باك
بعد الحنه
حسافه على بالي بيصير شعري بني مثل المصبوغ
بس الحمد لله النتيجه حلوه راضيه فيها
انا شعري كان لونه بااااهت رمادي وشكله ابد مافيه حيويه
وامس الفجر حطيت الحنه والحمد لله صار لونه غامج اكثر وتحت الليت يصير فيه لمعه بنيه
والحمد لله احس خفت القشره مادري اذا راحت ولالا بس بستمر ان شالله
الحين بقولج شنو سويت بالضبط
عندي حنه يمنيه
حطيت تقريبا خمس ملاعق كبار من الحنه
وحطيت فوقه ملعقتين ككاو بودره انا ماكان عندي الا دارك شوكلت
والمفروض احط كركم بس مالقيت حطيت الصبغه البرتقاليه مالت العيش حطيت براس الملعقه الصغيره شوي
وحطيت نص علبة روب وثلاث ملاعق نسكافيه وملعقه كبيره خل
وحطيت عليها ماي وعجنته لين صار شكله اوكيه
وعجنته عدددددل
وغلفته بالنايلون وخليته يتخمر لين الصبح بس المفروض 3 ساعات
وسويت قلاص ماي حار وحطيت فيه شاي لبتن وعصرت فيه ليمونه وخليته
ولما صار وقت احط الحنا
حطيت القلاص مع الحنه وخلطته وحطيته على راسي
من الساعه 7 لين 11 الصبح
وغسلته شعري صار ناشف ف اتوقع لو حطيت معاه شوي زيت زيوتون كان احسن
المره الجاي بحطه
<< مو ناويه تخلي شي بالمطبخ
هذي الطريقه قالتلي عنها مرت عمي
وماشالله شعر بناتها بني حلوو
بس انا صار بس لمعه بنيه يمكن لان شعري من النوع اللي ماينصبغ بسرعه
او يمكن اهم شعرهم بالاساس مو اسود الله اعلم
