بشفط خدودي

[ام بنتها]

مشكوره دارين

اثليرمو سي أبر ؟؟

لان بسوي شي مره وحده مابي شي لازم كل جم شهر اكرره و لا رجع مثل قبل و أسوأ
و هل يصلح للنحنوحه ؟؟ معقدتني حدهاااا

 

[فوفو00]

محد عاجبه حاله

 

[ام يوسف الكويت]

امبيه محد مقتنع بخلقة ربه - استغفر الله
حتى انا ويهي ضعيف وودي انفخه لوووول

 

[ام بنتها]

اب اب اب

 

[carrot^cake]

انا اقول لا تلعبين بويهج
وتقطين 1000 على خدود

سوي شي ثاني يسوا

 

[carrot^cake]

وسألت مره دكتور برويال حياة قالي لا !!
بس شرحج للعملية جنه صعبه تخوف

 

[ساره.]

أنا احب الويه اللي تبينه اذا أحد يفيدناااا
أب

 

[hekaro]

تصدقون صار حتى الويه يمشي عالموضة !!!
قبل هبو بخدود نانسي عجرم ومن يومها الكل قام يتفخ
الحين الدارج بأمريكا الويه الضعيف والكل قام يتجه لتنحيف الوجه نفس سحنه كيم كاردشيان
وصدقوني بتوصل لنا هالموضة ههههههههه
بتشوفون بناتنا ويوهها طويلة يعني كيم !!!
دكتوري طارق يقول ان الطريقة لنحت الوجه هي شفط الجزء السفلي ولبس مشد بالوجه لمدة شهر
بنت عمي كانت رايحة له بتضعف ويهها بس ترددت من سالفة لبس المشد

 

[أم عبدالرحمن 2]

والله ماادري بس ليش وجهي نوعيته خدود حتى لو اضعف

بس الحين جني هونت

عقب كلامكم

 

[ام بنتها]

واي احباااط

المشد شفته بقووقل و انا ادور عمليات الويه و شكله عبيط مو معقوله بظل لابسته شهر بس دكتور النجاده ماياب طاري كورسيه ويه ؟
يمكن حق حالات معينه ؟؟
يعني ماتخيل روحي ويهي وارم من العمليه و لابسه بعد مشد مطلع ويهي زياده لي جدام و ريلي يشوفني بهالشكل خخخخخخخخخ احس بتلوع جبده
انشالله السالفه بدون مشد
بس على الألف انا زياده على خدودي في مشكله ثانيه بويهي انه خد اخدد من خد "( الحمدلله على كل حال و هالشي مو ملحوظ وايد بس ملحوظ للي بيطالع ويهي عدل و يجابلني face to face و هالشي مأزمني شوي ريلي يقول مو مبين و لا تلعبين بروحج بس انا حيل بخاطري

نشوف الي الله كاتبه شيصير

 

[hekaro]

واي احباااط

المشد شفته بقووقل و انا ادور عمليات الويه و شكله عبيط مو معقوله بظل لابسته شهر بس دكتور النجاده ماياب طاري كورسيه ويه ؟
يمكن حق حالات معينه ؟؟
يعني ماتخيل روحي ويهي وارم من العمليه و لابسه بعد مشد مطلع ويهي زياده لي جدام و ريلي يشوفني بهالشكل خخخخخخخخخ احس بتلوع جبده
انشالله السالفه بدون مشد
بس على الألف انا زياده على خدودي في مشكله ثانيه بويهي انه خد اخدد من خد "( الحمدلله على كل حال و هالشي مو ملحوظ وايد بس ملحوظ للي بيطالع ويهي عدل و يجابلني face to face و هالشي مأزمني شوي ريلي يقول مو مبين و لا تلعبين بروحج بس انا حيل بخاطري

نشوف الي الله كاتبه شيصير

اها عيل طلعتي انتي البرتقالة الي غنى عليها
خد أحلى من خد
ليش ما تروحين حق دكتور غير النجادة
ما ارتحت له كان بس همه الفلوس لما رحت له

 

[مزيونة العجمان]

ههههههههههههههههههههههههههههههاي الله يوفقش بامتحانش



ونصيحه خلي وجهش الناس الحين ادور لخدود دواره فديتش

 

[Turquoiseya]

الله يهداج انتي ماشية عكس المد لوووول
انا ودي اشوف وجهي مربرب ومتختخ

 

[ام بنتها]

عاد اتصدين مو ساعه اغنية البرتاله يبيلي أسمعها

ووين تنصحيني غير النجاده ؟ ؟

مزيونه مشكووره على الدعوه باجر بعد عندي أمتحان ادعولي مليــــــــــــــــــــــــــــت من الامتحانات متى اتخرج و افتك

 

[{ عبره وهلت }]

يمكن لانج متينه ضعفي وبيخفون بس الافضل لا تشيلينه الناس يبونهم =)

 

[Dancing^Queen]

سبحان الله لقيت هالموضوع
شوفي خل اقولج
اعرف ناس سوت عمليه شفط اللقلوقه (الحنج) ونتيجته حلوه ماجذب عليج اول البنت ماعندها رقبه كلش
الحين في رقبه
بس مثل ماقلتي تلبس المشد واللي راحمها متحجبه ومو متزوجه
الدوام عبالهم ان نافخه خدودها لان ضاغط اللقلق لها ومنقز الخدود
بس عقب الشهر راحت اللقلوقه وردت الخدود طبيعه
بس الم
وتعب
سوتهم سمارت لايبو طبعا انسي مو الخدود بس الحنج محد يشفط خدوده


الحين نيي حق نحت الويهه
الثيرمو سي مثل ماقالت دارين
هالججهاز لنحت الجسم بس نتايجه للجسم للامانه اقولج اياها ماجذب ضعيفه ويبلها وقت طويل
نتايجه روعه حق مناطق صغيره مثل الويه
يعتمد علي موجات الرديو فيركوانسي والسكشن مثل الال بي جي
يعني جهاز يمرورونه علي الويه والرقبه يمشفط المكان بالجهاز وبنفس الوقت تشتغل الموجات
نتيجته
نحت الويهه بالضبط مثل ماتبين بس يبلج كورس
ست جلسات
بتلاحظين نتيجه عقب الثالثه
يصغر ويهج ويصير مرتب
شكثر تظل نتيجته؟
لاتمتين
تظل
يعني مو تسوينه وتطيحينله وجبات وجبات كاكاو وخرابيط وتقولين واي ماستفدت
خليج علي سستمج العادي وسويه
الويهه حاله حال اي جزء من الجسم الحين لو شفطتي دهون من مكان وقللتي عدد الخلايا الدهنيه فيه هل معناته انج ماراح تمتنين فيه؟
لأ
بتمتين اذا كليتي ليش؟
لان الخليه الدهنيه مو بس بالعدد بالحجم
اذا كليتي يتضاعف حجمها فتمتنين

اهو مفيد لتخفيف اللقلق وتخفيف الخطوط بالويهه وشده
وسعره مناسب

 

[ساره.]

اليوم رحت حق دكتور روجيه... عندي مراجعه على شي ثاني وسألته عن موضوع اني بضعف ويهي.. قال ماتضبط الا بالليبو سكشن.. يعني شفط!!!! قلت خلني على مينوني بعد شفط بالويه؟؟!!!!!

 

[ام بنتها]

عبره و هلت انا الحين متينه وويهي صاير دبل من قبل أيام الضعف و الرشاقه كان ويهي مخدخد حتى يدي كان يقول متني شوي بس راس يمشي خخخخ

دانيسنق صج الله يابج _03BA:

السمارت لايبو شنو يعني شفط ؟؟ ولا أبر ؟؟ و الثيرمو سي شنو يعني ؟؟ حدي جاهله بهالسوالف مااعرف شي ترجميلي ؟ و شايفه أحد مسوي هالشي حق ويهه ؟ صج شوقتيني على أنه يصغر الويه و يرتبه ؟ و جم يكلف تقريبا كل الجلسات و عند منو ؟ دوختج أسأله :tomato2: و انشالله لي سويتها احافظ عشان لايرد

اليوم رحت حق د عماد و سألته عن الي قال بيسويه حق خدودي قال هذا مو شفط و ما يحتاج مشد قتله أبر قال لأ نشيل اللحم الزايد من داخل الحلج مو من بره وينسق ويهي قتله ما يعتبر شد قال لأ مو شد قتله الحلج ما ينزل و ينسع قال لأ بس يترتب الويه بس ماادري شلون ليلحين مو مستوعبه شلون و قتله على اللقلووقه قال هذي لازم مشد قتله شكثر قال 4 أسابيع مايبي يقول شهر :dddds:
قتله انزين في حال مالبسته قال لازم تلبسينه اذا تبين نتيجه على الأقل 3 أسابيع و كلما التزمتي تصير النتيجه أحلى بعدين قال اشوفها رفعت راسي و رعصها يشوف شكبرها قال مو وايد كبيره و اذا ما تبين مشد مالتج مو وايد كبيره و تنشال بالأبر قال اسمهم بالانجليزي مااذكر شنو وسألته شنو هذا قال أبر
قتله بس الأبر يرجع قال الي ينشال ما يرجع قتله اخاف يرجع قال ما يرجع و انتي كيفج بس ترا أرحص لج الأبر قتله مو مشكله انا ابي شي يظل مده أطول قال كيفج بس لازم مشد اذا بتسوين اللقلووقه

قتله متى ما جمعت الفلوس ييتك _03BA: بس وين تنصحين أشطر منه لأن هيكارو مامدحته



ناطرتج دانسينق

 

[hekaro]

عاد اتصدين مو ساعه اغنية البرتاله يبيلي أسمعها

ووين تنصحيني غير النجاده ؟ ؟

مزيونه مشكووره على الدعوه باجر بعد عندي أمتحان ادعولي مليــــــــــــــــــــــــــــت من الامتحانات متى اتخرج و افتك

الله يعينج على هم الامتحانات ويوفقج
انا النجادة حطيت عليه x
استشيري اي دكتور ثاني شاطر
ماودي انصحج بدكتوري طارق لأني ماعندي فكرة عن شغله بالوجه ومثل مل قلت يلبسج مشد اذا تبين تنحتين وجهج بالشفط

 

[ام بنتها]

مشكووره هيكارو و الله يوفق الجميع انشالله

ليش حطيتي عليه اكس من أي ناحيه ؟ شايفه احد مسوي عنه و كانت النتيجه فاشله ؟ عفيه قوليلي لو بالخاااص طلبتج
نااطرتج
و باجر عندي بعد امتحان والخميس و الثلاثا الياي و تالي أبدي فاينل حدددده ضغط و فوقه فوقه هالكورس الله يسهل انشالله