بشعرك شيب كم عمرك وشنو الحل تكفون دشو يالخبيرات ببكي

[براونيز]

كلنا لها

 

[q8_84]

انا عمري 26 وبادي فيني بسبة الصبغه السوده

امي قالت لي لاتشيلينه من جذوره لانه راح يزيد

وسمعت ان في جهاز ليزر حق الشيب روحي لدكتور واساليه

 

[eman12]

حبيبتى انا من عمري 13 سنه وفيني شيب
واصبغ والا في فايده على قوله اللي تصبغ لي الشيب اللعين مو ابيض انا فضى يعني عليه طبقه دهنيه يعني اللي يصبغون بنص ساعه انا بساعه علشان يصبغ واسبوعين وحياتج الا منترس الشيب والحين عمري 33 عادي الحياة حلوة

 

[قــ القلوب ــوت]

رد : بشعرك شيب كم عمرك وشنو الحل تكفون دشو يالخبيرات ببكي

اختي عادي بس انتي المفروض تصبغين او تحنين شعرج اول باول ..
انا عيل شقول من عمري 16 طلع الشيب والحين دشيت 25 وزادت الهموم فصار عندي خصله واضحه كلها شيب غير الشيب المنثر وصح اهيا تكون شوي يابسه اكثر من الشعر .. وفوق كل هذا امي ماترضى اصبغ الا بعد ماتزوج يعني محكوم علي بس حنه وكل مابحني شعري يصير شي واهون وعلى هالحال 4 سنين .. بس عبالج هالشي ماثر علي والله بالعكس اصلا افتخر واستانس اقولهم هايلايت طبيعي :wqedqw:
هونيها وتهون .. بس انتي المفروض متزوجه يعني نصيحه اهتمي بشكلج اول باول اختي والله يخليج احلى وحده بعيون ريلج

 

[طيف نجد]

لرفع ....

 

[الفدنه]

عادي حبيبتي
انا مبلش معاي من 16 او17
انا بالثلاثينات الحين لو اخليه ماشاء الله يصير فضي لووووول
الحمدلله على كل حال شيب موصلع
والله كريم تطلع موضة الشعر الرمادي والفضي ونصير ستااااااااااايل
انا اصبغ جذور بني كل شهر تقريبا

 

[shai6onah]

الحال من بعضه انا من عمري 12 فيني ويت فتره خف والحين رد صوب اليمين متروس شيب واليسار شوي ومن جدام طالع شيب وانا عمري 24 سنه وفوق هذا خفيف! الحمدلله على كل شي ,, ومن قال ماكو علاج للشيب؟ مره شفت دعايه بتلفزيون البحرين عن عياده تجميليه تحل مشاكل الشيب! ومره شفت بنيه تبيع كريم يقضي على الشيب اكيد اكو حل ولا شدعوه في بالبحرين ومافي بالكويت ! دقي على العيادات وان شاء الله بتحصلين شي مني مناك ,, وانا سمعت انه الشيب من التفكير او نفص فيتامين دال علشان جذي صبغه الشعر تخترب وتصير الشعره بيضه والله اعلم

 

[ام حنونة]

في وحده اسمها ايموفافا تبيع كريم يسود الشعر ...دشي جوجل وكتبي اسمها ...

 

[جنون العشق]

نبي حل نفسيتي تحت تحت تحت

 

[شيسمونه]

رد : بشعرك شيب كم عمرك وشنو الحل تكفون دشو يالخبيرات ببكي

حبيبتي انا ما خليت شي ماجربته ماكو فايده ابد ابد ابد مالك الا الحنا او الصبغ
بعد اذا شعرك ناعم حمدي ربك انا شعري خشن فاضطر املس واحني الله يكون بالعون والحمدلله على كل حال

 

[جنون العشق]

اه يقلبي اول الثلاثينات وحسيت صرت عيوووووووزه

 

[وفاء11]

مالقيت الموضوع

بنات منو يذكره؟؟ زيت عافيه مع مرميه وعشبة الاس واكلبل الجبل بس شلووون الطريقه ؟؟

تذكرته لأني سجلته عندي ... مرامية - اكليل الجبل - بابونج - كركديخ - عشبة الآس - من كل شي شوي وتحطه في كيش مثل الدانتيل تقريبا وتربطه وتعلقة على الدش عشان تغسل شعرها

هذا الي تقصدينه عدل ؟؟؟

 

[وفاء11]

بصراحة انا نفس مشكلتج واهو يأثر وايد على النفسية أدري بس قولي الحمد لله ... في بنات من كثر الشيب ما تعرفين شنو لون شعرهم الأصلي .. واهم صغار وايد

وشنو المشكلة صبغي شعرج تكونين غيرتي لونه وبنفس الوقت لوووك جديد واهم شي اهتمي بالعناية بالشعر من زيوت وماسكات وهالسوالف

 

[جنون العشق]

اه يقلبي ابي حل يريحني

 

[مجرد اسم عابر]

انا واختي عندنا شيب خصوصا بمقدمة الراس وملينا من كثر مانصبغ بصراحة لان الصبغه تخرب الشعر

المهم اختي تقولي ان فيه عند جي ان سي حبوب اسمها بابا وحبوب ثانية اسمها هير على ما اظن

اول شهرين تعلمني اختي تقول الشيب خف لونه سبحان الله وصار باهت بياضه

وكنت رح استخدمهم بس حملت وكنسلت الموضوع لبعد الحمل

وعلى فكره الحبوب هذي الي قلتلك عليهم ماينفعون الا للي مثلنا يعني ماينفعون للكبار بالسن لان الشيب عندهم طبيعي بس احنا لا

وممكن تسوين عنهم بحث وتشوفين بنفسك المواضيع الي عنهم

 

[دنيا جديده]

تذكرته لأني سجلته عندي ... مرامية - اكليل الجبل - بابونج - كركديخ - عشبة الآس - من كل شي شوي وتحطه في كيش مثل الدانتيل تقريبا وتربطه وتعلقة على الدش عشان تغسل شعرها

هذا الي تقصدينه عدل ؟؟؟

لا ياحياتي مو هذا انا اعرف مقاديره بس طريقه ناسيتها. زيت عافيه + مرميه + اكليل الجبل + الاس
الطريقه اعتقد اعتقد نحطهم بزيت عافيه وتظل 10 ايام. ان شاء الله صح الطريقه مالي شغل بسويها لووول
ومشكووره حبيبتي

 

[أشبـاهـ المطـر]

رد: رد : بشعرك شيب كم عمرك وشنو الحل تكفون دشو يالخبيرات ببكي

عمري 22 وفيني شيبه وحده حدها مضايقتني =(
وموقعها جداً جغرافي بمقدمة راسي يعني اللي مايدري يدري
بس حاولي ماتشيلينهم لأن كثر ماتشيلينهم راح يزيدون وتبتلشين فيهم
أتوقع مثل ما قالت اللي فوق اصبغي فواتح عشان يضيع الشيب ، هم الحنه زينه اذا ماودج بالصبغ

مثلي بالزبط :tongue22:
لا واربعه بعد فرقت شعري يمين يسار او رديته
لورا يطلعون لاحقيني لاحقيني مادري شسوي ..
بدخل 23 بعد 10 ايام

 

[جنون العشق]

اب اب

 

[Q6RYA]

بنــات شفيكم ليش هالكآبه الشيب يعني مو كبرتي هذا عامل وراثي يبدا مع ناس حتى من عمر 18 صج يضايق بس عادي يعني مو كارثه اصبغي شعرج واذا خايفه تصبغين وشعرج يتعب شوفي صبغات طبيعيه ماتأذي الشعر والراس يعني والبنات ماقصرو حطو وايد حلــول بس اهم شـي لا يضايقج هالشي سهــالات حبيبتي اهم شي الصحة والعــافيه

 

[عذوره 2010]

مادري سمعت فيه كريم يبيعونه بمصر يعيد صبغ البويصله ويرجع الصبغه اللي افقدتها الشعره


RESTRORIA DISCREET HAIR CREAM كريم الشعر


وهذا موقعهم واتمني اني افدتج


http://www.restoria.com.au/lang/ar/discreet-natural-looking-color/hair-cream-faq.html