بس الملائكه يدخلون ؟؟ نعم شتبون تخزون قلت الملائكه بس

[PuPa^^SWeeT]

ما اعتقد انه شي يزعل


لو الوحدة تعطييج نصييحة زيينة


في بنات يعرفون انه حياتهم غلط


بس لما احد يطلب النصحة منهم اتلاقين نصيحتها جبارة و مفيدة


انا ماقريت عن صاحبة المشكلة اللي اتقولها توبي



بس التوبة تجب على جميع الخطائين و لاتقولين مافي احد خطاء


كلنا لنا ذنوب محد كامل


مو ملائكة ترا


وبعديين شوفي قسم الحياة الزوجية فيه منهم اللي تعطي نصايح اتهدم بيوت


واللي تعطي نصايح تبنيها


يعني لاتحاتين الفاسدون موجودين هههههههههههههههه



بالنسبة للمشاكل الاجتماعية


هذا القسم قلييل مادشه الا اذا العنوان شدني


بس اغلب المشاكل اللي فيه

من سوالف فقدت عذريتي و كلمت و سوييت


هذي المشاكل اتعبني صراحة

 

[بدوردا الأموره]

السلام عليكم

انتي في بداية موضوعج قلتي ليش بعض الناس مسويه نفسها مثاليه وين البنت الغلط

يعني اذا ردينا على موضوع بنصيحه او اسلوب حلو قاعدين نلبس قناع المثاليه ؟؟؟

ان اجزم لج ان مافي شخص مثالي بالكون كله مهما بلغ من محاسن الاخلاق لازم في نقطه مظلمه في حياته يعني لازم تكون في صفه سيئه لأنه بشر في النهايه لا هو ملاك يمشي على الارض ولا نبي مرسل

فتأكدي ان مافي ولا وحده مثاليه في المنتدى بس في ناس يحاولون يحسنون اخلاقهم ويظهرون احسن ماعندهم مو أشين ماعندهم

الشي الثاني اذا في موضوع مطروح في المنتدى عن صفات سيئه موجوده فيني او تجارب خطأ اسويها بحياتي يعني تبين البنت الغلط تدافع عن الشي الغلط وهي عارفه انه غلط الرسول صلى الله عليه وسلم قال ( فلتقل خير أو لتصمت ) يعني البنت اللي تسوي اشياء غلط ليه تبينها تعترف باللي تسويه وتدافع عنه البنت اللي تسوي شي غلط وماتقول ولا تعلق على الموضوع وتدافع عن معناته انها تحس بتأنيب الضمير وفي مجال تتوب وهذي افضل من اللي تفاخر بالخطأ

ساعات بعض الردود ورب الكعبه تدخل الواحد بمود خايس..وبكـآبه..
وحده من البنات الله يحرسها ويحفظها ويعينها ويستر عليها اللهم آمين..امنزله موضوع
عنوان ( عذريتي ضاعت)..

وتكلمت بكل شفايفه بأنها تعرضت لحادثه واهيا صغيره..

دخلت وحده عليها بكل همجيه وسذاجه ( توبي لوجه الله يابنتي..) !

نعم خير ! انتي فهمي شهالموضوع بالاول بعدين تعالي تحجي
شغاله علينااا امطوعه وداعيه وحالتج حاله

يعني شنو فيها اذا قلت لها توبي الى الله كلنا نتوب الى الله

وممكن قالت لها توبي الى الله لأن في بعض البنات الله يهديهم اسلوبهم في الطرح خادش للحياء يعني ماعندها اسلوب تقول الاكو والماكو وتفاصيل مالها داعي وانا مره قريت موضوع لبنت قالت فيه أقسم بالله تفاصيل مالها داعي ابد يعني العضوات مو غبيات عفوا المعلومه وصلت ماله تسردين تفاصيل عشان تسوين اثاره في الموضوع

بالنسبه للداعيات مدري عنهم اذا بناتهم سفور وكلن ذنبه على جنبه

 

[brit.circus]

(( ما اقول الا لو رسولنا الكريم عايش الحين جاان دمعت عينه ))

اييييييي والله جان دمعته دم بعد

اخيييه

حياتي فديييييتج والله كلامج عالعين والراس

وانا اايدج باللي بكل اللي قلتيه

وحتى سالفه الحلف بالبرودكاست

مو بس انتي يبط جبدج وينرفزج

انا مرات اللي يطرشلي جذي عشان اطرشه حق غيري ماحب اردها بس لي طريقتي عشان انشرها

( لا اله الا الله ) احلف عشانهم وبكيفهم اخذ الحسنه ؟؟؟ ياكبرها عند الله

ادزها للكل بس امسح الحلف اللي حاطينه وادزلها كلام باسلوب راقي ومحترم ان ماتدز مره ثانيه حلف او لو حابه تمسح عالاقل الحلف

حلو الواحد يحط ذكر الله او ايات او سور او ادعيه

بس لما يبون الواحد يحلف

جنه استهزاء او جنج بالاساس استغفر الله كافره الله يبعدنا عنهم

فديتج حبيبتي ومحد له حق ينتقد كلامج

انا بصفج

واللي قاعده تقولينه نصيحه وتنبيه للكل

مالا داعي احد يزعل على اشياء ماتزعل بالاساس

شكلي طولت بالموضوع بس حبيت ابدي رايي

وو اشكرج من اعماق قلبي على كل كلمه كتبتيها ونصحتي فيها البنات

والله يحفظج ويحرسج من العين

يارب يكثر من امثالج صج انتي وحده من ذهب

بس ذهب نادر وجوده وكاد ينعدم

تسلمين حبيبتي ويعطيج الف عافيه

استمري في طرح كتاباتج

تحياتي

اختج Brit.circus

 

[عاشقه رويشد]

صاجه بس هم مو الكل والله يهديهم

 

[manoooram]

حبيبتي الغاليه
احنا بشر نزِل ونخطي غير منهزين عن الخطأ
وفي شريحه كبيرة من البنات بالمنتدى صريحين واضحين ونصوحين
سواء بمواضيعهم أو ردودهم
مو مهم عندي اذا كانت نصيحتها مطبقتها على روحها أو لأ
أو اذا كانت صادقه بموضوع أو تفلم
احنا مو داخلين بقلوبهم وعارفين شنو فيها من صدق أو كذب
وما أسيء الظن فيها
المهم جازتني بنصيحه طيبه ومردودها حلو علي ان شالله
طرحت موضوع وطلبت الحل والمشورة .. دوري كعضوة أرد عليها
باللي يرضي ربي ويمليه علي ضميري
وطولي بالج يا قلبي

 

[*caramel macchiato*]

عادي ماشوف فيها شي اذا نصحت بشي وهي تسوي عكسه
حتى لوكانت الناصحه تسوي عكس النصيحه
يعني النصيحه لوجه الله تعالى واهي ماتبي البنات يصيرون نفسها تبي لهم الخير
مثاا انا في بنات نصحتهم يداومون على قراءة سورة البقره بس انا ما اداوم على هالشي
لكن ابي هالشي لمصلحتهم وابي الخير لهم

وااااي هنووووووفه ...قلتي الي بقلبي ....صااااجه...انا لمن انصح انصح بالشي الصح....سواء اسويه او لأ....بحكم الدين ويلا العادات ويلا التقاليد .....مو معناته ان انا ملاك وانا ما اغلط ...بس اقول الحق ....احسن من الي استغفر الله اتخوره بالحجي .....

فإما ان تنطق خيراً او تصمت فهو خير لك....

 

[فجر_الكويت]

تسلميييييييييييين

 

[نجداويه نجد]

~


السلام عليكم ورحمة وبركاته


خفي علينا .. بشويش الله يخليك موضوع قراته ولي فيه وقفات انتي مجبوره تسمعني وش بقول زي مااجبرتينا نقرا موضوعك اللي فيه الغث والسمين ..!!

بخصوص ان كل وحده بالمنتدى امسويه روحها ملاك ..ابي
افهم وين البنت المو زينه !

يعني بمعنى ثاني..كلنا نتمنى عيالنا يطلعون الاوائل بالمدرسه..

لكن لنفترض كلهم طلعوا الأوااائل..منو بيطلع الاخير ؟؟!
بصغه اخرى.. ليش تمثلون المثاليه بكل شي..ولو ان الكمال لوجهه سبحانه وماكو
انسان
خالي من العيوب او معصوم من الخطأ..

لما اتصفح منتدى المشكلات الاجتماعيه اقول لا إله الا الله يعني لهدرجه الدنيا
بخير ؟

وكل اللي يحطون ردود اللسان يقطر عسل والنصايح من ذهب ..لو جذي

وهل تُريدين يااختي بأن تدخل اي عضوه وتقرا موضوع به مُشكله وترد بإسلوب مُقزز وإستفزازي ..!! لا احد يدعي الكمال ولكن لكل منا له جانب مُضئ مشرق يحب لأخيه مايحب لنفسه فالنصيحه واجبه علينا جميعا والكلام الذي يُكتب هو ترجمان للمُتحدث .. فالقلوب قشورها الكلام فالسئ سئ والطيب طيب ..!!

بنات صيروا واقعيين..لا تدعون شي انتوا ماتعيشونه..ولا تصيرين من اللي " يقولون
مالا يفعلون "..

يعني لو نصحت اخت بترك الغناء مثلا ً وانها سبب للغموم والهموم هل هذا يعني انني أقول مالا افعله طيب انا فعلا لا اسمع الغناء ..!!!

وحده من البنات الله يحرسها ويحفظها ويعينها ويستر عليها اللهم آمين..امنزله
موضوع
بعنوان ( عذريتي ضاعت)..
وتكلمت بكل شفايفه بأنها تعرضت لحادثه واهيا صغيره..
دخلت وحده عليها بكل همجيه وسذاجه ( توبي لوجه الله يابنتي..) !
نعم خير ! انتي فهمي شهالموضوع بالاول بعدين تعالي تحجي
شغاله علينااا امطوعه وداعيه وحالتج حاله

ووووو

طيب هذا اسلوبها كذا همجي ..!! هل يحق لك انك تظنين ان اللي يكتبون بإسلوب ديني كذا ..!! وفي كل جملة لك ترددين كلمه [ داعية وإلا مطوعة ] << وكانه أمر فاضح والا كبيره من الكبائر ..

تشوفينا داعيه وحالتها حاله والكل يحط لها شان .. واهي بس تختلي بروحها تروح
بعالمها الثاني
وتقط فيه قناع النقاهه والطهاره وتطلع على حقيقتها..

ماشاالله ذمتك وسيعه ليش انتي تدرين عنها وإلا انتي اللي تقولين مالا تفعلين ..!!!!

ما ابالغ لو اقولكم والله شاهد على كلامي ثلاثة ارباع اللي يقرقعون ويتفلسفون من
ورا المكرفون
بالندوات .. وتوووبي يا اختااااااااااااااه و النار يا اختااااااه و اتقي الله
يا اختاااه
وتحطلج صدى ..يهز جمجمة رااااسج .. بالنهايه بنتها سفور ( مع احترامي لكل البنات
السفور وانا وحده منهم).. ومنتهيه ..الله يستر على الجميع !
ليش ليش تيبين الحجي حق نفسج..بالاول ربي بنتج سنعي نفسج سنعي بيتج ..شوفي
اهلج..

الاقربون اولى بالمعروف..

سكري الباب على بيتج وسنعيه بعدين تعالي سنعي بنات الناس ولا ( باب النجار امخلع
) !

لا بالغتي وكلامك مردود عليك اتهامك لــ الداعيات الصالحات ووصفتيهن بما لسن هنا أهله وبهذا الأسلوب الأستفزازي .. أخشي ان تدور عليك الدائره .. عقلك المريض الذي أستغاضه حب الداعيات للخير ونصح أخواتهن في الله عملا بقوله عليه الصلاة والسلام [ الدين نصحية ] .. نحن أمة محمد أمرنا بالنصحيه يابنت ..!! أترك عنك هذا الأسلوب والقناع الذي ترتدين بدعوة ان الدعيات او المطوعات همجيات ويدعين انهن ملائكه.. ثم ترديدك بين الفنية الأخري [ يقولون مالايفعلون ] جملة ياحبذا لو انتي طبقتيها قبل لاتنتقدين غيرك ..

ما اقول الا لو رسولنا الكريم عايش الحين جاان دمعت عينه ..

" كنتم خير امة ..يأمرون بالمعروف وينهون عن المنكر"...وهذي ميزتنا احنا
المسلمين
نأمر بالمعروف..ننهي عن المنكر...لكن

عفوا انتي مستوعبه ايش تكتبين كلامك متناقض الناصحين المصلين ماعجبوك واتهمتهم بكلام فارغ
وبالأخير تقولين ناامر بالمعروف ,وووووو ..؟؟:eh_s(10):

عموما اللي مو عاجبه كلامي لا ينتقد ولا يرد..واللي عاجبه خل يناقشني ..
لأن الصراحه وايد هالفئه تنرفز...تحسسج انج فاسقه والعياذ بالله..

وبالاخير نقول

لا بننتقد وانتي بتقرين ايش كتبنا
وسلام ياللي تقولين مالاتفعلين :eh_s(15):

 

[الزورق222]

من العنوان اللى كاتبته حسبتج تقصيدن ملائكة الرحمة ( الاطباء والممرضات ) طلع الموضوع اخر ..
صادقة فيما قلتى مع انى قرأت جزء من الموضوه شكرا لكى سيدتى

 

[om-3azo-83z]

موضوعج عالجرح من فتره قاعده اقول نفس الكلام بس ماكو فايده اللي يشتغلون نصايح و هجوم. بس المهم انها ردت و تثبت وجودها و اللي تشتغل داعيه استغفر الله وصحي بس مو بالاكراه تخلي الواحد يننننفر يحسسوني انهم بينزلون بالقبر معاي و يتحاسبون بدالي خلاص نصحتي فجي لا تسوين هجوم تكرهين البنت بالدين كل واحد عقله براسه و يعرف خلاصه
يعطيج الف عافيه على الموضوع الاكثر من روعه و انشالله العموم يستوعب كلامها عدل

 

[ورده حمرآ]

بقولكم كلام يمكن غريب شوي
ترى هالاسلوب صار قديم ومايفيد البعض اعذروني واللي يهاجم يهاجم
ولاكن بعض البنات من كثر مايسمعون هالكلام صار ماياثر فيهم

صحيح التوبه مطلوبه ولاكن المطلوب تغيير الاسلوب
يعني كان ممكن تناقشونها في حالتها النفسيه وشلون ممكن تعالجها لان لابد هالموضوع اثر على نفسيتها وشخصيتها واول عامل هو الخوف ..

لان هي فالاساس مالها دخل شي خارج عن ارادتها الله رحيم بعباده الله يتقبل كل عبد مذنب كلموهم باسلوب لطيف
ترى اسلوب تووبي يا اختاااه والساعه اقتربت والاحداث بدت تطلع هاي اسلوب يخوف بيعيشهم في حاله نفسيه صراحه وخوف حتى وهم يتوبون ..
والوحده اللي تقول الله غاضب علييج واحين انتي مطروده من رحمته توبي توبه عاجله ياخي انتي اشدراج ان الله غاضب عليها الله سبحانه يعرف كل شي يعرف من الظالم ومن المظلوم ومن البريء وهو اعلم بالنوايا فلا احد يتدخل فشؤون مايعلمها
لازم المعامله والردود افضل من جي ماتكون تخويفيه
وانا انصح ان هالقسم يغلق لان المشاكل اللي تنذكر فيه صراحه وايد كئيبه

واللي بترد علي انتي اتهمتي الصالحات ومن هذا الكلام
اقولها كل البنات على عيني وعلى راسي وانا مالي دخل في نواياهم ولا اشكك فيها ولاكن انا ادعو ان يغيرون الاسلوب لان صار ماينفع مع اغلب البنات

والله يوفق الجميع

 

[Hi--class]

عاد جان زين اللي تنصح تنصح بأدب تلقينها مشتطه واهيا مسويهونفس البلوه
ماعلينا
يطيج العافيه حبوبه :eh_s(17):