بسوي عمليه ليبوسكشن عند قطينه (شفط بطريقه حديثه) ومتخوفه ابي تجاربكم

[Ramos]

راموس حبيبتي ممكن تشرحين لي يعني شلون بالليزر
انا احس اذا ماشفط الدهن وشفتيه بعيونج مايييب نتيجه
سوالف ليزر تنفع الي مجرد سمنه بسيطه جدا
انا اردافي اكبر شيء فيني والا جسمي ضعيف

حبيبتي الجهاز اسمه جهاز شفط الدهون بالليزر طريقته يتكون انبوب شافط يدخلون بفتحه صغيره تحت الجلد ،، برأس الانبوب جهاز ليزر يذوب الدهون مباشره ويسهل عملية الشفط،،، بعكس الجهاز اللي راح تستخدمينه اللي يحتاجون قوة عاليه في الشفط واللي يخلي المريض يحس بالم قوي بعد العمليه وتورمات ماتروح الا بعد شهر او اكثر ومن مميزات الشفط بالليزر انه يشد الجلد بنفس الوقت عكس الشفط العادي واللي يسبب ترهلات دائمه وبعض الدكاتره مايشفط الكميه اللي يبيها المريض لانها راح تسبب ترهل كبير والنتيجه تكون غير مرضيه للمريض

تقدرين تشوفين العمليه على اليوتيوب كتبي liposction laser
حبيبتي نصيحه لوجه الله لاتتسرعين في اتخاذ القرار وترا الشفط بالليزر ببنج موضعي وتقدرين تمارسين حياتج اليوميه عادي يعني حتى اجازه مايحتاج تاخذين

 

[ii DareeN ii]

شفت اكثر من وحده مسوين هالعملية بالسمارت لايبو للاسف عملية مو ناجحة ماتسوا الالم الي فيها ومانصح بالدكتور وانتي براحتج استخيري

 

[محفوظيه زوغه]

روماس حبيبتي مادري شلون اشكرج
ماقصرتي حبيبتي والله يوفقج دنيا واخره

 

[om MaRyooM]

ومنكم نستفيد

 

[كويتية بروما]

سويها بالسيف المنطقه جنه ب 500 اهلي يعرفون وحده مسويتها هناك اليزر وشفط ووووووووايد تغيرت ويمدحون جسمها
عند قطينه ما انصحج المنطقه ب 700 ومحمد اليحيى وياه بنفس العياده المنطقه ب 500 تحسين نصاب سعره اووفر

 

[** رش رش **]

زين بنات علمونا عن اماكن ثقه بالكويت تسوي شفط الدهون بالليزر

 

[محفوظيه زوغه]

كويتيه بروما
يارب يشرح صدرج مثل ماونستيني
طلبتج امانه ساليلي عند اي دكتور بالسيف بالضبط مسويتها اللي تقولين تغير جسمها
ضروري والله لادعيلج بهالايام الفضيله
وابي معلومات عن العمليه واهم شيء الدكتور الي سواها وهل انتي اكيده انها بالليزر
بعد قلبي عطيتيني امل



وكل البنات الي مرو بالموضوع حياكم الرحمن ويارب نستفيد كلنا

 

[Ramos]

روماس حبيبتي مادري شلون اشكرج
ماقصرتي حبيبتي والله يوفقج دنيا واخره

العفو حبيبتي ،،،،،، وانشالله تحققين اللي في بالج

 

[بـخور الدواسـر]

لو قايله زنودج مسببه لج ازمه اقولج سيري على بركة الله وسوي العمليه لأن الزنود من اصعب الاماكن ماتخف ابد
لكن الارداف حرام عليج والله هي اسرع مكان يخف بالرياضه وكل المدربين اتفقوا على هالشي
دشي نادي اسبوعين وبتشوفين نتيجه سريعه بلا عمليه منتي متأكده منها وآلام وخسارة فلوس وانتي قادره تخففينهم بدون كل هذا
الله يحفظج ويستر عليج ويوفقج وتحققين كل الي في بالج

 

[كويتية بروما]

كويتيه بروما
يارب يشرح صدرج مثل ماونستيني
طلبتج امانه ساليلي عند اي دكتور بالسيف بالضبط مسويتها اللي تقولين تغير جسمها
ضروري والله لادعيلج بهالايام الفضيله
وابي معلومات عن العمليه واهم شيء الدكتور الي سواها وهل انتي اكيده انها بالليزر
بعد قلبي عطيتيني امل



وكل البنات الي مرو بالموضوع حياكم الرحمن ويارب نستفيد كلنا

انا اللي فهمته من مرت اخوي وحده من اهلها انها سوتها بالسيف وببنج موضعي وبدون خياط الجرح استخدمو عليه الليزر ماكو خياط واتعبت اول يومين الخامس قامت تتمشى بالافنيوز وماعرف التفاصيل دكاتره وجم
ووحده من رفيجاتي تدم بالليزر وماسوى لحماتها شي بس مادري وين مسويته بس انه مامنه فايده
انا لما دقيت ع العيادات قالو الليزر تبين نتيجته بعد 3 شهور
المهم روحي لدكتور ترا اهو يقرر لج اي عمليه تنفعج وان كنتي بتسمعين كلام بنات ترا ماراح تسوين شي
والله انا مو بالكويت ولا جان سالت لج عن التفاصيل
الله يوفقج ويستر عليج

 

[q8dvd2000]

انا من زماااان سامعه عن هالعمليه
ويتراوالي قنال الصايغ اول من استخدم هالتقنيه
بس في ناس تمدح وناس تذم
ومايندرى وين الصج

بس ترى اسعار العمليه غاليه
نفس سعر عمليه الشفط حسب ماسمعت

 

[q8dvd2000]

اختي سالي عند قتال الصايغ
متاكده من سنتين او ثلاث حطوا معاها لقاء بتلفزيون الكويت ,, وشفته بنفسي
وتكلمت عن شفط الدهون بالليزرر
انا اقووول دقي عللا عيادتها واستفسري
وعالاقل قنال الكل يقول انها حبوبه ومو نفسيه

 

[q8dvd2000]

اختي انا اللي اعرفه ان الدكتوره قنال الصايغ تسوي هالعمليه
بنفسي شفت لقائها بتلفزيون الكويت من سنتين ثلاث تقريبااا
وتكلمت عن شفط الدهون بالليزر او عن طريق الليبوووو

وقالت ان نتايجه بالضبط نفس نتايج عمليه شفط الدهون



انتي ليش ماتراجعين عند دكتوره قنال ؟؟؟
عالاقل يمدحونها يقولون حبوبه مو مثل هالدكتووور حده نفسيه ومحد يمدحه قطع

 

[محفوظيه زوغه]

مشكورين مشكورين كل من مر عالموضوع وكلامكم يسعدني حيل

اختي بخصوص قنال لا مستحيل اروح لها لانها اختصاص بشره مالها علاقه بهالامور ووحتى بالبشره مايعجبني شغلها ابدا
بس اشكرج علا تواجدك حبيبتي بموضوعي نورتيني

بنات ابي شوركم
الي حولي قاعد يقولون دشي نادي وبتروح هالارداف
انتو شرايكم انا مو زود مع الرياضه وماتوقع اضعف

ابي تصويتكم اسوي هالعمليه والا ادش نادي

 

[Ramos]

حبيبتي بعض الدهون تكون صلبه ومتكدسه من سنوات وصعب انها تزول بالرجيم او بالرياضه في الحاله هذي تكون عملية الشفط هي الحل الوحيد اما اذا انتي كسوله ومالج خلق وتبين بدون تعب ممكن تسوين العمليه ومستحيل ترجع المنطقه المشفوط منها نفس ما كانت او يزيد حجمها لكن راح تنتقل للبطن او الظهر او اي مكان في الجسم والدليل انها ماراح ترجع مره ثانيه ان عند البلوغ توقف عدد الخلايا الدهنيه عن الزياده لكن ممكن يتضاعف حجم الخليه من شخص لآخر يعني اذا الشخص ياكل بزياده يزيد حجم الخليه ولما يتم الشفط لنفرض ان المنطقه اللي بنشفط منها فيها 100 خليه وتم شفط 40 راح يبقى 60 وهالعدد ماراح يزيد
وبالتوفيق

 

[Ramos]

مشكورين مشكورين كل من مر عالموضوع وكلامكم يسعدني حيل

اختي بخصوص قنال لا مستحيل اروح لها لانها اختصاص بشره مالها علاقه بهالامور ووحتى بالبشره مايعجبني شغلها ابدا
بس اشكرج علا تواجدك حبيبتي بموضوعي نورتيني

بنات ابي شوركم
الي حولي قاعد يقولون دشي نادي وبتروح هالارداف
انتو شرايكم انا مو زود مع الرياضه وماتوقع اضعف

ابي تصويتكم اسوي هالعمليه والا ادش نادي

سوي بحث بقوقل عن عملية الشفط الدهون بالتفصيل وراح يطلع لج مواضيع وايد بس اهم شي كتبي بالتفصيل

 

[Ramos]

حبيبتي امتنى تطمنينا عليج شنو قررتي تسوين عمليه ولا نادي ونبي النتيجه

 

[كلمات عابره]

شوفي حبيبتي نصيحه من اخت لاختها لاتسوين عمليات ولاشي سوي رياضه
سمعيني عدل اشتركي بنادي فيه سباحه حلو ودشي سباحه وسوي تمارين اكوا واخذي النودلز اللي اهيا الطفاحيه حطيها بين ايدينج ونامي على سطح الماي وافتحي ريولج وسكريهم طريقة المقص سويهم لين ماتتعبين تدرجي بالبدايه عشرين وبعدين خمسين الين اميه وبعدين بالماي ماتحسين بثقلج مهما سويتي رياضه وينشد جسمج ويخف السلولايت وتنحت فخوذج والعبي غاري وامشي والله انج تضعفين وتصيرين تهبلين بس المهم الاستمراريه مو اسبوع وتوقفين لازم الاستمراريه كم شهر والله تصيرين روعه وغير ان نفسيتج تتعدل وتصير حلوه بعد الرياضه حتى وجههج ينور ويتعدل مزاجج
والله اشوف بنات بالنادي تغيروا تقولين ناحتين جسمهم ومنهم كبار وبناتهم معاهم يسوون رياضه وبناتهم بالثانوي ماتصدقين ان هذولا بناتهم ماشاء الله تبارك الله الجسم منحوت نحت بس هااه يتعبون على اعمارهم مستمرين بممارسة الرياضه ساعتين ثلاث تقريبا كل يوم فكري بدال ماتجلسين عالنت بالساعات دشي نادي منها تغيرين روتين حياتج وتحافظين على صحتج وتخلين فلوسج لج هذي نصيحتي لج والله يوفقج

 

[إليكترا]

السلام عليكم وعيدكم مبارك جميعا مقدما

حبيبتي (محفوظيه زوغه) أنا توني مسويه العملية عند الدكتور عادل قطينه، سمارت ليبوسكشن، بنص شهر 7 وقت اجازتي والحمد لله اموري طيبه ، اللهم لك الحمد والشكر
فعلا حسيت بالفرق وتغير شكل جسمي حيييييل وصارت ثقتي بنفسي أكبر
انا سويت منطقة البطن والخواصر والظهر والزنود ، وكل اللي انشفط حطيته بالدعامية الخلفيه وشوي على الأرداف من يمين وشمال عشان يعطيني شكل الساعة الرمليه لأني من قبل مافي عندى خصر ولا ردوف (مافي تضاريس) ، يعني سويت شفط ونفخ بنفس العمليه وبتخديم عام ، استمرت العملية تقريبا 3 ساعات، دخلت المستشفى الساعة 7 الصبح (مستشفى المواساة الجديد) وطلعت بعد العصر تقريبا 5ونص، انصحج ان يكون معاج أحد لا تسوقين السيارة بنفسج.

كلفتني اجرة الطبيب 1700 دينار والمستشفي 450 دينار ، العمليه تستاهل كل فلس
ولأن العملية ما صار لها 3 شهور للحين ما طلعت نتايجها 100% ، توني كنت عند الدكتور قبل اسبوع بموعد مراجعة وقال للحين الأماكن اللي صار لها شفط بيقل حجمها بس يبيلها تدليك لأنها للحين فيها تجمعات من الماي اللي ضخوه وقت العمليه.

العمليه مو بسيطة وراح تحسين بألم وانتفاخ وتورم وتكتل بجسمج غير ألوان قوس قزح شي أزرق على بنفسجي على أحمر خصوصا أول اسبوعين من العمليه بس بعدها بيبدأ يخف الألم تدريجيا وتروح التكتلات والتورم

اصعب شي لما اكون قاعده وبأقوم هني يكون الألم ... الحمد لله عديت هالمرحلة

عدد الغرز 10 .....
غرزتين بكل ايد وحدة عند الكوع ووحده تحت الابط بس على صوب

3 غرز متفرقات بجنبي اليمين وحده بالبطن فوق خط البكيني بشوي ، ووحده بالردف على الجنب والثانيه قريب منها بس على بعد تقريبا 7 سم .....
و3 غرز بجنبي اليسار

انا شفت لقاء مع د. عماد النجادة يسوي نفس الشي ليبوسكشن شفط دهون بالليزر واعاده حقنها بالجسم بس باستخدام الخلايا الجذعيه ، ما شفت اللقاء إلا بعد عمليتي بـ3 اسابيع ، حسافه لو كنت ادري كنت سويتها عند د.النجاده

اذا عندج أي استفسار انا تحت امرج

الله يوفقج وتتسهل امورج

 

[** رش رش **]

السلام عليكم وعيدكم مبارك جميعا مقدما

حبيبتي (محفوظيه زوغه) أنا توني مسويه العملية عند الدكتور عادل قطينه، سمارت ليبوسكشن، بنص شهر 7 وقت اجازتي والحمد لله اموري طيبه ، اللهم لك الحمد والشكر
فعلا حسيت بالفرق وتغير شكل جسمي حيييييل وصارت ثقتي بنفسي أكبر
انا سويت منطقة البطن والخواصر والظهر والزنود ، وكل اللي انشفط حطيته بالدعامية الخلفيه وشوي على الأرداف من يمين وشمال عشان يعطيني شكل الساعة الرمليه لأني من قبل مافي عندى خصر ولا ردوف (مافي تضاريس) ، يعني سويت شفط ونفخ بنفس العمليه وبتخديم عام ، استمرت العملية تقريبا 3 ساعات، دخلت المستشفى الساعة 7 الصبح (مستشفى المواساة الجديد) وطلعت بعد العصر تقريبا 5ونص، انصحج ان يكون معاج أحد لا تسوقين السيارة بنفسج.

كلفتني اجرة الطبيب 1700 دينار والمستشفي 450 دينار ، العمليه تستاهل كل فلس
ولأن العملية ما صار لها 3 شهور للحين ما طلعت نتايجها 100% ، توني كنت عند الدكتور قبل اسبوع بموعد مراجعة وقال للحين الأماكن اللي صار لها شفط بيقل حجمها بس يبيلها تدليك لأنها للحين فيها تجمعات من الماي اللي ضخوه وقت العمليه.

العمليه مو بسيطة وراح تحسين بألم وانتفاخ وتورم وتكتل بجسمج غير ألوان قوس قزح شي أزرق على بنفسجي على أحمر خصوصا أول اسبوعين من العمليه بس بعدها بيبدأ يخف الألم تدريجيا وتروح التكتلات والتورم

اصعب شي لما اكون قاعده وبأقوم هني يكون الألم ... الحمد لله عديت هالمرحلة

عدد الغرز 10 .....
غرزتين بكل ايد وحدة عند الكوع ووحده تحت الابط بس على صوب

3 غرز متفرقات بجنبي اليمين وحده بالبطن فوق خط البكيني بشوي ، ووحده بالردف على الجنب والثانيه قريب منها بس على بعد تقريبا 7 سم .....
و3 غرز بجنبي اليسار

انا شفت لقاء مع د. عماد النجادة يسوي نفس الشي ليبوسكشن شفط دهون بالليزر واعاده حقنها بالجسم بس باستخدام الخلايا الجذعيه ، ما شفت اللقاء إلا بعد عمليتي بـ3 اسابيع ، حسافه لو كنت ادري كنت سويتها عند د.النجاده

اذا عندج أي استفسار انا تحت امرج

الله يوفقج وتتسهل امورج

حمد الله على سلامتج اختي و ان شاء الله تتهنين بالنتيجه
بس بغيت اسالج عن كميه الدهون الي شفطها الدكتور منج ؟؟ و عقب العمليه بشكثر بديتي تشوفين نتيجه ؟؟؟