بشنو أقطع الفلين ؟؟؟

[srabeel]

السلام عليكم

بنات بغيت اعرف في آله حق تقطيع الفلين ؟؟ لأني عيزت وانا اخرب السجاجين من كثر ما أحقهم فإذا في آله قولولي عنها ووين تنباع ؟؟

يالله يا ساره ستايل وأم بدير والرسامه وباجي الفنانات علموني

وسلامتكم

 

[عالي مستواها]

ايه فيه قاطع خاص للفلين

فيه مثل السيم حااار يحرق الفلين ليما يقصه

تحصلينه بالمكتبات قولي ابي قاطع فلين

 

[ملاك الإمارات]

ممكن بعد تستخدمين المقطع

 

[srabeel]

عالي مستواها توني ادري إنه بالمكتبات إن شاء الله باجر أمر المكتبه وأشوف

بنت الإمارات حياج الله بالموضوع وشنو قصدج بالمقطع ؟؟

 

[nero]

يمكن قصدها الكتر


بس القاطع مو موجود بالمكتبات العاديه .. موجود بدسمان ب 12 او 13 دينار

 

[عالي مستواها]

القاطع موجود بالمكتبات

انا شايفته بالسنافر بــ 12 دينار

 

[srabeel]

عالى مستواها السنافر الي بالأندلس عدل ؟؟؟

ونيرو دسمان ماغيره الي فيه أغراض الرسم وماادري شنو ؟؟؟

 

[زلابيا]

اي انشاءالله اتحصلينه بدسمان اهمه تخصص هالسوالف

 

[srabeel]

مشكورين بنات وما قصرتوا

 

[شهد ستايل*]

فى مكتيه الواضح فى الفحاحيل على دينارين ونص ..................

قالت لى وحده ما صدقت رحت ولقيته................... بس مو الكبير حيل .......زين

 

[جوك احلى جو]

ومنكم نستفيد حتي انا كنت بعرف

 

[أم بدير]

انا كنت اقطعه بالكتر عشان شغلي مو وايد بالفلين فقلت ماله داعي اروح اشتري واحد
بس والله شكلي باخذلي واحد
اذا خذيتي واحد سرابيل راوينا اياه وقوليلنا شلون استخدمه سهل والا معقد

 

[srabeel]

أم بدير شنو الكتر حق شنو تستخدمينه ؟؟

وإن شاء الله من أشتري أصورلكم عاد إن شاء الله ما أنسى

 

[عالي مستواها]

ايه السنافر اللي بالأندلس

قبل كنت شاريه الصغير والله مادري بكم من السنافر بعد بس مو عملي بعد كم إستخدام إنقطع السيم فقطيته

وتو قبل أسبوع رايحه لهم وشريت الكبير اللي بــ 12

<<< كل يوم بالسنااافر هههههههههههههههههههه << هم الروووووضة الله يقطعها

على فكرة الكتر ما ينفع إذا الفلين عريض " حق المجسمات " بعدين تصير الزوايا مقصصة بشكل مو مرتب

انا استخدم الكتر للحفر بالمجسمات مع " الصنفرة " يطلع المجسم شكله فضييييع فيه اماكن بارزة وأماكن محفورة

 

[أم بدير]

سرابيل الكتر العادي الي بالمكتبات نقصص فيه الاوراق والصور
عالي مستواها انا استخدم الكتر عشان انا ما اسوي مجسمات انا استخدم الفلين ساعات عشان اغطيه بخامات واحطه بعلبه يرفعها عشان ماتصير غزيره واحفر بوسطه مربع حق احط فيه هديه او كاكاو مثل العلب الي يحطون فيها المصاحق عرفتي.. يعني مو مهم شكله مرتب والا لأ عشان ماراح يبين مغطى بالخام وداخل علبه
اذا بخليه يبين شي طبيعي لازم يكون شي شكله مرتب مثل المكينه