بس اللي كرهت زوجها وقت الحمل تدخل

[بنت مطير وتطرح الطير]

قوة يا كروشات

عسا اموركم تمام


عندي سؤال للي مجربه من قبل


منو توحمت علي زوجها وكرهته وقت الحمل

هل هالشغله تروح والا تستمر بعد الولاده ??



انا اللوعه خفت معاي وصرت اكل الحمدلله بس ماحب زوجي يقرب

حتى يكلمني من بعيد من يقرب على طول ارجع اللي اكلته

كسر خاطري بس هو يقول عادي دام هالشي مؤقت

 

[glby7sas]

انا حاليا متوحمه باييد زوجي كله احس فيها ريحه اكل قام مسكين كله يمزل ايده مايحركها لوول وان شاءالله مايستمر وبعدين اختي كانت متنسيه بريلها وشقتها والحمدالله بس عدت الشهر الخامس ردت كل شي طبيعي

 

[sweet*dream]

عادي اختي مرحلة مؤقتة ما تحاتين

 

[بنت مطير وتطرح الطير]

ان شاءالله

مشكوراات

 

[خوووخه w]

انا اتوحم بزوجي ولا احب اقرب يمه بحمالي ابجري وهذا بس فتره ويروح الحين خااف عن قبل الحمدالله

 

[نبض السعاده]

الله يهوون عليج

 

[زين ودلال]

اييي عادي نفس تفكيري قبل خفت يتم هالشي لي بعد الولاده

بس الحمدلله فتره وراح

الله يسهل عليج

 

[Joury86]

انا بحملي بولدي جذي كنت حيل كارهه زوجي وكنت اجامله بس اهو حس،،،
طبعا كنت اشمه ريحة حمس يعني ريحة حمسة بصل وثوم،،،هههههههه

مسكين تعقد وكنت كلش ما احبه يقرب صوبي ولا حتى يبوسني،،،للشهر الخامس بدا يخف بس ماراح ولي بعد الولادة وانا كنت اكرهه لان شكله كان مرتبط عندي بحمسة الثوم والبصل بس بعدين راح الحمدلله وجبت ولدي نسسسسخه ابوه الله يحفظهم لي
وببنتي توحمت على حماتي وجبت نسختها،،طبعا وحامي بحماتي استمر لاخر شهر ،،،ما احب اتنسى بشخص لان ممكن يسبب حساسيه هالموضوع وطبعا بنتي جت نسخه حماتي تهبل على عمتها الله يحفظهم،،

وبث

 

[baa6aa]

انا جذي كنت كارهته حيل بس بجر ماكنت ادري ان نساتي فيه لين ابوي كلمنا عشان يهدي الوضع بينا و قال مبين ان متنسيه فيه هههه و احنا وعليه علينا ماندري

بس بالشهر الرابع الحمدلله راحت والحين سمن على عسل

 

[حرم راشد الماجد]

عادي حبيبتي كلها جم يوم وترتفع النساة ويرد كل شي طبيعي

 

[بنت مطير وتطرح الطير]

جوري

ههههههه

الظاهر اللي فبطني بيطلع نسخه ابوه


الله يرزقنا اطفال اصحاء


مشكورات بنات

 

[سميره مملوحه]

عااااااااااااااااااااااااااااادي

انا 3 ايام لاعت جبدي منه كنت انام عند خواته خخخخخخخخخ

بعدين رديت له

بحمالي الثاني همن مو وايد لاعت جبدي عادي ايام وارد له

مرت حماي شهرين لايعه جبدها منه اويييلييي

مساااكين يكسرون الخاطر الريايل

بس انتي تحملي لا تتذمرين وايد عشان لا يزهق ويدور الراحه برا البيت
اسفه على هالكلمه بس الاحتياط واجب

فتره وتعدي لا تحاتين

قولي لي فهميه عن وضعج

 

[امـ خــزامـى]

يااقلبي فتره وتعدددي


وصحيح كلام الاخت بيطلع يشبه ابووه

هههههه انا توحمت باختي يالله كل ماجيت لاهلي اسفل فيها وحاطه دوبي بسمارها
ليش انت سمرررا تفرركي
ترووشي

يمه شرايك نسوي لها حمام مغربي ،

ياحيااتي عقدتها يارب تسامحني كانت مراهقهزوحساسه بس الوحم مسيطر علي



وسبحان الله بنتي اول ماولدتها سوووودا خخخخخخخخخ
والحين سمارها عسل على قلبي كلها ملح وقبله

 

[آنثى طآغيه]

فترررره وتعددي

 

[الكريستال]

الله يعيينج حبيبتي
مابي اقولج شصار معاي مابي اتذكر وتقلب جبدي
بس باختصار انحشت من شقتي كنت مصدومة بعمري من كثر ما كرهته كنت اقول شلون خذيته على شنو شلون قعدت معاه قبل
اكرهه واكره ريحته وشكله وصوته وكل شي
بس عقب الولادة بفترة قصيرة رديت طبيعتي وقمت اقول بقلبي امبيه شلون كنت اقول عنه جذي
يعني لا تحاتين هذي الهرمونات تلعب فينا
الله يسهل عليج ويعدي نساتج على خير