتدر بشكل كبير انه يوفر احتياجات مرته ومدارس عياله ويسفرها ويرهى عليها بالفلوس له الحق انه يقول لها ما ابيج تتوظفين وامشي لج راتب ويكون مبلغ يسد احتياجاتها

مو يقولها لا تتوظفين وبالشهر اعطيج 50 !! هل ال 50 توفر لها احتياجاتها تبي بدله عباه عندها استقبال وحده من صديقاتها والده ولخ هل 50 تكفي خلينا نقول 100 حتى الـ 100 ماتسوي شي

السالفه مو مرتبطه بالحب السالفه مرتبطه بالحشاااره (مادري اشلون تنكتب ) يمكن اهو من النوع الي يغار بشكل مو طبيعي

او سوري هذا وحده سمعت عنها لانه مستضعفها يعني شايفها شخصيتها ضعيفه عشان جذيه ما يبيها حتى تروح السوق
لانها حيل شخصيتها ضعيفه جدامه وللاسف خلها تطلع من الجامعه والبنت تخصص علمي جاها حرمان هل هذا حب
بعد ما انفصلت من الجامعه ماعندها مصرف كافي تتسلف من امها هل هذا حب

وبعدبن الحين الحياة براتب واحد ماتوفي انا شخصيا ابي عيالي باحسن المدارس ابي البس عندي سياره ابي اسافر زوجي كلش مايقصر شايل عيالي والبيت والخدم ومصرف شهري لي بس لو اهو يسوي كل هذا بروحه هل راح يبقى فلوس عشان نسافر سفره معتبره !!

انا ضد ان المرأه ما تتوظف لو كانت جامعيه او خريجه دبلوم يعني تعبت عشان توصل الي وصلته

** لو زوجي الله فتحها عليها ويقدر يمشي لي نفس راتبي حاليا صراحه اطلع ما اشتغل ولو اني بيني وبينج قعدت البيت تملل وتخلي الوحده تندثر لي طلعتي واحتكيتي بناس غير حياتج لها طعم يعني هالموضوع انا اقوله لزوجي لو الله فتحها عليك يمكن اطلع من الشغل بس القالي مشروع ثاني ولا اقعد بالبيت بس نوم وسهر ومالي داعي بالبيت​

 

[غداً القاك]

رد : بطلب من زوجي نزلت هالموضوع

عادي اتوظف علشان اعز نفسي حتى عنه واسوي اللي ابي يعني مو على كيفه ولا الشور راجع له

 

[DooLy88]

انا مابصوت
لان تفكيرج يقول:

اللي تشتغل يعني زوجها طمعان فيها !! واللي ماتشتغل معناها يبي يريحها

القاموس مالج غلط سمحي لي


هههههههههههههههه

انا لازم اشتغل - واذا اشتغلت اهو ملزززوم يصرف علي لان ربه قايل هالحجي


وانا شنو يضمنني بالمستقبل
لازم اضمن مستقبلي ليمتى بس كل ماحتجت فلوس رحت مديت يدي له !!

اتغل بدل قعدة البيت ولاااااااااااااااااازم يكون واثق فيني - اذا مو واثق هاذي مشكلته اكيد اهو مريض

لازمتحطين من ضمن الخيارات

ان يكون في 2 يموتون على بعض وتكون بينهم ثقة وكل واحد يساعد الثاني في هالحياة الصعبة اللي لازم فيها تعاون بينهم

غلط كلامج يوم تقولين اللي مايبيها تشتغل معناها يبي يدلعها ههههههه الحين حتى بنات الشيوخ يشتغلون - وانتي الصاجة الا يبيها تكرف بالبيت والعيال لا شغلة ولامشغلة الا مجابل هالبيت - شلون ترتاح من الدوام واهي 24 ساعة شغل بالبيت !!