بسوي استقبال بدال العرس,يصير البس ابيض واسويه بمستوى عرس؟ بليز شوروا علي

[برنسيسة2007]

حبيبتي سوي وانتي معظمه
شنو ظروفكم حالة وفاة او احد اقربائكم مريض عاااااادي
سوي كل اللي بخاطرج بس لاتسوين طقطقه يعني من غير رقص
بس نصييييحه لبسي الابيض وقعدي علا كووووشه وبايدج مسكه
ولاااااا. علييييبج من النااااااس طاااااااااااااااااااف استانسي وونسي زوجج ترا والله يحبون هلموقف وماينسونه ابد

 

[برنسيسة2007]

واااي بنات مشكورين فديتكم شجعتووني,اهوا كل العلة عشان ريلي ما يبي يدش صالة الحريم واحنا عندنا لازم يدش فقلت اسويه استقبال بمستوى عرس مشكووريين

حبيبتي حطيه بغرفه بالصاله وحطي شاشه بالصاله يشوفونج الناس ويقعدون معاج رفيجاتج واهلج وحبايبج واذا بيدش المعرس يفضون الغرفه يدش زوجج واتصورين ياخذج وتروحون
واذا زوجج يرفض اخوانج او ابوج يدخلونج الصاله ويطلعونج لزوجج يكون عند الباب ياخذج وتطلعوون

 

[@ DLOO3TAH@]

أب ..

 

[kwait doll]

كل شي سوييه بس اذا بتلبسين منفوش لا يكون ابيض خليه كريمي او اوف وايت غامج

واذا لازم ابيض لا يصير منفوش خليه ضيج

وسوي تسريحه وصوري وكل شي

 

[7oor kuwait]

كويت دول بالضبط نفس فكرتي!
ومفكرة احط اكسسوار يكون من نفس خامة النفنوف بدال الطرحة

ومشكورين حبايبي كلكم

 

[ـــــParisـــــ]

ـــــــــــــــــــــــــــــــــــــــــــــــــــــــ

ــــــــــــــ انتي عروس ــــــــــــــــ
و ماعليج من كلام الناس
لاتخلين شي بخاطرج

شتفرق يعني حفله و الا عرس
أكو بنات يلبسون و يكشخون وحتى
صالة العرس مايدخلونها
أهو يوم بالعمر و مايتكررصدقيني

..


موفقا يآرب


ـــــــــــــــ
..

 

[Lourdez]

العرس

لازم ماتدخل العروس (( اقصد ماتتزوج يعني ماتروح ويا ريلها شلون بعد أفسرها مابقى غير اقول مات.......... ويا ريالها ))

وتسوي بطايق وتلبس ابيض ومسكة وطرحه ودخله عروس و كل شي عادي طبيعي

الاستقبال

ريسيبشن

(( المفروض مالي شغل بالناس شيسوون ))

أوبن بوفيه

بطايق يصير وينكتب فيها استقبال

وتكون العروس موجوده وتسلم على المعازيم ماكو كوشة نفس العرس

تلبس ملون ايا كان اللون بس فواتح

وعادي تكون داخله (( الشرح فوق لووووووووول ))

أو توها راده من السفر المهم انها راحت ويا ريلها

ومافي دي جي لا موسيقى هادية والناس تلبس تاييرات عادية وبسيطة تدخل تسلم تقعد نص ساعه بالكثييييييييييير ساعه وتروح البوفيه وتطلع

وبس اهل العروس والمعرس اللي حيييييل قراب عمات وخالات جذي يقعدون لي آخر الاستقبال

ان شاءالله قلت كل شي هذا اللي في بالي حاليا

وانتي وكيفج

إذا بخاطرج تلبسين ابيض سوي عرس ليش ماتسوين حتى لو الريال ماراح يسوي

ولا أنج تتحسفين

لا تخبين عمرج وايد بالعرس خلج عادية وتقليدية بس شي رزه

موفقه يارب والله يسعدج

شلون المعازيم يسلمون و نص ساعه و يطلعوون شي غريب ؟
احنا ساعات ننعزم على استقبالات و محد يطلع كلهم يدشون و يطلعون نفس الوقت عيل اكشخ بالصالون 3 ساعات عشان اسلم نص ساعه :krkrkr:

 

[نيكون]

عادي أنا وحده من الناس استقبالي كان عرسً كوشه ويلوه ومسكه بس مره ما يتكرر سوي وستانسي

 

[mrs.abk]

لو ميزانيتج تسمح سوي عرس وارتاحي

 

[USA Girl]

اي حبيبتي يصير وايد ناس يسوون جذي ألحين
استقبال بفندق وزفة وكل شي بس ماكو معرس
والعروس بدل ماتكون على طول بالكوشة ترقص مع الناس

 

[miss_whitemocha]

سوي اللي بخاطرج و ما عليج من أحد واللي بيتحجى ما يشوف شر..
انا نفسج ما سويت عرس و ظليت متحسرة على عمري مالبست الأبيض ولا تهنيت..
قبل شهر بالضبط يعني حامل بالشهر الخامس بس بطني مو طالع سويت استقبال و لبست أبيض ناعم لأني أصلا ما أحب الخبة وطلبت مسكة ناعمة حيل و حطيتلي كوشة صغيرونة على قدي و دخلت دخلة عروس وقعدت شوي على الكوشة و بعدها قمت أحوس بين المعازيم و استانست مع أهلي و رفيجاتي و بردت جبدي،، و ماهمني أحد اللي بيتكلم خل يتكلم المهم تطلع من قلبي الحسرة.
وبعدين أغلب الناس الحين تقول استقبال وأهوا حاله حال العرس اللهم المعرس ما يدش و الحفلة تكون محفوفة.​

 

[M!Ss Smart]

من رايي سويلج عرس مصغرر
يعني تحجزين صاله حفلات الي تكون صغيره ومعازيمج محفوفين الي يعزون عليج وتلبسين ابيض بس خليه ناعم ومسكه وطرحه قصيره احلا وكرسي بدال الكوشه وتتدخلين علا زفتج واهو يكون ناطرج عند باب الصاله وروحي شقتكم وصوري علا راحتج معاه

 

[بيرلا ستور]

سوي عرس وفكي نفسج
وواذا لابد من البيت
سوي بس لا تخلين شي بنفسج
هذا يوم ما يتكرر
ربي يهنيج

 

[أم عبداللطيف]

الله يويفقج ويتمم عليج يارب

شوفي حبيبتي لاتحطين شي ببالج

اللحين طالعين وهابين هبه يسمونه استقبال عشان تفك عمرها مره وحدة تجيب الهدايا الناس وثاني شي المعرس مايدش. بس هذا الفرق اللي اشوفه

ولا لا تشوفينها اسمه استقبال تدش العروس علي زفه خاصه لها وماسكه مسكه وكوشه وتسطر بالكوشه والناس تصور معاها عقب شوي عقب التصوير واللويه عاد تقوم ترقص وتسلم على الحاضرين وتهيص معاهم وتصير ملكه الحفله وحللت عمرها واستانست بعرسها ومنها سوت حفله دي جي ورقص وتصوير واستقبلت الاوادم والهدايا معاهم جذي ظربتي عصفورين بحجر.

والله يسهل عليج
من اللحين حجزي للكل شي للديجي ولمصورة والصالون واستعدي هذي ليله بالعمر.

ونصيحه خلي ريلج يكشخ بالبشت وانتي عقب كشختج ولبست روحي صوري معاه قبل لاتنزلين للحاضرين عشان تكون ذكرى بينكم .

 

[Toulin RTN]

اي عادي حبيبتي يصير نفس عرس