بسييّر عليكم ياكويتيات وش بتضيفوني؟؟

[راكانه]

السلام عليكم
كيفكم بنات ان شالله طيبين

بداية اهنيكم بقرب حلول شهر رمضان المبارك ...أعاده الله علينا بكل خير..
وبالنسبه لعنوان موضوعي فأدري انكم ماتقصرون وهذا العشم فيكم والله بس تخدموني بعدة هالاستفسارات فقط
ولكم مني جزيل الشكر..

اولا ابي فتح خط الكويت على جوالي لاني عجزت القاه بالنت
ابي احجز فندق اليوم.......تهقون بحصل حجز؟؟

ثانيا بجيب معي بنتي (ثلاث سنوات) اول مره .. وش تنصحوني به من اماكن مناسبه للاطفال؟؟

ثالثا مجمع 360 وش الماركات اللي فيه للبدل والفساتين.... ماركات راقيه تصلح للعيد والا طخت زارا مانجو وانتي فايته؟؟؟


وآسفه للاطاله...



ملاحظه: تراي انتظر ردودكم على احر من الجمر خاصه لاول سؤال






​

 

[راكانه]

؟؟!!

كأنكم فشلتوني؟؟

 

[راكانه]

سبحان الله وبحمده

 

[ذوق]

هلا اختي
بالنسبة لفتح خط الكويت هو >>>00965
وبالنسبة حق بنوتج الحلوه في أماكن وايد مثل مجمع ديسكفري محلات بروي بالافنيوز وعندج المركز العلمي الاكواريوم
بالنسبة ل360 عندج ماركت الفيرو مارتيني وجوسي كوتير وبربري وكارتير وايد ماركات...
وبالتوفيق

 

[راكانه]

يعطيك العافيه اختي
وماقصرتي على المعلومات

 

[لوازم العائلة]

مثل ماقالت الاخت شلي تحبين تسالين عنه
امري

 

[راكانه]

مايامر عليك عدو عزيزتي لوازم اخجلتي تواضعي

بغيت اسأل كمان وين الاقي جلابيات( دراعات) البيت العاديه اللي تجي نص كم والجلابيات الناعمه للاستقبال . قالولي ان عندكم معارض وبازارات لو تفيديني وتعطيني نبذه عنهم ووين مكانهم اكون شاكره لك

انا حاليا ببيت خالتي وهي مره كبيره ومابي اكلف عليها توديني للاسواق

 

[جروح خالده]

اول شي حيااج بديرج الثاانيه
بكل المجمعاات تلاقين الليتبينه ونفس ماذكرو الخواات


نصيحه المعارض والحرايم دبل بالاسعار واللي عارضينهم بالمعرض تلاقينهم بالسوق وفرق السعر كبير

رفجتي شرت بدله من المعرض 80دينار والله لقتها كوبي بالبلوكات بـ 15 دنيار نفس الخامه والموديل


اذا حاب بدل ودارايع الكل يمدح البلوكاات حلوو ورخيص ونفس شغ المعارض اهناك

 

[tolay]

الجلابيات حق الاستقبال عندج <<< ( الحمرامول والعربيد بلازا ) <<< منطقه الفروانيه رخاص وحلوين

او مجمع الاوقاف بديره




العاب حق بنتج ( حولي بارك ) منطقه حولي

سوق شرق ( نهاية السالميه شارع البحر )

المارينا مول ( السالميه )

وايد اماكن

اكثر شي خلج بالسالميه لانه كلها بحر والاماكن يم بعض

وبالتوفيق

 

[راكانه]

اخواتي

ذوق
لوازم عائليه
جروح خالده
tolay

اشكر لكم مساعداتكم وجد استفدت من نصايحكم
فعلا العربيد رووووووعه شوي عليه
اول مره ادخله!!
ليلى جاليري لايعلى عليه وكمان المجمعات اللي جنبه..ذاك الشارع بالذات حبييييييته
المارينا حلو بس زحححححححححححمه خبركم عطله
حمرا مول ماعرفته او مادليته صراحة

البلوكات..؟؟؟ مافهمت هذا اسم محل والا مجمع...

على العموم انا بالكويت الحبيبه الى بكره المسا... يمديني اخذ لفه على كم من مول ...ان شاء الله

 

[*رحيق*]

حياج الله راكانه بالكويت
الله يسلمج البلوكات يعني سوق الاقمشة

 

[*رحيق*]

حياج الله راكانه بالكويت
الله يسلمج البلوكات يعني سوق الاقمشة

 

[Om_Ksha]

افنيوز مول حلو لبنتج اذا تبين لبس ماركات وجذي ,,