بس تدخلون يابنات راح تعرفون اني قبل همرة عرضت لكم موضوع عن اختي تعالووا

[بكيزة هانم]

الله يشفيها

 

[afaf]

تسلمين ياغالية اله يسمع منج ياررررب

 

[سمو الغلآ]

الله يشافيهم يارب وكل يوم شغلي سوره البقره مرتين الفجر وع المغرب وطوولي ع الصوت

وبالليل لا رحتوا تنامون شغلوا ع قناه المجد قران وطوالوا ع الصوت ونامووا والله كريم

 

[afaf]

تسلمين يالغالية احنا كل شئ سوينا والباقي ع الله انشالله نبي دعواتكم بس ياخواتي بالله

 

[حساس القلب]

الله يشافيهم يارب

 

[أإلع ـشق دلع ـهـأإ]

حسسبي الله ونعم الوكييل في كل ساحر وسااحره

اختي في شيخ اسسمه ابراهيم الرويس يطلع على كذا قناة وعنده تويتر كلميه واشرحوله حالتكم ماراح يقصر اهو مفسر احلام وراقي

حتى يقرا. ناس بالتلفزيون ويطلع فيهم سحر واهم مايدرون.

كلميه بتويتر واخذوا رقمه وروحوله بالسعوديه بالرياض لا تسكتون عن حالتكم

حرااااام خوااتج وحده ورا الثانيه تضيع

اذا ماتعرفين كتي اسمه بقوقل وراح يطلع

والله عورني قلبي عليكم حيييل عورني ربي بلاكم فصبروا

 

[كوريا وبس]

لا حوله ولا قوة لا بالله
الله يشفيهم ويرجع هم مثل قبل وأحسن

 

[الجذابـة2022]

لا حولة ولا قوة الا بالله ... حسبي الله ونعم الوكيــل اللهم اجعل كيدهم في نحورهم يارب ,,,

حبيبتي ربـي يشافيهــم يارب... عليج بسورة البقرة خليها مستمرة 24 ساعة فالبيت ... بس لو يكون احد فيكم يقراها

كاملة فاليوم يكون افضل ... وحبيبتي عليج بالماي المقري يكون ماي زمزم افضـل ,,,

حاولي كل يوم ترشين البيت كامل ماي وملح لان يطرد الشياطين والجن من البيت ..

استخدمي خلطة الشيخ ناصر الرميح ... واستمري علي الخلطة ...

خلطة تحصين المنزل من السحر من الشيخ: ناصر الرميح (حفظه الله)

وبأذن الله يكتب الله بها الشفاء

* الخلطه*

10 جالون ماء مقري فيه.. والأفضل (جيك ماء زمزم)
1 علبة كاملة ماء ورد
7 ملاعق كبيرة ملح خشن
7 ملاعق كبيرة خل <<ماتم تحديد أي نوع

وتقرأ فيها هذه الأيات:
1- سورة الفاتحة
2-خواتيم سورة البقرة
3-آية الكرسي
4-آية (واتبعوا ماتتلوا الشياطين على ملك سليمان ...)الى نهاية الآية صفحه 16 سورة البقرة آية 102
5- المعوذات

((ويرش البيت كله :المداخل, والزاويا ))

ان كان عندك سحر بالبيت مرشوش واستخدمت الخلطه سبحان الله كل يوم بتشوف المكان اللي رشيته حشرات ميتة والله اعلم والله الشافي

وان شاء الله الله يكتب بها الشفاء (( وادعولي باالتوفيق وان الله يفرج همي وهم كل مسلم يارب))
​

 

[ماكواسم2]

مادام العايلة معروفه بالسحر ليش اتناسبونهم ؟؟؟؟؟؟؟

 

[afaf]

جزكم اله خير ياغاليات ع ردود الطيبة

 

[afaf]

مادام العايلة معروفه بالسحر ليش اتناسبونهم ؟؟؟؟؟؟؟

شقولج ياختي الغالية هذا النصيب الي كاتبة ربج ياليت الزمن يرجع لورا ماكان فكرنا نعطيهم ابوي متحسف كثر شيب راسة
اخ لو يرجع الزمن لورا ماكان صار الي صار ربي مريم يتصرنا ع ساحر ياربي عفوك وسترك وشفاك للمسلمين وخواتي دعواتكم ياغاليات

 

[توته النعومه]

الله يشفيهم وينتقم من الي سوى فيهم كذا
حسبي الله عليهم
شغلي سوره البقره في البيت وغرفت خواتك شغلي فيها الرقيه خليها تتكرر حتى وهم نايمين
وسبحوهم بمويه وملح خليهم يجلسون في المويه والملح الملح الخشن حطو في البانويه خيشه ملح خشن ومويه دافيه وخلو الملح يذوب وغسلبه جسمهم كل يوم ولم تخلصون في النهايه مويه تكون بارده شطفوهم بها
ترا اخواتك مايدرون عن انفسهم مو هم الي مايبون القران
وحصنو البيت وحاولي تقرين معاهم الاذكار راح يرفضون بس حاولي لازم تشدون عليهم لاتتركونهم
وانا اعرف منتدى حق رقيه شرعيه ممتاز اي وحده تبغاه تقلي ابشرو من عيوني انا اخاف احطه في العام ويكون ممنوع
الله يشفهم ويشفي والدتي من ارد بهم سوا ان يجعل الله كيده بنحره
اصبرو انا الله مع الصابرين
15 سنه واحنا نعالج والدتي من السحر ولم نيئس من رحمه الله

 

[m'3rOoOra]

لآ حول ولا قوه الا بالله العلي العظيم

اللهم اسألك شفآء عآجل غير أجل يالله
بجلال رحمتك وسعه مغفرتك يا الله

ربي يشافيهم لكم ياربي ويقر عينكم آمين يارب

عندكم خدامه يمكن منها

 

[m'3rOoOra]

ليش ماتكلمون اهل ريلج يفكون السحر وتهددونهم اذا مافكوه والله لتفضحونهم وكل يوم كلمهم وهددوهم وخلي ابوج يهددهم كلام قوي عشان يخافون استغفرالله