بشوف رايكم

[Infatuation]

السلام عليكم

انا بس حبيت اشوف رايكم بشغله

شنو رايكم بوحده كويتيه تحب واحد لبناني بس يعني اهو خوش واحد

يعني قصدي شنو نظرتج حقها و حق هالعلاقه

ولو فرضا حبيتي واحد لبناني او من اي جنسيه ثانيه تتزوجينه ولا لا ما يصير

و شكرا​

 

[عبير العنزي]

والله ياحبيبتي على حسب عاداتكم وتقاليدكم وحسب الظروف والعمر والحاله الاجتماعيه الخ...

يعني لو كانت انسانه منفصله او فرصها قليله بالزواج او انها تحبه ومستعده تقدم تنازلات لان عارفه شنو بيكون مستقبل عيالها او ممكن يرجع لديرته وتتغرب عن اهلهاا اذا راضيه بهالشي.. اكيد عادي والدليل قول رسولنا الكريم اذا جاءكم من ترضون دينه وخلقه فزوجوه...

لكن في قبايل عندهم هالشي مستحيل مايصير وفي عوايل عادي عندهم

وفي ناس تقول حلات الثوب رقعته منه وفيه

بالنسبه لي اشوفها عادي واعرف كثير متزوجين من جنسيات ثانيه

ونظرتناا لها بعد عادي ليش اهيا مسويه جريمه ؟

لكن لو كنت مو متزوجه ماراح اوافق لان اهلنا تفكريهم صعب : (

 

[نوني.]

والله مجتمع البدووو مايرحم

 

[المرتاحة]

والله الناس كلها خير و بركه .. بس لازم تنتبه ان الريال مو طمعان فيها ..هذي اهم نقطه

وانا بصراحه ما افضل الزواج من اخونا العرب لان اغلب الزواجات اللي مثل جذي يكون الريال طمعان ما اظلمهم كلهم بس ترى الغالبية جذي.. وشي اهم انها لازم تضمن مستقبل عيالها و مستقبلها و تشوف دخل الريال و سكنه هل تقدر تعيش نفس عيشته؟!!

وهمن لازم تحط في بالها نظرة المجتمع.. اذا اهي من النوع الحساس ووايد تتأثر ما افضل انها تتزوجه اما اذا ما يهمها الناس هذا شي راجع لها

والله يوفق الجميع

 

[zain-alq8]

لا لا لاتغلطيين والله بتندميين طوول عمرج الحب يجي ورا الزواج اخذيلج ولد ديرتج لا لبناني ولاهم يحزنزن وانا مع الاخت الي فوق اغلب العرب يتزوجون كويتيه عشان الاقامه والتسهيلات الي بتيي من ورا هالزيجه ديري بالج فكري بمخج مو بقلبج والله اعرف بنات بجوا دم

 

[منار البربرية]

في موضوع من قبل وضع هالاخت ردود البنات حلوه معاهم

http://www.q8yat.com/t835436.html

 

[دلع العتبان]

شجاب الشامي على المغربي والله ماينفع ولو الاهل رضوا عاداته غير وطبعه غير مستحيل واستحاله تتوافقون ولو تحبون بعض انا هاذي وجهه نظري صراحه ماكو ماتقدرون كلش

 

[•Brown•Sugar•]

اهي مافيها شي من الناحيه الشرعيه بس نظره المجتمع وكلمه عادات وتقاليد تذبح

 

[ضماي هو وهناي]

لو كنتي مقتنعه ماكان سالتينا
اختي مستحيل بترتاحين معاه مو الحين لا انا اتكلم عن بعد سنين .........
لا العادات ولا التقاليد وفي شغلات وايده وااااااااااااايده راح تحسين فيها
انا هذا رايي لو خليجي اهون بوايد الامر لان فيه بينا وبين الخليج وايد تشابه بكل شي ............
ولا تنسين شغله تكفون بنات اهتموا فيها وايد وايد وايد ...............
اذا كنتي من الكويت بظلين طول عمرج بنظره الاجنبي انج بنت هالديره الغنيه وهو من الديره اللي شوي انزل ... وبيظل طول عمره بينظر لج انج بنت معازيبه خاصه اذا كان يشتغل بالكويت والمصيبه اذا من مواليد الديره ... يعني ملتمس الصلاحيات للكويتي والممنوعه عنه لانه وافد .....
حياتي تكفون لا ياخذكم الحب تراه مو بكل الساعات رومانسيه ولا حب فيه ممارسه الحياه الطبيعيه اللي تحتاج ان يكونون الزوجين متوافقين اجتماعيا ودينيا وفكريا ... والماده يمكن شبح يطل بين لحظه ولحظه ..
راي مسموح انج تخالفينه او ما تاخذين فيه .........

 

[الغلا كله لبوي]

لبناني +كويتيه =لا لا لا احس اشياء كثيرة مختلفه

 

[عالمي انا غير]

والله عادي والناس كلها خير وبركه بس عوايدنا اذبحتنا بصراحة اذا انتم متمسكين بعوايد فالنضيحة تنسى الموضوع من الاساس واذا عادي مايمنع تقوله يخطبها اذا كان ولد ناس وخلوق مو مسيحي مو طمعان

 

[شُوشَـآإ]

رآيي من رآيي آختي مرتآحه