بسرعه شرم الشيخ.... شرايكم ؟؟؟

[** باربي **]

بنااات ريلي قاعد بيحجز حق سفره

قاعد يقول خل نروح شرم الشيخ حلوة يقولون وكله رحلات واحنا مو رايحينا من قبل

مع انه كنا بنروح تايلند بس اوضاعها خطرة يقولون

قتله الامارات

قال شرم الشيخ مسوين عروض

تقول اختي لا تروحون اهناك كله مفاصيخ

انا اخاف انقهر اكون من بينهم لبسي عادي واهم بكيني :lkmnkl:

شرايكم انتوا جنه في وحده مرة كتبت سافرت لها مع ريليها وماتت قهر اهناك تفصخ ومصخره

اخاف اروح اتكدر

اهوا الحين قاعد يكلمهم شرايكم ؟؟؟

نروح لها ولا نروح دوله ثانيه واقتروحوا اي دوله حلوة تكون انا الحين قتله اسألهم عيل عن ماليزيا ؟؟

 

[صخر جلمود]

شرم حلووه

ليش تكدرين اذا أهم مفاصيخ أنتي عندج الفندق أخذي راحتج فيه

أهم شئ تستانسين وتغيرين جوو

واذا شئ ثاني

انا آحب آيطاليا



ورحله سعيييده

 

[نور النهار]

والله يمدحووووووووون شرم حييييييييييييييل

بس للأمانة مارحت لهاا

رووحي تركيا الحييييييين جوهاا عجييييييييب

والله راح تستانسين

 

[om reem 86]

كل مكان فيه مفاصيخ

 

[tmtmt]

والله انا يوم رحت ماليزيا
لما نركب سيارة الفندق عشان نروح الرسبشن يمر على كذا غرف ياخذنا ويودينا
كانوا كله مفاصيخ

اقول حق ريلي احس اني فخوره بنفسي
شلون كل شي يبين وانا الحمدالله لا ...

حسيت نفسي غيير وثمينه
اول مره احس بمعنى الحجاب واللبس المحتشم

ورحت جزيره ولبست مايوه اسلامي
واهما مفاصيخ وبكينيات
والله شكو فيهم قاعدين يشفون الشوتايم يت لى الطبيعه يعني

وتسبحت وغصت وكانت احلى ايام بالنسبه لي ولا لي شغل باحد

قلت قصة حياتي ملها عشان تقتنعين لووووووووووووووووول

روحي يبا استانسي وونسي ريلج ...

وايييييي منقالج دبي ا فيها مفاصيخ
المدينه المائيه هناك لما دشين تنسين انج بدبي تحسبين بدوله اوروبيه من غيييير مبالغه
كلها مفاصيخ ...

وبس يلا روحي عاد وبسكت

 

[jaaanooo]

شرم حلوووه

ريتج تتهنين بالسفر حبووبتي

وتروحون وترجعون بالسلامة

 

[Filakawyia]

على قولة البنات اللي يبي المفاصيخ يلقاهم بكل مكان

روحي وياه احسن من ما يروح مع ربعه

و تايلند و الامارات يعني مافيهم مفاصيخ ؟؟؟

اذا بتتعذرين فيهم منتي مسافرة . . . روحي عيشي حياتج

عليج بالعافية تتهنوووووون

 

[om MaRyooM]

اصلا تايلند وماليزيا وشرم الشيخ والامارات نفس الطقة : مفاصيخ x مفاصيخ

اختاري اللي قلبج مرتاحلها اكثر ..

بعدين تعالي ..شدعوا هني ماكو مفاصيخ !!!!!!!!!! روحي جزيرة كبر او حتى فندق النخيل ولا الكورنيش كلب اللي ع البحر وشوفي المصخرة على اصولها

 

[^noonaa^]

مثل ماقالو البنات المفاصيخ ابكل مكاااااان


يوم كنت ابوكت طبعا طول الوقت عييني على بو الشباب بس بعدين تعبت قلت كييفه خل نستانس واهو ما كان يطالع بس قطيييعه اشكالهم ارف

والشي اللي يضحك انهم قامو يطالعوني انا بمايوهي الاسلامي وخلو البكينيات لوووول شكلي عجيييب كان

 

[@سنووايت@]

حبوبه انتي شعليج من المفاصيخ اذا انتي واثقه من ريلج ونفسج مالج شغل فيهم روحي وستانسي عيل تبي الصج انا اللي اقول حق ريلي خل نروح بس ما صارت فرصه يعني المفاصيخ حتى بالكويت وين ما تروحين

 

[::كيك وعسل::]

المفاااصيخ حتى بالكويت...

 

[ليش كذي]

شرم الشيخ روووووعه احلي بلد سافرت لها روووحي وانتي مغمضه واذا عالمفاصيخ لا تروحين تطبين بالبحر روحي الرحلات اللي بالقارب الزجاجي وركبي البقيات والبراشوت وموزه البحر وقعدي بالقهاوي الشعبيه بالليل والله ان المفاصيخ اكثرهم عييايزومقرفطين وكروشهم شبر قدام بس موحاقرين عمرهم​

 

[بسمه الم]

حبوووبه شرم تهبل ووناااااسه مو طبيعيه ,,
والمفاااصيخ بكل مكاان يااقلبي ,,

 

[Un!QuE G!RL]

انا ما انصح اذا انتي فيج غيره على زوجج والريال معروف عنده غريزه لو شنو لازم يطالع حتى لو نظره بس هم تثبت في راسه الصوره اللي شافهااا

وهناك وين ما تمشين مفاصيخ حتى بالاصنصير بالممرات مالوت الغرف و و و ومو اي مفاصيخ بكينيات وبو خيط بعد
اعرف بنات راحو واستانسو لانهم اساسا فري فسوو نفس اللي هناك لا حجاب ولا شي ولا دين

وهذا رايي :/

 

[** باربي **]

بنااات انا رحتت شهر اول5 تايلند وكنت بسوي تقرير بس مالي خلق عيزانه لووول
والحمدالله استانسا وربي ولا اهتمييت لهم

حتى ريلي يقوول سبحان الله الرياال العربي ما تشيشه هالمفاصيخ شي عاادي بعيونا لانهم مفاصيخ ما يغرون كأنهم ارياييل معانا

غير العربيه المستورة الريال لو يطلع شي منها يلفته وترى صج اذا انا بنت ما اهتميت لهم ولا شدوني اجاسمهم عصاقيل وبكل الرحل معانا مفاصييخ ولا هزوو وشعره بالعكس احس انه ريلي حس بالفرق بين التربرب الي عندي وعصايقلهم لا صدر لا خلفيه قتله عشاان تعرف مستانس خخخخخ اذا اهم حريمهم بس يخززون بجسمي لاني مترووسه
ومشكورين كل الي رديتوا وحده وحده