بطاط ماكدونالدز ... مافي مصداقيه بالموضوع كلش

[^DanaH^]

مطاعم الوجبات السريعه انتشرت بشكل مووووطبيعي بالخليج كانتشار السرطان بجسد المريض ....

لعشاق ماكدونالدز ... اللحم والدجاج والبطاط يجون من بره مغلفين ومهدرجين وعليهم مواد الله العالم فيهم ... واللي يقول حلال شدراكم ؟؟ اوفرلهم الذبح غير الحلال هذولا شركات عالميه !! يعني بتخصص ذبح حلال للمسلمين والله مادروا عنكم ...

واللي يشككون ... اقولكم سو تجربه بسيطه ... اخذوا فرايز ماكدونالد ... وحطوه في علبه وخلووه اسبوع اسبوعين سنه ... وشوفوا شيصير فيه .... ماراح يتغير ولا يتعفن !!! ... شنو هالمواد الغريبه اللي حتى العفن مايقدر يتغذا عليه ... يعني العفن اذكى من الانسان ... سو بحث بيوتوب في كذا فيديو عن ناس جربوا بوجبات ماكدونالد ... راح تنصدمون ... الهامبورجر بطلوها وخزوها خز شوفوا شكلها مقزز !! ترا الطعم اللذيذ اللي نحس لما ناكله مجرد منكهات ومواد علشان تخلينا نتقبل هالاكل الممسوخ!!

هالاكل هذا غير صحي ... اهون علي آكل من مطاعم شورما ولا آكل من هالمطاعم العالميه اللي اسرارها اكثر من اسرار الدول !!

والله يخليكم يعورني قلبي لما اشوف أطفال ياكلون من هالمطاعم شناوين عليهم !!! على الاقل امنعوا الاطفال ...

 

[هيبة الطاووس]

يوبا الأكل كلا حتى اللي نطبخه بالبيت مو آمن ولا صحي

يعني دياي مجمد لحوم مجمده

واذا طازج شدراني شنو يغذونهم باعلاف

زين ميخالف شفو التخزين من متى بالثلاجات احنا ما علينا بس نبطل حلوجنه ونبلع

والمطاعم حالهم حالنا بعد زين بالبطاط اللي ايي مجمد من الدول الثانيه مو نص قليه ولا مغلي شنو ما نعرف

اقول خلو الناس تاكل واللي مو عاجبه ما يشوف شر

 

[ذهب111]

عاد ماك نمبر ون بالكويت الكل يحبه

 

[حريـر]

مشكوره حبيبتي على التوضيح وشطة كرستال صح انا شايفه بعيني فيها طبقه من الدهن واذا انتي لج علم ان الللحوم تتغذا على مخلفات حيوانات او حيوانات ميته وان في اشياء تستخدم فيها زيت الخنزير فهذا اكيد ما يخفي على البلديه بس اللي انا اعرفه ان اللحوم الوجبات السريعه مانصدرها من امريكا وانا قريت هالشي بنفسي من ماليزيا يكون الذبح حلال ووفق الشريعه الاسلاميه

واذا كانت البلديه عارفه هالشي او صاحب شركة ماكدولدز المعوشرجي وساكتين فحسبي الله ونعم الوكيل عليهم انا لما كتبت الموضوع مو عشان ادافع عن هالمطعم لا لان صاحبت الموضوع كتيته من غير توضيح والدليل اللي حاطته ما يساند كلامهاااا
وبالنسبه لي ديرتي الكويت ماتسوي فينا جذي وانا متاكده لان اللي اعرفه اللحوم من ماليزيا تتصدر او اندونسيا اذا ماني غلطانه يعني احنا ماناخذ لحومنا من امريكا الاجانب غير واحنا غير وانا بجرب فكره البطاط نفس الفيديو واحط لكم التجربه شرايكم ؟؟؟

كنتاكي من اول ما اكل منه

ويسلمووووووو على التوضيح ومشكوره

يا قلبي عليج من صجج ما يسوون فينا جذي

كلمتج هذي تبي لها علامات استفهام ما تنتهى ،،،

نسيتي اللحوم الفاسدة جم مره دخلت الديرة و توزعت على المطاعم و ما قدرو يردونها


و لا تعتقدين ان محلات الوجبات و لا اللحوم المجمدة المفرومة و انواع الهمبورجر و الكبب في الجمعيات كلها صحية و نظيفة و معلبة طازجة تأكدي و سألي اللي يشتغلون في وزارة التجارة و يعلمونج بالخبر اليقين

أهم شي عندنا شركة المواشي حكومية الحمد لله معروف عالميا و محليا و فصوحات مستمرة بانها الافضل في الذبح و التخزين

 

[حريـر]

يعطيج العافيه ..

وحابه ازيد ابوي يعرف مال البلديه لان دايما ايي الدوانيه ورفيج ابوي من زمان

يقول دايييمااا وخصوصا على هالمطعم بندور شي ما نلقى يقول هارديز و كنتاكي وغيره وغيره بالشهر نطلع فيهم جم مخالفه

اما هذا يقول انا انصدمت نظيف بشكل مو طبيعي ..!! وكل مره نييهم بشكل مفاجئ ما نلاقي شي

والدليل باين قارنوا ماك بمطاعم الثانيه ومواقف السيارات توضح هالشي اكثر ..

تقصدين ماك نظيف ؟؟؟؟؟؟


انا قطعت ماك من زمان و كملت عقب اللي نقراه و نسمعه

في موقف حصل لي في ماك لافروانية من سنين طلبت سلطة وياي الصغار اهم ياكلون وجباتهم و انا فتحت السلطة و الخس يشوق و اخضر فاتح بس حركته بالشوطة و لا ذبانة عصبت و ناديتهم جانى المدير ما ادرى المسؤول اخذها و هو يبتسم و جاب لى غيرها ؟؟؟ مع انه المفروض لو بدولة اجنبية يقدم لي اعتذار و تعويض بس حسافة ما صورت ايامها ما كان منتشر تلفون ابو كاميرا

 

[طيــــــــــــف]

يوبا الأكل كلا حتى اللي نطبخه بالبيت مو آمن ولا صحي

يعني دياي مجمد لحوم مجمده

واذا طازج شدراني شنو يغذونهم باعلاف

زين ميخالف شفو التخزين من متى بالثلاجات احنا ما علينا بس نبطل حلوجنه ونبلع

والمطاعم حالهم حالنا بعد زين بالبطاط اللي ايي مجمد من الدول الثانيه مو نص قليه ولا مغلي شنو ما نعرف

اقول خلو الناس تاكل واللي مو عاجبه ما يشوف شر

فعلا كلامك صح
تصدقون اني اعرف ناس عندهم ارض كبيره يزرعون فيها جميع الخضار والفواكه والتمر وحاطين فيها جهه للحيوانات غنم حمام دجاج ابل ارانب ومايشرون بيض ياخذون نص البيض عند الدجاج ويخلون البااقي علشان يتكاثرون وتخيلي مايثبتون على اكل مره لحم ارانب مره دجاج مره حمام ومره يذبحون غنم
واذا جاء رمضان يوزع على اهل الحي التمر واغراض من مزرعته

 

[بنت العقربيه]

الحمدلله من سنين انا مقاطعه المطاعم الامريكية والله يقويكم وتقاطعونها مثلي لان نصف الايرادات تروح على طول للصهاينه
وش زينها المطاعم الشامية والعربيه والهندية والصينية مافيه ازين منها
واكلهم لذيذ ومفيد
مشكورة

 

[Madrideya ~]

الله يحفظ الجميع ..
ومشكوره ع التوضيح ْ~

 

[لياليـ]

يعطيج العافيه
اتقبلي مروري

 

[غلا بنت الكويت]

مشكورة وجزاج الله خير