بسرعه ردوا انا بغربه ويالله احصل تاكسي الحين

[توته سعوديه]

السلام عليكم ورحمة الله وبركاته
بنات انا بغربه وماعندي احد اساله وبكر
المهم انا حطيت الموضوع هنا لان قسم الحوامل يطولون مايردون
اليوم صار جماع وانا غالبا بعد الجماع مغص
بس هالمره طوووووووول المغص وانا حامل باول الثامن
بقول لكم الاعراض وانتوا علموي اذا هي طلق والا اروح المستشفى والا لا شسوي
مااقدر ادق على امي انا بديره وهي بديره وفيها ضغط وبتتخرع
الاعراض مغص باعلى البطن
والم اسفل الظهر
وامساك اعزكم الله
والمغص صاير زي النغزه تجي وبدين اقعد وقت بعدين نغزه ثانيه
ونزل مني افرازات لونها ابيض بس انا دايم فيني افرازات والتهابات فماادري هل هذي الافرازات اللي تتكلمون عنها
وكثير ادخل الحمام كل شوي
تكفون ردوا علي عشان اذا يستعدي اروح المستشفى لازم اطلع بدري لان يالله احصل تاكسي الوقت عندنا 11 ونص الليل
الله لايحط احد بهالموقف

 

[عيا زماني]

ياعمري الله يهون عليج وييسر امرج ولايحوجج لاحد من خلقه ..

ماعندي علم والله لكن حبيت ادعيلج الله يسهل عليج كل امورج وتولدين بالسلامه يارب ..

 

[omaseel]

لا تقلقي خير انا بتحصل معايا الالم ده اسفل البطن بس بيروح متقلقيش اهم شي ما نزل دم ولا ماي

 

[توته سعوديه]

بليززززززززززززززززززززززززززز
ردوا وربي ماعندي احد اساله

 

[Pissy Missy]

مادري حبيبتي الله يعينج

بس اذا زاد عليج العوار او نزل لا سمح الله دم او افرازات فيها لون لازم تروحين بأي طريقة

واذا عندج رقم دكتورتج دزيلها مسج او كلمي وحده من خواتج تكلم دكتورتج بالتلفون و تسألها

انا صار معاي مثلج وكنت في امريكا اخر الدنيا بس قبل ما اسافر كنت ماخذه رقم دكتورتي على الاحتياط وماخذه معاي حبوب تثبيت

ولما تعبت شوي خذت الحبوب والحمدالله كل شي راح

وبعد لما سألت دكتورتي قالت اخذي حبوب buscopan عن المقص عادي ما منهم ضرر ان شاء الله

بس حاولي الحين ما يصير بينكم جماع ونامي على ظهرج وارتاحي

 

[ام عفاف الكويت]

والله ماعرف اعراض الطبيعي
الله يهون عليج مادري ماعندج رقم طبيبه ؟

 

[ديار العز]

يا حياتي إن شاء الله ماكو إلا العافية ألم الولادة نفس ألم الدورة الشهرية بس أكثر شوي يعني ألم بأسفل البطن وأسفل الظهر يجي ويروح وماله شغل بأعلى البطن والافرازات يمكن تكون من الجماع لا تحاتين يا حبيبتي والله يسهل عليج وهذى العوار طبيعي بالثامن لا تحاتين وإذا خايفة من العوار روحي وتطمني على نفسك بالمستشفى والله يهون عليج

 

[توته سعوديه]

مااااااااعندي خوات
وماااااااااااااعندي الا صديقه وحده بهالديره ومسافره هالايام
ومااعرف رقم الدكتوره
وانا بكر
مالي الا انتم

 

[مملوحة_الوصايف]

رد : بسرعه ردوا انا بغربه ويالله احصل تاكسي الحين

ما اعرف بس انا اقوولج روحي بكل الحالات تطمني على نفسج احسن

 

[انا مو هني]

روحي
في ناس تولد بالساابع
عشان جذي لازم اتروحين
على الاقل تتطمنين

 

[الشامريه]

روحي الطبيب


بس على فكره ألم الولاده مستحيييييييل تتحملينه فهمتي علي يعني مايخليج الحين شابكه؟؟؟؟

 

[قـہۈه فـرنسيـہ™]

الله يكون بعونج ويهون عليج ان شاء الله

 

[ريتااجي]

رد : بسرعه ردوا انا بغربه ويالله احصل تاكسي الحين

الله يكون بعونج ويهون عليج

بس لازم تروحين المستشفى تتطمنين وطمنينا عليج

 

[روحي تحبه غصب]

ماتشوفين شر والله يهون عليج
بس تطمني مادام مانزل دم او ماي المشيمه يكون لونه اصفر ويصب نفس الحنفيه ماله داعي تروحين بهالوقت

واللي فيج يسمونه تباشير ولاده

ريحي على ظهرج وان زاد الالم والعوار روحي المستشفى وتطمني


الله يقومج بالسلامه

 

[chanel N22]

والله ماعندي علم بس الله يسهل امرج يالغاليه

 

[بصْمةُ ضِيَاءْ]

الله يسهل عليج..

 

[غمزه وإبتسامه]

الله يعينج وبيسهل عليج البنات بيفدونج ان شااء الله

 

[حورية الجنه]

روحي المستشفى تطمني على نفسج علشان ترتاحين بعد

والله يسهل عليج

 

[توته سعوديه]

الله يجزاكم خير
انا استمر معي الالم للفجر تقريبا 4 ساعات كان متواصل
وبعدها بدا يخف بالتدريج
بس الحين الم الظهر مازال معي
بس الحمدلله اهون من امس بكثير
الله يجزاكم خير على وقفتكم

 

[شووقة]

الله يهون عليج انشالله