بشكيــــلــكـم ســـاعــدوونــي

[DRAMA-QWEEN]

قوه بنات :68_asmilies-com:​

ببلش بالسالفه ع طول
بنات ريلي مايرد علي ولا على اتصالاتي والسبب حده بايخ
السالفه انه يابني البيت علشان ارتاح ولانه بيداوم بينام يومين واهوا دايماا ينام اول يوم و2 يوم ياخذني بليل ليمن يطلع
وانا حسيت اني تعبانه حدي واحس بعوار الدوره جان ادزله ممكن انام
جان يقولي لا لانه الاسبوع اللي قبله كنت نايمه يومين
بعد لانه العاده يخليني انام يوم بس مرات يخليني 3 او 4 ايام عادي بس هالمره مادري شفيه مو راضي
جان اقوله تكفا والله تعبانه حدي برتاح بس هاليوم
لان ببيت اهله ضيجه وملل كله حريم اخوانه حريم كبار
والسبب اللي مخليني نفسيه صج اني ماشوف ريلي كله بدوانيه
وماييني الا ليما يأذن الفير الاغلبيه يسوي جذي ... مادري شفيه متغير المهم انا حاسه بضيجه قويه ع صدري و موقادره اتحمله اهوا واهله مادري ليش جان اقوله بمسج انا راح انام اليوم لا تيي .. ولا كنت برووح بس شسوي الضيجه اللي فيني ماقدرت اتحمل
المهم اهوا قالي تبين تنامين وترتاحين خلاص خليج عن امج ليما تشبعين راحه بس ابي مفتاح الشقه و
ليما ياا قالي انتي ريحي دزيلي احد اييبه لي برا ؟؟ والله ماكنت متحمله بهاليوم ودزيتله اوك .. وصارلي 3 ايام عند الماما يومين دوامه واليوم؟؟
شسوي رفيجاتي قالولي عطيه طاف مرده لج نفس الجلب؟؟ وانا مادري احس نوعيته يعااند ؟؟
انتو شرايكم شسوي ؟؟ ترا ما حاجيته اليوم كلش بس دزيت مسج ولا رد وعطيته طاف انا بعد ماحب واعاند​

 

[الكشخه]

الله يعينج حبوبه وعاندي مثل ماهو يعاند >>>>>احب احرش

 

[DRAMA-QWEEN]

هههههههههههههههههههههههههههه واااي مثل رفيجتي شيووم ههههههههه انا اعاند خلقه مشكووره ع المرور والنصيحه

 

[لمعة الماسة]

والله ....
انا اشوف ..
انك ما سويتي شي يخليه يعصب عليك ....
انا مادري ايش اقولك ..
اخاف اقولك يطلع مو بصالحك ...
وانتي ادرى بزوجك ...


بس لو انا مكانك ....
بصفطه ...
وبخليه بكيفه .....
انا ماغلطت عشان اكلمه وادق عليه <<<وهذا اهم شي اني دقيت عليه بينت هل اني مهمتمة ....
بس ومتى ما جا ...
ذيك الساعة اتفاهم معه عدل ....

والله ييسر لك ....

 

[@عبايه@]

اسأل الله أن يصلح بينكم

ما أتصل فيك خلال هذي 3 أيام ؟؟؟؟

 

[عسل مرت قيمر]

لا حبيبتي ردي حق ريلج

وحاولي انتي تغيرين الجو

الحين احنا بأيام مباركه


لا تخربين على نفسج


ادعي ربج ان يشرحلج صدرج

ويوفقج مع ريلج


وحاولي تساحلينه بكلمتين حلوين


وربي يوفقج يلغاليه


.
.
.

 

[DRAMA-QWEEN]

اي انا بعد نفسج بس مادري حسسني اني مسويه شي غلط
مشكوووره خيتووو لمعه الماسه

 

[DRAMA-QWEEN]

اول يوم كلمني و2 يوم انا قتله بنام وقالي لا ومن هاليوم مادق

 

[بنـQ6riaـوته]

انا مو متزوجه بس ابي ارد


اولا المفروض ماتعاندين المفروض تضغطين على نفسج شوي هو كله يوم واذا على ضيجه من اهله اتوقع انتي كنتي عارفه وضعج اشلون بيكون
لازم تتحملين اذا تبين اتكملين معاه وتتنزالين اشوي انتي ارحم من غيرج وايد

واسمحيلي اللي قالت لج مرده يرد لج مثل الجلب (تكرمون ) هذي ماعندها سالفه والمفروض ماترضين لان مهما يكون هذا زوجج ومستقبلا ان شا ءالله بيكون ابوا عيالج وماعتقد انج متزوجه جلب انتي ماخذه ريال




حبيبتي قربي نفسج انتي بتربحين وكبري عقلج

 

[امواج الكويت]

الله يعينج ويهديه

 

[ناتشوو]

انت اخبر بزوجج
وتقولين انه من النوع اللي يعاند
لا تكبرين السالفة وتتوهقين بعدين
خلاص ردي بيتج
وقولي اشتقت لك وفقدتك
مو انت عذرج انج كنت تعبانة واحتجت لنومة الاهل خلاص
تعافيتي ردي
كل ماطولت بتكبرين السالفة
وبعدين شي حلو مايحب تنامين برة البيت
لا تعودينه على غيابج ويصير شي عادي عنده
وتعوذي من ابليس

 

[DRAMA-QWEEN]

بس مادري احس اني مصخرا يعني يوم قالي قعدي عند امج ليما ترتاحين وارود له يعني بيقول خايفه لا اطلقها او شي جذي وانا ماحب انزل نفسي لريااال ولا شرايكم

 

[Bent Ameer]

هو تنازل وخلاج تنامين وهو مو راضي انتي تنازلي وردي حبيبتي

مو كل شي تبينه وتتمنينه تلاقينه ياقلبي

واذا ع قولتج اهله مضايقينج دشي غرفتج وسكري الباب ع نفسج

 

[DRAMA-QWEEN]

والله مادري شسوي بنات امانه والله احس اني مصخرا لو رديت ؟؟ لانه انا ماسويت شي واهوا ما دق ولا ياا ياخذني ؟؟ بنات بصراحه ردووو علي مابي اكون مصخره وخروفته

 

[*ريما*]

انا اقول ردي لة احسن لك
الموضوع مو مستاهل زعلة

 

[DRAMA-QWEEN]

يعطيكم العافيه حبايبي اللي ردوو علي
بس بنات والله انا ماسويت شي يستاهل اللي يسويه احس اذا رديت بصير عنزته بلييييييييز جاوبوني بصراحه ؟؟

 

[reehab]

ما ادري احس انج تبين تردين له
بس محتاجة الي يشجعج
اذا انت شايفه ان في امل ان في يوم يطخ رديله واذا لا افتكي بعمرج قبل لايصير فيه عيال
وبعدين غصبا عليج تردين
وثاني شئ حسني علاقتج مع اهله
وربي يهديج ويهديلج

 

[شمس؟]

حياتي انتي

خلي عنج تصرف اليهالة ورجعي بيت زوجج ساحليه وكلميه بالطيب وبالزين انتي اللي غلطانه

يوم انج تبين تريحين فبيت امج كل يوم والثاني ليش متزوجة ؟؟

حبيبتي المرة برهن امر ريلها عشان ربها يرضى عليها

وشوفي كل اللي يقولج عانديه ما يبون مصلحتج يبونج تبجين دم لان الريال ما يتعاند ومن عمر الدنيا المرة ما تحط راسها براس الرسال لان المركب بربانين يغرق

فلا تسترجلين على ريلج وصيري انثى وناعمة وفهميه بكلام حلو انج كنتي تعبانه وما بتعيدينها وان راحتج وسعادتج بالمكان اللي اهو فيه

يالله حبيبتي طرشيله مسج عسى ربي يفتح بينكم بالخير

 

[أم تروفه]

ياعمرى ترى رضا الزوج سبب دخول الجنة جنة ربي اللى تسوى الدنيا كلها ليش ياحياتى تعنادين كبري مخج بسبب اشياء تافه ترا الدنيا ماتسوي ياقلبي

 

[نــعــوومــه]

شنو خروفته وعنزته...شالسالفه..الله يهديج بس..ترى الحياه الزوجيه موعناد وتحدي ومنو اللي يغلب..لاياماما..

اهو خلاج تنامين وزعل شوي وحز بخاطره المفروض تفرحين لأنه يحبج ويبي قربج ويبيج عنده...

وإذا على سالفه السهر بالديوانيه كل الرياييل يسهرون ويطلعون..موبس ريلج..هذا طبع فيهم...

انصحج ردي بيتج ولاتكبرين السالفه واهي ماتسوى..