بطاقة التموين؟عندكم شاركوني

[عشيقة زوجي]

بناااااااااااااات شلونكم شخباركم

مبين سؤالي من العنوان


احنا عايله مستقله وعندنا ولد وساكنين بشقه ........

عمي اللي اهو ابو زوجي يقول ضيفو اساميكم معاي في بطاقتي؟؟؟؟؟؟؟؟
مادري ليش؟؟؟؟؟؟
اهوا يقول كل الاوادم جي بما انا احنا عايله مكونه بس من ثلاث افراد:gathering:

وانا اقول لزوجي المفروض يكون لنا بطاقه بروحنا.........:eh_s(1):
اللي عندها خبره تفيدني.....
نقدراو مانقدر وشلون الطريقه

 

[عهود الحب]

والله ماادري شنو راي زوجج ؟؟
انا من عمري بطاقتي بروحي ومعاي عيالي وزوجي

الخدم بعد ينضافون لكم
بس ااذا عمج مصمم مشكلة :/
لازم تتأكدين اذا بيعطونج حصتكم من البطاقة


ولو انه بتصير حوسة وتتلعوزون واحتمال شهر يعطونكم وشهر لا حسب اهل زوجج ماادري انتي ادرى
بس ترى البطاقة حيل تنفع ورمضان عالابواب { الزيت والعيش والحليب والجبن والدجاج والمعجون والعدس
وحليب لولدج يطلع ارخص من السوق بدينار وزود

عرفتي
والله يوفقج ويكتب لج الخيرة

 

[عهود الحب]

منعا للحوسة اعتذروا
وخل زوجج يعتذر موب انتي لايحوشج طشار
احنا خوات طلعنا من بطاقة ابونا
فما بالج ببيت حمولة !

نصيحة ترى البطاقة تنففففففففع حييييييييييييل

 

[عشيقة زوجي]

اي انا اقول جي بعد بس ماكنت ادري اذا يصير او لا
مشكورين
بس شلون البنات بطلعون من بطاقة ابوهم مافهمت يصير يعني؟؟؟؟؟؟؟

 

[عهود الحب]

اقصد احنا عقب تزوجنا استقلينا ببطايق مع ازواجنا وهم ابوي يتحلطم ههههههههههههههههههه
بس عقب تأقلموا عشان يفتكون منا يبه عطنا يبه نبي عرفتي

بس ترى يصير البطاقة باسمج او باسم زوجج
ويصير الاخ يضيف اخوانه له ويصير كل شي
بس تأكدي ترى احيانا وقت التسجيل تلاقونهم ضايفينكم وانتوا ماتدرون
صارت شكثر

 

[على العهد باقون]

لازم يكون لكم بطاقه خاصة بروحكم
والله ارحم السكر حليب الاطفال وحليب البودره للحلويات واذا ماتبينه الحليب البارد بديل ....

والدهن ارخص وايد عن الجمعيات بصراححة رحمه بطاقة التمويل من سواها ريلي الحمد لله خف مصروف البيت وايد

 

[bnt_kwt]

اي والله احنا من سوينا بطاقه التموين وايد فرق علينا المصرف
يعني الحليب والدهن والعيش والشكر ومعجون الطماط
والحين الدياي بعد والاجبان والحليب سائل وبودر

واللي عندهم يهال جنه يعطونهم حليب حق عيالهم كل هذا باسعار مدعومه وارخص

احنا قبل كنا مع بيت حمولتي وطلعنا بشقه ونفس الشي ماندري عن شي اسمه تموين
بس الصراحه من يبت لي خدامه وحسينا انه ما نلحق ماشاء الله

قام ريلي طلع البطاقه والحين فايدتنا

والحمدلله على النعمه

اذا كنتوا بشقه بروحكم خل ريلج يعتذر من ابوه ويقوله يبا انا احتاج التموين حق بيتي

ليش العباله اخليك انت تاخذه وتالي ايي لج وتعطيني نصيبي

اما اذا كنتوا عندهم ابيت الحموله فانا اشوف انه عادي يضيفكم ابطاقته مافيها مشاكل
اكيد بتاكلون من اكلهم ووياهم

 

[عهود الحب]

الحليب ب10 دنانير تجيبون حليب البيبي واذا من الجمعيات يكلف فوق العشرين لأنه العلبة بدينارين ووزوووووود
يعني يسوووووووي شغل التموين


انا بس حبيت اضيف نقطة


الله يعز الكويت
ياديرة مافي مثلها ديرة عسى ربي يحميج من الحساد ويخليج لنا يا ديرتنا

 

[النوري]

يعني يبيها له ؟؟؟ يشتري فيها .. ويحطه الشغل عنده .. مو لكم ..

وإلا بيتم بس الأسم عنده .. بس هو اللي بيدفع .. وكل شهر .. وإنتي طالعه من عندهم تاخذين مالجتج من عندهم ببلاش ؟؟

ما فهمت إذا الثانيه أحسن و أحسن ..

إذا الأولى .. لاصار الأبو ملزم .. يحاول يقنعه الولد .. إنتي ... خلج أوت سايد . مالج شغل ..

وكله .. ما أدري .. ما أعرف .. عادي بطاقه وحده كلنا فيها. .مو مكشله .. .. خالتي بطاقه وحده إحنا كلنا واحد الله لا يفرقنا ..

مو يقولون باجر العوبه تقوله أفرق ..
ترى الحموله .. يتصيدون .. و يبدعون ..



وبس وسلامتج و تعيشين ..

 

[Hello_kitty]

انزين اشلووووووون نطلع بطاقه التموين؟؟بليز ابي التافضيل وشنو اللي اقدر اخذه منها

واذا زوجي منضاف على بطاقه اهله وانه على بطاقه اهلي اشلون الطريقه نطلع لنا بطاقه خاصه فينا؟؟

 

[بنت باباتي]

انا جذيه ولي الحين ماسويت بطاقه يمكن عادي مو القصد شي بس عشان يكثر العدد
بس انا افضل كل واحد له بطاقه بروحه عن الحوسه بس يعني متى مابغيتوا الاغراض خذيتوها احسن من طرشوا لنا البطاقه والا مو لاقينها

 

[بيت التوت]

اتوقع ماتفرق اذا اضفتو اساميكم مع ابو ريلج

واكيد الحليب را ايكون لكم

 

[دانة بعين بحاري]

والله بطاقتنا احنا مع اهل زوجي وعاد كل شهر يعطونا ومافيها مشاكل الحمدالله انا مرتاحه وحليب الاطفال لنا اكيد لان ماعندهم احد
يعني هذي امور بسيطه وماعليها خلاف بس شوفي انتي شنو اللي يريحج

 

[laly-82]

وي شاللقافه اسمحيلي عمج.....!!!
قولي حق ريلج إذا اهو مليونير خلاص خل يتنازل عنها
وما أعتقد في كويتي معاشه إكفيه لي نهاية الشهر
انتو الحين ثلاثه وباجر إذا الله كتب بتييبون خدامه والعيال بيكثرون وتظل البطاق عند عمج وهو يتحكم بأكلكم
ترا وايد تنفع البطاقة واتوفر افلوس وايد خاصه حق بلعة الخدم
من رايي انتو اخذوها ولاتستحون الديرة اموفرتها لكم مو حق عمج
عمج ياخذ نصيبه اشيبي بنصيبكم
ليش مايفكر ان ولده عنده مصاريف بعد؟

 

[برميتا]

زين بنات شنو الحليب المتوفر بالتموين؟ مال اليهال اقصد؟
وهل فيه سيريلاك بعد؟

 

[kefy ba6a]

ليش تنضفون لهم

سوي لج بطاقه بروحكم انتي عايله وانشالله راح تكبر بالمستقبل

وبطاقة التموني تفيدج بوايد اشياء حتى حليب اليهال يعطونج

يعني باختصار لا تسمعين كلام او ريلج

والراي الاول والاخير لكم

 

[ريم الصبايا]

زين بنات شنو الحليب المتوفر بالتموين؟ مال اليهال اقصد؟
وهل فيه سيريلاك بعد

حليب الاطفال متوفر انواع سيميلاك وغيره كل اللي في الجمعيه متوفر بالتموين حتى السيريلاك


نسيت اسامي الحليب:dddds:

 

[عهود الحب]

انا اخر مرة ماخذيت الحليب ولا السيريلاك بس سألت وقالولي كل شي موفرته الحكومة
للجاهل حتى لعمر 3 مادري 4 سنين
الحليب البروجرس مادري جنه في بعد شغلات يخيرونج فيها
يعني الجبن نوعين الدجاج انواع الحليب نوعين جاف وسائل وشغلات شكثر
الله يعز الحكومة وبس

 

[عشيقة زوجي]

اللي سالوني انا بروحي بشقتي مع زوجي وولدي........ هذا اولا
واللي سالتني عن عمي اهو يبي نضيف واحنا نشتري ماجلتنا واهوا ياخذ الباجي؟؟؟؟؟
دام دافعين دافعين
نطلع لنا بطاقه..........هذا اللي بيصير انشالله
ومشكورين لكل اللي فادوني الله ينول كل وحده فيكم اللي فبالها يااااااااااااااااااااااااااااااارب

 

[فطووومة]

اذا ضافكم ما تقدرون تشترون بس ماجلتكم لانها بطاقة وحدة يعني لازم تشترون تموين البيت كله وتاخذون نصيبكم ( انتو اللي بتدفعون )

اختصارا للمشاكل والفلوس طلعوا بطاقتكم بروحكم