بضاعة المعلم سوق الدروازه السالميه والمباركيه ووووووو بسبعين وخمسين دينار

[وسومه الحلوة]

والله اذكر قبل شهرين رايحه اختي كويت ماجيك واهي تمشى ولاتلاقي محل يبيع بدل تركيا كلها الي بالمعارض عاد كنا قبل فتره شافين وحده تبيعهم بقرطبه من٦٠وفوق تدرون جم خذتها بعشره والله العظيم لو أهي ماقالت انها من ماجيك جان قلت ماخذتها من الحريم وشكثر شغلات نلقاها بماجيك تنباع بالمعارض

وانا مره شريت قميص من الفنار ب١٨ لقيته بعد بومين اخو ولد امه وأبوه بماجيك ب٨ فرق ١٠دنانير ليش عشان هذا بالفنار وهذا بماجيك

 

[أحلى عيون]

رد : بضاعة المعلم سوق الدروازه السالميه والمباركيه ووووووو بسبعين وخمسين دينار

خخخخخخخخخخخخخخخخخخخخخخخخخخخخخ


تذكريني بمعرض رحت له ولا اشوف دراريعي الي مفصلتهم بالعربيد اقسم بالله وحده مفصلتها على 12 دينار والثانيه مفصلتها على 15 دينار


ولا اهيا حاطه ورقه وفيها السعر وقلت لها على كم الاولى على 35 والثانيه على 60 اقسم بالله ضحكت جان اقول لها وانا ماشيه خير ان شاء الله شغل العربيد



ولا كله كوم وجنطه المنظمه كوم اشتريتها من سوق المباركيه على نص دينار والبنات اهني يبيعونها على 4 و8 دنانير خخخخخخخخخ


بصراحه انا ملابس من المعارض مااشوف بس انا احب اروح اتطمش على المعارض


وشريت من سوق الديره كبسولات بايوجي على 7 دنانير والبنات هني والتاجرات على 15 دينار شدعوه
خخخخخخخخخخخخ

لو اكتب مااخلص خليها على الله

 

[الجوهرة777]

جزاك الله خير


وحبيبتي هذيلا لو مو لاقين ناس تشتري وتقط ما حطوا هالأسعار


يعني انتي بتتذاكين وتصيرين تاجرة اخذي الدبل مو الدبلااااااااااااااااااااااااااات

حرام هذا ربا

والله احنا ودنا نشجع التاجرات بنات ديرتنا بس بعد خل يحطون اسعار معقوله

الناس مو خبول يعرفون

واللي ترضى بالربح القليل الله يرزقها ويبارك لها

 

[عطر الأماكن]

أما أنا اللي مر علي ماأعتقد مر على أحد.........أو يمكن لأن هذي ثاني مره من أروح لمعرض من طاحوا بهالمعارض.......فما شفت هالنوعيات كثير........
تخيلوا أمس رحت لمعرض في المنطقة العاشره.....وأفر فيه وألاقي عجب العجاب.....البنات مهولين بعمارهم من لبس وتسريحات ومكياااااااااااااااااااج أفلام الرعب...شي مبالغ فيه لحد القرف....خصوصا الاتطحين عليها مندعسه ورى ستاند الملابس وتدبل..ولاسحى ولااحترام لا لنفسها وولالغيرها..والله
وأنا كنت مع زوجي وبيروح له مشوار أبونص ساعه وكنا مارين عالمعرض فقلت له نزلني على ماتخلص شغلك....فلما خلص دق علي....
المهم لما جيت أبطلع الا أصادف ذيك الزحمة عند وحده مهوله بعمرها بنت الحلال ووجهها والله أراجوووووووز بمعنى الكلمة....فقلت خلني أشوف شهالزحمه........
إلا اسمعها تأشر على مجموعة أرواج وتقول الوحده ب3 والثنتين ب 5..وانه ثابت وتآكلين وتشربين مايروح......وسبحان الله قلت لنفسي كأن هالروج مار علي.......وخذيت التستر أتمقل فيه....وتذكرت اني مآخذه منه لما رحت الخبر الشهر اللي فات....وتدرون بكم؟؟؟؟؟؟؟؟ب10
ريال.....من اللي يبيعون ب2 و5 و10 ريال...ويلوع الجبد وأول ماتحطينه حلو بس خمس دقايق ويصير جنج حاطه جبس على براطمج.....ويتفتت من كيفه.....
والطامة الكبرى لما سألوها ع الفاونديشين اللي حاطته....قالت لهم ب25......ويخفي كل شي بقع نمش كلف هالات سوده......وبما اني متعقده من الكلف فقلت لها ممكن أشوفه......جان تطلع لي علبه بلاستيك شفافه وغطاتها بيج من اللي تنباع بمية فلس عند أبو أميه وحاطه الكريم فيها.....لما استأذنتها وفتحته.......الا كريم ماركة مدينا من قزاز السعودية......والله ياخواتي نفس اللون والريحه...وحتى اسحبت ايدي تحط عليها...الا نفس اللي عندي.........وتدرون بكم؟؟؟؟ب 60 أو 70 ريال....والحمدلله انقذها زوجي والا كنت بأقط كم نقزه مع كم سؤال ومعلومه...أخلي الموجودات يسمعون.....بس حرقني الله يهديه تليفونات لين طلعت...بس شفتوا الفرق والنصب والنهب........
اوكي اربحي حلال عليج بدال روحاتج وجياتج وانشغالج عن بيتج وعيالج.......دبل دبلين...بس مو عشرة دبلات....و لاتبالغين في استغفال الناس ونهب جيبوهم كأن كل بنت حاطه في جنطتها ماكينة سحب من بنك أبوها الملياردير صاحب حقول النفط.......اتقوا الله......
لا وتدرون شالمشكله وشاللي يكسر الخاطر.....هالبنات المسكينات اللي مايعرفون شي وينقص عليهم....

 

[وسومه الحلوة]

حبيبتي التهول مو بس بمعارض المنطقه العشره أنا معاج شي مو حلو بس كل المعارض تقريبا عند السلييل والرقعي وغيرها والالبوق اشكره أنا مره بمعرض وحده تبيع ميك اب وحاطه كريم ايفا كولاجين بمصر ناخذه ان طار بدينارين ونص تدرين جم تبيعه بخمسه وعشرين دينار والله العظيم موحرام ومتفخه خدودها وتقول للحريم ان من استخدامه ليش خبول مانعرف إحنا خليها على الله

 

[ام عزيزان3]

رد : بضاعة المعلم سوق الدروازه السالميه والمباركيه ووووووو بسبعين وخمسين دينار

انا من زمان مقاطعه المعارض,,,,اغلبهم شغل العربيد وتبيعهه بثلاث اواربع اضعافه ليش ولابعد الحين هابين بالتراث الهندي يخيطون هناك ويضربون بالسعر رفيجتي ماخذه من التراث الهندي ب15 لقته عند مره ب60
الحين فاكه روحي اشتري الخامات احلي الخامات واخيط ولااحد يسغفلني ويقص علي,,,والحريم اغلبهم خاماتهم تلوع الجبد

والحين حتي المحلات غش ماخذه تكرمون شحاطه من ميلانوب20 لقيتها عند النصر ب4,800 من الحره اخذ كل الالوان

 

[ام عزيزان3]

رد : رد: بضاعة المعلم سوق الدروازه السالميه والمباركيه ووووووو بسبعين وخمسين دينار

والله اذكر قبل شهرين رايحه اختي كويت ماجيك واهي تمشى ولاتلاقي محل يبيع بدل تركيا كلها الي بالمعارض عاد كنا قبل فتره شافين وحده تبيعهم بقرطبه من٦٠وفوق تدرون جم خذتها بعشره والله العظيم لو أهي ماقالت انها من ماجيك جان قلت ماخذتها من الحريم وشكثر شغلات نلقاها بماجيك تنباع بالمعارض

وانا مره شريت قميص من الفنار ب١٨ لقيته بعد بومين اخو ولد امه وأبوه بماجيك ب٨ فرق ١٠دنانير ليش عشان هذا بالفنار وهذا بماجيك

عفيه قوليلنا اسم المحل واي صوب بكويت ماجيك صارلي جم سنه ماطبيته خبري فيه اول مافتح

 

[Tulips]

انتي من صجج !!

بنت خالتي مره راحت معرض وشافت قميص تبيعه وحده ب 60 وعشانها نزلته ب 50 واهي شايفه القميص نفسه بكويت ماجيك ب 5 دنانير ..

تخيلي يعني مو ضعفه الا اضعاف اضعاااافه

خليها على الله .. والله يهداهم هالتاجرات اللي اهم شي عندهم الفلوس ومايحاسبون ضميرهم .. !

 

[نور دربي]

اي والله شنو تقولين مانقول إلا الله يهديهم

قلنا ربح بس مو لي هالدرجه والذكية اللي ماتشتري من هالمعارض إللي اسعارها خياليه

 

[aṕriliå]

رد : بضاعة المعلم سوق الدروازه السالميه والمباركيه ووووووو بسبعين وخمسين دينار

شي يحررررررررررر

 

[درة أهل الطولات]

من صجهممممممممممم

 

[zqertya]

انا ما اشتري من المعارض لان ادري كلشي غالي على شي مايسوى تلقونه بره بنص السعر انا اليوم رحت معرض ولا اشوف دراعه حق رمضان والله ما ابالغ خامتها خامت قميص انزين بس ملون وعاديه ب 45 يعني لو انا اروح البلوكات ما تاخذ مني الدراعه خام وخياط20 دينار اذا نفس الخام وسالفه ثانيه في تاجره تبيع كريم تريسبورت هذا اللي اييبونه من مصر هي تبيعه ب 2 دينار مع التوصيل توصل الحبه 5 او 4 دنانير وانا رفيجتي مصريه يابته لي وسعره بنص دينار اشدعوه شوفوا الفرق

لا تشترون اي شي يابنات حطوا بالكم ؟؟؟؟؟؟؟

 

[دلوعة vvip]

احتيال

 

[منانا]

انا راح اكتب رايي مو كتاجره لاني ما شاركت بمعارض الا مرتين ومن زماان

بس انا زبوونه مواضبة عالمعاارض وخصوصا معارض رمضان اموت عليها

احلى الاشياء الي عندي بكبتي شاريتها من معارض الله يعطييهم العافيه والزين بالمعارض ان الي يشاركون فيها يركزون على مواسم معينه فما تحصلين شغلهم الا بفترة المعرض

يعني فيه جم مصممه ادق عليهم اوقات يقولون احنا مثلا بنعرض تشكيله على العيد شوفيها بالمعرض يدزون مسجات

حرام الحق ينقال فيه اشياء رووعه

مثلا فيه واحد شريت منه بمعرض القادسيه العالم عطووور رووووووووووووووووعه ورخاص

ومره وحده خذيت منها اكسسوارات من لبنان شريت منها من معرض بيت ديفا اكسسوار حده راقي مشالله وروعه صج غالي بس حتى بلبنان لما رحت غاليين هناك


واااااااااي مادري شقول عن المعارض للامانه انا واايد احبهم وان شاء الله الفتره اليايه كلها معارض ومنتجات زينه

والمهم ان الوحدة تشتري بذكاء يعني تقتنع بالشي قبل لا تشتريه لان في اشياء افكر فيها انها غاليه مثلا ما تسوا بس انا عارفه اني ماراح احصلها الا الحين وانا ابيها فاقول ادفع سعر زيادة لاني لقيت الي ابيه عالاقل

شكثر تحسفت على اشيااء ما شريتها مثلا قميص ب15 لقيته بافكاري كان عاجبني حيل ورفيجتي خلتني اتردد وبعدين لقيت وحده تبيه بمعرض الهلتون ب شي وثلاثين اذا مو اكثر .. للحين متحسفه عليه هههه


مادري هذا رايي

 

[برنسيسة زمااني]

اي هذي سوالف المعارض

ماافكر اروح معرض اصلااااا

شنو مقصه؟؟

اخذلي قميص ب70 دينار خياط همدي؟؟؟؟

الله يعافي القصات الايطاليه تحصلين احلى القصات واحلى الموديلات ب40 و50 و 100

بس حلال عليهم الصراحه

اما هالمعارض استغفرالله يااربي


بوق ونصب اشيا تلوع الجبد

 

[للصبر اخر]

الغلط مو من التاجرات من الناس اللي تشتري وعشتو البرستيج مالهم مايسمح لهم يدشون سوق المباركيه او المعلم
ولاتتنزل تشتري شي بخمسه بس لاصار بخمسين و100 يصير حلو وذوق مع انه مافيه زود وتلقينه يلوع الجبد

 

[Johnson]

ولا مره رحت انصدمت منكم

 

[دايم على البال]

أهم شي بآيقين آلموديل لوووووول

أنآ لو شنو مآ أشتري ملآبس من معآرض الله يخلي آلسسوق

 

[غنوة ستايل]

المعارض ما افكر اشتري منها
لاني ادري ان الاسعار مبالغ فيها غير اني انقرصت مره . والمؤمن لا يلدغ من جحر مرتين

 

[عهود الحب]

رد : بضاعة المعلم سوق الدروازه السالميه والمباركيه ووووووو بسبعين وخمسين دينار

في ناس تشتغل و تصمم و تتعب صج
و في ناس تبوق
و كل من صار تاجر الحين والسبب الطمع ما يدرون ان قوم شعيب ربي حاسبهم على عدم ايفاء الكيل
و البيع له احكام شرعية
ما يتفقهون فيها لأن اخر شي يفكرون فيه [ بعض التجار او التاجرات ] هو الرزق الحلال

ياليت والله كل من يفكر يتاجر يدرس الموضوع عدل و يتعلم بالفقه الخاص بالتجارة
عشان ما يغضب ربه بس عشان دنيا زايله ووصخ ايدين

يا ليت والله


و الحريم من عمر الدنيا يتاجرون ويشتغلون من ايام جداتنا ويخيطون بيدهم ويخلطون ويطبخون ويبيعون
مووووووو عيب ولا هو نقيصة ولا حرام


بس في دخيلات عالتجارة خربوا عالباقيين

ومعروف الخير يخص والشررر يعم