بشكيــــلــكـم ســـاعــدوونــي

[B7BoOo7a]

لحمدلله و الشكر

شهالرفيجات والله لو وحده من رفيجاتي تقول عن ريلي مارده يرد مثل الجلب

حشاكم النعال بحلجها !!!

ماكو شغل صح

والله شكلج مو هينه اذا تسمحين حق احد يهين ريلج بو عيالج

الله يعينج على نفسج حبيبتي

وانا ما اشوف ريلج غلطان كلش كان يبيج عنده وانتي عاندتيه

الله يعينه عليج اذا جذي تشوفين ريلج حاله حال الجلب

لا حول ولا قوة الا بالله

 

[معزوفه حنيـــن]

شوفى انا متعامله مع ريلى بسياسه الصراحه

دزيله مسج فيه الى بقلبج بسلوب حلوو مافيها شى تقوليله الى بخاطرج انتى ترتاحين من التفكير

اذا رد كان بها مارد لا تسوين شى نطرى ليم يدق ويتفاهم معاج وتر العناد مايفيد نصيحه

 

[كويتيه حلووووه]

اذا انتي بتعاندين واهو بيعاند ماراح تنحل المشكله وبتضلون كل واحد بمكانه

لازم واحد منكم يتنازل ولا بتظل السالفه معلقه

حاولي تدقين عليه تسولفين معاه او دزيله مسج حلو او اي شي يحبه

هذا ريلج واكيد تعرفين شيحب شنهي نقطه ضعفه

انا ما اشوف فيها تصيرين عنزته حشاج هذي الحياة الزوجيه غير كلش عن حياتج ببيت ابوج ولازم احد يضحي

اخذيه بالسيايه بعدين عاتبيه عتب خفيف ترا الريال مثل الياهل اخذيه بالحنان يحتويج

بس مالي داعي العناد خاصه باول سنين زواج اللي اهي اصعب السنين

لان الريال بيفرض شخصيته والمرا ماتبي تبين انها الامعه المطيعه وكل واحد بيضل على طبعه

كل شي بالسياسه يمشي يبيلكم تتعودون على طبايع بعض وتعرفون بعض عدل بس بهالفتره تحتاج قراراتج الدراسه اكثر علشان لا تندمين على تصرف طول عمرج ولا تخلينه ياخذ عنج فكره ويمشيها عليج طول هالسنين

والله يوفقك ويهدي سركم

 

[DRAMA-QWEEN]

اوك .. شــــــــــــمـــــــــــــــس .. بسمع كلامج وبدزله والله يستر

 

[تشتوشا]

حبيبتي يمكن يوم قالج ردي يمكن كان ولهان عليج ومحتاجج يمه انا اقول تعوذي من ابليس وطولي بالج مهما يكون هذا ريلج دوسي على نفسج وتحملي علشانة وحاولي انج تراضينة لو بمسج والله يهنيكم ان شاء لله

 

[SweET^LiKe^chocolate]

حبيبتي ترى والله ماعندج سالفه مكبره الموضوع ريل ماقالج بمرج الى يبيج وانتي ماتدرين محتاجلج وانتي تعذرتي وقلتي بقعد ابيت هلي فيمكن حز بخاطره وطبيعه الريال مايتحجى يخش بقلبه فترجم مشاعره انه قام يحقرج عشان تحسين

انا اقول كبير عقلج وانتي روحي بنفسج وفاجئيه وكشخيله وطيبي خاطره ترى الريال مثل الياهل بسرعه يرضى

 

[DRAMA-QWEEN]

يعطيكم العافيه حباااايبي كويتيات خوااااتي فديتكم والله جد ماغلطت يوم شكيييت لكم فديتكم والله

 

[Sympathique]

شوفي..كلميه عشان ياخذج
قولي له انا خلاص ارتحت من الام الدوره ..

ولاتقولين انا عنزته..هذا زوجج !!

اصلا هو من الاساس..عيب الوحده تبات بيت اهلها على اي سبب وخصوصا الدوره
حبيبتي فكري فيها

لو ازواجنا وقت ماتجينا الدوره قالو لنا روحو باتو بيت اهلكم..ولين تخلص تعالو !
احنا شبنقول؟!
بنقول ان ازواجنا يبونا عشان شهوتهم بس..ووقت الدوره تبرو منا !
وحتى لو انتي عندج عادي.. تخيلي مب حلوه في حقج كلش ..ان كل ماتعبتي او ياتج الدوره رحتي بيت هلج،،
احس هالتصرف بيحسس الريال..انج مازلتي صغيره وانج مازلتي مب متأقلمه معاه .. وهالشي بينقلب ضدج بعدين !

واصلا من قدج ان ريلج مايرضى تباتين !! في رياييل يصرون على حريمهم يباتون بيت اهلهم لن مب فاضين لهم او مايبون يجابلونهم !!-تخيلي

واذا كنتي صج خايفه انه يتعود ويمنعج من زياره هلج او يسوي حركات ماتعجبج..

ارجعي له بس لاتعتذرين،لن انتي ماسويتي شي غلط

خلي الموضوع على ان انتي كنتي تعبانه والحين اشوى وبس ! لا انتي غلطتي ولا هو

وبث

 

[DRAMA-QWEEN]

SweET^LiKe^chocolate اخاف ارووح لبيت وافاجأه ويقوولي ليش يتي هاا مو تبين تقعدين ابيتكم وترتاحين يلا روحي واللي يابج خليه يردج يماااااااااااااااااااااااااااا والله احس رده جذيه

 

[أم الروووووون]

بس مادري احس اني مصخرا يعني يوم قالي قعدي عند امج ليما ترتاحين وارود له يعني بيقول خايفه لا اطلقها او شي جذي وانا ماحب انزل نفسي لريااال ولا شرايكم

امبيييييه والله استغربت من ردج ليش ماخذين الحياة الزوجيه حرب:j013: ( بعاند_ اعاند) شلون تمشون حياتكم يابعد عمري انتي_

في بنوته يحليلها مو متزوجه وكلامها مثلها عسل _ انا اقول كسري الشر ودقي عليه دقي ها مو مسج وماله داعي اعلمج

شلون تكلمينه اكيد بدلع و........الخ

راح يتغلى 100% عليج عادي طنشي المهم انتي طلعتي بالزينه وكسرتي الشر ورديتي _ وبعدين ما اشوف السالفه بتكون مصخرا على قولتج _ الله يهديكم البعض ويصلح حالكم

 

[DRAMA-QWEEN]

والله مادري انا بدزه وبقوولكم شصاااار معااي

 

[أم محمد2]

لا تكبرين السالفة كلمي و ساحلي و ردوا حق بعض ترى السالفة ما تسوى

 

[Q8_88]

حبيبتي هذا ريلج شنو خروفته و عنزته لووووول
بعدين لا ترضين على ريلج انه رفيجتج تقول عنه (يرد مثل الجلب)

دقي عليه كلميه قوليله ابي ارد البيت الحزه الفلانيه تكون موجود؟؟ ابيك بشغله

ترى ما فيها شي مره انتي تنازلي مره اهو
و ردي ، تناقشي معاه باسلوب رسمي لا تبينين انج غلطانه و راده ذليله
و عاد بس بعدين طيحي الحطب

 

[DRAMA-QWEEN]

يعطيكم الف الف الف الف عافيه
بدزله واقولكم بعد الفطور طبعا لان ودي افطر ببيتنا >>>.. والله ولج ويه بعد
وبشووف شيقوول
الله يستر من عناده

 

[بنت الحداد]

هوووووووو قال خلج عند الماما لين تريحين ,, وعقبهااا ريحتي وخلصتي رجعي عند ريلج شالمشكله ماتقدرين تاخذين روحج وترجعين البيت !!

 

[دنيتي زوجي]

انتي لاتعاندين خو العناد يزيد النار حطب
ردي بيتج ومالج الا بيتج وريلج
واللة يعينج ويهدية يااارب

 

[Couch potato]

مرده لج مثل الجلب !!
خروفته .. ومصخره !!

اختي شهالكلام انتي متزوجه وعلى ذمه ريال
خلي عنج كلام اليهالوا ولا تخربين بيتج من اولها

 

[frfoora]

ردي لبيتج احسن سويله مفاجأه ......هذا موضوع تافه لاتكبرينه وتعاندين بعدين راح يحقد عليج وياخذ فكره عنج انج عوبه وماراح يردج لاهلج بالعكس راح يستانس

 

[DRAMA-QWEEN]

اي انا توني ماصارلي سنه مافهمته لي الحين يعني شيحب شنو اللي يهديه مايعصب واحس بالسالفه كرامه انا ماسويت شي اهوا ليش مايي ياخذني ويسكب فيني من حلات ويهه والله انا مادري احس فيني شي مو طبيعي مشاعري تتغير ودي اردله وشي يمنعني
بس انا بدزله وامري لله بعد الفطور
مشكووره ع النصيحه اختي

 

[DRAMA-QWEEN]

فرفورا الله يهداج اي مفاجأه غصب اللزق نفسي برياال شنو لو مايبيني ؟؟ شنو كرااامتي بتصير بالقاع