بشترى موبايل بس ناقصنى شى

[ام السيف1]

دشووووو لوسمحتم
.





ناقصنى اخذ رايكم
بغيت استشيركم شنو احدث جهاز وابى شكله نايس وحلو يعنى احب يكون مجكنم واستخدامه سهل

ولازم يكون نوكيا
ميخالف تحملونى طلباتى وايد :23_asmilies-com:

 

[عالمة_جيولوجيا]

والله نفس الحال و من يوم نزلوا اجهزة نوكيا صيني والواحد قام يخاف ......مادري شناخذ؟؟

 

[فيونكا فوشيهـ]

معااااكم و اهم شي يكون شكله حلو
يعني لو استخدامه شيي بس شكله مادش ببالي مستحييل اخذه
بس لو شكله حلووو و استعماله حلوو
و ثاني شكله عادي و استخدامه احلى من الاول
باخذ الاول هههههههههههه
انا من اليوم احوس ادور شي يدش بمزاجي ماااااااااااكو

هالناس طايحين بالاي فون و البلاك بيري و من هالطقه انا مايعجبووني
و هم مااحب التتش

 

[شووشه87]

حبيبتي تحت انا حاطه موضووووع كامل وصووور عن أحدث اجهزة نوكيا دش وشوفي

 

[قطرية كوول]

تبين شي مجكنم وحلو شوفي السوني او الموتورولا

النوكيا دفشيين انا احس جذي

 

[ام السيف1]

حبيبتي تحت انا حاطه موضووووع كامل وصووور عن أحدث اجهزة نوكيا دش وشوفي

وييين حبيبتى ماكو شى

 

[ام السيف1]

تبين شي مجكنم وحلو شوفي السوني او الموتورولا

النوكيا دفشيين انا احس جذي

حياج الله اختى قطرية كول انا مااحب الا النوكيا متعودة عليه

 

[yassoo]

بعد فتره بينزل موديل يديد e75 شكله حلو
ونوكيا الحين صار اغلب موديلاته حجم كبير
الموتورولا وايد حلو جربي

 

[Miss.KSA]

شوفي حبيبتي انا من زمان ماغيرت جوالي وقعدت احوس وش افضل جهاز جوال نزل بالسوق
وقلت ابدفع فيه اللي هو بس يكون زين

رحت شفت البلاك بيري فاشل وشكله كئيب يعني صيته على الفاضي بس ودفش بصراحه
شفت جهاز نوكيا E71 مره مره حبيته
ناعم وانحف من البلاك بيري ومميزاته اكثر واسهل وعلى الأقل له ضمان ونوكيا سهل الأستخدام
وكل شي فيه وفوق هذا فاز على افضل جهاز لرجال الأعمال من حيث السهوله والأناقه والخفه والألوان
بصراحه حده انيق انا حبيت الأحمر واخذته وانا مغمضه
صوته عالي وكاميرته حلوه ومميزات فيه عجيبه وكثيره وسهل لاتخافين من الأزره مع التعود بتدلين وبتعرفين
بصراحه حبيته مره وانصحك فيه خذيه وانتي مغضمه حتى سعره رائع اخذته عندنا بالسعوديه ب1300ريال ضمان الأتصالات
والبلاك بيري وصل سعره ب2100 ريال بس لو ببلاش مااخذته يفشل واعرض من نوكيا
وانتي استخيري واتكلي على الله وهذي صورة الجهاز اللي اخذته ودخل قلبي خخخخخخخ

 

[um khaled]

بصراحه يا اختي انا مدحوا لي e66 الاحمر وبخاطري واستعمالة ممتاز وجهاز يكد : تيين نشتريه مع بعض ؟ شفته ب يوريكا 98 او 99 دينار