بس الملائكه يدخلون ؟؟ نعم شتبون تخزون قلت الملائكه بس

[caramil]

بسم الله الرحمن الرحيم

بالبداية امسي عليكم بالخير جميعاً..

ندش بالموضوع مباشرة..وموضوعي متكرر..بس اول مره اتنرفزززز جذي..

بخصوص ان كل وحده بالمنتدى امسويه روحها ملاك ..ابي افهم وين البنت المو زينه !

يعني بمعنى ثاني..كلنا نتمنى عيالنا يطلعون الاوائل بالمدرسه..
لكن لنفترض كلهم طلعوا الأوااائل..منو بيطلع الاخير ؟؟!


بصغه اخرى.. ليش تمثلون المثاليه بكل شي..ولو ان الكمال لوجهه سبحانه وماكو انسان
خالي من العيوب او معصوم من الخطأ..

لما اتصفح منتدى المشكلات الاجتماعيه اقول لا إله الا الله يعني لهدرجه الدنيا بخير ؟
وكل اللي يحطون ردود اللسان يقطر عسل والنصايح من ذهب ..لو جذي

جان ماكو فساد بالديره ! ..جان ماكو جرائم.. ! قاعده احاول اكتب بأسلوب مايجرح ولا
يخدش مشاعركم..

بنات صيروا واقعيين..لا تدعون شي انتوا ماتعيشونه..ولا تصيرين من اللي " يقولون مالا يفعلون "..

كلكم سنعات ! تبارك الرحمن..عيني عليكم بارده... الاغلبيه تستخدم اسلوب مبالغ فيه

انا اتكلم عن الاغلبيه....يازينها والله اللي اطيح عليها دازه رد يعبر عن رايها حتى لو كان غلط
او يخالف وايد شغلات..كافي انها مو من فئة ( المنافقون) اللي اهما ( بالدرك الاسفل من النار)..

طبعاً انا مو شغاله عليكم داعيه ..ولا شي..حالي من حالكم..يمكن تكونون احسن مني بوايد شغلات
ويمكن اكون احسن منكم بمليون مره.. كلكم على العين والراس.. لكن ياحلو الشخص
لو كان شفاف.. ويخاطب الناس بلغته ولهجته ويعبر عن ذاته بإسلوبه

مايمثل..ماينافق..مايجامل..ما يجرح..

ساعات بعض الردود ورب الكعبه تدخل الواحد بمود خايس..وبكـآبه..
وحده من البنات الله يحرسها ويحفظها ويعينها ويستر عليها اللهم آمين..امنزله موضوع
بعنوان ( عذريتي ضاعت)..

وتكلمت بكل شفايفه بأنها تعرضت لحادثه واهيا صغيره..

دخلت وحده عليها بكل همجيه وسذاجه ( توبي لوجه الله يابنتي..) !

نعم خير ! انتي فهمي شهالموضوع بالاول بعدين تعالي تحجي
شغاله علينااا امطوعه وداعيه وحالتج حاله

ووووو


" يقولون مالا يفعلون "..

ترا اشكالكم المريضه صارت مكشوفه..اللهم سترك..

تشوفينا داعيه وحالتها حاله والكل يحط لها شان .. واهي بس تختلي بروحها تروح بعالمها الثاني
وتقط فيه قناع النقاهه والطهاره وتطلع على حقيقتها..

ما ابالغ لو اقولكم والله شاهد على كلامي ثلاثة ارباع اللي يقرقعون ويتفلسفون من ورا المكرفون
بالندوات .. وتوووبي يا اختااااااااااااااه و النار يا اختااااااه و اتقي الله يا اختاااه

وتحطلج صدى ..يهز جمجمة رااااسج .. بالنهايه بنتها سفور ( مع احترامي لكل البنات السفور وانا وحده منهم).. ومنتهيه ..الله يستر على الجميع !

ليش ليش تيبين الحجي حق نفسج..بالاول ربي بنتج سنعي نفسج سنعي بيتج ..شوفي اهلج..
الاقربون اولى بالمعروف..

سكري الباب على بيتج وسنعيه بعدين تعالي سنعي بنات الناس ولا ( باب النجار امخلع ) !

لا تييبون حق نفسكم الحجي..خليكم على طبيعتكم الكل بيحترمكم..كلنا مسلمات..كلنا بنات ناس
كلنا اهلنا يخافون علينا..كلنا عندنا عقل نفكر فيه..كلنا تحكمنا شريعتنا الاسلاميه..
عاداتنا تقاليدنا..وبالنهايه لنا حرية الاختيار..جنه ... ونار.....

ما اقول الا لو رسولنا الكريم عايش الحين جاان دمعت عينه ..

" كنتم خير امة ..يأمرون بالمعروف وينهون عن المنكر"...وهذي ميزتنا احنا المسلمين
نأمر بالمعروف..ننهي عن المنكر...لكن


لا تقولون مالا تفعلوون...

ولا تلتفين بالعبايه..وتنجسينها..وانتي ارخص من ثيابج اللي عليج..

البنت قالت تعرضت لـــ " حااااادثه " الله يكافينا..

بعد ردج هذاا ..اتوقع شكت بعمرها ..

وبعدين شي ثاني..

اللي تدز لي ايميل ولا bbm ولا حتى بالـ whats up ..

محشش قال " وتكتب نص سورة الفلق ولا الناس "..وتكتب تحتها شفتوا شلون خذيت اجر
غصبن عليكم

او تكتب ..

اقسم بالله العظيم اني راح انشرها وتكتبلك تحت ( انت اقسمت لازم تنشرها تذكر انك اقسمت)

او تكتبلج فلان ولا فلانه احلمت بعائشه زوجة الرسول _ صلى الله عليه وسلم_ انها قالت لها
نشري الرساله..

بصحيح العباره... " تخلف كبير" قاعد يواجهنا..

اولا : الاعمال بالنيات لو قسمي ماكان من اراده ذاته و نية صادقه ..مستحيل الله بيحاسبني عليه

ثانيا: شكو تاخذين اجر بكيفج اهو تقررين انج بتاخذين اجر..بعد قعدي وقسمي الاجر علينا ..الله لا يهينج

ثالثا: الرسول صلى الله عليه وسلم لا يأتي بالحلم الا اذا كان قد اتى فعلا..لأنه وجهه الكريم لا تصوره صور الشياطين والاحلام عادة الاشخاص فيها تجسدها الشياطين..يعني انشالله ما احلم بالرسول صلى الله عليه وسلم يقولي نشري الرساله..ليش انتي منو بالضبط ! خل احد كفو يحلم بوجهه الكريم..

عموما اللي مو عاجبه كلامي لا ينتقد ولا يرد..واللي عاجبه خل يناقشني ..
لأن الصراحه وايد هالفئه تنرفز...تحسسج انج فاسقه والعياذ بالله..

وبالاخير نقول


" يقولون مالا يفعلون "

 

[منار البربرية]

رد : بس الملائكه يدخلون ؟؟ نعم شتبون تخزون قلت الملائكه بس

اختي طولي بالج
بس اذا ممكن بالنسبه حق اللي كاتبه موضوع عذريتي ضاعت ​

اهيا بالبداية كاتبه في احراج لي ما اقدر اكتب قصتي يعني احنا ماندري شنو ظروفها ​

ف شي طبيعي كل وحده فينا بتقولها توبي ولا بتقولها الله يساعدج ولا بتقولها كلمه تخفف عنها ​

وحتى لو فينا وحده مو زينه شي اكيد ماراح تقولها عفيه عليج مثلا ​

امشي بهالطريق شلج بالستر والزواج ​

وعفوا على هالكلمة بس احب اقول انا ساعات اكتب الرد اللي اشوفه مناسب سواء نقد شي بس مو معناته نفاق يعني شي مو فيج تتمنين تشوفينه في غيرج
انشالله كل الناس تصير احسن مني عليهم بالعافية ​

وترى مو كل المواضيع صحيحه مع احترامي لكافة المواضيع يعني ممكن اي احد يدخل ويألف علينا قصه لكن احنا بكل الحالات نحاول نرد بطريقتنا ؟؟
اعتقد هالحادثه صارت هني بأكثر من مره بنات تدش تكتب قصه جنه البنات اللي جدامها عفوا على الكلمة يهال عندها
ترى اعمارنا متفاوته ؟؟؟؟؟؟ وكل شي مكشوف لنا فماله داعي الاسلوب الاستفزازي اللي اهما يسوونه معانا يعني مو بس الغلط منا ؟؟
يعني في بنات صغار كبار الكل يدخل يشارك مانقدر نقول حق هذي كتبي جذي ولا جذي ​

واشكرج على الطرح الروووعه ​

 

[غ ــلا الــروح]

رد : بس الملائكه يدخلون ؟؟ نعم شتبون تخزون قلت الملائكه بس

انتــي صـح كـلآمج لكــن تــرى مـو كــل البنــآت اللي جـــذي القلــيل


واللى على قـولتـج تحـظ مـوآضـيع عن روجهـآ وتسـوي لج فـلم ترى فـي منهـم كـل جـذب كـلآمهـآ تلقينهـآ تجـذب


وفـي بنـآت لآ صـج عـآلعمووم كـل بنت ونيتهـآ وتـرى كـل كلـمه تكتبهـآ الآ ومحـآسبـه عليهـآ


واللي قـآلت " تـوبي لوجـه الله " تــرى مـآفيهـآ شـي مـآقـآلت شـي حـرآم التـوبه مو حـرآم


بـآلعكـس مـآقـآلت شـي

 

[caramil]

رد : بس الملائكه يدخلون ؟؟ نعم شتبون تخزون قلت الملائكه بس

اختي طولي بالج

بس اذا ممكن بالنسبه حق اللي كاتبه موضوع عذريتي ضاعت ​

اهيا بالبداية كاتبه في احراج لي ما اقدر اكتب قصتي يعني احنا ماندري شنو ظروفها ​

ف شي طبيعي كل وحده فينا بتقولها توبي ولا بتقولها الله يساعدج ولا بتقولها كلمه تخفف عنها ​

وحتى لو فينا وحده مو زينه شي اكيد ماراح تقولها عفيه عليج مثلا ​

امشي بهالطريق شلج بالستر والزواج ​

وعفوا على هالكلمة بس احب اقول انا ساعات اكتب الرد اللي اشوفه مناسب سواء نقد شي بس مو معناته نفاق يعني شي مو فيج تتمنين تشوفينه في غيرج
انشالله كل الناس تصير احسن مني عليهم بالعافية ​

وترى مو كل المواضيع صحيحه مع احترامي لكافة المواضيع يعني ممكن اي احد يدخل ويألف علينا قصه لكن احنا بكل الحالات نحاول نرد بطريقتنا ؟؟
اعتقد هالحادثه صارت هني بأكثر من مره بنات تدش تكتب قصه جنه البنات اللي جدامها عفوا على الكلمة يهال عندها
ترى اعمارنا متفاوته ؟؟؟؟؟؟ وكل شي مكشوف لنا فماله داعي الاسلوب الاستفزازي اللي اهما يسوونه معانا يعني مو بس الغلط منا ؟؟
يعني في بنات صغار كبار الكل يدخل يشارك مانقدر نقول حق هذي كتبي جذي ولا جذي ​

واشكرج على الطرح الروووعه ​

مشكوره بالبدايه على الرد ورايج على عيني وراسي ..

لكن بصحح شغله بسيطه..البنت كاتبه احراج " لأنها حست ان الموضوع فيه احراج شوي"
هذا مايعني انها طاحت بالغلط...ثانيا: كل كلامها يبين ان هالشي صار غصبن عليها..
وبعباره واضحه كتبت انها تعرضت لحـــادثه..

النصيحه فن ذوق اسلوب ثقافه..ماتيي بهالهمجيه..يعني البنت بهالوضع والموقف اللي اهي عايشته..محتاجه لأسلوب فيه حرص كبير ودقه علشان ماتنجرح او تزيدون همها هم..

هونوها عليها بالبدايه حبيبتي انتي الله بلاج لأنه يحبج والصابرين الله يعدهم بالجنه..
و وايد بنات حصل لهم هالموقف( علشان تخففون عليها شوي).. والله يكون بعونج بدعيلج من كل قلبي.. كوني مع الله ..يكون معاج.. والله قريب للي يدعي له..ويكون اقرب بالثلث الاخير من الليل..
صارحي اقرب الناس لج .. ابتدي خطوه خطوه... والله معاج انشالله وحافظج من كل شر..
واذا نيتج طيبه انشالله بتشوفين الفرج والتوفيق من الله.. والله يتمم زواجج على خير و زوجج يتفهم الموضوع..

ياحلو هالعبارات..حبه حبه..والنصحيه تكون ضمن عبارات رقيقه وفيها حرص كبير..
اهيا لجأت لكم.وهالشي يحملكم مسؤوليه كبيره.... لجأت لكم لأنها شافت انكم بتكونون عون لها
وبتساعدونها بالنصيحه الطيبه..

مو تخرعونها وتنحشووونها شدعوه يبه ..الدنيا مو جذي والامور ماتنوخذ بهالطريقه..جذي بتكره حتى حياتها..لا تستغربون لو تاكل حبوب ولا تنتحر بسبة رد اثر عليها بشكل كبير..يمكن تكون
نفسيتها تعبانه ! .. فيج حيل تشيلين ذنبها !! ولا الله يحملج مسؤولية الضرر اللي راح تلقينه فيها !!
اكيد لأ

اما سالفة البنات اللي يجذبون هذيلا على صوب..
اولا : ماراح يستفيدون شي
ثانيا: ماراح تؤثمين اذا شاركتي معاها بالموضوع..
ع الاقل لو بنت من بنات المنتدى فعلاا حاشتها نفس التجربه بتقرا الموضوع وتشوف رايكم
راي راي..

اللي يفلمون ويتسلون لا تتحسفون على فعل خير سويتوه..قطوه بحر .. بس الله ماينساه
ومسجل ظمن اعمالج ..والله بيأجرج انشالله..

موضوعي يتكلم عن فئة مريضه موجوده بكثره وبدت تكثر ( مثل الجراثيم ) اللهم ياكافي
تطلع لنا بصوره ماتنطبق عليها ولا واحد بالاميه..

 

[Ǥoldɛn ʝɛωɛL]

صدقتي ..

لان الصراحه بعضهم يحسون انهم كاملين و بيرفكت ماكو مثلهم مع انه بالصج كله لنا سواسيه وماكو احد كامل الا الله سبحانه و تعالى

يعطيج العافيه على الموضوع ..

 

[منار البربرية]

رد : بس الملائكه يدخلون ؟؟ نعم شتبون تخزون قلت الملائكه بس

مشكوره بالبدايه على الرد ورايج على عيني وراسي ..

لكن بصحح شغله بسيطه..البنت كاتبه احراج " لأنها حست ان الموضوع فيه احراج شوي"

هذا مايعني انها طاحت بالغلط...ثانيا: كل كلامها يبين ان هالشي صار غصبن عليها..

وبعباره واضحه كتبت انها تعرضت لحـــادثه..​

النصيحه فن ذوق اسلوب ثقافه..ماتيي بهالهمجيه..يعني البنت بهالوضع والموقف اللي اهي عايشته..محتاجه لأسلوب فيه حرص كبير ودقه علشان ماتنجرح او تزيدون همها هم..​

هونوها عليها بالبدايه حبيبتي انتي الله بلاج لأنه يحبج والصابرين الله يعدهم بالجنه..

و وايد بنات حصل لهم هالموقف( علشان تخففون عليها شوي).. والله يكون بعونج بدعيلج من كل قلبي.. كوني مع الله ..يكون معاج.. والله قريب للي يدعي له..ويكون اقرب بالثلث الاخير من الليل..
صارحي اقرب الناس لج .. ابتدي خطوه خطوه... والله معاج انشالله وحافظج من كل شر..
واذا نيتج طيبه انشالله بتشوفين الفرج والتوفيق من الله.. والله يتمم زواجج على خير و زوجج يتفهم الموضوع..​

ياحلو هالعبارات..حبه حبه..والنصحيه تكون ضمن عبارات رقيقه وفيها حرص كبير..

اهيا لجأت لكم.وهالشي يحملكم مسؤوليه كبيره.... لجأت لكم لأنها شافت انكم بتكونون عون لها
وبتساعدونها بالنصيحه الطيبه..​

مو تخرعونها وتنحشووونها شدعوه يبه ..الدنيا مو جذي والامور ماتنوخذ بهالطريقه..جذي بتكره حتى حياتها..لا تستغربون لو تاكل حبوب ولا تنتحر بسبة رد اثر عليها بشكل كبير..يمكن تكون

نفسيتها تعبانه ! .. فيج حيل تشيلين ذنبها !! ولا الله يحملج مسؤولية الضرر اللي راح تلقينه فيها !!
اكيد لأ ​

اما سالفة البنات اللي يجذبون هذيلا على صوب..

اولا : ماراح يستفيدون شي
ثانيا: ماراح تؤثمين اذا شاركتي معاها بالموضوع..
ع الاقل لو بنت من بنات المنتدى فعلاا حاشتها نفس التجربه بتقرا الموضوع وتشوف رايكم
راي راي..​

اللي يفلمون ويتسلون لا تتحسفون على فعل خير سويتوه..قطوه بحر .. بس الله ماينساه

ومسجل ظمن اعمالج ..والله بيأجرج انشالله..​

موضوعي يتكلم عن فئة مريضه موجوده بكثره وبدت تكثر ( مثل الجراثيم ) اللهم ياكافي

تطلع لنا بصوره ماتنطبق عليها ولا واحد بالاميه..​

انا فاهمة قصدك واللي تبين توصلينه لي طبعا ​

بس في مواضيع جدا حساسه كان الله في عون اصحابها ​

واحنا كلنا مهما سوينا نظل مليانين عيوب لان الكمال لله ​

ومهما الانسان حاول يكون كامل فهو ناقص في خلقته وهذا شي علمي طبعا ما نقدر ننكره :eh_s(10):​

وطبعا انا لو كنت مكان اي بنت من البنات قبل لا احط المشكلة راح اتوقع كل الردود وهذا شي وارد حتى بحياتنا العملية ولكن الرد اللي انا اشوفه انسب لي هذا اللي راح اخذه من البنات و احطه بعين الاعتبار لحل مشكلتي

لان هذا للي يخفف عني واما بالباقي المشاركات ما التفت لردهم ​

مشكووورة مره ثانية حبوبه​

 

[مارياq8]

رد : بس الملائكه يدخلون ؟؟ نعم شتبون تخزون قلت الملائكه بس

الواحد لازم يكون صريح مع نفسه قبل انه يكون صريح مع الناس

والمفروض الوحده تقو رايهها حتى لو ما يعجب الثاني

انتي الحين حطيتي هالموضوع في بنات راد يأيدوونج ويعارضونج

هذي الدنيا جذي فلازم الواحد يقبل راي الناس

 

[Cander]

ما ادري منو تقصين بهالكلام

انا اقول جذي نفسج ، ليش الكل يسوي نفسة اهو اللي توب بالاخلاق والتفكير

بس انا عندي حكمة احبها ( عامل الناس كما تحب أن يعاملك )

ومحد كامل وانتي اذا قريتي تعليق او كلام من وحدة ما راح تعرفين كل المواقف اللي مرت بحياتها

ولا كل تصرفاتها مع الناس

وبالنهاية ماكو احد يعترف بالغلط معروف هالشي

 

[يا عيون جدي]

رد : بس الملائكه يدخلون ؟؟ نعم شتبون تخزون قلت الملائكه بس

عدل كلامج

يسلموو ع الموضوع

 

[أسيرة_أحزاني]

يمكن البنت مافهمت الموضوع او شي

وانتي طحتي فيها لوول

ومشكورة على الموضوع كااااان بخاطري اقوله خصوصا بدايته

يعني لو كنا كلنا جذي ماشفنا العجب بالديره

 

[ريمي اميري]

رد : بس الملائكه يدخلون ؟؟ نعم شتبون تخزون قلت الملائكه بس

اسمحيلي .... ارد عليك بصراحه وهذاااا الشي انتي طالبتهاااا ...

ليش زعلااانه وليش معتقده انو البناااات كذابين والفووون القصص انتي تعلمين الغيب
بعدين حبوووبه انتي مثل انتي ماتاخذين راااحتك وتكتبين رااايك والي انتي مرتاااحه منه او مضايقك
البناااات لهم مثل هذا الحق ومو خطاهم انك شخصيه شكااكه بالاخرين لو افترضنا انو فيه مبالغه يختي اكتبي رايك برد ليش تسكتين او
تقرين ولا تردين ..!! يعني انا استغرب طيب تقولين اكتبووو الحقيقه وبسسس طيب وانتي من يراقبك ويشوف كتبتي الحق ولا لا
الي حبيت اوصله انو البنااات بعض احيان يحطون مشكله عشان يفضفضون رااايهم والي عجبها ترد او حتى تدعي بالهدايه او تنقد ليش لا
.... لا تصادرين على احد رايه .... تشكرااااات على طرحك

 

[Queen of Sadnes]

كلامج عدل ميه بالميه
بس ترا محد يشوف نفسه غلط
الكل يشوف انه هو الصح وانه هو اللي فاهم الدنيا عدل
وانه الله عطاه عقل مو عند احد ثاني

ياليت الناس تتعلم وتعرف وتعتبر

 

[مزيونة العجمان]

انا بصراحه قريت موضوع البنت بس مارديت عليها لان خفت اقول شي غلط بس دعيت لها من قلبي الله يستر عليها


اما بالنسبه للبنت اللي قالت لها توبي الى الله عادي اصلا الله سبحانه وتعالى يحب الخطائين التوابين لا تظلمين البنت يمكن نيتها صافيه


ونصيحه لاتعميين على الكل كل مجتمع فيه الزين والشين واللي يقولون مالا يفعلون لهم الله بيحاسبهم حساب عسير بس مو كل داعيه منافقه حرام كذا تظلمين فيهم خير
وبالنسبه للنصيحه تصدقين هذا الزمن ناااااااااااااااااااااااااادر اللي يحب النصيحه نادر نادر حتى الاخت الحين ماتحب النصيحه من اختها واذاااااااااااااااا نصحتي وامرتي بالمعروف ونهيتي عن المنكر العالم يتطنزون عليج اي مطوعه من متى ومن هالكلام


تصدقين زمن العجايب اول الناس يشترون النصيحه الحين ما يحبونها


الله يهدينا يااااااااااااارب

مشكوره موضوعج قيم يستحق النقاش

 

[Tutti-Frutti]

صح انا مو كامله بس هذا ما يعني انه ايي واطلع لكم خياسي كله !!
واقعد اقول انا شنو اسوي اشياء مو زينه بمناسبه وبدون مناسبه

وبعدين انا ارد على الموضوع بحسب اللي اشوفه مناسب سواء انا اسويه ولا ما اسويه

 

[اتتعبنـي غلاك]

اختي اولا حرام تكتبين ((بس الملائكه يدخلون ))
لان الملائكه لانراهم........
فغيري اسم الموضوع واكتبي الملوك يدخلون افضل و اصح

جزاك الله خيرا​

 

[بوسطن سـيتي]

رد : بس الملائكه يدخلون ؟؟ نعم شتبون تخزون قلت الملائكه بس

صح كلامج
ياكثر المنافقات هني واللي يجاملون
خاصة وحدة مسوية نفسها الكل بالكل ولي سالتيها شي تهربت وتنيحست وبمعنى ثاني نذالتها طلعت
وع
متى الله يفكنا من هالاشكال

 

[classicyah]

رد : بس الملائكه يدخلون ؟؟ نعم شتبون تخزون قلت الملائكه بس

مرحبآ الغآليه ،

،

فـ اذآ بليتم فـ استتروآ . .

يعني البنآت روحهم يكتبون كل شي عن روحهم ،

و ترى أخس شي انه الإنسآن يجآهر بالمعصيه . . !

تبينهآ اتقول أنـآ فآسقه - أنآ عآصيه - أنـآ و أنآ ؟

لآ طبعاً ، مآ بتقول . .

أنـآ ويآج ، يمكن البعض نفآق ، يدعون الايمآن . .

و البعض ، يدرون انهم غلطآنآت ، فـ مستحيل يقولون انه نحن انسوي جي . .

بس الي عليهآ ، تنصحهآ من بآب فطرة الإسلآم و الإستقآمه الي في دآخلهآ . .

،

بخصوص موضوع السفور ، و انه بنت الي تنصح سآفره . .

ترى يـآ عزيزتي ، هذآ ابتلآء من رب العآلمين . !

مآ يجوز نتشمت فيهآ و في تربيتهآ لبنآتهآ و انقول لهآ انصحي بنآتج قبل . .

هي نصحت بنتهآ ، لكن مآ تجبرهآ ع شي هي مب مقتنعه فيه . .

و الله سبحآنه قآل " إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ "

،

و الله يهدي اليميع . .

الله أعلم بالنفوس و بالنيآت ، ،

و بالنهآيه ، مآ فيه انسآن كآمل و لآ مثآلي . .

لكن مآ أؤيد الوحده تفضح نفسهآ دآم الله سآتر عليهآ . . !

 

[(توته مربربه)]

رد : بس الملائكه يدخلون ؟؟ نعم شتبون تخزون قلت الملائكه بس

لما اتصفح منتدى المشكلات الاجتماعيه اقول لا إله الا الله يعني لهدرجه الدنيا بخير ؟
وكل اللي يحطون ردود اللسان يقطر عسل والنصايح من ذهب ..لو جذي
ايه الحمدلله الدنيا بخير وبنات المنتدى يحبون بعض وقلوبهم على بعض فينصحون بعض نصايح من ذهب يعني ليش البنت بتحط مشكلتها للبنات لاانها تدري انهم بيساعدونها وبينصحونها باللي يقدرون عليه ماراح ينفقونها ولا بيكذبون عليها

جان ماكو فساد بالديره ! ..جان ماكو جرائم.. ! قاعده احاول اكتب بأسلوب مايجرح ولا
يخدش مشاعركم..
بنات صيروا واقعيين..لا تدعون شي انتوا ماتعيشونه..ولا تصيرين من اللي " يقولون مالا يفعلون"..
كلكم سنعات ! تبارك الرحمن..عيني عليكم بارده... الاغلبيه تستخدم اسلوب مبالغ فيه
بالعكس انا اشوف الاغلبيه تتكلم بصراحه وتقول رايها وفي فئه تبالغ ومب وايد بالمنتدى بس بالنهايه نفس ماتقولين كل وحده ونيتها ونفس ماقال الله تعالى (ادع الي سبيل ربك بالحكمه الموعظه الحسنه وجادلهم بالتي هي احسن ان ربك اعلم بمن ضل عن سبيله وهو اعلم بالمهتدين)
يعني الله نصحنا نتكلم ونرد بالحكمه وننصح ونتحاور بالحسنى فطبيعيه ردت فعل البنات
انا اتكلم عن الاغلبيه....يازينها والله اللي اطيح عليها دازه رد يعبر عن رايها حتى لو كان غلط
او يخالف وايد شغلات..كافي انها مو من فئة ( المنافقون) اللي اهما ( بالدرك الاسفل من النار)..
شدراج انهم منافقين يمكن هاي رايهم واسلوبهم وكل وحده لها حق تعبر بطريقتها واسلوبها واذا كانت تنافق الله شايفها وهو بيحاسبها وعالم فيها احنا مانقدر نفرق المنافقه من الزينه من خلال رد

ساعات بعض الردود ورب الكعبه تدخل الواحد بمود خايس..وبكـآبه..
وحده من البنات الله يحرسها ويحفظها ويعينها ويستر عليها اللهم آمين..امنزله موضوع
بعنوان ( عذريتي ضاعت)..
وتكلمت بكل شفايفه بأنها تعرضت لحادثه واهيا صغيره..
دخلت وحده عليها بكل همجيه وسذاجه ( توبي لوجه الله يابنتي..) !
اختي عادي مااشوف فيها شي غلط وشفيها لو قالت لها توبي لوجه الله هي نصحتها بالتوبه وان خير الخطائيين التوتبين بالعكس لاهي سذاجه ولا همجيه

نعم خير ! انتي فهمي شهالموضوع بالاول بعدين تعالي تحجي
شغاله علينااا امطوعه وداعيه وحالتج حاله
" يقولون مالا يفعلون "..
اشدراج ان حالتها حاله وانها تقول مالا تفعل ليش ماتحسنين الظن بالناس

ما اقول الا لو رسولنا الكريم عايش الحين جاان دمعت عينه ..
" كنتم خير امة ..يأمرون بالمعروف وينهون عن المنكر"...وهذي ميزتنا احنا المسلمين
نأمر بالمعروف..ننهي عن المنكر...لكن
لا تقولون مالا تفعلوون...
ولا تلتفين بالعبايه..وتنجسينها..وانتي ارخص من ثيابج اللي عليج..
اختي يعني حتى لو توجهين الكلام حق وحده في المنتدى او فئه معينه مب بهالطريقه (فلتقل خيرا اوتصمت)يعني انتي اشدراج انها تقول مالاتفعل ولا هي نجسه استغفر ورخيصه شدعوه يعني هالكلام كله استنتاج من رد وحده في المنتدى يعني يوم ردت عرفتي انها نجسه ورخيصه ومنافقه استغفرالله هاي سب والكلام الي قلتيه الوحده تقوله عن وحده جايفتهاوعارفتها ولها سوالف مب زينه وتنصح مب تقولينه على مجرد رد لعضوه
البنت قالت تعرضت لـــ " حااااادثه " الله يكافينا..
بعد ردج هذاا ..اتوقع شكت بعمرها ..
وبعدين شي ثاني..

اللي تدز لي ايميل ولا bbm ولا حتى بالـ whats up ..

محشش قال " وتكتب نص سورة الفلق ولا الناس "..وتكتب تحتها شفتوا شلون خذيت اجر
غصبن عليكم
او تكتب ..
اقسم بالله العظيم اني راح انشرها وتكتبلك تحت ( انت اقسمت لازم تنشرها تذكر انك اقسمت)
او تكتبلج فلان ولا فلانه احلمت بعائشه زوجة الرسول _ صلى الله عليه وسلم_ انها قالت لها
نشري الرساله..
بصحيح العباره... " تخلف كبير" قاعد يواجهنا..
صح كلامج والله وانا معاج 100%وصج هاي قمة التخلف والصراحه وايد ناس يطرشون هالسوالف على الايميل ومادري ليش جذي مشكله الكل يعاني منها

اولا : الاعمال بالنيات لو قسمي ماكان من اراده ذاته و نية صادقه ..مستحيل الله بيحاسبني عليه
ثانيا: شكو تاخذين اجر بكيفج اهو تقررين انج بتاخذين اجر..بعد قعدي وقسمي الاجر علينا ..الله لا يهينج
ثالثا: الرسول صلى الله عليه وسلم لا يأتي بالحلم الا اذا كان قد اتى فعلا..لأنه وجهه الكريم لا تصوره صور الشياطين والاحلام عادة الاشخاص فيها تجسدها الشياطين..يعني انشالله ما احلم بالرسول صلى الله عليه وسلم يقولي نشري الرساله..ليش انتي منو بالضبط ! خل احد كفو يحلم بوجهه الكريم..
صدقتي والله ولا الي تقولج الي ماتطرش الرساله وتنشرها بيصير لها شي شدعوه شدراها في الغيب
عموما اللي مو عاجبه كلامي لا ينتقد ولا يرد..واللي عاجبه خل يناقشني ..
لأن الصراحه وايد هالفئه تنرفز...تحسسج انج فاسقه والعياذ بالله..
حلو موضوعج وعجبني كلامج وحبيت اناقشج في بعض الاشياء وعبرت عن رايي بصراحه فياريت ماتزعلين وتتقبلين كلامي بصدر رحب

​

 

[رهــKSAــــف]

اول شيء مافي احد كامل غيره عزوجل
بس كل واحد ونيته
وصدق كلامك احيانا اشوف ردود مبالغه فيها
بس ماندري عن نيتها يمكن صدق ويمكن كذب

 

[ترانيم القصيم]

بسم الله الرحمن الرحيم

السلام عليكم و رحمة الله و بركاته , أهلين حبيبة قلبي ,, وشلونك , عساك طيبة ^_^

الله يحفظك و يا رب و يجزاك بالجنة ,, واضح من موضوعك إنّك تبين الخير و نيتك نية طيبة و نقية

حتّى و إن أخذك بعض الحماس و شووية من العصبيّة ,, الله يبارك فيك و يحفظك من كل سوء ,,

موضوعك فيه شيء من الصواب ,, و فيه شيء من الخطأ ,,

نبتدي بالصواب :

الصواب في الموضوع ,, إنّنا مثل ما ذكرتِ ما ندّعي المثالية و الكمال و نجلس ( نفلّم على الناس ) حتّى نظهر

بصورة حلوة قدّامهم و عشان نلاقي مديح و ثناء أو نغيظ الباقيـن ,, هذا الصواب في الموضوع

أما آللي خلاف كذا :

( كتمان كل شخص لمساوءهـ ) هذا ما يُعد إدعاء للمثاليّة أو اتصاف بالكمال ,, بالعكس هذا أمور محمود

و شرعًا حنــا مطالبين فيه ,, و حديث الرسول صلى الله عليه و سلم واضح :

( كل أمتي معافى إلا المجاهرين ) ,, يعني لنفرض إني وحدة سفور .. أو وحدة أكلم شباب ,, هل أروح

بكل رد و بكل موضوع أذكر هالنقطة ؟ أو ( هل أدوّن ملاحظة بتوقيعي ) أذكر فيها التالي :

يا بنات ترى أنـا أكلم شاب .. !!

عشان لا أحد يآخذ عني فكرة طيبة أو يحسبني إنسانة مثالية و أنا خلاف كذا !!

لا طبعًا مجرّد التفكير في هذا التصرّف يٌُعد ضرب من الجنون ,, يعني ستر الله عليّ أروح أفضح نفسي

و أجاهر بالمعصية عشان لا يآخذون الناس عني فكرة المثاليّة و حتى ينزلوني القدر آللي يناسبني

طيب الناس هذي وش هي حاجتهم في معرفة ( المعاصي و القبائح آللي تصدر مني ) ؟

يعني لو أنـا سمّاعة للأغاني ,, و أروح أعلّم الناس ,, بالله هالناس وش استفادت يوم إنّي علمتها بالموضوع ؟

هل إخباري لهم زادهم ثقافة ؟ هل زادهم رفعة ؟ هل زادهم علم ؟ هل كسبت أجر بهذا التصرف ؟ !!

لا طبعًا على العكس أنـا كسبت أثم !! المفروض أستر على نفسي و ما أعلّم الناس عن المعصية آللي أرتكبها إلا لحاجة

يعني مثلاً أحتاج نصيحة من أحد في الصلاة ,, لنفرض إنّي ما أصلّي ,, أنا محتاجة أحد ينصحني و يوجهني

فـ أضطر إني أتصل على شيخ و أشرح له حالتي و أذكر له إني ما أصلي عشان ينصحني ,,

مهوب شرط شيخ و إنما أي شخص أثق فيه ,, أما إني أعلّم الناس عن سواد وجهي فهذا فيه استخفاف بالمعصية

و استسهال لارتكابها و تشجيع الآخرين على الإقدام عليها ,,

يعني وحدة تكلم شاب ,, تلاقينها رازتن نفسها في كل موضوع و تسولف عن العلاقة الغرامية

آللي هي تقوم بها بلا أدب و لا حياء و لا خوف من رب العالمين !!

ممكن وحدة من البنات كانت ( تحدّثها نفسها ) بإقامة علاقة محرّمة ,, بس متردّدة !!

لكن لمّا تشوف البنات آللي يجاهرن بـ هالمعصية ,, تتشجّع !!

يتولّد في داخلها حب التجربة و شيء من الجرآءة

( يعني بس أنا آللي أكلمّ ؟ حتّى فلانة و علانة ) كلنا ندور بنفس الفلك !!

شفتِ وش نتيجة المجاهرة بالمساوء ؟ هذي نتيجته !! الإستخفاف بشأن ارتكاب المعصية و تشجيع الآخرين عليها ,,

هذا شي ,, الشي الثاني آللي ما أوافقك عليه , هي عبارتك :

( سنعي نفسك بعدين سنعي غيرك , أو سنعي بناتك بعدين سنعي بنات الناس ) ,

لااااا يا قلبي أبدًا ما أوافقك ,,

طيب ,, سؤال :

الإمام أحمد بن حنبل رحمه الله ( ألّف كتاب كامل بالزّهد ) , هل هذا يعني إنّوهـ لمّا ألف هذا الكتاب


كان يعتبر نفسه ( إمام في الزّهد ؟ ) لا والله حاشا و كلا لم يكن يدّعي الكمال

بل كان يرى نفسه من المقصّرين في الديـن ,,

لا نروح بعيد ,, نبي الله نوح عليه السلام ,, هو نبي صح ؟ ( لكن ابنه ؟ ) كان كافر !

هل قال ( أتوقّف عن الدعوة و ما أرشد الناس لدين الإسلام ) عشان ولدي كافر , لازم أبتدي بولدي بعدين الناس ؟

لاااااا ,, و إنما دعا الناس و أمرهم بعبادة الله وحدهـ لا شريك له .. نفس الشي ( نبي الله لوط عليه السلام )

امرأته كانت من الغابريـن ,, مع هذا حمل هم الدعوة ,, حمل همّ رسالة الدين .. رسالة العقيدة ,,

سبحان الله , يمكن الأم ملتزمة ,, و بنتها عكسها , فتلاقين الأم في جهاد مستمر مع بنتها ,, لكن البنت لا تستجيب

فالهداية من الله سبحانه و تعالى .. ممكن النصيحة آللي تقولها ما تأثّر في نفس بنتها , لكنها تأثّر في غيرها !

ما فيه إنسان ما يخطي ,, ^_^

فما لنـا أي حق في انتقاد الأم أو البنت و نجي نقول لهم سنعوا أنفسكم بعدين سنعوا بنات الناس ,, صح يا عسل ^_^

بارك الله فيك ,,

احترامي و تقديري

ترانيم القصيم